منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» طير الفنيق رامي نعيم وبحر الزجل
الإثنين ديسمبر 25, 2017 8:10 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 مباراة فادي فياض حسن بنوت

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: مباراة فادي فياض حسن بنوت   السبت فبراير 16, 2013 12:37 am


فادي فياض

أووووووووف أووووف أووووووووووووف

شعاع الشمس لما دق فيي --- ووعاني قبل وقتي شويي
زقرت الشمس شفت النور عتّم --- تخبى الصبح بجياب العشيي
رجعت كفيت نومي وصرت إحلم --- بغيمة عدل طافت عالرعيي
وحقول الشرق قمح جديد تطعم --- مغربل من زوان الطائفيي
نكزني الشرق ... لا تحلم بتندم --- لأنو الحلم ما غير قضيي
قلت الشاعر الحساس ملزم --- يحلم بالسعادي السرمديي
وإذا حلمو بيودي عا جهنم --- جهنم نارها بالعز أشرف
من الجنة بجبهة منحنيي
حملت المسبحة ووقفت مرة --- عا مفرق هالأرض من ميل برا
صلّي وتا قناني النور قفي --- الشمس خمرة عملت والجو جرة
ومرق نهر العتم من دون ضفي --- تايه عا شكل اعمى المعرة
تا الرحلة اليتيمي ما يكفي --- ولأنو طعمة العتمات مرة
طويت المسبحة عا صحن كفي --- وقطعت الخيط ورميت الجواهر
وصاروا بوقتها نجوم المجرة

شلحت بالموقع التوب الإداري --- تا إلبس سطوة دروع التباري
وجيت الروس لكبيري البليدي --- تا مرقهن من عراوي زراري
ولما شِربت شرودي القصيدي --- فطمت الشعر عن خمرة جراري
انا من مقلع حروفي العنيدي --- انكسر راس المهدي على حجاري
انا شاعر بأفكاري الجديدي --- مرج نيسان شاحد إخضراري
وبعركات المجالات البعيدي --- ان رجع عنتر بيعمل مستشاري
وإذا بنوت بيحمّي الحديدي --- رح بشويه بالفرن الحراري
وإذا عصابو من القطب الجليدي --- انا الشمس اللي ما بيبرد مداري
وإذا نهيتو بهالعركة بإيدي --- وضمير الشعر توّج إنتصاري
روحو ما بتتسمى شهيدي --- لانو بسابق التصميم جايي
يضيّعها بموقف إنتحاري
وبنوت شب منيح منودو --- لكن بعد ما عرفت شو بدو
نزّل دلو عا بير شعري وطاف --- ما عاد يقدر للدلو يشدو
سمعت عنو شديد ما بيخاف --- لقيت الورد ناعم على خدو
سمعت قدو كبير عرض كتاف --- ما لقيت عندو شعر عا قدو
سمعت مشكلجي بطل سيّاف --- لقيتو عريض السيف عا يدو
انغشيت لما كان من لضعاف --- ومحرج صرت من قعدتي حدو
متل السكب من جرة المضياف --- كاس مش طيب لا بيقفيه
ولا قادرعلى جرتو يردو

انا يا سادتي ويا سيداتي --- بهالأخصام ما اتعس حياتي
حظي الحطني مع هيك شِلي --- حط الدر عا جنب النحاتي
ما جيت اليوم تا بيّض سجلي --- ولا عبّي مطلعي وفضّي دواتي
لأنو بهيك عركة مش مُغلّي --- ربحي متل الخسارة .. شماتي
إبن بنوت تا مرّو نحلّي --- مرق شعرو على سكر نباتي
وبقي بالرغم ما تغطى بظلي --- تقيل بيشبه الزيت النباتي
وبوشربل موهبة خرج المجلة --- اللي بتحب تقراها حماتي
بغزل محموم شاشتنا بيملي --- إذا ضحكت إلو بنت السباتي
وشادي شاعر بألفين علّي --- تا اشفيه بظهر معجزاتي
انا فادي الشعر معتاد صلي --- ومع المحتاج بعمل واجباتي
بهيكي رفاق عالمنبر يا دلي --- يا غبن قصايدي ومعلقاتي
ولوما كرامة الناس المجلي --- وكرامة بدر راعي الحفل كنتو
ما شفتو صورتي مع هالتلاتي
============
Ayer a las 7:47 · Me gusta · 6

Bader Hijawy ===================
حسن بنوت

سهرة زجل ودفوف مدقوقه....وعيّوق يتغزّل بعيّوقه
وراكض أنا متحمس ومعزوم....تا مرّق بهالليل طرطوقه
طراد العزمني وألف عيب الشوم....جايب معاه دقون محلوقه
واحد بيشبه مسكة القدوم....وواحد إلو دينين مشدوقه
يا طراد هالقصه ما إلها لزوم....معليش يا بو جياب مخزوقه
من دون عزيمه هالوضع مفهوم....براسك طواق الفهم مغلوقه
بتضلك تقلي تعا وهجوم....الكلمه بهالايام محقوقه
وجرح الهجر ولد بقلبي هموم....ورقبتي عالحزن ملووقه
يا بوعلي يا شاعر القيدوم....رجّع لنا أيام مسروقه
ولك شو باك حاج تنق متل البوم....من وقت ما عرفتك لحد اليوم
وبصلتك بتضل محروقه

تكرم عيونك جيت عالملقى...والقا يا فيّاض القتل القا
جايي وعلى جنبك فرد كبسون...وكل العيون عليك مشتلقه
جايي مشي أو جيت بالكميون....مش فارقه من بعد هالعلقه
بدك تعود مصندق ومشحون...دموع الحزانا عليك مندلقه
مش من زمان بعيد يا كمّون....بحلقت فيي عيونك البلقا
ودشرتك ظليط بشهر كانون...جنابك عا وهج الصاج منسلقه
راجع معرّم متل نبليون....وبالجفن حلقه وبالاذن حلقه
بالع ملج من بحر برحليون...منفوخ منو وصايبك طلقه
لا الحج بدر بحضرتك ممنون....ولا في حدا راضي عهالخلقه
قالو أدب سيس وولد مجنون....قلتلهن لا تعتلو همّو
هيدا بعد بيتوب عالفلقه

قالو مين بيو مين جدو.... لأسمو فلان عالميدان ودو
يعطي زجل من منبع الالهام....ومن هون ياخد قد ما بدو
خصمي اذا ما دام ما بنلام....هيدا قصاص للي بيتعدو
مسلّح بأسم وهاجم لقدّام....مفكر وحي ألله رح يمدو
يا ناس شو صاير بهالايام....ثوبك عياري ان كنت مش قدو
جوق الارز كان بسبع تنعام ....بوجود حنا للسما حدو
وكان حنا الفارس المقدام....تركع ملوك المرجله حدو
وكان حنا الشاعر الرسام.....يلقي على خد البدر خدو
مش متل فادي عاش عالاوهام....بوجو بواب الموهبه انسدو
مبسوط في صوتو على الانغام.... البيسمعو دموعو قهر ندو
وقاعد بجوقو معرم وقدام..... مبهبط بهزلو عليه وبجدو
يا غبن حنا ابن موسي ينام....ويشد هالجلبوط بمشدو
قدو مارح بتصير بالاحلام...أو رد جوق الارز لصحابو
يما غصب عنك انا بردو

قعدت البراجه قرت برجي....وحسيت فيها شوي منحرجه
وقالت يا شاعر شو جرا والصار....تا نزلت عن برجك ألف درجه
عم بقشع ببختك ولاد زغار....أزعر سكرجي مع مقامرجي
قلتلها حكيني عن الشعار....وعن عبقري متلي محاورجي
فتشت زنكا زنكا دار دار....ما كانت تلاقي خصم خرجي
صعبه ومش ممكن على الاقدار....تجمع الكندرجي بجوهرجي
هيدا اللي متعدي عل هالكار.....بيعلك حكي وكتير بهورجي
أنجق بيطلع خمس ست شبار...وبالقلب راكب مهرة العرجه
وهيدا معاه المتر والبيكار....رسام أو يمكن مصورجي
بيرسملك التلات والانهار....والزهر والنحلات والمرجه
وهيدا بصوتو خرسن الاوتار....وهيدا بصف الشعر معمرجي
وهيدا بجمالو بيبهر الانظار....والله لا يبلينا بهالفرجه
ولك حاجي بقا ما عاد بدي خبار....ودو البجو الفكر طيرجي
قالت البراجه الزمن غدار....متلك ما بتلاقي خصم جبار
حتى القدر ما عاد مسترجي
=====
===
========
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: مباراة فادي فياض حسن بنوت   السبت فبراير 16, 2013 12:50 am

=========
ضيف شرف الحفل شفيق الذيب
===============

شرق تنين وغرب تنين ...فرجونا وردّو الضربي .
وخلّو الدنيا "تزنطر" بين ... الريح الشرقي والغربي ..

بهالعركة لمّا تغنّيت ... كل مين بعكسو تزيّا
شاعر بالغربة لاقيت ... وشاعر عكسو بسوريّا
وشاعر بحر ببيت وبيت ...وشاعر بالارزة تفيّا
يعني يا رفاقي يا ريت ...تهتمّو بهيك تريّا
الارزة لمّا بترشح زيت... ولمّا الموجة تتهيّا
يمّا خلّونا بالبيت .... يا ودّونا عالغربي ..
==================

شادي موسى يلا بوعلي..
====
بخلي الدنيا تزنطر بين
الريح الشرقي والغربي

=====

مسألتك عندي بالذات
يابنوت بشرق وغرب
رح حلا بأربع كلمات
وجيبك عالصح من الورب
قسمتك وجمعتك مرات
بقسمة وجمع وطرح وضرب
وبالزايد زدت الضربات
وطرحتك ناتج ضربي..

=====

Hassan Bannout .
يا عيني عليكن يا شباب
تحياتي خيي شفيق
.......
خللو الشعر يزنطر بين....الريح الشرقي والغربي
........
يا شادي هلق تا فقت....عندك ليل وعندي نهار
شو صرلك هالعلقة علقت....بقبضة قصـّاف الاعمار
ريتك تضرب ما مرقت ....ضربة عا شيخ الشعار
وانت الساعة لفيها خلقت...عا أهلك أكبر ضربه
=============

شادي موسى =====
بخلي الشعر يزنطر بين
الريح الشرقي والغربي
=====

شو هالردة ياحضار؟
لا جواب ولا رجفة بعين
بدلةت" قصاف الأعمار"
كم مرة لابسها " الزين"؟؟؟
وياساجن بنت الأفكار
يا "تننين" ال براسين
جاييك بحرب الأشعار
براسينك إزرع حربة
=====

Hassan Bannout .
يا مضروب على الحالين...جاوبتك عالضرب منيح
انت الما رجحت العين...وردك رايح شيح بريح
بتنين وحربه وراسين...راكض ومسلح تسليح
سمالله عليك ويخزي العين...أصحك تزحط عا دربي
......
ما بدي رخصه من الزين....حاج تفنكات وتلميح
بقصف عمرك يا بو حنين...وما بخليك قبالي تصيح
==============

شادي موسى ======
الشادي ال عادعساتو حن
الفردوس.. وأبراجو دراج!
مابيزحط عادرب ال قن
ولابيدعس ع سياج دجاج!!
والقالولي عنك بن
طحنتك إلهن بالمهباج
وشرربتك لجموع الفن
وقالو يلعن هالشربة ...
خخخخخ
=====
يلي بيسرق جوهر رن
لايفكر فكرو وهاج
ويلي بيلطش " فن " و جن
مأكد رخصة ما بيحتاج !!
=====

Hassan Bannout .
يا عامل حالك فنان...مصدق وبحالك مغشوش
إنت وفهماتك يا فلان...أنجق تسوو تلات قروش
لا فنان ولا إنسان...لاكن مطروق وملطوش
شربان الشربه وجربان...وعم بتحك على الجربه
......
اسمي وفعلي بالميدان...نار وبارود وخرطوش
وانت على شكل السعدان....من نكزه
زغي
ره بتهوش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
مباراة فادي فياض حسن بنوت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: