منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 بحر الزجل والشاعر كمال مهتار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: بحر الزجل والشاعر كمال مهتار   السبت يناير 12, 2013 12:23 am



Kamal Mehtar
بعد التحية والتشكرات للصديق احمد الصميلي ولاسرة صفحة ابو العلاء يوسف الحسون صار الي الحق اتوجه لصديقي اللدود ادو شربل وقلو:

عدنا التقينا بصفحة الذوق الطلي...حسون مع حسون بلش ترغله
ولولا الألف يا طراد من اسمك بشيل...بخليك طرد تروح عا ديار البلي
ولعناها منذ البداية ههههههه


ألشاعر سليمان طراد
هي تحمايي شباب لا تفكروها حوار هههههههههههههههه

حرق الألف ألوان قتلة طعمتك***وب كلمة المهتار بكسر دعمتك
بشيل الألف وبزت ياء بآخرك***وبموقع الحسون بهري نعمتك
هههههاوووف اووف
الشعّار يا مهتار لولا دعمتك***رح ضل حس خيار مهري طعمتك
ههههههه

حرق الألف ألوان قتلة طعمتك***وب كلمة المهتار بكسر دعمتك
بشيل الألف وبزت ياء بآخرك***وبموقع الحسون بهري نعمتك
هههه


Kamal Mehtar

حرف الالف رح بعملو عالصبح شيش
وبذوّقك طعم اللحم بالشنكليش
هههههههههه
شو باك جايي متقل وطاحش طحيش
بترد متل العم يعربش عالعريش
مش تاركك تا فيك لعّب كلّتي
عيونك يا ابن طراد احلى جوز بيش


ألشاعر سليمان طراد

تعّبت قلبي ..ليش..بتضلّك رزيل
وما بتنحت بيوت المعنى بها القبيل
حرف الألف ألّف وما عندو بديل
والكاف كلّف كلّم الطير الجميل
والميم مرمغلك جبينك بالبتراب
وخليك يا مهتار بالموقع زليل

صباحك شنكليشي باي رايح عا الشغل



Kamal Mehtar ا

للي بيسمعك عليت سقفك بالكلام
بيضحك تا يشبع عالاجاك بهالمنام
حاجي تقلي حرف كاف وحرف لام
بيّختها بهالشعر تضرب يا غلام
جبيني بعزة ارز لبنان الحبيب
مش بس انت الكون
ضار
بلو سلام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   السبت يناير 12, 2013 12:33 am

سليمان طراد

ضليّت احلم..شوف شاعر فهلوي
يصمد معي بالشعر تا نحسوا قوي
عليّت سقف قصايدي وحرفي ضوي
وانطرت عنقودك بكرمك يستوي
وافتحت باب الارتجالي يا كمال
توقّى البحر قرر يبلّش بالكوي

Kamal Mehtar
السمّاك بحر كتير كبّر مستواك
المكوي تقيل الوزن عا شقلة قواك
استدرجتك وناصب برداتي شراك
وعلقت عالفخ وحلي الموقع بلاك
ههههه
كاتب على جبينك بحر ميت اكيد
وخاتم نبي سليمان طابع عا قفاك
هههههههه



ألشاعر سليمان طراد

بحر الزجل ايّاك تحكي بسيرتو
ضبضب لسانك طهّرو بسبيرتو
عليكن قسي تاتجوهروا من غيرتو
شوف السما والشمس عملو جريتو
لا تستفز البحر قادر يبلعك
مش رح يفيدك راسك وتدويرتو


Kamal Mehtar

راسي مدوّر عا شكل اكليل غار
والشوك عصّب جبهتي داير مدار
شمس وبحر روّق وخذلك شي قرار
ولا تشوف حالك عالعمالقة الكبار
عم تجمع الضدين تطفوا بعضكم
يا بحر طمّ الشمس اخرة النهار



ألشاعر سليمان طراد

ان حجيّت فوق النت روعة حجّتي
بحّر معي بتشوف قوّة حجّتي
مجيّت شمس نفخت غيم بمجتي
در المعاني عاش عمر بلجّتي
عملت القمر برنيّطي وشمس الزمان
ليرة دهب حطيّتها بقجّتي


Kamal Mehtar
بتحج حج ومين بدو يتبعك
قدام ربك هالحكي ما بينفعك
بالمج شاطر عال منوافق معك
منفوخ جلدك ما بيحجب اصبعك
تخمين يا سليمان تقّلت العيار
شوما بتحكي مش رح منسأل معك


ألشاعر سليمان طراد
من كتر ما منخارك الليلة انفرك
بيبرم يإيدي صار متل الزنبرك
لو كان ضدي غيرك قبالي ترك
وعاف التحدي بعد ما بردي انزرك
شربت الشمس.. تقّلت ..مين الخبّرك
تا يشع صبحك ضو..!! يقلع منظرك
هههه
وبموقع الحسون رسّمت الحدود
وانشرت فوق النت كلماتي درك
خخخخخخخخخخخخ


Kamal Mehtar
مين أمنك يا لص عا جهاز العريس
منشان فوق النت تعملي بوليس
مضروب راسك صرت متل الطلطميس
وجايي تا تحكي بمنطق زغير وخسيس
مليون شاعر متلك عملتن كبيس
لا انطال انفي ولا التوى الزند النفيس
ومن كتر ما أكلت كفوف صنديحتك
راسك مصلّع صار متلو متل كيس
ههههههههههه

Y

ألشاعر سليمان طراد
مظبوط راسي كيس ..بالحكمة ارتوى
وشعري معبّى بكيس فلسفتي دوا
ضليّت حامل كيس واجمعت القوا
وعنت الفقير بكيس تا وضعو استوا
ويلّي بيحمل كيس تا يفيد البشر
غير العا كيس الناس بيشم الهوا
هههههههههههههه


Kamal Mehtar
يا كيس من ايدين نورية فلوت
واعزف عاساكسوفن شعرك او فلوت
هههههههههه
بتظل تبرم برم تشحذ بالبيوت
كيسك عاظهرك قد تقلو تقل حوت
محسود مني يا زغير العنكبوت
مهلهل انت مش ناقصك الا تموت
المهتار قاعد هون عا عرش الزجل
اما انت قاعد عا قصبة توت توت
ههههههههههههه


ألشاعر سليمان طراد
ما زال طبعك فج متل الأنكليز
توقّى يجيـك السكري قبالي بليز
صابيع ديّي فيش وعيونك بريز
وما بتاخد على الشعر بالإبداع ديز DIZ
قصبة المص بمصّها وطعما لزيز
وما بضل متلك عايش على الشيز ويز
هههه
ومش بس داء السكري رح يجلطك
رح تسخن على النت حتى بالفريز VARIZ



Kamal Mehtar
مازال من كفين صاير عم تشيط
رح رجّعك للحبس يا مستر شليط
يا انت مستعبط كلامك يا عبيط
تا اشتاق جلدك كل فترة للخبيط
بتحكي كأنو لسانك بتمك لقيط
غير باللحس والمص ما شفتو نشيط
مش بس نبّز كم خسة بصلعتك
بيّن على جوانب الصلعه قرنبيط
ههههههه خخخخخخخخخ

سليمان طراد ا

ن شفت الغيوم مهوشلي وعندا هلع
بيكون بحري لفلف الشمس وبلع
بتعرف انا بالشعر في عندي ولع
وما ضل عندي ضرس الا وما انقلع
هههه
طوّلت شعرك ليش؟؟؟ في عندك دلع
وأحمد صميلي غنّجك حتى انخلع
هههه
كنوز البلاغة تحت صلعت فيلسوف
وجبلا شي مرّة ..ح..صان في عندو صلع
هههههههههههههههه




Kamal Mehtar
الله يرحم السيد محمد المصطفى عم بتذكرو بهالمناورات

الودّاك صوبي ذينتك حك ونطب
وارتاح منك ما بقى تلقي خطب
يا بحر الوزاعي اللي متعوّد عا طب
منك بتهرب كل بنت بتنخطب
شبهت حالك عبقري رح ينشطب
هيدا الكلام الكلّح الوجه وقطب
راسك مملّس متل حبات الرطب
بفطر عليك وما بخاف من العطب
انت اعترفت وما حدا ولّع حطب
انك متختخ لا ثمار ولا وطب
من رد اول هرهرت فيك الضراس
من رد تاني بسحنتك عد القطب
ههههههههه جيبولو طبيب شرعي




ألشاعر سليمان طراد
ما زال جايي وحامل بإيدك حصى
رح اجبرك بالشعر تمشي قرفصة
شوها القوافي..!! المتل ديك مقصقصة
لا بتنسمع لا بتنقرا لا بتنحصى
يا ولاد ...!! شعر الأرتجالي خصخصة
وبحر البلاغة ما حدا أمرو عصى
ومعروف بو شربول سونامي الزجل
يا بتفهموا بالشعر يا بجيب العصا


Kamal Mehtar

نحنا مع التأميم ضد الاعتباط
والخصخصة واللصلصة والانحطاط
حيّرتنا روّق علينا يا شباط
أكتم نفس ما بينفعك كتر العياط
ضب العصا خلي براسك انضباط
مش رح بتصبح بحر يا مجلى البلاط
واليوم جايي تنتخي ضد المملك
متل الولد وبجانبك مليون واط
ضوت يا بو شربل



ألشاعر سليمان طراد

قديّش فيني أحملك .بالمختصر
تا تصير شاعر محترم قلبي انعصر
يمكن عليك مأثر شوي القصر
ما شفت بحر الموهبة عليك انتصر
بحر الزجل يا ضعيف تاريخ اختصر
والمجد متل قشاط عا خصرو انخصر
انضليّت تلعب بالمواج الهايجة
رح رجّعك معمي البصيرة والبصر

al Meht
شبرخ شبابك طقمك الرسمي لبوس
مش لايقة تغني بهالوجه العبوس
يا طراد حكيك متل خرّيج الحبوس
بالوجه شبّهتك لأشباح المجوس
شبعنا مواج وغيم وخناق وطقوس
قبالي بتركع مطرح البتريد بوس
السمّاك بحر كتير في حقك خطي
المتلك بيرقص للعريس وللعروس


ألشاعر سليمان طراد

يا شعر عالأول اذا شفت الزكي
ماسك افتحلو باب موسيقاالحكي
عصفور برقص عا غصون الليلكي
رقصي دفا ورقصات جنكك بكبكي
بتكتك صور الله عليها بيتكي
ضربات دربكّه بتنزل دربكه
رقّاص ساعه بصير برقص عالزمان
المتلك ياتكّه بيخجل
من
التكتكه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   السبت يناير 12, 2013 12:33 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   السبت يناير 12, 2013 10:46 pm


Kamal Mehtar

نحنا بسباق الموهبة بالذوق سوق
راكب حصان وانت راكب فرخ نوق
عندك قوافي نص عوج ونص لوق
منشان يحلو شيل من شعري خفوق
لو قلت تكة قبلت لكن هون روق
ما بين تكة وبين تكة في فروق
رح كون تكة ديك زنبرك الزجل
اوضعني براسك من رصاص الفرد ذوق


ألشاعر سليمان طراد
شو صار للمهتار جايي بقاربو
وفلّت عليي بالتحدي عقاربو
وحياة الله بسايرو وما بحاربو
مضطر اتسلّى بنتف شواربو
هههه
ما عرفت ايّا جنس وسكي شاربو
الخلّى العما بدماغ راسو ضاربو
وعا مهاتراتك مين بدو يحاسبك
ل طالما بيتك بإيدك خاربو



Kamal Mehtar

سليمان شو عندك حقد عالشعر فش
بتفل وحدك من قبل ما نقول كش
جلبوط سجنك كم قصفه بقلب عش
متلوّن ومختص ليل نهار غش
نطيّ من الخوف وعاحالك ظل نش
قدام شاعر رقّصك عالهش بش
وظهرت بالموقع كأنك زلحفة
ما بين كتفينك م
حمّ
ل صحن دش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   السبت يناير 12, 2013 10:48 pm



ألشاعر سليمان طراد

مهتـــار زاد كتير زنطرتو
ومنهار صاير عقد قنطرتو
لو كان جايي ع كتاف الريح
عن سرج مهر الريح قنطرتو

بالليل جايي وحامل مصابيح
مروّج انا عا المجد ما انطرتو.
وبموقع الحسون كان شحيح
لوما انا بالشعر أمطرتو

وعا بهوراتو صرت ارسم زيح
وبعطر بحر الذوق عطّرتو
تهدا ع ضهر الموج يبني منيح
ما عرفت سر الخيل بيطرتو

وي احمد صميلي من قبالي زيح
بحر الزجل عا صوص فطّرتو
هههههههههههههه
كنت افتكرتو اشبهي ونكيح
قلبي عصرتو من الخمر عنقود
وعا وهج نور العقل قطرتو

هههههههههههههه



Kamal Mehtar

سليمان فاتح عالحكي بوزو
وبغرام لا بقيسو ولا بروزو
غنى شعر فالت بلا مقياس
وراسو اندوخ من كاس كازوزو
فشلوا البقوا خلفو متل متراس
افتكروا على المهتار بيفوزو
معروف ابن طراد اسود راس
النيران ما بتفتح إلو كوزو
لا بيشبه العسجد ولا الالماس
اخذ شبه من شيخنا الجوزو
ولما بهالموقع بخصرو ماس
وحكحك بصنديحة ما بتعوزو
في راس بو شربل وقع هالفاس
صوتو وصل لفوق بزبوزو
وما ظل الا نحفر الارماس
مازال ببحنس ما فيلو محل
الا القبر ما ف
ي ح
دا يتوزو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   السبت يناير 12, 2013 10:53 pm

عا فكرة ليرة الدهب هي صورة للشاعر الدكتور اياد قحوش شفطت ههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل والشاعر كمال مهتار   الخميس سبتمبر 11, 2014 12:58 am

4 de septiembre a la(s) 1:25

يا طراد حدي وقاف لا تمشي بعجل
السرعه رح توديك عا دروب الاجل
لوما بتعرف نص نص مواهبك
ما عملت صفحة شعر نصية زجل

مبروك النصيه هههه
Ver traducción
Ya no me gustaYa no me gusta · · Compartir

   A ti, Hassan Kawtharani, Adnan R. Said, Steven Boudrgham y 44 personas más les gusta esto.
   52 de 205
   Ver comentarios anteriores
   Kamal Al Mohtar
   ههههههههههههعههههه
   Ayer a las 11:32 · Ya no me gusta · 2
   Steven Boudrgham
   طيبه
   مافي اهضم منكن
   مخخخ
   Ayer a las 11:33 · Ya no me gusta · 4
   Kamal Al Mohtar
   محسود مني ودايمنا بتسبني
   ويا ريت عالنسوان فيك تكبني
   هههههه
   البتحبني كرمال تقبض ليرتين
   معناتها يا بحر ما بتحبني
   :-((((
   Ayer a las 11:34 · Ya no me gusta · 7
   Kamal Al Mohtar
   هههههه
   Ayer a las 11:34 · Me gusta · 1
   Steven Boudrgham
   ههه حلوو
   Ayer a las 11:35 · Editado · Me gusta · 2
   Kamal Al Mohtar
   افادتك فينا يا ستيف ولا افادة الياس ابو صعب ههههههه
   Ayer a las 11:36 · Me gusta · 3
   ألشاعر سليمان طراد
   بتحب جلدك او عيونك يا غشيم
   بتحب انو تحلم بجنة نعيم
   بتحب تدفع للنفخ أو للشفط
   ما عاد دارج للنسا عمل الراجيم
   ههههههههههههههههه
   Ayer a las 18:38 · Editado · Ya no me gusta · 8
   Steven Boudrgham
   مخخخ
   اي بو صعب ناجح بافاده بالأساس
   هه
   Ayer a las 11:37 · Ya no me gusta · 3
   Kamal Al Mohtar
   كلمة غشيم لا تقولها وظلك اديب
   احسن ما ذوق حضرتك طعم القضيب
   هههههههه
   بتنفخ بتشغط انت شو بتفرق معك
   مش نافعه فيك الفياغرا ولا الطبيب
   ههههههه
   Ayer a las 11:41 · Editado · Ya no me gusta · 6
   ألشاعر سليمان طراد
   حبوب الزرق ..بالصيدلية للمبيع
   منها خطية تجيبها تا تستطيع
   ههههه
   اكبر خطية تترك بلزّة المرا
   وما ينسمع صوتا يا كوكو للجميع
   هههههههههههههه
   Ayer a las 11:43 · Editado · Ya no me gusta · 9
   Steven Boudrgham
   حلوه قضيب
   مخخخ
   Ayer a las 12:00 · Me gusta · 2
   Kamal Al Mohtar
   هههههه تأدب يا سليمان
   Ayer a las 12:33 · Me gusta · 1
   Kamal Al Mohtar
   يا جرصتك يا طراد شو هالافتخار
   صوت المرا ملعلع على داير مدار
   الا بحبوب الزرق ما بتعمل بطل
   لكن بدون حبوب فاعل شهريار
   ههههههههه
   Ayer a las 12:59 · Ya no me gusta · 5
   ألشاعر سليمان طراد
   بلا حبوب ..؟ مين مصدّقك ..العب ورا
   بيت العتيق ولا تخّبر شو جرى
   لما فتت عا البار وانطرتك ..ولّي
   ما عرفت صوتك كان أو صوت المرا
   هههههههههه
   Ayer a las 18:27 · Editado · Ya no me gusta · 6
   الشاعر طوني بو شموني
   نقطة ونص ههههههههه
   Ayer a las 22:44 · Ya no me gusta · 1
   Kamal Al Mohtar
   الظاهر يا ابن طراد عندك اختلال
   ما بتعرف صوات الحريم من الرجال
   بعدو القضيب معلم على ليتك
   هيدا الجرى والناس اخبر في كمال
   22 h · Ya no me gusta · 5
   ألشاعر سليمان طراد
   صوتك ..ما فيني ضيّعو ناعم كتير
   بتزكّرك بالأووف ..يا طفل الزغير
   داخون شركة سوكلين بيشبهو
   بس الفرق بالأوف بدك للضمير
   ههههههههههههههههه
   15 h · Me gusta · 3
   Kamal Al Mohtar
   صوتي هبه من رب بالشعر اعتنى
   بيشبه حفيف الورد ع حفافي القنا
   وبستعملو بسوكلين حدمة للصحاب
   كلما جنايك تحترق بزعق انا

   ههههه
   15 h · Editado · Ya no me gusta · 4
   ألشاعر سليمان طراد
   يعني اعترف...؟ بأوف..!! بلشت الزعيق
   تا حرقت قلب كلوديا وحس الرقيق
   قلبي احترق معلوم..؟؟ لكن حرقتك
   موسى .وسميح الما قدر صوتك يطيق
   هههههههههههههههه
   13 h · Me gusta · 2
   Kamal Al Mohtar
   هههههه
   13 h · Ya no me gusta · 2
   Kamal Al Mohtar
   بكلوديا ارجوك اسكت يا زميل
   هيدي مرا بتقرب لرب المستحيل
   لكن زغيب وابن اختو بشوفهم
   متل البخيل وعازمو واحد بخيل
   13 h · Ya no me gusta · 4
   ألشاعر سليمان طراد
   ليش التجنّي بعد ما حضنك سميح
   وخلّاك تلبوس طقم تا تبيّن منيح
   بتنكر فضل شاعر محامي يا كمال
   لا تقابل منيح الجماعة بالقبيح
   ههههههههههههههههه
   13 h · Ya no me gusta · 5
   Kamal Al Mohtar
   ايا جميله للتعصب والظلام
   وسرقة شعر من وحي روكز بالتمام
   مازال هيك الخال ايدو مدها
   شو همني هاك المحامي يا حرام
   13 h · Ya no me gusta · 5
   Adnan R. Said
   هههههههههه 100 % صح
   12 h · Ya no me gusta · 3
   ألشاعر سليمان طراد
   حاجي تا تربح عطف تنتف باللحي
   وتحكي بحق زغيب لازم تستحي
   موسى وخليل تنين كانوا يا كمال
   رب واله تنينهن مصدر وحي
   12 h · Ya no me gusta · 7
   ألشاعر سليمان طراد
   لسانك سليط كل عمرك ههههههههههه
   12 h · Ya no me gusta · 5
   Adnan R. Said
   سليمان ما تسخّر ضميرك
   12 h · Me gusta · 3
   Kamal Al Mohtar
   مش رح برد عليك ظلك منجعي
   وارمي فتن ت نقول عنك المعي
   روكز ملك بالشعر وزغيبك خدم...Ver más
   12 h · Ya no me gusta · 6
   ألشاعر سليمان طراد
   موسى طعن بو الخل؟ اعقل يا صديق
   ولا تجيب سيرة بيقتلوك على الطريق
   يعني انت لو كان صوتك ساعدك...Ver más
   12 h · Ya no me gusta · 9
   Kamal Al Mohtar
   صوتي دهب رنان بلش ينجلي
   والاوف لعبة حظ بالنسبه الي
   ولو جيت تحكي عن حلا صوت الزجل
   شو كان موسى زغيب صوتو بلبلي؟!
   هههههه
   12 h · Ya no me gusta · 7
   ألشاعر سليمان طراد
   هلق فهمنا عليك ..قهرك من حكم
   حكّم ضميرو وبالعدل والله حكم
   يعني اذا عدنان رج بيخيّروه
   بينك وبين غنّام ..؟نوّرنا ..!! بحكم..؟

   ههههههههههههههه
   12 h · Ya no me gusta · 6
   Adnan R. Said
   هههههههه انا يا سليمان بنقّي الشعر ... مع شوية صوت
   12 h · Ya no me gusta · 4
   ألشاعر سليمان طراد
   بلا ضمير
   12 h · Editado · Me gusta · 2
   Adnan R. Said
   بحب الشعر ينرص رص و إعتنا
   بصوت الحلو بزخم القوي بليل الهنا
   لكن اذا بيصير دلعة وانحنا
   و نتفة مياعة و محن لازملو فنا
   ويللي ذكرتو وفاز ما عللّا البنا
   التقليد ما بيعيش و اسألني انا
   رغم البشاعة بصوت تمي حاملو
   تا كنت علّمتو على اصول الغنا
   12 h · Ya no me gusta · 6
   ألشاعر سليمان طراد
   عدنان بعرف بالشعر انك أسد
   فوخر ضميرك بايعو؟ يما فسد
   مازن نجح بالأوف بالصوت الحلو؟
   شو نسيت شعرو در طقّو من الحسد
   10 h · Editado · Me gusta · 6
   Adnan R. Said
   مازن بصوتو قادر يضوّي الحلك
   لكن ببحر الشعر موجة ما امتلك
   ومين الطلع بالاووفف ؟ بدي اسألك
   و علّلا بشعرو وطال نجمة من الفلك
   من بين اهل اللأوووف واحد بعرفو
   وبعد بتجي الايام بتشوفو الملك
   9 h · Ya no me gusta · 7
   ألشاعر سليمان طراد
   ليش التجنّي عيب تحكيها بقا
   مازن ما عندو حس؟ حكيك هرطقة
   مازن في عندو صوت اجمل من ملاك
   وشعرو رهيب وبعد متلو ما التقى
   9 h · Ya no me gusta · 7
   Adnan R. Said
   مازن حبيب الكل جورجيت و نهى
   وقلب البيحب الصوت وليالي البهى
   لكن بسكب الشعر صاحبنا التهى
   بتقليد بوشادي البأشعارو ازدهى
   بيمغّط وبيعيد .. عن بالو سهى
   الجمهور بدو يفل.. مش هيك اشتهى
   ما بين بيت وبيت لو بدك غرض
   بتروح وبترجع وبعدو ما انتهى
   9 h · Editado · Ya no me gusta · 6
   ألشاعر سليمان طراد
   عدنان .في شعّار كسرت إيدها
   منشان تشحد زقفة البتريدها
   وجوقات عملت بالأعادة عيدها
   من زغيبها وحمدانها وبو عيدها
   ومازن الروح بتعشقو بتنهيدها
   بتكسر عطشها بكلمتو وبنبيدها
   احلا من الجوقات يلّي كل عام
   خمسين حفلة بالشهر بتعيدها
   ههههههههه
   9 h · Me gusta · 5
   Adnan R. Said
   مازن عا درب الشعر ماشي للامام
   و خايف عليه يكون قرّب عالختام
   كل الإجو من الأووووف رغم الاحترام
   ما سمّعونا جديد يا غبن القلام
   ونحنا اللي عاصرنا النجوم على التمام
   وبيناتنا في حب وحكاية غرام
   كنا اذا حضرنا شي حفلة لطليع
   نحفظ كلامو عند ما يقول الكلام
   9 h · Editado · Ya no me gusta · 5
   ألشاعر سليمان طراد
   مازن ما فيك تقول عنّو ما انطلق
   صوتو خرير النهر متلو ما خلق
   ما زالكن باب انفتح باب انغلق
   حيط! انهدم. حيط انردم حيط انشلق!!
   الزجّال يا عدنان مش ريق اندلق
   الزجّال شاعر فكر مش غصة بحلق
   لو كان شاعر منبري بلا موهبة
   عا كل كلمة قالها بيآكل فلق
   9 h · Editado · Ya no me gusta · 7
   Adnan R. Said
   مازن الاول كان بالأووووف الأبي
   و بالشعر مع حمدان عالمنبر ربي
   لكن ضروري قول كلمة مرتبي
   شعّارنا الراحو عا دنيا مذهّبي
   ربيو بدون مدارس وعالتجربي
   و تركولنا آيات ما بتعرف خِبي
   وعيبي عا ابن المدرسي والجامعة
   ما يطوّع الحرف وما يِعْبي المكتبي
   8 h · Ya no me gusta · 4
   Steven Boudrgham
   حلوو الموضوع
   وانا مني وعليي بتعرف رأيي يا بوشربل
   أنا مع عدنان .. ههه
   بنقي كمال المهتار عا اكتر من نص اللي نجحوا بالاوف
   مخخخخ
   8 h · Ya no me gusta · 3
   Adnan R. Said
   انشالله ما حدا يفكر غلط خيي ستبف انا مازن غنام كتير بحبو وبحترمو ومتأمل منو كتير........ بس عم نحكي بالعموميات وذكرنا مازن لأنو اكبر الموجودين
   8 h · Ya no me gusta · 3
   ألشاعر سليمان طراد
   يا حاسد رفيقك اذا اسمو لمع
   بالأوف تحكي عليه وتطّنش سمع
   مازن المنبر والشعر والله جمع
   وتا وجّ غيرو بأووف شجّع ما قمع
   لمّا خسر مهتار بالأوف ودمع
   بيتو بشمع يا صاحبي أحمر شمع
   مازن وشربل والشباب الطيّبي
   اطيب شباب بأوف ما عندن طمع
   هههههههههههه
   5 h · Editado · Me gusta · 4
   Elias Farhat
   يعطيكن الف عافية
   سليمان الله يخليك بهالهمة
   5 h · Ya no me gusta · 2
   Adnan R. Said
   سليمان سهرات الشعر منريدها
   تعلي السما و ما تنحني عواميدها
   صارت الحفلة محضرة بتغريدها
   و بكل ضيعة عم نروح نعيدها
   و لما تقلو عيد او زيد البيوت
   بيعل ساعة تا البيوت يزيدها
   5 h · Ya no me gusta · 4
   Steven Boudrgham
   يا خي عدنان أنا بفهمك
   بس قصدي انو مفروض نطلع بقى من التقليد ونبلش بالتجديد
   من هيك عملنا وقتها مدرسة لضو مع بو شربل ود أياد وحجار وغيرهم تنخلق جو مختلف عن جيل الداينصورات مخخخخ
   مش اكتر
   4 h · Me gusta · 1
   Steven Boudrgham
   وبالنسبه لكمال مهتار هيدا رأيي الشخصي وسليمان بيعرفو
   انو شهريار عند قد تلات أرباع اللي غنوا بالاوف اذا مش اكتر وانظلم بها لبرنامج
   4 h · Ya no me gusta · 2
   Karam Abou Harb
   حوار جيد وروعة
   كل الشعار كرامتها محفوظة
   اكيد
   ونشالله الكل بيتوفقو
   ما ننسى الحظ بيلعب دور
   
   ألشاعر سليمان طراد
   لما القصيدة يكون هيكلها منيع
   تنعاد ما بيهم حتى ما تضيع
   ياما عمل حفلات عمك بو ربيع
   وعاد افتتاجو وهيك عم يعمل طليع
   واليوم يا عدنان عا مرأى الجميع
   الحفلات عم تنعاد ..تا يزيد المبيع
   وين الغلط ..؟ما زال عملاق الغنا
   عاد الأغاني ..؟تا عمل محد الوديع
   
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: علي جعفر وبحر الزجل وعدنان سعيد وطوني بو شموني   السبت أكتوبر 25, 2014 12:57 am

[size=24]Ali H Jaafar


Ayer a las 22:54

انا ما بسب...ولا بقلل احترام حتى مع ال مش محترم .. كل واحد بيحكي عن تربايتو صدقوني يا جماعة ابن البيت ما بيطلع منو كلمة بذيئة ... وصلني كومة شتائم وكنت نايم.. طلع معي هالبيتين..
========

كنت نايم على اطهر مخدّي
التركها عطف بيي بعد جدي
بمنامي شفتهن بيحاسبوني
فقت نقزان تاري الأمر جدّي
تصبّحنا بطوني بو شموني
وبكم شاعر الن عندي مودّي
بيقولو في جماعة هاجموني
مش بالشعر..بالشخصي التعدي
قلت معقول؟ رح كذب عيوني
الحقد كلو طلع من فرد ردة؟
بسيطة بسامح اللي بيجهلوني
وعلى قول المسيح بدير خدي
الا عالشرف لا تواخذوني
حقي باخذو من طهر يدّي
انا اهلي المبادي علّموني
وعلى قول الشتيمة وضعت حدّي
ابد ما بقولها و لو يشتموني
المسبة حرف صاحبها الشدّة
وهلّأ يا جماعة سامحوني
سكوتي تبر عا درهم مصدّي
وكلمة بقولها و رح تفهموني
انا ترفّعت عن ابن الشوارع
زلم مش ولدنة يا عمر ودّي

ألشاعر سليمان طراد
بعرف انا مجروح يا علّوش
والكل عارف شاعر مربّى
ولا يوم كنت بصحبتك مغشوش
كرمك قصايد خالدة معبّى
لا تزعل من الصار ضل نكوش
بمرجة خيالك كنزك مخبّى
وخلي الورد فوق الصدر مفلوش
انتي ضمير الشعر يا علوش
ما البحر عنك من سنة تنبّى

اكتوب ولا توقف


ألشاعر سليمان طراد
بتعرف انا من سنين جرحوني
وما قبلت رد ..الكل لاموني
عرفت الحقد بيدمر الأنسان
وبتحكمو احلام مجنوني
خليّك شاعر ..شرقط القصدان
وميّز ما بين الناس يا عيوني
في ناس خلقت تعبد الرحمان
وفي ناس بالأحقاد مشحوني
ولا تفتكر بالكون في فنان
بيعرف قدر ما ينشهر في يوم
جاييه والله نهار دينوني

Ali H Jaafar
شاعر انا؟ معليش ظنك خاب..
صار الشعر يا طراد اكذوبي
وصادق انا..ولو شفتني كذاب
كرمالك اسمك اهجر دروبي
منبر زجلنا صار للنصاب..
وفن النصب كرهان اسلوبي
يعني البوليس بينحكم آداب
والعهر برّا ..كرّج الدولاب
ولا تسألو بيقول ملعوبي

ألشاعر سليمان طراد
ايّاك عن حبر القصيد تصوم
طعّم الريشي بتستحي الورقة
وبالشعر مش بالسب قيم هجوم
وعبّي الخيال من السما الزرقا
وضوّي الدني وخلي القيامة تقوم
ولا تكون بعدك عايش بحرقة
واللي جرى عا النت ما في لزوم
كل اللي شفتو ..أو سمعتو كان
نتفة توارد بس مش سرقة
ههههههههههه

Ali H Jaafar
ايا قهر ايا جرح دامي؟
ما ضل الا حاسب حرامي؟
بدو ضميرو يحاسبو معليش
مش كل سرقة بترفع الهامة
من سلاحنا يللي سرق فتيّش
بتضيق عينو بكمشة قضامي
وقديش دخلك هالعمر قديش؟
سنين المعيشة العمر هدّامي
وعا مين بدو يعاتبك بو عليش؟
في رب شاهد عا حرامي الشعر
هيك دني...وفي يوم القيامة

الشاعر طوني بو شموني
,,
هيدا حكي موزون يا علوش
وبعرف يا خيي إنك مربي
الكلمة الهنية معرمة ع عروش
احكي وبقلبك هم لا تخبي
شعرك صلا عا خامتك منقوش
بتهجي شعر ما بتكتب مسبة
ب حقل الوفى كلما ضربة منكوش
بتزرع تلم أشعار منحبة
بتحصد مجد ما بتبدلو بقروش
بحيثك أصالة صافية معبي
إلا ب بحر الذوق أوعى تفوش
وإلا حلا جنحيك لا تقبي
الدمعة ب عينك خمرت ل رموش
ونزلت قصيدة من علاك نبيد
بكاس الوفي يا شريك منصبي

ألشاعر سليمان طراد
خليّك رايق عيب نحنا رفاق
ان غلّط بحقّك خيّك اغفرلو
ما الشعر عيلة والوحي اخلاق
عا بلاد قلبك حب سفّرلو
تا التقي فيكن انا مشتاق
قلبي صرت من كترة الأشواق
مطرح عا قدي فيك بحفرلو

ألشاعر سليمان طراد
لا تخاف مهما يصير بدو نهار
يفهم ضميرك مزحة جنونك
ويرجع حنين الخي يصرخ نار
نار يا حبيبي زهرت غصونك
لا تترك الموقع بلا انزار
نحنا بنقدر كلنا نصونك
انت شاعر ..زينة الشعّار
بالشعر اوعى تخيّب ظنونك
الشاعر الحمم كلمتو بالنار
ما بنعتقد مكوي بجمرة لوم
ما في شعر عا النت من دونك

Ali H Jaafar
ببكي يا طوني بس في حالين
ومعليش لولا عرفت شو ضعفي
دمعة بصلاتي قبل يوم البين
الفيها اله الكون رح يعفي
ودمعة بعاشورا عا قتل حسين
وانت الوفا ما بين دمعي وبين
يللي دحش منخار للرعفي

الشاعر طوني بو شموني
,,
سليمان إنت من الوحي مسكوب
أجمل قصيدة مطعمة إحساس
شمسك ما عرفت ب المعاني غروب
بتشهد عليها بحق كل الناس
قلو ل جعفر يا قلب محبوب
يا جوهرة ما بتنبدل بنحاس
بتضل دقة للشعر بقلوب
كل اللي عارف معدنك يا شريك
ما في ع ذوقك شاعر بينقاس

ألشاعر سليمان طراد
الجرّب يهدّي الوضع لا تلومو
هيك الشعر عا النت مفهومو
ممنوع نعمل مشكل ولا نزيد
عا النار زيت بنحرق كرمومو
عيبي علينا نسحب بواريد
ما الشعر يا علّوش نعمة وكيف
الشاعر قدير يطلع سمومو

Ali H Jaafar
عالنت بكتب شعر بلوشي
من دن مقابل وحينا بيوحى
وما بكتب الابيات ملطوشة
وبقبض عليها قروش مقدوحة هههه
هالشعر منو بيوت مفروشة
بيت الشعر للناس مرجوحة
وانت فهمت شو قصد علوشي
تمرجح يا خيي الناس مجروحة

ألشاعر سليمان طراد
طوني انا من زمان ما بواسيك
وعنك قلت بالشعر دم سميك
بس الحقيقة بعد ما جوهرت
لقيتك عا انترنيت متل الديك
فيك صدّق من سنة شهّرت
وقلت بركي بيسمع ميوزيك
وعدنان قلي ها الصبي ل زكرت
صاير خيالو متل اطلنتيك
وبالشعر شاعر محترم تا صرت
ما وصلت لوما تنينا نهديك
من هيك ما زعلنا معك لا زغرت
ولا نقص قدرك بالشعر يا شريك
ضليّت تمزح يا حلو تا كبرت
ونحنا قسنا عليك يا طوني
ولحد هلّق مش مأثر فيك
ههههههههه

الشاعر طوني بو شموني
ههههههههه
23 h · Me gusta · 2
Ali H Jaafar
بتعرف يا بو شربل انا وياك
متل اللي شال الدر تا يكبو؟
سياح نحنا ما حدا ملاك
يا ريت يفهم لي نكر ربو
قشرة الدني يا صاحبي شو باك؟
وبيت النهاية بالقبر لبو
وبوقتها ادلف شعر عافاك
ولما نكير يزرزب مصبو
السرقة على باب القبر شباك
مش للطلوع من القبر يا خال
بنزلة على جهنم رح تضبو

الشاعر طوني بو شموني
,,
سليمان بعرف معدنك صافي
وبتضل قلب كبير مهما مزحت
بحرك جواهر حاضن وكافي
وإلا ع شط الموهبة ما شلحت
طوني فكر ب الفلسفة دافي
وبعرف بشعري يا صديقي فرحت
ما تأثرت لا تقول وتجافي
حرمة ضميرك بعد ما تسوسحت
حكيتني يبعتلك العافي
وزدتا معي وتكبرت وشطحت
ما خسرت فيي أجمل ضيافة
وإلا الوفى مني ما فيك ربحت
من فوق باقي وإنت مش نافي
ع مرايتك إسأل ضمير الشعر
كنو شي مرة شفت طوني تحت


ألشاعر سليمان طراد
ولك روق .انسا... حاج ..عاتل هم
منّك ما أخد اجرتو تكسي
نحنا هدفنا تا الشمل يلتم
وبالحرب ما بتتعوض النكسة
انتي غلطتت لو كان عندك دم
تلفن الي أو دق عا فكسي
ما كنت بسمح بالزجل تنزّم
يا بناولو بوسى ل ها المضروب
يا بدوّقك عا عملتك بوكسي


Adnan R. Said
شو صاير على الصبح يا اخوان
واعي انا من دقيقتين زْمان
مين اللي ضارب مين و المضروب
مين الأوادم مين هالزعران ؟؟؟
شو قصتو علوش مش مرغوب
يكتب نقد ويجنن القصدان؟
وليش الضغيني معشعشي بقلوب
ما كلنا اخوان او جيران
ما بتقبل جبال المجد وجنوب
جرح الكرامي يطاول الانسان
شفت الغلط والرد مش محسوب
من شاعر بعدّو كنت فهمان
روقو تا حتى ينمحا المكتوب
وترجع ليالي الشعر تجمعنا
ونكون صورة حب عن لبنان

سليمان قلبك طيب ومعذور
ما بلوم طيب ما لقط تلميح
بيت الزجل يا صاحبي مهجور
وعليه صرلي قرن حاطت زيح
ارجع لأرشيفو شي خمس شهور
ما كتبت لنو شطر .. شوف منيح
مغرور يعني كنت عالمغرور
ورح ضل اترفع ..حكي الجهال
سفينة يا بو شربل بعكس الريح
ههههههه

ألشاعر سليمان طراد
علّوش غلّط يا أبو بهاء
تقّل مزح وبتسألو ..؟لمتو
عكّر الزلمي روعة الأجواء
انصحتو انا وعن جد كلّمتو
بلّش يقلي بالألف والراء
لشاعر صديقي غلطتت واشتمتو
نشّفت تمي تا طلبت الماء
وقلو خلص لا تزيدها خلصنا
وكم درس بالأخلاق لقّمتو


Ali H Jaafar
سليمان لو كنك صبي مدسوس
عن دين ربي حل يا عمو
بالون شعر و ناقصك دبوس
ولولا انفخت هالشعر شو همو
متلك اجانا مدخن و مكدوس
والا الطبيعي ما قبلت لمو
لو كنت باللي شتم مهووس
وعندك وفا لا تتركو ضمو
وحاجي تبوس وتنتخي ببكوس
عندي العميل المزدوج جاسوس
حتى انهداني من الورد كمو

ألشاعر سليمان طراد
ليش الشتم ..بحياتك ربك روق
كتر المزح بيسبب الأزعاج
انتي بلا ما تزعل المحقوق
سن الدهب فكّرت لونو عاج
بعرف انا عا الزين شو محروق
وانتي الوحيد بتحفظ الأنتاج
بيت الزجل ما بعتقد مسروق
شو مفتكر مسروق صوص دجاج؟؟
روح اعتزر واعمول طوني البوق
وتا تروق يا علّوش بكرى سوق
صوب البحر للتسليي محتاج

الشاعر طوني بو شموني
,,
آخر قصيدة من قبل ما نام
وإغرق ب ضو الشعر و الاحلام
حبو بعض تنضل إيد وروح
بكرا علينا بتشهد الأيام
عدو إذا مني أكل سحسوح
المفروض منو يفيق الالهام
وبحر الزجل ممنوع مش مسموح
يضلو رمادي بعتمة الاوهام
وجعفر صديقي شاشتو ع جروح
تداوي وما يكسر غير ب الإصنام
يلا تركوني صوب تختي روح
انتو حلا الأشعار يا شعار
مهر الضغيني اربطولا لجام

هههههههه

Adnan R. Said
علّوش ما بقبل معك ما بريد
هيدا الزعل بقلوبنا يكبر
كب الحقد وبيوت شعرك زيد
وخليك شمعه مزيّني المنبر
و بالشعر لا تخلف بقا مواعيد
ايوب كون شوي .. و اتصبّر
و تانرجّع ليالي القوافي عيد
انسى ال جرى والصار يا علّوش
بعرف عليك الريح ما غبّر

ألشاعر سليمان طراد
تنيناتكن اخوة خلص شو صار
مزحة تقيلي وخلصة القصة
بكرى الزجل بيجمع الأنصار
وبيبص جوهر معدنك بصّة
حبّوا الزجل ما الشعر عالي صار
ونحنا بشر والكل عندو عيوب
وبالحب الله ل بعضنا وصّى




Ali H Jaafar
عدنان انت بتؤمر وراسي
بيلبس كلامك عا شكل طاسي
وشو صار دخلك والجريمي شوف
سليمان ذكرني وكنت ناسي
بتعرف انت عا موقعك ملهوف
عندك خوابي بتنعش حواسي
ولما بدي الموقع يصير الوف
صار الحقد عالرقم القياسي
صدق انا ما بلوم ارض الاوف
ماالخمر اصلو من العنب يا شريك
وعندك شجر بفروع يباسي
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
بحر الزجل والشاعر كمال مهتار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: