راس السنه كلّ ما بيطلّ عام جديد
وأعمارنا عم تنقص وبتزيد
منخلق زغاروكلّما نكبر
مشوارنا ع الأرض عم يقصر
وتشرينبلّش يلبس الاصفر
وبعدنا منقول جايي العيد
وهالعمر صرخه والدني اوهام
والوعد فرحه والوفا أحلام
وسنين خلف سنين هرباني
بتاكل بشَر بتضل جوعاني
وكل عام بيدفش التاني
وإيّام عم تقصف عمر إيّام
وعم تسأليمع مين رح إضهر
ليلة العيدووين رح إسهر
بطمّنك مش ضاهر من البيت
سهران بين الآه وال يا ريت
وحديأنا وهالكاس عم نسكر
مسلوب ومسافر مع ظنوني
مطرح ما إنتي يمكن تكوني
وحتى الوسيله تبرّر الغايه
بعدنيعم إحلمك جايي
وإكذب ع حالي وأوعد عيوني
وحامل ع إيديتقل راسي
وهمِّك وهمّ الدني ناسي
وع الحيط ساعه تعِدّ انفاسي
تروح وتجي تلعب بإحساسي


تعبّي سكوت الليل دعسة خَيل
ولمّا هوي العقرب ع تاني ميل
كمشتها وضربت فيها الليل
وشربت كاسِك وكسرت كاسي


نبيل خوري--------------------