مسافة أنا ما بين هالأجيال
صرت عيبة ، كنت شوفة حال

عليـّي بتتعرف إذا بتسأل
مدقـّة الكـبـّة ، الجرن ، والشروال

وعيـت عالأهلا و عالتفـضـّل
عا بيت سقفو طين ربـّى عيـال

وعندي بعد ما شباط يترحـّل
هونيك عا مطلّ الكرم عرزال

إسـمي الـتّراث وجيت إتـوغـّل
بموقع " زجل " دمـّو متل دمـّي
يحـسّ فيّي ويشعر بهمـّي
وعنـّي ينفـّض غبرة الإهمال

التراث اللبناني




ما بدّها طنّة ولا رنّة
انخبـّيت إسمي وجيت متكنـّي
هاك الهويّة خفيتها وما بريد
خبـّر شو في عليها حكي عنـّي

شو بخاف فيها طلـّع من جديد
ولاقي سنيني هاربة منـّي
وما بين شيب الشـّعر والتجعيد
يسخر حبيبي من كبر سنـّي

ولا بريد إحملها بكف الإيد
تاشوف شيعي الأصل أو سنـّي
نسيان شو خلقان بالتـّحديد
وشو بخاف هالوسواس يسكنـّي
صارت صلاتي بموطني تمجيد
ومذبح صلاتي المنبر الفنـّي

شوفو شو عندي بالشعر تجديد
شوفو بهالموقع شو عم غنـّي
الشعر تنهيد ولهيب وقيد
ودمعات خدّ السطر بتحنـّي
وكلما بصدري بتسمعوا التنهيد
قولوا كبير انزاد مجد الشعر
وقولوا زغير انصار متدنـّي



للشاعر سليمان طراد
^^^^^^^^^^^^

كيف رح بتطالني وعليان
طاير متل نسر الفلا وسكران
لا تزايد عليي بتشبيحك
مازالك بكعب الودا علقان
بحمل جبل يا زيح وبزيحك
وبرسم زيحك لو كنت طمعان
نطور الغضب تا يعصف بريحك
وطير بسما فيها أنا ربيان
ورسوم عا غيم السما زيحك
ومن سوء حظك غيمنا بلبنان
عمرو قصير كتير يا سليمان

^


أهلا وسهلا فيك يا سليمان

عندك قصيدة كتير عجبتني

متل المحتني وما عدت خلقان

وعادت عا سطر جديد كتبتني

بيكبر تراث الموطني بلبنان

بشعار كرهت عولمة هالعصر

وعشقت أصالتنا وعشقتني

للشاعر الحبيب بسام العنداري
^^^^^^^^^^^^^^^^^

بسام شو هالشاعر الخلاق
وين اختفيت اظهار يا عملاق

تخمين عم تحلم ونومك طال ؟
ونيال هاللي بيحلم وما فاق

بتكتب على سطور الدّني الأجيال
متل البيكتب عا رمل حراق

وكيف الأثر بيضل للمرسال
وموج البحر بالعاصفة خفاق

ضلك حلام وعيش عاللأطلال
انصار الوعي حرقة ودمعة قهر
حق الفرح باللاوعي ينداق

التراث

يا نفس هالإنسان

تا تعيشي

لازم تموتي

صيري اشبهي هالموت
بسكوتي

هيك بتعيشي

عمر

قديش عمرو كبير
صمت الفكر

لما عليه بتهتدي
ريشة


قصيدة تباهي
^^^^^^^^

يا ,,,, عليك سعري عم بغلي

لأنـّي لقيت شعرك دون غلـّة

هيدا حقّ إسمي وحقّ حجمي

ما بدّي ياك تعتبرا مذلـّة

المتلك لو بيندهلي بإسمي

لا رح ردّ ولا رح إسمع شو قلـّي

ومتل ما النـّور عم يهزم العتمة

بهجمة خيوطها من الشمس شلـّة

أسامي كبار بحصدهن بهجمة

وعا مجدن مجد أشعاري بعلـّي

أنا ريح وما بهجم متل نسمة

وإذا بنسـّم عا مجدك رح يولـّي

الفضا سلـّة بإيدي وغير نجمة

وشمس وقمار ما بعبـّي السلـّة

القضى عمرو يجنـّي كنوز دسمة

بعكس أمتالك بيقبل لأنـّو

من أمتالك بيجني القلـّة


ترحيب بالشـاعر الملـقـّب : حــــرف
^^^^^^^^^^^^^^^^^^^^

يا أهلا فيك يا حرف المعاني
بكلماتك بجودك بالأغاني

صاروا حروفك يشلـّو علينا
كأنو الغيم عم يعمل عياني

حملنا رسالة الشعر بيدينا
و هويتنا خفينا ومش إهاني

سر الكون مجهول بعينينا
ونحنا هيك سر بهالمكانة

إذا سوية عهالموقع أتينا
مجهولين ، لا تفزع بتبقى
هوية شعرنا أكبر ضمانة


الشـّـعر جنــّة من حلم نوّار

فيها الشـّـاعر بسّ متهنـّي

وإنتو اقنعوا ، لا تكتبوا أشعار

الما بتعرفوا بالوزن والرنـّـة

لا تعربشوا بالنـّـار عالجنـّة



بعد قسوة الشباب عليـّي ، انقلّي كلام بيجرح من أحدهم

^^^^^^^^^^^^^^^^^^^^^^^^^^^^^^^^

العين السـّـاهرة بتعرف الجاني

الخلـّى الشـّعر يا طوني يعاني

وبـعنقــو جيت تا لـفّ المراسي

قبل ما يلفها بعنق المعاني

تركت اللـّوفكة لأهل السـّـياسة

وتركت التـّـعلبة لـنفس الجبانة

ولأنـّي ناقد وذوقي أساسي

ولأنـّـو الصـّدق للناقد ضمانة

ما برضى بالشـّـعر جهلان واسي

وشو همـّي انصار يعتبرا إهانة

ما في كان داعي للحماسة

تا تجرحني وتجرح عنفواني

يا كافر ما بتقدر بالقداسة

تعطي دروس لمـّا تكون زاني

إنت قاسي وأنا ما كنت قاسي

وإلي ان حبـّيت تتوجـّـه يا طوني

احترم حالك متل إستاذ داني

عربون شكر للسيدة غادة بعد ما وقفت معي عن حقّ طبعا

^^^^^^^^^^^^^^^^^^^^^^^^^^^^^^^^


شو همـّي بحقّ رأيي وإعتدالو

إذا عكسك يا غادة النـّـاس قالو

إجوا تا المنبر بجهلن يبيدو

وما بدّي يساهم سكوتي بزوالو

وتا يقشع كل شاعر شو رصيدو

مراية بوقف بنقدي قبالو

ولأنـّـو الوالد الغنـّـج وليدو

ربـّـى شبّ منزوع بدلالو

إذا من قسوتي ما بيستفيدو

بيّ المنبر بيخسـر عيالو

في شاعر كان يسحرنا بقصيدو

بحسـّـو برقـّـتو بروعة جمالو

ومتل ما طيلق دموعو .. وقيدو

هيك تعلـّـم يطيلق خيـالــو

ومتل ما بيحفر الكلمة بنهيدو

حفر بقلوب كلّ النـّـاس حالو

وأنا تربـّـيت يا غادة عا إيدو

إذا الشــّـاعر ما بيهزّ المشــاعر

ضروري نسمع الأخرس بدالو

أنـــــا
^^^

شعرك .. تـِـقـِـل كلمة .. بتـقـِـل همـّـك

لـكـن الـخـفـّـة بــقـيـــت بـدمـّــك

كلما بـْـتـوقــَـع دمع فوق السـّـطــر

شاعـر عا ذات السـّــطـر مـنـلـمـّـك

يا امطانيوس شعرك جـنيـنـة زهــر

انشالله ربـيـع تضلّ تا نـشـمـّــك

كترو خلف منـّـا ســنـيـن الـغـبــر

لا هـمـّـنـي ولا إنــت بـيــهـمـّــك

الله يـــزيـد بعمرك بهالـعــمــر

قدّيش عمرك قول حتـّى نشـوف

إنــت عــمـّـي أو أنــــا عمـّــك

\\\\\\\\\\\\\\\\\\\\\\\\\\\\\\\\\\\\\

عـممو امطانيوس
^^^^^^^^^^

عمري

أرز

مجهول

تكوينو

والريح

شمعة

بعيد ميلادي

وعمّمك انا

ها العمر خمسينو

بيلبس تياب

العيد

وللادي

عممك
امطانيوس

انا مواليد 1956
عممو تراث بعتقد اننو انتي ازغر منني

\\\\\\\\\\\\\\\\\\\\\\\\\\\\\\\\\\\\\\\\\\\

أنـــــا
^^^

سمحولي ما أعطي عمري المظبوط بس بين 1942
و 1947

بعدك شب يا امطانيوس العمر كلـّو وهيدي عا طريقتك

عمرك إذا بتشيل
من عمري

بطلع أنا عم هوشل
بهاك الزمان

وشلـّة ولاد
وينتلي فينا المكان

وحلوة
بريئة

جاهلة أمري

بدها الأمان
وجهلها شاف الأمان

غمري

وإنـّـا

ترتمي
بغمري

\\\\\\\\\\\\\\\\\\\\\\\\\\\\\\\

عـممو امطانيوس
^^^^^^^^^^

عمرك

وعمري

مخممرين

نبيد

والكاس

شففي

والخمر

تنهيد

وليلك

مكححل

عاطفة

وأحلام

وهممك

حقيقة

ضايعة

من الأيد

انتي

تراث بلادنا

واييام

مرقت

عا جيل

الأمس

بالتحديد

وتركة

ورد

أحمر

عا

صدر رخاااام

وتاريخ

مارق

عا الدني

مواعيد

العمر كلو عممو تراث

عممك امطانيوس