منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 العم امطانيوس وناجي عسّاف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: العم امطانيوس وناجي عسّاف   الأحد يناير 16, 2011 8:34 pm

Naji Abou Assaf
قلّي يا ناجي بالحقيقه مشتهي
انت وأنا بجولة معنّى نلتهي
فزعان انّو انتهي من دون لون
تحاور معي حتّى بلونك انتهي
.

امطانيوزس الزحلاوي

فرّق عليي الرب سجّادة
صلا
والروح للخلّاق صرخت
يا هلا
وعطرك بوردي منتهي وما
بينتهي
الا ورد دبلان عا صدور
الحلا

عممكن امطانيوس
عدرني عممو ناجي كنت مريض بالمشفى اليوم طلعت


.Naji Abou Assaf

عطري بوردي بينتهي لمّا الدّني
بتشمني حتّى الطبيعه تغتني
بتدبل انت حتّى ما نرجع نلمحك
بدبل أنا تا اخلق بتاني سني

سلامة قلبك انشالله تكون صرت أحسن

.امطانيوزس الزحلاوي

ورود الزمان بيدبلوا
ولو فتّحوا
وعمّك جروحو من الدني
ما بينمحوا
عطرو حقيقة عايشي بصوت
الضمير
وصوت الضمير بتسمعو
ما بتلمحو

عممكن امطانيوس

تسلم يا عممو ناجي كلك ذوق الصحة لألك وانته للسكري والضغط الله لا يضر انسان


.Naji Abou Assaf

صوت الضّمير بتسمعو حر وقدير
لمّا بيأنّب فكرك بجرم الخطير
وتتعيش مرتاح الضّمير بهالحياة
فتّح عيونك شوف شو بدّو الضّمير


.امطانيوزس الزحلاوي

ما في حدا بيموت..من هم
الدني
مهما زمانو جار وجبينو
حني
وعمر الشقي بيطول بيقول
المتل
وما في ورد بيعيش أكتر
من سنة

عممكن امطانيوس


.Naji Abou Assaf

قبل السّني للزّهر بتشوفو احترق
وحتّى يخلّد عا دني تاني فرق
والرّوح يللي ناطره سفرة عذاب
تلغي السّفره كل ما بشفّي مرق


.امطانيوزس الزحلاوي

طنّب عليي الورد وتشكّا
الهوى
وشجرة سنيني مكلّخ سنانا
الهوا
وسفرة حياتي قرّبت بعد
التعب
انشالله يا عمّو بتقبل نسافر
سوى

عممكن امطانيس


.امطانيوزس الزحلاوي

سلامتك يا عممو ناجي انشالله تضل بصحتك


عممك امطانيوس


.Naji Abou Assaf

بسافر معك ما زال روحك فانيي
برحله قصيري ما بتطلع ثانيي
بودّيك حتّى منّك نريّح دني
وبرجع أنا تا عيش مرّه تانيي




.امطانيوزس الزحلاوي

متلك فدا لما التقينا
خطيّتو
تلبّك وصارت تهتري
شخصيّتو
الله بعت إبنو هديي
للشعوب
ورايح أنا من الأرض ردّ
هديّتو.

عممكن امطانيوس




.Fidaa K Mattar

اللة هدانا روح فادينا
الهدي
ورد الجسد .ما رد يد
المعتدي
يوضاس فيك تقول رد
هديتو
لا تكون متلو وقبل ما تروح
اهتدي







.Naji Abou Assaf

ملبّك لأنّي طفل حامل عا يدي
وقلّي فداء كتير بدّو محايدي
ولو ربّنا رد الهديّي بحضرتك
ما كان خلّا نهار كلّو معايدي




.امطانيوزس الزحلاوي

لمّا الممالك عيّدو بيوم
الأسد
ضبعين من كرتون طقّو من
الحسد
واحد جسد والروح منّو
طالعه
وواحد كأنّو روح زربت من
جسد

عممكن امطانيوس


.ألشاعر سليمان طراد

يا عيني يا عم عا زربت هو الكلمات اللي بحبون
ناجي شد همتك العم عتيق
فوفو مش عم طل عا الفيسبوك الا طلات عذرني بس افضا
بفكلك رقبتك
سلام
رايح عا الشغل

بحر الزجل


.Naji Abou Assaf

بين الجسد والرّوح موضوع ابتدا
ومن بعد ما تشويك ناري عالهدا
رح تنتهي بالرّوح منّك داشره
وجسد صعبي عليه يتعرّف حدا


.امطانيوزس الزحلاوي

بحرب الجسد عندك جسد كلّو
جروح
تسبّح بدمّ للي ابتدا منّك
يسوح
وبالروح روح العاب بالريح
وتعا
تاشوف كنّو الريح نفخت فيك
روح


عممكن امطانيوس


.Naji Abou Assaf

يللي سبح بالدّم ما بعدّو جريح
بعدّو نزف ايمان تيصح الصّحيح
والرّوح راحت والجسد وحدو بقي
ورجعت لحتّى قام سيّدنا المسيح





.امطانيوزس الزحلاوي
روحك خطيّة بس بدّك
للصحيح
ما بتتركك متعلّقة بجسمك
منيح
روح القدس بيروح وبيرجع
ملاك
وروح اللعيني بتختفي بضو
المسيح


عمو ناجي اعذرني تعذّبت تا اكتوب ها البيت عندي اللوحة بفرنسا
ما عندي عربي


عممكن امطانيوس

Abou Assaf
روح العليها فتّحت عين اليقين
صارت لعيني خطيّة الجسم اللعين
وما في جسد بالكون حتّى ولو ملاك
بيقدر عقدرة روح رب العالمين



امطانيوزس الزحلاوي
جسمي خزينة سياجها ضو
الوعي
وروحك وليدة شر ناجي
المدعي
وما زال الله تجسّد بجسم
المسيح
طهّر يا ناجي روحك..؟ بتخلد
معي

عممكن امطانيوس

والله الغربة يا عمو صعبة بعد راس السنة راجع عا لبنان وبكتوب من بيتي

.Naji Abou Assaf
ما في جسد خلّد بهالكون الأبي
الأجساد خلقت تا تعيش التّجربي
وقلّي انت بعد الصّلا وبعد الدّعا
روح النّبي البتعين أو جسم النّبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: العم امطانيوس وناجي عسّاف   الأحد يناير 16, 2011 8:38 pm

امطانيوزس الزحلاوي
ما زال طالب عمّك يقدّم
صكوك
رح جاوبك ...بالحق وبحسن
سلوك
لوما بحسمو يظهر علينا
المسيح
ما كان توما..!! صدّق وزالوا
الشكوك

عمكون امطانيوس


امطانيوزس الزحلاوي
توما يا ولادي احد تلاميذ المسيح اللي شك بقيامة السيّد المسيح
ولما ظهر يسوع قلّو يا توما هات اصبعك وحطو بالجرح من هيك بيقولوا توما ما بيصدّق تا يدك اصبعو
ويا عمو ناجي لو ظهر بالروح ما كان بيّن الجرح

حبيّت اعطي ها الشرح




Naji Abou Assaf
يا روحي ما تروحي من خيالي
ليكمل عرش مجد الارتجالي
واذا ما بحمل الرّوح الوفيّي
بين النّاس شو قيمة جمالي
أنا روح المرح والمعنويّي
دموع الفرح والبسمه حلالي
أنا روح الوحي والعبقريّي
نزلت أفكار محّيت الجهالي
واذا كنّك جسم زهره نديّي
أنا روحك أنا العطر المثالي
أنا بسافر مع النّسمه الطريّي
لحتّى تصير مقصد بالحقالي
واذا كنّك جسم شمعه سخيّي
بدّي خبّرك والصّوت عالي
بليالي القدر والنّعمي الأبيّي
انت بتسيل وبتبقى الليالي
واذا كنّك قلم للأبجديّي
يا جسم بعيد عن عين الغوالي
لتكتبلك رسالي عاطفيّي
وتقراها صبيّي كتير غالي
ما ممكن ينزلوا دموع الصبيّي
اذا روحك مش بقلب الرّسالي
واذا كنّك جسم خزني غنيّي
بمال بجوهر بدر بلآلي
مهما تشتري أجسام حيّي
ومهما تقلّنا هالمال مالي
ما ممكن تشتري الرّوح الهنيّي
لأنّو حقّها مش كمبيالي
انا الرّوح اللي الها الافضليّي
ويوم الحق ساعة انتقالي
ويا جسم الناطرك تخت المنيّي
قبل ما تروح جاوب عا سؤالي
الرّحمه عالجسم نزلت يا خيّي
يمّا على الرّوح من الأعالي
ولحتّى اختم وانهي القضيّي
وحرّم فكرك يجول بمجالي
بدّي زكّرك حتّى البقيّي
يقولوا ما الك مرجع بدالي
جنين تكوّنت والام هيّي
فرحت روحها مع ظرف حالي
وخلق حلم الامومي بصدق نيّي
وحلم البي من اجل العدالي
ولوما ربنا رب البريّي
العليه من البدايي اتّكالي
عطاك الرّوح من عندو هديّي
جنين بقيت ما صفّيت عمّو
ودفنت الحلم بعيون الأهالي


العم امطانيوس


انا عم المعاني
والقوافي
طلع روح ..؟القصيدة من
شفافي
وتقمّص بالنحت شاعر
تجسّد
خطف ضو المواقع
باللطافي
ولاّنو الجسم يا ناجي
محدد
وفينا بالمكان
وبالمسافي
نقلّك وين جسمك رح
بيرقد
ما فينا نقول روحك وين
غافي
وعا زكر الورد والجوري
تأكد
الطبيعة جسم والمرجة
مضافي
ولوما صدرها للأرض
ورّد
زهورك دبلت بعب
الحفافي

وعا سبرة سهرتك عا الشمع
اجمد
بليل العشق جسمك شمع
طافي
وبدون الشمع ما بنعرف ا
لمعبد
ولا في نذر للمنذور
وافي

وعلى زكر الرسالة
يا معوّد
تكتوب روحك بحس
ورهافي
اذا الأجساد ما التقيوا
بمشهد
غرامك ضل يا ناجي
سخافي

وعند ما الطفل ياشاعر
بيولد
الحكيم بيحمل الحلم
برهافي
ولأمو بياخدو منشان
تسعد
وعا صدرا بيشلحو تا يضل
دافي

انا عند الحقيقة جسم
جسّد
صدق الكون ما عشت
بمخافي
انا جسم الحمل روحك
وبعّد
وانت تقل الخطيّة العا
كتافي

وتا دلّك بالسياسي بشرح
ازود
عن الحكّام والنهج
الثقافي
قعدوا كل نايب فوق
مقعد
وتا باعوا روحهن ..قبضوا
الخلافي

انا صوت الحقيقة الما
بيخمد
الدنيا فرشتي الزرقة
لحافي
وتا يختوم عمّك الموضوع
شدد
انت روح الخبيثة
واللعيني
وانا الجسم الحقيقي المش
خرافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
العم امطانيوس وناجي عسّاف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: