جاي تربي كبار اعقل يا صبي
مش انت بتربي فطاحل موهبي
وعيبي ع ابن الارض يلي بجلها
يصفي لسانو متل ذيل العقربي

والله عذرني خيي علي هيدي مشاكل السفر مش كل يوم في نت

بكلمة غشيم ان كنت ناوي اسمعك
ما بسمعك لاكن يا شاعر بصفعك
كفري جبركن للاله تهللو
و جاية بكفري عالمنابر ركعك

الك يا منبر الكلمة الوفية
تحية و بالفعل اجمل تحية
تحية من شخص قلبو ملوع
حمل اخو مع الدمعة السخية
و دخيلك يا علي تضبضب و اسمع
اسمع شعر خالي من الاذية
كفا بروض الزجل اشواك تزرع
و تجي تطالب باجمل مزهرية
ضيعانك يا علي هلقد تطلع
اسم مجبول لعنة و فوضاوية
و ضيعان الاسم بشاعر مكرتع
مازاد على الفكر كلمة بهية
انت يا شاعر الارض البتدمع
تا تفهم شو انا بين الرعية
اسمعني يا علي في كل مطلع
تا نعرف كيف نتفاهم سوية
انا بتشرين يا علوش بطمع
بمناهل فكر من ثورة غنية
>انا ثورة تحدي الظلم بخلع
ما عايش فيك عايش انت فية
انا بركع و لاكن عيب اخضع
ركوع الشب عاقدام الصبية
ركوعي اشرف اجمل و اروع
من دمعات عهر المجدلية
و تأمل يا علي في هيك موضع
تا تعرف ركعتي و تفهم يا خية
النهر راكع بوادي و عم بينبع
بلا ركوعو الدني عطشت خطية
و تا تكسر ظمأتك اركع و اشبع
من دمعات عم تروي البرية
و اهل الخير كلما الصبح لمع
بخمس ركعات بتحل القضية
و ما فيك لجنة الرجمان تجمع
سنابل خير يا علوش الا
ما تركع من عبكرا و من عشية