مغروم بالنجمات يا مسكين

ومهوار عمرك ما بيسمحلك

توقّى يا عمّو جهلت الستين

لا يصير ليلك بالهوى أحلك

ورح فهّمك وبحب أشرحلك

*****

لون السما ببلادنا زرقا

ولون الشمس معروف ليموني

ووجوه صفرا قلوب محترقة

وخطوط حمر وشوفها بجونة

وقلوبنا يا عم مشحوني

******

من هيك بعطي الحق للنجمات

ما تلّونت بقيت طبيعيي

وحتّى بوطنّا لوّنوا الأرزات

وصارت حياة الناس منسيّية

وياما مصاري انزت وتشاكات

تا يجمّعو أصوات يا خيي

عملوا مشاكل سكرّوا الطرقات

وبيهتفوا بأصوات حريّة

ويا عين الله شوف الخطابات

مسبات عا الشاشات يوميي

هيدا بيقلّو نزال عا الساحات

وهيدا بيقلّو قرّب عليي

وشوف الغرابة بيرفعوا الرايات

تا يعلّمونا نلتقي سويي

وهنّي بوطنّا عقارب وحيّيات

بيتجمّعوا عا طاولة ومازات

وبيضحكوا ولاد الحراميية


من هيك عم امطانيوس النجمة اشرف شي

ههههههههههههه