اعترف يا منتدى الفكر الأساسي***الحقيقة قولها ولا تكون ناسي
عا صفحة منتدانا بس أطلع***بيزيد الشوق للسنين الدراسي

وتا نرجع للسياسي بحب أقنع ***عقول متيّسي بنار الحماسي
روقوا وعلمّونا ورد نزرع***ارحمونا الحرب كان كتير قاسي

السياسي في ألو مليون مطمع***السياسي جياب ورماني وكراسي
وكلما يطلق المحتل مدفع***سياسي يدفع وغيرو يساسي

السياسي كذب من موضع لموضع***السياسي دم والأرواح كاسي
وسياسي بيشفط وغيرو بيبلع***السياسي ما قري كتاب القداسي

وانا من بلاد غربي جيت اشلع***جناح غراب عيّشنا بتعاسي
وحقيقة بقولها تا الناس تسمع***السياسي الما غلط بيكون الله
وما في الله زعيم من السياسي