عطشوا المواقع يا بو أسامة

layla

دايما مبيضها بالشعر والمعاني والأفكار يا عمار
ولا اشك بشعر سليمان المعتق كالخمر الذي يجب أن يغفو دهر.

**سليمان**

نايم عا صدر القافية أحلم وقول***جيبوا من الشعّار عا الموقع فحول

زهر البيوعى بالشتي بين الحقول***بيعيش مدّة قصيّرة بعد السيّول

شوف الورد تا يفتّح بيبقا خجول***وسرّو بزّرو حافظو رغم الفضول

وفصل الربيع سآل بفصول السنة***عايش ملك متربّع بأربع فصول

عمار البراضعي

ان كنّك ملك خرج الرعية والجنـــود = بعين الوعـي خليك عم تحمي الحدود
الدخان لمــّا ينام بالجـــــو الحـــــقود = وعـّي الهوا والريح ســلّــــم للصعود
ونوم الربيع زهور ع جباه الصمـود = عكس الوعي بالأرز عنوان الخـلـــود
ولو فقـت كنت قريت عنتر شـو كتـب = ع الضيــــم مابتنام عينين الأســــــود

* * * * * * * *

**سليمان**

شوف الدهب معروف سرّو بالغفا***بينام نور وبس وهجو ما اختفى

وعي الثعالب مكرها عكّر صفا***عيشة هنيّي بين حنا ومصطفى

عنتر غفي أيام بالبيدا اختفى***تا صار زلمي وخاف أنو ينّفى

ووعي الهوا بالنار طفّى الصوبيا***ونوم الجمر بالموقدة فيّق دفا

عمار البراضعي

الوعي سجّل باسمي انتصـارو = وغفا سليمــــــان أرّخ انكسارو
غفي تازرزب بـ ّخل الخطــية = ونبيذ المغفـــرة فـــيّـق جرارو

ياجايي بالحلم تربح هديـــــــة = الغفا للشعر ماطـــــوّل عمارو
إوعى واعتلي بظهر المطــيـة = الوعي بيزيد للشـــاعر وقـارو

الغفا للدر بيجيب البـــــــليـــة = الوعي بالصـــقل بيلمّع عيارو
وانـا لوما الوعي زرعتو بديي = خصمي ذبحت كنت بعقردارو

الوعي بلبنان نلغي الطائفـــيـة = الغفا جاهل بيحـرق دار جارو
الوعي للمعرفة بالشاعريـــــة = بيهدي الشـارد بعـودةّ مسـارو

ولوما بحسب سليمــــان خيي = تركتو نايــــــــم مشـتت فكارو
لها الأسباب وعيتو بوصـــيـة = الغفا مشكل اذا الإخـوي تبارو

ومسيح الحق بالنفس التقيـــة = تأمل واقتدي بنهـجو ومسـارو
وحتى تشوف فرق الأفضلـية = النوم حــجار نيـّيم ع ضريحـو
لكن بالوعي انزاحو حجارو

* * * * * * * * * *