منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» طير الفنيق رامي نعيم وبحر الزجل
الإثنين ديسمبر 25, 2017 8:10 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 انقلاب بغروب الزجل ههههههههههههههههههههههههههه عا الفيسبوك

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: انقلاب بغروب الزجل ههههههههههههههههههههههههههه عا الفيسبوك   الإثنين أكتوبر 11, 2010 11:43 am

ألشاعر سليمان طراد اشتقنا يا شكري الزجل...يا شاعر الأبداع***يا روح شاعر وفي...المليان حنيّي
نسمع قصيدة غزل...منّك وبالإجماع***مطلوب ترجع تجي...عا بحورنا شويييييي
بتعرف يا شكري البحر...قلبو الدني بيساع***وبيحب قطف الدرر...من شعرك هدييي
شوفوا مصير الزجل...والموقع اللي انباع***وين الأدارة تجي...تا تدعي علييييييييييي
أوووف أووف
هيفا اعتكافا غلط...يلا طوني رجاع***وحكمت حبيب القلب...هربان من دييييييي
ووحدو اللي باقي حسن...بس البشر أطباع***قررت قيم الحكم...والموقع علييي
ههههههه
يلا تنقلب سوى...ونغيّر الأوضاع***وعا كل ردة طلب..مني خمسميي
شيلو الأدارة خلص...زيعوا على المزياع***بدنا ادارة زجل....حرّة وحقيقيي


بحر الزجل
ههههههههههههههههه
Charbel BuAbs ___ معك حق يا بحر الشباب مقصّرين

قلّي يَ سوسو النبي، يا زينة الشعّار __ يا حبّ أشقر غني، بكروم معسوله

شو باك همّك ربي، وعم تعزم الزوّار __ تا تكرّ عرش الزجل، الِخيوط منسوله

شكري يَ بحر الزجل، شافك من الكفّار __ من هيك ضبّ الوحي، بجرار مجهوله

وفادي بفتّش معو، وْعامل متل خمّار __ صفّا ع كتر الشرب، أفكـار مشـلوله

وأنطون سايح كـرج، طفران لا دولار __ مضطرّ يجني القرش ويزيد بالطوله

برشّح فداء المطر، ناجي ومعُن عمّار __ هيكي إدارة "زجل"، بتصير محموله


Fadi Fayad يا ولاد حاجي شقا لازملكن تهذيب --- فلتوا وضيعان التعب والعلم وكتابو
ما بلوم نوح النبي انو الحمامي يجيب --- تا تجيب راحة إلو ما جابها غرابو
لما يغيب الملك يومين عم بتسيب --- ساحة القصر بشقا الحراس بغيابو
تاري غياب السبع وعّا الحلم بالديب --- وصارت بغاب الشعر عم تسرح ديابو
انتو ادارة على شي طاولة طرنيب --- كل جوز منكن فتح دكان عا حسابو هههه
وهوني البدو يجي تا يحرق دواليب --- بدها جناب العصا تعلّم على جنابو

ههههههههههههه سليمان وشربل حرام تمضوا بقية شبابكن بالحبس بلا ثورات وانقلابات ما رح تعطي نتيجة ههههه




تركني بحبس الفكر..تا طلّع دواوين***ولا كون متلك انا...ظالم بتقديرو
بكرى بيفيق العدل...وبتحكوم قوانين***وانتو أدارة رشي...تأكد رح تطيروووو
هههههه
شربل بو عبس الوفي..صرلو تلات سنين***بيحفر بموقع صخر...قلبو وتفكيرو
ومني اجاه الدعم...تا يشعّل البانزين***والله يا فادي اهربوا...لو شفت ضافيرووووووو
هههههه
بعدك لوحدك غلط...موجود يا مسكين***وشعرك مريض وانا...عم هزهز سريرو
تركوك تاكل قتل...من بحر ما بيلين***ورافض الموقع حدا...يقرر بتسكيرووو
هههه
هيفا بربّك تعي...وجيبي معك سكيّن***حتّى لفادي سوى...نحلق على الزيرووو
هههه
باقي بموقع زجل...بيغازل الحلوين***وما بظن وحدو انا...رح يقدر يديروووووو

بحر الزجل

هذة الادارة تموت موتا سريريا ههههههههههههههه
يوم يومين سنة سنتين باقون باقون هههههههههههههههه
حتى تسقط هذة الادارة ههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الإثنين أكتوبر 11, 2010 11:45 am

Ghada Bfd الله يا فادي انا معك :وهوني البدو يجي تا يحرق دواليب --- بدها جناب العصا تعلّم على جنابو

نحن ضد الإنقلابات الا اذا كان في النا مصلحة من وراها
الإدارة باقية باقية باقية هههههههههههههههههههه


Fadi Fayad يلي بإبرة رحت تا تحفر دهاليز --- ومني عا صدرك دروب رماح محفورة
عزمتك عا قصر الشعر شفتك من طنابيز --- المش خرج قصر الشعر خرجك قصر نورا هههه
اركع يا بحر الهزل مع قمة الأنديز --- وغسّل جرين الجبل بمواج محرورة
وان كنت جايب معك تابوت للتجنيز --- بترحل مجنّز انت والناس مسرورة ههههه
من الغرب حاجي بقا تزيزق بصوت الزيز --- ما اعتاد شلح الأرز إلا عالنسورا
ريس عصابي انت جايبلنا سواريز --- من كاراكاس ومعو جوقات مأجورة
ان ضليت تعصي الحكم رح كلّفوا لشافيز --- يخليك كومة فحم لا صوت لا صورة
Ghada Bfd ههههههههههههههههه تكرم عينك
نزولا عند طلب المدير ولمصلحة الموقع العامة ولإعادته كما كان مسبقا يمنع منعا باتا كتابة الزجل السياسي المعارض لإدارة الموقع تحت طائلة المسؤولية

اللعدالة الساهرة ههههههه
(هيدا تحذير بسيط سوف نأخذ تدابير أشد قسوة في المرة القادمة





هههههههه بعد الإنقلاب الفاشل واستسلام أفراد العصابة وتسليم انفسهن للعدالة ، تحيل إدارة الموقع كل من السيدين : س ط و ش ب على المجلس التأديبي في الموقع برئاسة الآنسة غادة بو فخر الدين لاتخاذ الإجراءات اللازمة بحقهن .
ينشر في الجريدة الرسمية ويبلغ إلى الجهات المعنية
إدارة الموقع

Hassan Kawtharani بعرس الإداره الحلو أكلنا الحلو يا خال *** وأدمن علينا المرض إسهال وضروره
تاري الحل السهل معنا عمل إسهال *** وصفّيت راجع أنا لو شفت سنيـوره

فادي لعنا إجا وحامل ع كتفو شوال *** وبعباب بحر الزجل في كنوز مطمور
طَميع جمع تنك من أجل حب المال *** حتى عليه انكسر خمسين فاتوره

فادي يا إبني انتبه بمحضر العقـَّال *** ضلّك بشعر الغزل غمزه وتنـــــــــوره
لمـَّا بيغضب حسن بيفجر الزلــــــزال *** ويمكن يبلش قصف هاني من الكوره

إن ما بقيت قح ووفي ورح تشلح الشروال *** بعمل مجالس عزا وبقيم عاشـــــــورا
تا شوف غاده الدمع ع خدودها شلال *** وهيفا تنوّح معا وتندب على الصـــــوره

وصل الدعم يا سليميييين







Charbel BuAbs __ بتموني يا غاده، بس الحكّام لاء

غاده يَ شمعة أمـَل ضوّت علينا الدار __ شـو بْريد قلّـك حكي بيليق بــِمْقـامـك

بجمع زهور لْ إلِك من روض كلّو قْمار __ ويمكن عَ همّـي شـبـح أوصـال قدّامك

غاده وصداكي وفى بيشبشب الختيار __ لولا بــِإسمك سمع واستفقدو سْلامِك

لا تقوّصيني خَـلَـص رح توب رح إنهـار __ برضـخ بــِربّي لِـكـي بـسْ لا لـحكّامـك

ردّي سلاح الغدر وتوجّهي بالنـار __ صَـوب العـدوّ الغـبـي تـيـدوم إســلامـك

عقلي بيشـبه شَـعِب متل الطفل مندار __ بحقل السياسه سهي وْضاع بْطُرق شامِك

ميييهيييهيييهيييي







Ghada Bfd شكرا استاذ شربل
اعوذو بالله سلاحي مش سلاح غدر بشهر سشلاحي عالمعتدي بس اوللي بخل بالقانون عنّا في عدالي حقيقية



ألشاعر سليمان طراد

وينك يا حاكم بلد...لا تحرّف القانون***وتبعت علينا الدرك...يهجم بالهراوييي
نحنا تحدّي شعب...جايي الزجل تا يصون***وبحر القصيدة العتي...بالشعر حقّاويييي
هههههه
يا سارقين الزجل...نحنا في عنا عيون***وتاريخ يوسف كرم...مارد زغرتاويي
متلو بنرجع سوى...وبنشعّل الأتون***توقّى يا فادي انتهت...ايام الهراوي
هههههههههههههههههههههههههههه
انتوا بساح الوغى...أبطال من كرتون***وقبال سبع الفلا...شو بيعمول الواوييي
انتوا ادارة شغب...حطتّت علينا ديون***وهيفا اللي كشفت غلط...تا قامت دعاوييي
هههههههههههههههه
موقع غروب الزجل...عا قلوبنا بيمون***وبيوت شعرو خمر ...من كرم زحلاوي
لكن محيط الأدب...من أرض برحليون***جايي الأدارة خلص...تا يستلم ناوييييي
هههههههههههههههههههههههههههه
مهمايعلّو الدشم...بالدبش والباطون***ما عدت ارحم حدا ...رح رش كيماوييي
قدّمت ألنا الدعم ...مشكور يا حسّون***دعمك عا قلبي عسل...سكر مع حلاوييييي
هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الإثنين أكتوبر 11, 2010 11:49 am

سقطت مواقع غروب الزجل ونحنا على مشارف وزارة الدفاع وشربل بو عبس يطلب من جميع الوحدات التقدم بالتجاه المقر الرأيسي هههههههههههه
غادة تقع في الأسر وفادي يفاوض
حسن وحسن يضع شروط قاسية جدا
هههههههههههههههههههههه

توقيع
بحر الزجل ومدير الغروب المستقبلي
ههههههههههههههههههههههههههههههههههههه

هههههههههههههههههههههههه


Ghada Bfd باطل خبر عاطل هيدي إشاعات مين بالأسر؟ انا متل الزيبق هههههههه ما بنأسر أبدا
اذا بلشت سياستك بنشر الإشاعات والأباطيل ما رح تنجح نصيحة بتخسر شعبيتك وبينقلب المخطط ضدك انتبه
هيدا تنبيه لأنو نحن عادلين ومنتبع القانون بس إذا استمرت الإشاعات رح نضطر ناخد إجراءات قانونية صارمة نحن ما منتقوة بالخارج عنّا قوة داخلية مدعومة من الشعب
ههههههههههه




Fadi Fayad حلك يا غادة بقا تستظرفي سليمان --- عندو إذاعة على التلفيق محسوبي
لا بتوقعي بالأسر ..لا بفاوض الخرسان --- هيدي يا غادة دسايس ناس مرعوبي
حسون آكل حلو وطالع على الميزان --- إبرة ميزانو عا تقل الجسم معطوبي
لا تخاف بعدو الوفا بشروالنا منصان --- وجبّي عريقة بخيط الشمس مقطوبي
جايي تا تدعم ولد بالمدرسي كسلان --- مهمل دروسو وشقي وبالبيت خاروبي ههههههه
انكنّك عا ذات النهج متلو انت ربيان --- بتبقوا لبعد الظهر طلاب مزروبي ههه
فتحتوا علينا الحرب تا تسيّبوا الأوزان --- ونحنا فرضنا الأمن والسلم بصعوبي
بدكن يضل الزجل مستودع و دكان --- وكل شخص منكن يجي يحكم عا زاروبي
انتبهوا الماضي انتهى وتغير العدان --- ونحنا حكمنا الزجل بفكار موهوبي
بدي بو شربل كنت يبقى زكي وفهمان --- وما بريد تبقي يا برحليون منكوبي
صبي يا غادة معي كاس النصر حليان --- وقولي لكل الدني هالكاس مشروبي




Ghada Bfd اللللللللللللللللللللللللللللللللللللللهههههههههههههههههههههههههههههههههه روح يا بطل مين فدك ربحنا الحرب رغم أنف الأعداء
وهيدي كاسك مشروبي وكاس الشعب الأصيل
ههههههههههههه






Fidaa K Mattar مين اللي حامل عصا وموقف طوابير ----- وبيقول نحنا الشعب وبينكر الماضي
ماكل يللي ادعوا الإصلاح والتغيير ----- بعدن بعيدوا الحكي الفاضي على الفاضي
أكبر سياسي حكم بالغش والتزوير ----- وما بظن منا حدا عاهالوضع راضي
خلو الموقع لنا من دون راس كبير ----- ويبقى زجلنا الحكم والشعب والقاضي







ألشاعر سليمان طراد واقف عا باب الزجل...ناطر تا فادي يقول***سلّمت حالي ألك...ويسلّم سلاحو
ويمضي استقالة غصب...عنّو وانا مسؤول***بيرجع غروب الزجل...بيعيد أفراحو
هههههههه
غادة تركتا انا...تهرب لأنو أصول***طير الزغير الحلو...ما نقصقص جناحو
بحر القصيدة اجى ...ومحمّل الأسطول***وممنوع طلقة بقا...عا البيت و ارتاحوا
هههههه
كمشنا فداء المطر..جايي ومعو معمول***شربل بو عبسي انتخى...وعا رقبتو لاااحو
خخخخ
وقلّو يا ابني انتبه...فادي بقي معزول***وكل الكانو معو...من المنتدى راحوااا
هههههه
كل الأدارة اختفت...ما ضل في مسؤول***يبيّن بموقع خلص...دمّاتهن ساحوا
تسلم يا بحر الزجل...بغروب هيفا جول***وقصر الخلافي معك...موجود مفتاحو


هههههههههههههههههههههههههههههه

وتم السيطرة على موقع الغروب واستسلام فادي فياض
وترك فداء مطر لعدم وجود الأدلة الكافية
والآن يتم البحث عن غادة هههههههه
بجر الزجل





Charbel BuAbs ___
أهلا بفادي وفدا بي عركة الإصلاح __ شبّين نبر وْ سوا ما بتوصلو لْ باطي
ميهيهي
قصري عَ مدّ النظر سورو رمح دبّاح __ سبحان الله المجد بالهندسه عاطي

بجلد بسوطي جَلِد بعمل خصِم سفّاح __ ومن لون دمّ العدو رح عرّق بْلاطي

شو كان بدّو فدا يبقى هني ومرتاح __ بس حبّ ياكل قتل من غلّة سْياطي
ميهيهي
وهلّق وجعني القلب رح وفّر الأرماح __ وإعفي لأنّو فِـدا بيّن جـِنِـبْـلاطـي

ومن بعد سِفرة عشا رح سلّمو المفتاح __ في حال حشرو حدا يْسرّب على بْلاطي

مبروك السيطره عالموقع من حليفنا البحر بضغط هائل
وينك يا هيفا تنشلي الشباب من هالورطه!!!!!!!؟؟




Fadi Fayad مازال صار التنك يشمخ على الألماس --- وبو الحن عرّم على النسر ونفش ريشو
وشفنا الجويزي إجت عالأص ترفع راس --- وفلّت علينا الورق زمرة خرافيشو
ومن حيث طار الحيا من نفوس بعض الناس-- ونادى عا كف الجهل يفتح خراميشو
ما عاد عنا حكي عا قياسهن ينقاس --- الحشاش عيفوا ولا تجادل عا تحشيشو
المبكي المضحك إجوا تا يعملوا متراس --- يسيطر عا موقع زجل منو عم يعيشوا
واحد بيراشق بحص من أرض كاراكاس --- وواحد بروما اعتمر فيها طرابيشو
وتركوا العبسي بلا سلاح ورمل وكياس --- عاف القتال ورحل هربان عا كديشو
فادي وفداء الشعر للموهبي نبراس --- وغادة الموقع لها حن وربح فيشو
بهدي الفوز الحلو إلها وبرفع كاس --- كاس البيحبو الشعر... أهلو ودراويشو
ولولا بو شربل معي إشكى من الإفلاس--- منفتح لأجلو فرن مضمون بخشيشو
حسون نادي على بو عبس هالحساس --- وكل يوم دوقو على حسابي مناقيشو

ههههههههههههههه صحتين سلف من إيد بو شربل ملك الطبخ والنفخ

عا فكرا عميد الإخراج إلك ترقيي لرتبة لواء عا فكرة هالمسرحيي وإخراجا
وبو عبس من جندي أول لعريف هههه مبروك شباب بتستاهلوا الرتبة
وكل مسرحيي وانتو بخير







Ghada Bfd هههههههههههههههههههههه كتير حلويييييييييييين ومهضومين .........يعطيكن الف عافي شباب ومبروك عالترقية
Hace 3 horas




ألشاعر سليمان طراد

من بعد ساعة قصف..فادي بعت مرسال***وفاوض عا كرسة البحر...واستسلم بمينا
هههه
وقلّي الوزارة ألك..صارت يا بحر حلال***عا شرط حاجي بقا...بالموج تأذيناااااااااااا
هههههههههههه
جاوبت تكرم خلص...بالمنتدى ما زال***رجع الشروقي لمع...بغروبنا فينا
نحنا ما بدنا الحكم...بدنا الأستقلال***وتضل تضوي أمل...نغمة قوافييييناااااااااااا
هههههه
عملنا توافق شرف...صامد وحكيّ رجال***رفضنا التقاتل عبث...ترجع مأسينا
وغادة وزيرة عمل...والكوثراني المال****وشربل بو عبسي طلع...ما عاد يحكينااااااا
هههههه زعل متل بو جمرة ههههههههههههههههههههه
ومتلو فداء انجرح...موعود بالأشغال***وطنّب عا فادي وترك...الله ينجينا
متل الياس عطالله هههههههههههههههه
وهيفا اعتكفت خلص...وتغيّر المودال***وموقع غروب الزجل...ما بيقبل يهيناااااااااااااااااااااااااا


بما انو قسّمنا الوزارة وراضين بنقبل بفادي يضل رأيس الوزارة بس بدنا نشارك
ونحنا ما كان هدفنا التعطيل بدنا نشارك بس ههههههههههههههههه
شوفوا شو بدكن تعملو عا الشغل

هههههههههههههههههههه

بحر الزجل
ووزير الدفاع الوطني وأمن الزجل اللبناني






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الإثنين أكتوبر 11, 2010 11:53 am

http://www.facebook.com/topic.php?uid=2229476199&topic=17178#!/topic.php?uid=2229476199&topic=17178



لقد تم الأعتراف بالأتفاق الموقع بين بحر الزجل والشاعر فادي فياض من جميع المواقع عا الأنترنيت
موقع برحليون موقع الزجل اللبناني موقع نغم موقع مشتاوي موقع سمر موقع بربيتا

لذا يرجا التقيد بالتعليمات الصادرة عن هذة الوزارة تحت طائلة المسؤولية


بيان مجلس الوزراء يتلي عليكن وزيرة الأعلان
خنفوش بو حرفوش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 11:11 am

Hassan Kawtharani
يا قاصدين البحر لا تعاندو الموجات *** ما .قال بحر الزجل كلما فقش نَوّي
صنين هامو حنى تا يبوّس الرملات *** كلما مناره حسن عا الشط بيضوي

مهما الجَو انعكر وتلبدو الغيمات *** وما شفت منها مطر تا أرضنا يروي
بتمحل مواسم قصيد الشعر بالابيات *** بطقس القصيد النقي البري ما بيجوّي

مني نصيحة قبل ما تحركو القــــوات *** وترجع سنين الدبح والقتل والخوي
ان كنّا بحالة غضب منصير بحالات *** والقصف أرضي انعرف بس الغطا جَوّيِ

قومي يا هيفا سوى تا نشعل الفحمات *** ونادي عا طوني يجي عا الفحم تا يهوي
حتى ع عرش الزجل تتربع الستــــــــــات *** كل شي بقوي أنأخذ بيعود بالقوي

Hassan Kawtharani هذا وبعد تعثر المفاوضات بين الشاعر فياض والكوثراني تم أستدعاء أبو خليل للسيطره على الوضع
وهو بانتضار تفعيل حسابه بالغروب
يثرجى من الجمهور الكريم عدم الأخذ بعين الأعتبار
البيانات الصادره عن صوت لبنان الحر
بأمكانكم متابعة البيانات على صوت الشعب الزجلي
وقد اُعذرَ من أنذر
الأمضاء
جمعية المتضررين من الأنقسام


Naji Abou Assaf موقع غروب الز ّجل لمّا دخلتو بان
بسمه عتم الورد والقصد اسعادي
حسّيت عمري انكتب واتبخّر الحرمان
ورجعت نسمة فكر تا عيش ببلادي
شلّال شعري اعتبر نعمه من الرحمان
ما شح مرّه ولا اتباخل على عمادي
بيسبق طلوع الصّبح تا يغازل الوديان
ما حب يغدي الفجر من دون زوّادي
واليوم شايف حرب افكار بالميدان
والرّيح يعصف على نيران وقّادي
سليمان جوقه معو شربل معو حسّان
وفادي وفداء بجنب غاده لحن شادي
وتتصير جوقة زجل من موطني لبنان
مفروض ينزف وهج من عنصر زيادي
من هيك فكري نوي من دون استئذان
اقسم عيون الشّعر ما ضل عحيادي
وشوفك بردّه صرت مدير يا سليمان
وردّه بتحمي عرش مديرها فادي


ألشاعر سليمان طراد
لمّا علينا هدر...صوتك يا بو عسّاف***حسيّت عاش الأمل...ببحور أمواجي
وكسّر حنين اللقا...بالمنتدى المقداف***ودوّخ مراكب غنا...ناجي عم تناجييييي
عرفتك رصين وزكي...قلبك متل نفناف***وجرّبت تعمول حلف...ماقصدت أحراجي
ومن حيس شعرك حلا...ومنحوت يا شفّاف***زخرف حروف الدهب..بالمطلع العاجييي
وخلّي غروب الزجل...بالمكتبة ينشاف***وما تضل شردة فكر...للغيم محتاجييييي
وحياة الله انا...عا المنتدى عم خاف***وناطر ملوك الزجل...توقف على بلاااجي
معروف عنّي بحر ...بس اللي حدي ضعاف***وديكي يا ناجي حلف...ما يوفّر دجاجي
هههه
من هيك بدي تجي...انتي على الأشراف***وتاخد وزارة أمن...أرجوك يا ناجييييي
ههههههههههههههههههههههههههههه

بما انو بدنا وزراء معتدلين قررنا نجيب ناجي بو عساف وزير أمن الغروب
هههههههههههههههههههههههههههههه


بحر الزجل



Samer Khoury موقع زجلنا الحلو مبني على الأفلاك--وشبّاك عزّو صلى بواريد مدكوكي
ولولا بعينو حدا تطاول على الشّباك--بيحس عينو بجمر لرصاص مفروكي
لمّا عا أرضو وصلت كان الجهل ملاّك--أعلنت حربي على أفكار مدهوكي
وما هم مين الهجم هيدا الطّفل أو ذاك--ما تركت خلفي سوى أعناق مفكوكي
واليوم جايي على عركة غَزِل وعلاك--وخيطان من دون صور عا بعض ملكوكي
نفسي أشفلي ولو سطر بأصول أنحاك--يمّا قصيده على لأصول مسبوكي
والّي عا بالو معي يسافر ورا الأدراك--يخلّي خيوطو بجنح هالنّسر مشبوكي
من بعد رحله معي وجرعه من الأرباك--بعينو أمور الدّني بتصير مشكوكي
واليوم بحر الزّجل مليان بالأسماك--وأموال درّ وذهب بتدرّ لبنوكي
لكن ما زال انحمى الموقع بناس ركاك--موقع زجلنا صفي أموال متروكي



Haifa Andari Zaidan
فتّحت عيني بكسل بنهار كلّو غيوم
والارض تشحذ دفا من شمس برداني
والطقس متلي انا قلبو ملان هموم
ساعه بتبكي السما وساعات فرحاني
وخزّقت صفحة عتب ما في عتب بيدوم
واشتقت نرجع سوى نرندح بالغناني
وعا باب موقع زجل قلبي وقف مصدوم
ملوك المطابخ لها كم يوم فلتاني؟؟؟؟؟؟؟؟



ألشاعر سليمان طراد عندي شهيّة وفقت..عندي نشاط كتير***وافتحت صفحة وشفت...هيفاء قدّامي
تاري حنين الشعر...بلّش بروحي يطير****وحكيّت راسي قبل...ما تكتوب قلاميييييي
عندي مطاعم تعي...يا شاعرة تا ندير***مطابخ ملاني أكل...مشروب وقدامي
وعيفي غروب الزجل...حاجي شقا وتعتير***والشغل يوم الأحد...ما بحط إلزامييييي
ما بتشتغلي يوم ال|أحد متل الغروب هههههههههههههههههه عطلة رسمية
نحنا استلمنا الحكم...فادي بقي مدير***وانتي اعتكفتي خلص...روحي بقا نامي
عنا عزيمة عملي...سلاطة وصحن جرجير***وصوب الأدارة برمي..وجّك لا تنلاميييييي
هههههههههههههه
بطّلت أرحم حدا...البدو يصير يصير***حسيّت بعد التعب..حققت أحلامي
ممنوع رأي الوسط...ما بقبل التوزير***وبرفض بموقع زجل...عنك حدا يحاميييييي

بحر الزجل

بيان صادر من الادارة الجديدة نطلب عدم تقيّد يأوامر المديرة السابقة هيفا العنداري تحت طائلة المسؤولية
لأن وضعها بعد الأنقلاب غير قانوني يرجى تظبيط وضعا القانوني
انا عينتها مديرة مطابخ بحر الزجل
هههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 11:14 am

