موعود فيكي (شروقيّي)

عايش بقلبي قلق.. ياضيف عنّي بعيد**** أعصر حنيني حلم.. وتدوب بضيوفي
و خلّي بحياتي رمق.. يحلم بعمر جديد***** تتضلّ روحي معك.. أحلام ملهوفي
و يلّي بحبك أنا.. عنّك ما ممكن حيد*****جايي ل عندي ركض.. اوليش مكسوفي
بشوفك يا طير الهنا ..عصفورتي بالايد***و بوبّو عيوني حفر.. اسمك على كفوفي
موعود فيكي انا.. و الوعد كاس نبيد****و بشرد بكاسي خمر..عا دروب مألوفي
و كل ما بنالي السكر.. ابراج للتخليد***بوعا بشوفا حلم.. ب قزاز منسوفي
واقف ع باب الأمل.. ناطر يهل العيد***و عارف ع طول الزمن.. رح يطول وقوفي
و منشان شوفك معي ..احلام ومواعيد***بيّن زماني امل.. هيهات ت يوفي
و حتّى بشعوري لكي.. ت تعرفي شو بريد***بشوفك عروس وحلم ... ب شعر موصوفي
و انده ب اسمك أنا ...تا يتعب الترديد***و اكتب قصايد غزل ..ت تهلك حروفي
و انطر ما بدّي حدا .. عليّي الهموم يزيد***برفض الشفقة انا ...او حالتي تشوفي