حملي كبير وكل ما كفّك طرق***باب التحدي بحس سيفك من ورق

مطبخ بو شربل جاهز ولافف ورق***عنب المواقع جيب يا فادي العرق هههههههههه

وهاني يا طوني حاجز الجيش اخترق ***طقيّت مدفع أرتجالي لم مرق

ولمّا شفت دخّان أسود من بعيد***قرّرت أرجع قلت يا خطي أحترق

هههههههههههههههههههههه

فادي فياض كتب


ما زالني سمعت بعزيمي عالغدا --- وطباخها لو ينده بلبي الندا
ورق العنب حبيتها من المبتدا --- وان جبت عرقاتي المتل قطر الندى
بخاف هاني يدق سكرة عالهدا --- وشوف عقلك إبرة البنج انهدا
وعا حاجزك هاني ان مرق ما يقشعك --- وان مر هاني إنت ما تقشع حدا
هههههههههههههه


بحر الزجل ومحيط الأبداع

والسبك الشعري بو شربل

جيب العرق لا تخاف جودك ينّكر***وعا ها الكرم مفروض أنك تنشكر

وينو يا فادي بو علي العامل دكر***من فرد ضرب قواس تاه وما انزكر

يا مفتكر بحر المعنّى بينعكر***وناسي مواجي معلّمتكون عا السكر

يا بو علي حوت المواقع ببلعوا***وزيز الحقالي بربّطو بخيط البكر

ههههههههههههههههههههههههههههه

شو شباب لاعبين بزيز الأخضر ومطيّرينو بالخيط هههههههه

فادي فياض كتب :

تنبه يا هاني كل ما فكري برق --- بتشوف شعر الليل بالبرقة انفرق
وما زال عقلك من دماغك منسرق---إسكب وإشرب قد ما بدك عرق
الشاعر إذا شعرو على عيونك مرق--- لازم جبينك عالوحي يكدو العرق
بس البيقرا شعرك بوقت الفراغ --- متل الكأنو عم يبصر بالورق


بو علي كتب

شعري يا فادي من اصولو حربجي
و ما في ولا واحد اجا و سالم نجي
و الكل لما للتحدي يرتجي
يركض لعندي و شوف هون التفرجي
بلعب ورق بشرب عرق بفتح جدال
و يلي معو اصين عالمنبر يجي