Haifa Andari Zaidan
ههههههههههههههههههه بااااااااااااااااااااطل

Fidaa K Mattar
لما لقينا الوضع فتني وشد حبال ---- وطير الفينيقي وعي عابلاد منكوبي
سليمان بالو انشغل لما المسا مرسال ---- قلو بموقع زجل في روس مطلوبي
التحقيق لما ابتدى .. شربل بو عبس انطال ---- وعالخوف قلي أنا رح قر بذنوبي
بيضل فادي الملك وبغير الأقوال ---- وعاكل كلمي غلط رح قول مسحوبي
ومع كوثراني إجا سليمان بالأغلال ---- مكبل وحكيو ابتدى الملعوب ملعوبي
عفيني .. سامحني أنا معتر في عندي عيال ---- الله بيستر على اللي بيستر عيوبي
ومن حيث ناجي اتصل واتدخلو العقال ---- وبالبيت بعدا عابعضا الناس محسوبي
وهيفا وفادي التقو والحال عال العال ---- وغربي بشرقي انوصل وشمال بجنوبي
عفينا بموقع زجل عن كل ياللي انقال ---- لكن يا ويلو البعد بيفبرك ضروبي

حلووووووووو فداء انت حامي الموق والمديره ههههه سليمان خسران
El martes · Denunciar
Bader Hijawy ندعم ونساند معالي دولة سماحة فضيلة سعادة قداسة الأستاذ الشاعر
المقدام المغوار الحكيم .................... الخ ........... بحر الزجل سليمان طراد
قدس الله سره........ وأيده بنصره....... وأنقص من محيط خصره ..................
سيرو ونحن من ورائكم ................... وأنها لثورة حتى النصر



التوقيع : أصحاب الطريقه النقدونجيه
عنهم : بدر .............. بيدق



ألشاعر سليمان طراد حلّك يا قاضي العدل...تحكم حسب دستور***لبنان..حاجي ظلم...وحبوس بيكفّي
ونفّز قرارك خدو...حاكم شهود الزور***وبيّن عدالة شعب...متهوم لا تصفّييييي
جبلي فداء المطر..هربان صرلو شهور***وشاهد أساسي شهد..عا شربل بخفّي
حبسوه ل بو عبس...بروميا المقهور***ويمكن سنينو البقت..بالحبس ببيصفّييييي
ههههههههههههههههه حرااااااااااااام انصفوه
أوووف أووووف
قالوا في شاهد ملك...رح يفضح المستور***ونحنا بأدارة زجل...شعّار مصطفّي
بناخد قرار الحكم...عنّا التوافق نور***حكومة وفاق وشرف...وبينقصا العفّي
ههههههههههههههههههههههههههه
حاول فداء ودخل...يزرع فتن وشرور***وأول دخولو انصفع...عا الوج من كفّي
ههه سلامة قلبك ههههههههههههه
ولو كان شاهد ملك...ما بيقطع المعبور***بدي العدالة معي ...ورح توقف
بصفّييييي
ههههههههههههههههههههههه





وقد تم الألقاء على شاهد الزور الملك
وننتظر احالة القضية على المجلس العدلي
هههههههههههههههههههههههههههه

بحر االزجل
ههههههههههههههه
والا بدنا نقاطع الجلسات
هههههههههههههههههه


Ghada Bfd مشاغاباتتتتتتتتتتتتتتتتتتتتتتت شو صاير ما عم لحق أقا لرد .............. ما ع أساس صار في مفاوضات كل عمركن بتخربو ههههههههههه وين اللي بدن إستقلال وما بدن الحكم ؟؟؟؟ شفت يا استاذ سليمان كيف اللي بيلعب بالكلام بيوقع دغري بالفخ اللي نصبو لشركاءو بالوطن عم تنجر ورا حلفائك بالنهاية ما رح تربح شي سماع مني وقعود على طاولة الحوار بس بدون تلاعب بالكلام لنفهم عليك ههههههههههههههههههه
Hace 21 horas · Denunciar
ألشاعر سليمان طراد انتي وزيرة عمل...لا تدعّي الأصلاح***كنت بوزارة أمن...معروف موعودي
فادي تفاوض معي...وجيشي اليرزة اجتاح***ونحنا اتفقنا سوى ...ما نحمول فروديييييي
هههههههههههههههههههههههههههههههههه
بيدق تا يهدى دخل...ها الوضع للأصلاح***وشامر حبيب القلب...جايي ببارودي
ههه
وفادي رأيس اختفى...مدري عا سدني راح***مدري عا أيا بلد...جنسيّتو سعوديييييييي
هههههههههههههههههههههههههههههههههههههه
والله ما بيصير هيك يا زلمي بتروح بلا أذن مجلس الوزراء
هههههههههههههههههههههههههه
وانتي يا هيفا خلص...عيشي بهنا وأفراح***وعا غروب شعر الزجل...لا تطّولي عودي
نحنا ملوك الشعر...وبإيدنا المفتاح***وكنوز فن الأدب...عا النت موجوديييييي
ههههههههههههههههههههههههههههههههه
ممنوع عنا بقا...نرفع عا بعض سلاح***ويضل ما في أمن...عن وزّر بجودة
ههههه
ومش بس عامل بحر...عامل متل جرّاح***بيوتي قوافي بكر...بالمنتدى فهودي

هههههههههههههههههههه

بحر الزجل يطلب من الآنسة غادة ألتزام القرارات الصادرة عن مجلس الوزراء
هههههههههههههههههههههه
بحر الزجل


Ghada Bfd ههههههههههههه أنا لا التزم بقرارات عبثية ليست تابعة لجهات مسؤولة ..... وبعدين ما بترضيني وزارة الأشعال إذا بطعتيني المال أو الدفاع ممكن إقبل ههههههههههههههههه
بفكر بالموضوع



Fidaa K Mattar واقف عابيت الوحي وناطر على المعبور ---- مجرم بحق الشعر عم شوفك مصفي
غلطان يمكن كنت عنجد شاهد زور ---- (سليمان) لما قلت شاعر رح يصفي
شاهد الزور الملك .. مضبوط شرقط نور ---- وضوي الحقيقة وبلا ما تضلك مطفي
ويا عبد لولا صرت تحكم متل كافور ---- بالشعر مدحي هجا وبتضلها توفي
بحضرة ملوك الشعر ... إنتي عبد مأمور ---- وما رح يفيد الندم ... لا تعض عالشفي
كاس سكبتو إلك يا إبن سبع شهور ---- كاس المرارة وجبرتك كاستي تقفي
مني نصيحة اذا عليي نويت تثور ---- تهدى بشلع الأرز ... بيعد عن الحفي
استنسخ عاشكلك ألف ... وقفهن بطابور ---- وبيجوز تقدر معي للآخر تكفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 11:16 am

Ghada Bfd
هيدي الإشاعات بلشت تزهر ......................استسلم يا استاذ سليمان قبل ما يقلبو الكل ضدك ههههههههههههههههههه
Hace 20 horas · Denunciar


Hassan Kawtharani يا بلاد فيكي الحلا ولارز ما بيليق ** ما ال فيكيالحكوم لناس محكومه ** وما زال صار الحكم للضالم الزنديق ** وشايف الغلة بل اتقسيم مقسومي ** متل اليا إبني إجا ع شهادة الصدِّيق ** وجايي تحاكم حسن بشهههود مزعومي ** الضاهر يا فادي صرت مع لجنة التحقيق ** بعوكر!!مزاج الملس لبلمار عم تومي ** واللي بعرس النصر بينام ما بيفيق **
بساحات أهل الفدا لا يطلق سهومي ** وما زال بين المزح والجَدْ والتقريق ** سليمان صاير شقي إخراج وفلومي ** وبها الوزاره القلت يمكن نحب رفيق ** لمــَّا يوحنا التقي بيحب سالومي

Hassan Kawtharani يرجى من المجندين عدم خوض غمار الحرب الشروقي
عمدا من وزن حكمت وطوني وفادي وطلوع
القيادة المشتركة قيمت الوضع نحن نلتزم بآوامر جنرالنا العتيد سليمان طراد
نرجو تتبع البيانات على صوت الشعب
عشتم وعاش غروب الزجل حرا عربيا
جنننننننننننننننننننننرال



محمد خطيب اوووف.. هاي حرب طاحنة... خليني بعيد احسن ما تطولني شي رصاصة طايشة
Hace 18 horas · Denunciar
Fadi Fayad مازال كل القوى متمترسي بهالدار --- وكل مين رافع سقف جملة مطاليبو
بدعي بإسم الشعر كل حزب كل تيار --- تقرير يكتب لنا وعالموقع يجيبو
من بعد قصف ونسف وقنابل وثوار --- حتى وطنا الأسى نحرص عا تجنيبو
بدعي بإسم الشعب عا طاولة حوار --- وبكبر حجم الكتل كل مين ترتيبو
وكرمال ننتج عمل ما نميّع المشوار --- كل قطب وحدو يجي ويترك محاسيبو
والما بيلبي الندا معنا بعد إنذار --- بتسعي يا غادة من الجدول عا تشطيبو
وبخصوص حكم العدل أو محكمة بلمار --- كرمال ننصف حمل مجروح من ديبو
الصديق أو بو عدس هودي شهود العار --- جابن عدو الوطن مرّق ألاعيبو
لا توقعوا بالفتن يا رفاق ضلوا كبار --- المفروض صوت العقل نسعى عا تغليبو
وبخصوص كرسي الحكم بالموقع المختار --- الموقع الخلا الشمس شعراتها يشيبو
نحنا عملنا حلف مع نخبة الشعار --- كل مين بيهوى الشعر نسعى لتدريبو
تا ما يضل الزجل محكوم من تجار--- باقيلهن كم سني وعنا رح يغيبو

بعد الأحداث الدامية التي شهدها الموقع والمحاولة الفاشلة لقوى الأمر الواقع هههههه للإستيلاء على السلطة ، وتجنباً لتمدد حرب الزجل الأهلية إلى جميع المواقع ، توصّلت القوى الكبرى وبعد مفاوضات شاقة إلى الدعوة لتشكيل حكومة وحدة وطنية زجلية وليست تكنوقراط ، والدعوة إلى طاولة الحوار لطرح جميع الملفات على الطاولة ، والإفراج عن جميع المعتقلين السياسيين لدى الفريقين ههههه الحمدالله عالسلامي شباب




ألشاعر سليمان طراد انتي يا فادي وانا...جمعنا سوى الأضداد***وخضنا معارك زجل...عا النت مدروسيييي
عملنا تحالف شرف...تا يضل عنا بلاد***ويعيش فينا الأمل...تا نرفع أكوسييي
لكن في عنا سبب..نبقا سوى قوّاد***ونترك طفالى الشعر...تبلا بالحبوسي
هههههههه
وفوفو العلينا شهد...بالزور والأحقاد***بدّي بحقو حكم...شي أربع بكوسيييي
ههههههههههههههههههه
وتاني قضيّة الأمن...ضبّاط بدنا جداد***وممنوع تحكم بلد...حكّام مرؤوسي
وتسليح جيش الزجل...نحنا عا أستعداد***نقبل سلاح الغرب...عا شرط مش روسيييييييييييييي
وتالت قضيّة الرفض...تدعي تا نحكي ولاد***لازم نشحّل كرم ..الغروب من سوسييي
وهيفا ما بقبل انا...تقعد معي وعناد***هيي استقالت خلص...وبظن مفقوسييييييييي
ههههههههههههههههه

انا بدي اتشاور مع حلفائي تا نعين اعضاء طاولة الحوار
بس عندي شروط مسؤولين سابقين ما بقبل عا طاولة الحوار واللي في بحقن حكم متل فداء مطر
هههههههههههههههههه
واللي ما عندو كتلة نيابية كمان ممنوع
هيدي شروطي ههههههههههه
بحر الزجل ورأيس أكبر كتلة زجلية عا النت اللبناني والعربي
نشكر تدخل الدول الصديقة من الأردن الشاعر الحاج بدر بيدق
ومن فلسطين الحبيبة الشاعر شامر خوري
للمساعدة
وكنا نتمنى من الشاعر محمد الخطيب يدك مناخيرو بمشاكلنا
ههههههههههههههههههههههههه
بحر الزجل
ههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 11:18 am

Fidaa K Mattar سليمان (صوت الشعب) عمرو ما بيض جوخ ----- عليي وعفادي سقف الشروط لا تعلو
ياللي بيغلط معي.... رح ركبو صاروخ ----- وخلي حليفو ....على المريخ يوصلووو
انصبيت كاس الشعر.. عاريحتو بتدوخ ----- وبتضيع.... لولا غلط .....العيار تقلووو
غسلتك وبعد الغسل حسيت عم بتبوخ ----- ألألوان فاتو ببعض...... ومتلك اختلو
انتي البموقع زجل جيت وزرعت شروخ ----- بأفلام (فرق تسد )...... حاولت تحتلو
ونحنا العباب القصر... لولا بنينا كوخ ----- وبواب جبنا ..... لنا بواب بيضلووووووو
هيفا وغادة لنا.... أرزات زادو شموخ ----- والأرز قيمي الوزارة....... ما بتعملو
وفادي وحدو فدا بخلوة الشعر شيوخ ----- وإنت وبو عبس وحسن فيكن سوا تفلووو


الله معكن إذا هيك بدو يضلو الحوار حوار الطرشان هههه


ألشاعر سليمان طراد أوووف أوووف
ممنوع بعد الجرى...تحكم بلاقانون***وعندك توازن قوا..عا النت معروفي
مجبور تقبل خلص...شعّار برحليون***يمّا بفرن الزجل...رح تاكل كفوفيييييييي
هههههههههههههههه
بتعرف يا فادي انا...حلف المعك ما بخون***ولا بيع كلمة شرف...لو قسيت ظروفييي
بدنا الحوار وتعا...نجمع قيادة بدون***نوعد عا شرط الوعد..بنضل تا نووفيييييي
ههههههههههههههه
عندي اقتراح اسمعو...بدي شفيق يكون***راعي الحوار ويجي...وما بقبل بكوفييي
كوفي عنان ههههههههههه
هيدا شقيق الزجل...ومواقفو الملعون***بفض الخلاف النشب...عا النت معروفي
ههههههههههههههههههههههههههههه



بحر الزجل يطلب تدخل الشقيقة سوريا الممثلة بالشاعر شفيق الديب
ههههههههههههههههههههههههه
بعد فشل تدخل الأردن وفلسطين المحتلة نطلب من الشاعر شفيق
التدخل لنجاح الحوار
ههههههههههههههههههههههههههههههه

بحر الزجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 11:21 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الأربعاء أكتوبر 13, 2010 7:41 pm

Samer Khoury طيّب تكرم يا رشّه
منتدخّل أوووف أوف
موقع زجلنا الحلو علينا ألو أفضال--ياما حملنا وسرح بمطارح بعيدي
عرسو قوافي وصور ومعارك وأبطال--وبكلّ عرس أكتسى بحلّة حلا جديده
واليوم عرسو السّياسي الكسرت الأغلال--وجايي تا تبني قيادة موقع شديده
من ميل فادي وفدا قوّال مع قوّال--ومن ميل جايي حسن وطراد ردّيده
وما زال منّي انطلب أفتي أنا بهالحال--وحبل العدالي ارتبط يا عالم بجيدي
بتروح هوّي وأنت عا فيّة العرزال--بقطب الجنوبي انبنا عا موقع جليدي
وهونيك راح تعقدو جلسه لكو بالحال--والّّي بيهرب راح بياخذ التّأبيدي
ولحظة ما يصدر قرار بجلسة الأطفال---هاتو القرار الصدر تا وقّعو بأيدي
Hace 3 horas · Denunciar
Naji Abou Assaf سليمان قال الامن لازم يا ناجي يكون
بايدك لتحمي بشرف موقع من الجودي
وبكون منّك انا يا صاحبي ممنون
وما بعود بقشع دمع قلقان عخدودي
اتطمّن يا بحر الزجل يا نغمة الحسّون
صدفه بموقع شعر ما تفكّر وجودي
وجودي ليبقى الكرم زهر وعطر وغصون
وتصير ايد الاذى من الكرم مفقودي
وسمعة طلقة حسد فتّحة الها عيون
تا شوف مين الحمل بالموقع فرودي
ومن بعد جولة فكر ما رمشت فيها جفون
عرفت اللي قوّس صبي بالشعر اجرودي
هيدا يا سامر انت حامل فرد كبسون
وشفت الركاكه بامن سهران عحدودي
من هيك بدّي بفخر دلّك على مضمون
امني العتيق العطي للعدل انشودي
سهران كان البدر يسمع شعر موزون
لكن لانّو هرب تا بدّد ورودي
لليوم بعدو ولد محبوس ببشامون
بينشاف لمّا الو بيزيح عنقودي
ولو شفت حالك نسر حب السّما بجنون
هربان رفّة فزع من درب بارودي
هيدا جناحي السّما وراسي عليه حصون
محجوب عنّك انت ليأكّد خلودي
انضلّيت تخلق شغب وتفرّغ المخزون
يللي براسك بقي لحظات معدودي
رح ضل نقود أمن عالصّعب حتّى يهون
وتصير تحلف انت وحيات منقودي
Hace 3 horas · Denunciar
Fidaa K Mattar حسن وطراد رديدي ( الله معو الدكتور) حلوووووو كتير
ومهجتي مية هلا فيك يا مغوار
Hace 2 horas · Denunciar
Samer Khoury مسكين صاير أنت يا موقعي مسكين--ما زال ناجي ألك عم يبعث حبالو
تخمين زاتت ألك حبل الفرج تخمين--ما زت صوبك سوى حبل الفنى بحالو
يا جاي تعزف معي عا نغمة التّمنين--مضمون حكيك يا روحي مبوبعه جمالو
من ميل عامل بطل صارع ألف تنّين--ومن ميل لاطي ورا طراد وورا ظلالو
وتا تصير تعرف أنا بأرض القوافي مين--لمّا أله الدّني مرّه شرد بالو
لا كان غيم وسما ولا كان دنيا ودين--ولا كان بدر ونجم بالنّور يتحالو
بعّد خيالو وشرد خلف الوعي وبحين--ما شاف طيفي قشع ربّ الوحي قبالو
جالس عا عرشي وجنب منّي بلملايين--لوحات بكر وصور من منبعي سالو
وما كان ربّك خلق زهر وحلا وتلوين--لوما رياشو حبر من موردي شالو
ولا كان حق وعدل في هالدّني وتأمين--لوما ميزان العدل فيي وزن حالو
وما زال أنتي فتت ما راح يعلى جبين--موقع زجلنا الفقد يا شب آمالو
عا قدّ حجم الدّني بالصّفصفي بتزين--مثل الّي قبلك معي بالموقعه توالو
خلّي يا عيني ألك أنتي جبل صنّين--والبدر يلّي لبس من غيمتك شالو
وأترك أمور الخلق والحقّ والتّوزين--للّي كيان الدّني ساكن مع خيالو
Hace una hora aproximadamente. · Denunciar
Amir Eid اللة وأكبر يا خيي ناجي ,,,,,,,,
اللة عطاك الفكر يا شاعر الحساس,,,,نهج وبلاغة وصور بالكون مفقودي,,,
وجاوبت نغمة وحي فيها صفر احساس,,,,وجبرت يلي اعتدى تيصير اجرودي,,,,
ولولا قبالك شفت مية الف متراس,,,,حروفك ما رح تختفي من هجمة فرودي...
والعدل لوما خلق من خلقتك وسواس,,,,ما حملت انت العدل تا تنحمى حدودي,,,
من هيك يا ناجي آخر الظلم افلاس,,,,بهنيك دمعة فرح تا تجرب زنودي,,,,
تغير عوايد قطر ويسير ضرب قواس,,,,وما يضل فيها مشط مليان بارودي,,,
Hace 44 minutos · Denunciar
Samer Khoury شايف يا ناجي الحلو جاييك شبّ جديد--عا عيد نصرك أجا يرفع معك كاسو
بالأسم عيد ويا ريت الأسم كان "بعيد"--تا يصير أزبط وصف لنبوغ عن راسو
فكّر أخونا عطاك الحق بالتّمجيد--وبلّش بصوتو الحلو يتلي بوسواسو
تاره عا نهجك حكي مفقود مش بالأيد--وتاره ضميرك صفي مصفرّ أحساسو
ويا عيد ضلّك معي وعن دربنا لا تحيد--تا يضل ناجي معك منزوع متراسو
وراح ضلّ قلّك أنا يا عيد ضلّك عيد--كلما تعيد الحكي بتكتم عا أنفاسو
ههههههههههه
أهلا وسهلا فيك
Hace 14 minutos · Denunciar
Amir Eid حبيبي اخ سامر النا الشرف بكلمة اهلا وسهلا فيك
Hace 12 minutos · Denunciar
Samer Khoury أهلين أخ أمير
شكرا عالرّوح الرّياضيّه
الله يسعدك ويكثّر أمثالك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
هيفاء العنداري
البيكة
avatar

انثى
عدد الرسائل : 54
العمل/الترفيه : الشعر
المزاج : عال
تاريخ التسجيل : 22/03/2009

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الخميس أكتوبر 14, 2010 7:31 am

تاكّد يا بحر الدّجل ..منّي الشّعر ممنون
عْطيت القوافي درر ..من فيض احلامي
ومهما ليالي غبت..ما بيخلص المخزون
بتنشف بحور الدني .. وما بتنشف قْلامي
بموقع زجلنا الغني.. عرش الزجل منصون
منحمي بيوت الوحي.. من المتلك حْرامي
عرفناك صرلك زمن.. خارج على القانون
بتفتح معارك شغب.. للمعتدي حامي
وعجقة فكارك متل.. رغوه من الصابون
بتفقع بنفخة هوا.. وما بتترك عْلامه
وناجي حبيب القلب.. عا دمعتي بتمون
ايّاك تغلط معو .. سليمان متعامي
عندي ما بقبل بقى.. ينشّف ويجلي صخون
ولا بريد شوفو.. ع سايت النت قدّامي
وكرمال نحرق سوا ....شعّار برحليون
باقي مديرة زجل.. تتقوم القيامه


لك مين قلّك يا سليمان اني اعتزلت؟؟؟؟؟؟؟؟؟ ناجي بنصحك تصفّ مع فداء وسامر لانو بو شربل مشاغب كبير
[b][center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?#/group.php?gid=2229476199
هيفاء العنداري
البيكة
avatar

انثى
عدد الرسائل : 54
العمل/الترفيه : الشعر
المزاج : عال
تاريخ التسجيل : 22/03/2009

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الخميس أكتوبر 14, 2010 7:31 am

زبطولنا هالخط يا جماعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?#/group.php?gid=2229476199
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الخميس يناير 13, 2011 11:42 pm

يا ريت فينا نشكّل حكومة
ما تكون للأغراب محكومة
ساعة نجاد يهزّها..!! وهاري
وما تضل تمشي بحقل ملغومي
هههههه
لازم بقا يا شعب إجباري
تظهّر على الشّاشات ل فلومي
صفّى الوضع تعبان يا جاري
ووجوه ها الحكّام مسمومي

***
وهاري كلينتون جاليي بفاري
شفاتيرها وبتقول وبتومي
انّو وضع لبنانا فاري very
ونحنا على الشاشات عم بنشوف
بالحرب عم بتبشّر البومي


ههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الجمعة يناير 14, 2011 11:59 am

عمّار ناطر تحمول الإزميل
وتكتوب شعورك بالوطن يا زميل
نحنا ما فينا اليوم نتخطّى
وجودك ضروري وضامن التشكيل
ههههه
لبنان وقف اليوم عا محطّة
فيها من التخويّن والتدجيل
اكتر ما سبحت بالبحر بطّة
سبحنا ببحر الدم والتمثّيل

لازم بقا الحكام تتغطّا
وتغفا..لاّنو الحمل صار تقيل
وخلف الأصابع عيب تتلطّى
وتحوّر القرآن والإنجيل
فيها الوزير بيشبه القطّة
شو ها الحكومة الكلها مباهيل
وعا نهبنا عامل ألف خطّة
وبيخبّرك انو عمل تحليل

هههه
وحتى جبينو بلا حيا وطّى
ومع كل نسمة من الغرب بيميل
هيدي حكومة ناس منحطّة
لا بدها تكشف شهود الزور
ولا بدها تنزل سعر برميل

هههههه

هذا المنتدى رمز الحريات الفكرية وكل عضو يعبر عن وجهة نظره بحرية لا ترهيب فكري هون
ادعو الجميع للمشاركة
بحر الزجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   الجمعة يناير 14, 2011 6:50 pm

وهلق بعد ما بيّن المستور
والكل لعبو كوول بالدستور
هههه
قلّي يا فادي ل وين يا لبنان
انتي سياسي مخضرم ومشهور
هههه
التشكيل بدو ناس ما بتنهان
قدّام ريس بتحترم جمهور
ناطر حقيقةظاهرة منشان
تحكي بأسم الحق متل النور

تلغي الحوار البائس التعبان
الما بينفهم لو ضل عنا دهور
هيدا حوار الخوت والطرشان
الما بيفهموا الا بشهود الزور
هههه
بدنا رأيس يكون عن إيمان
بيحب شعب بلادنا المقهور
مش كل غلطة الحق عا التليان
هههبيترك بلدنا يخرب وما هم
المهم هوّي بلاد جدّو يزور

هههههههههه

بحر الزجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: انقلاب بغروب الزجل ههههههههههههههههههههههههههه عا الفيسبوك   السبت يناير 15, 2011 9:44 pm

يا شعب تونس خايف يبيعوك
وتصير لملوك النفط مملوك
وما تقدر تكفّي الإستقلال
ويطلع على ضهرك خصي وملوك

ياما حملت الهم والأذلال
وقبلت أمنك تتركو ممسوك
بيكفيك تبكي عمر عا الأطلال
ترابك شعب لا تخاف مش متروك

حريّتك صارت متل موّال
بعرس الفدا رندحتها..!!مبروك
وعا قبال كل الإنظمة تنشال
وتتحر شعوب الشرق تا تعيش
وما يضل حاكم غير عا الفيسبوك
ههههه

بحر الزجل وحاكمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
انقلاب بغروب الزجل ههههههههههههههههههههههههههه عا الفيسبوك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: