شوية خرطشة غزل

hany nassif

من بعد ما الله بحلا و ايمان
كوّن دني و الارض و الانسان
شاف الدني بحالة صمت و ركود
و بدو وطن من اروع الاوطان
جاب الحلا و عجنو بأوفى زنود
و تا يكون ممضي من سما الرحمان
جاب الارز تا يكون رمز خلود
وكلل جبينو باروع التيجان
عاد و رماهن عالدني و موعود
تا جنتين بهالدني يقشع
جنة عدن ... مع موطني لبنان

hany nassif

قصدنا الكنيسة بليل برداتو خفاف
الشوق و انا و سمرة حلي فيها القطاف
ووصلنا على الساحة و فينا الشوق طاف
وكنا عم ندردش حكايا عالشفاف
الا و اجا خوري مكلل بالهفاف
قلي يا هاني جماد و ابعد هالكتاف
قلتلو معليش لا تفهم غلط
عم علم السمرا عا سر الاعتراف

hany nassif

يا ريت فيي كون مرة بهالحياة
مراية انا تا ظهر عليها الصفات
و تا كل مرة بس حدي تقطعي
قلك جمالك زاد عن كل البنات

hany nassif

هيدي الجميلي اللي انا عم حبها
والله يا عالم صرت اعبد ربها
جاب الحلا من الارض كلو عالسريع
وراح بقالب من خيالو صبها

علي عامر

كل ما وعي شيطان صدرك يا حلا = وكحلة عيون القلب والشرده سرق

ثلج العمر بيذوب من وهج الحـلا = ومن كل مطرح بالجسم بنزف عرق

hany nassif

مغروم بحلوة زغيرة مغنجي
و مشتاق منها الوعد مرا ترتجي
ولك شحشطتني بوجعتي اربع سنين
وبعدو القلب ناطر جنب منو تجي

hany nassif

يا لابسي فسطان من لون الربيع
عندك جمال بيسحر الرب البديع
ولك كيف بدك بعد نكتبلك غزل
مازال من سحرك الهك عم يضيع

علي عامر

تسرّب ضمير الحلم يلغي اللي كفر

ومؤمن انا لكن جروحي خامره

مشتاق من عين الحلم إلغي السفر

وإزرع بليلك شوق طايش عامري

hany nassif

حلو يا علي حلو

علي عامر

يحلّي ايّامك

المكتوب ومقدّس بآيات السما

وعمرو ي حبّة هـ القلب الفين عام

انتي اللي حبّك غيم الله وارتمى

منّو الندي حتّى على صدرك ينام

hany nassif

مرة عذمني اخوت بليل الغوى
عا بار فيه شكال و خبار احتوى

قلت القلب من بعد ما بنارو انكوى
حلو بقا يرتاح من ظلم الهوى

و فجأة اجتني بنت للعلة دوا
و ضحكت عا جسمي و قال ... ورقة بالهوا

هوني انا تمردت و المزح انطوى
و قلتلها قومي معي ... العركة سوى

و من بعد ما بالليل خضت المعركي
صرخت يا رب الكون شو حاوي قوى !!!!

hany nassif

لم بستها شعلت نيران وقيدها
و دابت الحلوة من كتر تنهيدها
قلتلها يا بنت قولي شو جرا
قالت الي ما بقول غر ما تعيدها