hany nassif
بو علي
عدد الرسائل: 339
العمر: 26
العمل/الترفيه: sound engineer
المزاج: مية بالمية
تاريخ التسجيل: 10/11/2008
 |  موضوع: بيتنا المهجور  الخميس يناير 14, 2010 3:08 pm | |
| يا بيتنا المهجور
يا بيتنا المهجور شو بتحمل خبار
من عصر بيي و عصر جدي الاختيار
النسيان تركك بالدني مهجور
عايش على الاهات و التذكار
يا بيتنا شو بعد باقي فيك
من صوت ستي او حدا جدي
ما ضل غير الدلف بيسليك
و هاك الدلو قدام لمهدّي
و حد الدرج شي كم حوض زهور
الغزال فيهم صار متدلى
و المبخرة اللي اشتاقت لبخور
يشق السما و يوصل عند الله
هيدا الوفا يا بيتنا و معليش
هيدا وفا الانسان و فعالو
تربا بحضنو و بعد طيب العيش
و اليوم هجروا و تاركوا لحالو |
|
سليمان
المدير العام
عدد الرسائل: 1810
تاريخ التسجيل: 13/03/2008
| | موضوع: رد: بيتنا المهجور الجمعة يناير 15, 2010 6:23 pm | |
| يا بيتنا قديشني مشتاق
اطلع عا سطحك انصب الخيمة
وتصير فيي ضيّقة الأخلاق
كلما مرق من فوقنا غيمة
حلووووو يا بو علي بس سن جلدك راجعلك |
|
حسن كوتراني
عضو برحليوني
عدد الرسائل: 331
العمر: 45
العمل/الترفيه: operaio
المزاج: operaio
تاريخ التسجيل: 17/01/2009
| | موضوع: رد: بيتنا المهجور الجمعة يناير 15, 2010 7:47 pm | |
| وتصير فيي ضيقة الأخلاق *** تعــَمْر قناطر عزْ بالأشواق
الدَلف من سطحك متل ترياق *** ما بعتبّك تا قيم ها القَيمة
القيمة بالعامية يا سليمان هيي خرزة البير اذا قادر تقيمها بتفوت على بيت بو علي حلو يا هاني عنجد حلو كتير |
|
hikmat chedid helou
مشرف
عدد الرسائل: 109
العمر: 43
العمل/الترفيه: Professor of Computer Engineering
المزاج: shu yi3ny?
تاريخ التسجيل: 14/03/2009
| | موضوع: رد: بيتنا المهجور السبت يناير 16, 2010 11:42 pm | |
|
يا بيتنا المهجور سامحني
جرَحتَك وقادِر إنت تجرحني
يا رَيت يحمِلني حلم هربان
وقدّام باب البَيت يشلَحني
يا بيتنا... يا مُلتقى الأحباب
يا جرن أمي ومسبحة بيي
زغير حْفَرت إسمي بهاك الباب
متل ما الباب انحَفَر فيي
حلووو كتير يا شباب............
|
|
الصفحة الرئيسية 
البوابة 
س .و .ج 
ابحـث 
اليومية 
التسجيل 
دخول 
