منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» طير الفنيق رامي نعيم وبحر الزجل
الإثنين ديسمبر 25, 2017 8:10 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 شادي موسى سليمان طراد موضوع العنصرية والأنسانية

اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: شادي موسى سليمان طراد موضوع العنصرية والأنسانية    السبت فبراير 16, 2013 12:38 am


سليمان طراد
بما انو الحفلة الماضية تكسرو الكراسي هههههه
حبينا نغير شوي عا المنبر ونعطي رشعر بينقرا تعلموا يا شعار العتم
أووف أووف أووف

ستي حكتلي وقالت بكحلون
. كنا نشّعل شمع من ليمون
ونبقى نصلى من القلب للشام
تيضل الله يطل عالكفرون

ياشام حور اللادقيه قلام
انكسرت ببرّاية زمن مجنون
وقلعة حلب لبست الليل كمام .
. لما عليها الناس ربّو دقون

ياشام عا بطخيك الشمّام
في ألف خنجر بالحقد مسنون
بلاد المافيها حظ بالحكّام
.. مارح يجيها حظ من محتل
بيروح نيرون بيجي نيرون

آخ آخ آخ

للشعر الله جابني راعي
و ردّ حوّا الشعر لضلاعي
وبس كنت طالع عاجبال الريح
قواس القدح علقت على كواعي

يابعلبك القلعه المابتزيح
وعم تلعبي الشطرنج ببقاعي
متلك أنا قلعه ببحر سبيح
قطعت الدني وماخلصت ضياعي

والشمس مالمعت بضو منيح
لوما تغسّل وجها بقاعي
وياراعيه السمرا طريق الشيح
مشاع الشعر فوتي على مشاعي

مخبيلك جبال السما طراريح
وكل ماتقاعي عن سطوح الحلم
إلاع ديّي مارح تقاعي

ياشعر عبّي نايتي تنباك
تادخّنك صفره بلحن أهواك
المابيفتحو كتاب الدني مساكين
. مابيفتحو بحيط المجد شباك

العملو بمعبد للصلا دكاكين
حملو لجبيني الشاعر الأشواك
ويللي بيشيلو مواس وسكاكين
بيهبطو الأفلاك عالأفلاك

وصارو المنابر بالدني بلاكين
بتنشر غسيل الأحمدي وشيراك
بشعرا الزجل في كتير علاكين
ولما الحكي بجرّة زكا بينخض
ومابتقشع الزبده بيكون علاك

كلما عروس الشعر عالمنبر
... بترقص معي أحلامها بتكبر
بتفتح سفر عمري وبتهجّيه
وبتصير حد قصايدي تسهر

ياهالعروس البحر لاترجيّه
منو لحالو بيسكب الكوثر
عطيتك قصب من سكر تمجيه
. و يدوب سكر فوق هالسكر

لاتسألي الله ولاتترجيه
الله أنا بالشعر أو أكتر
وياريت عندي خصم تااهجيه
يعني للي واقف تحت سابع موت
شوماعملت مابقتلو أكتر
============
Ayer a las 7:49 · Ya no me gusta · 7

Bader Hijawy ============
شادي موسى أوووف..
أووووف..
===
تعطل النت وسككر بوابي
وعنكن قطعني وزاد سرسابي
وشو هم لو ما توصصلو سلاكو؟
شعري فتح بالروح شباكو
تاالتقي بنظرات أحبابي !
====
أوووف..

وقلي التغني .. قلت يتغنا
وقلي التجني.. قلت ما اتجنا
وقلي الأخووة.. قلت بالاجماع
قلي المرووة.. قلت من عنا
وقلي الخيانة.. قلت للأتباع
قلي الأمانة.. قلت مابتنباع
قلي اختصرهن.. قلت موطنا !!
=====
أووووف..

الله ..بلاد الكون كوونها
بريشةت ملاك النور لوونها
وصارت بمكتبةت الدنة ديوان
مفهرس بلا عنوان عنونها
وطرطش ع لبنان ..السما قصدان
بعنوان اسمو تايلبننها
وخرتش قصيدة شعر عالبنان
سحرو كتبها بناس مش بحروف
ومش عم بيشبع روتشة منها..
====

====
قد ماطبعي طبع هادي
مجروح عاهالجرح ببلادي
مين علا جرح الشام ل بينلام؟
ضاع بالأسود والرمادي!

عالجرح فينا استدوقت القلام
وصارت عاسطر الدم بتدادي
وحامت علينا جمعةت الآلام
وتاتروح بدها نجم ميلادي

ياشام ليلك تامن الأيام
وخامس فصل فيكي عم ينادي
ياما المجد عاقاسيونك نام
وغططس اجريه " بفيجةت الوادي "..

حاراتك زواريب للأحلام
مزاريبها سقيت حلم شادي
وخلقت بروحو الشاعر الرسام
وفجرت حنينو الروح زووادة
ياشام جووك منبع الإلهام
فيكي الحلا فيكي السحر بادي
وبحبك زيادة أنا ياشام
ووقت الكتبلك شعر "ابن طراد"
صرت حبك أكتر زيادة..
=====

====
أنا بتطوير شعر الفخر معني
ولفخر الشعر "فخر الدين معني"
الوحي رفعتو ع وحيي من ضياعو
وع تشريدو دمع قلبي و وجعني

خلقت أبعاد فنو وانطباعو
بسريالييتو هام وجمعني
بفراغيات منظورو وشعاعو
نفخت الإرتكاز اللي رفعني
وسطح اللانهاية بإرتفاعو
و وساعةت فسحتو لما سمعني
انطوى بحالو ولفلف اتساعو
و ركض عاجيبةت الطقم الزغيرة
و وسع فيها لأنو ماوسعني!!
====

====
أنا بشعري اللهيب " الحضرموتي "
غططستو بعطوري وبزيوتي
بأدونيسيةت " بيوتي " ألوهة
سبح فيها الجمال العشتروتي
ب وحي الشام الملايك وصصلوها
انتشى النانرنج من نفحات توتي
وع غصن الأرز "حبكة" كمملوها
أدق من البساط العنكبوتي!

زعل الله وصرخلن حللوها
فيها سر من بوحةت سكوتي
رفعوها ولابقيتو تنززلوها
قوت خلودها من خلود قوتي
وتاالفردوس فيها تجمملوها
وتموج الجناني بالتخوتي
حفظو ابيات شادي ورتتلوها
وكللفها.. تجي من بعد إذني
علا عرشو تطررز وتنقش ب
يوت
ي..
====


عدل سابقا من قبل سليمان في الخميس فبراير 21, 2013 11:52 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    السبت فبراير 16, 2013 12:40 am

شاعر سليمان طراد
ن كنّك صوّان بلبنان
قبالك لبنان القوّه
دقّ الصّوان بصوّان
وخلينا الحفله نضوّي.

اووف اووف ووف

النسر الجنحو كبير كتير
الشمس بعينو تفاحه
الجنه من عشّو بتصير
. تبين حمّام سباحه
جوّي ساحة كون كبير
وشو ماعملت بهالساحه
ومهما تعلي ومهما تطير
بتبقى فستيكه بجوّي

===============
فادي فياض
لنك نسر ولنك وحش --- بيوزنلو مية كيلو
قبالك خصم بيطحش طحش --- ان كنك سبع بتحنيلو
فستيكي مدحشها دحش --- الحرف الاول رح شيلو
حتى اضرب فيها الجحش --- ونزل راسك بالهوة


=============
ألشاعر سليمان طراد اووف اووف اووف

ن كنّك صوّان بلبنان
قبالك لبنان القوّه
دقّ الصّوان بصوّان
وخلينا الحفله نضوّي
*****

كشّف عن معدن إنسان
ع سياج الخوف مهدّي
مهما يبيّض بالقصدان
بيطلع شعرو مسوده
سكوتك يابوجوقة كان
اشرفلك من هالردّه
وياخجلة أرزة لبنان
لما
بلو
ط تسوّي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    السبت فبراير 16, 2013 12:42 am

============
فادي فياض
مسودة شعري بتغنيك --- مرايي منبر مفتوحة
ويا طفل الشعر بسليك --- بأرزة وبلوطة وشوحة
بالخنصر تا إمدح فيك --- رح انصبلك مرجوحة
بخفف ساعة ما بغفيك --- وساعة ما تفيق بقوّي
============


ألشاعر سليمان طراد
علّيت الصوت ..وما عليت
بجو الكلمة الشعرية
وعا المنبر ياصوص بقيت
مفستّك ..والوزن وقية
يا ريت ..قرييت وما حكيت..
حروف البحر الضوئية
كنت صحون الحفلة جليت
وما جبرتك قدّام الكل
تكوّي تيابي وتطوّي

أوف أأووف

يا فادي عا دبحك جيت
عنقك جزّو بشبرية
بكل الحارة عندك صيت
بتقبل متل النورية

علّيت الصوت ..وما عليت
بجو الكلمة الشعرية
وعا المنبر ياصوص بقيت
مفستّك ..والوزن وقية
يا ريت ..قرييت وما حكيت
حروف البحر الضوئية
كنت صحون الحفلة جليت
وما جبرتك قدّام الكل
تكوّي تيابي وتطوّي



فادي فياض
خليني وقية الماز --- ولا قنطار من خشابك
ولما لقيتك عالعكاز --- والعجز النصفي صابك
ولقوة وفكحة وعين قزاز --- عن قصد كويت تيابك
بجيابك كل ما تعتاز --- بتلاقي حبوب مقوّي

عبيت شرابك بكواز --- وقصعين وخل شرابك
وجبتلك كرسة هزاز --- بترتاح عليها جنابك
خليني وقية الماز --- ولا قنطار من خشابك
ولما لقيتك عالعكاز --- والعجز النصفي صابك
ولقوة وفكحة وعين قزاز --- عن قصد كويت تيابك
بجيابك كل ما تعتاز --- بتلاقي
حب
وب مقوّي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    السبت فبراير 16, 2013 12:49 am

عمرت جسر الضو من همس الحكي
جاوب صدا سكوتي يا نفسي شو بكي
قلت الحكي طعمو ع تمي مستكي!!
سكوتي ضجيج. بوقفتي بالمعركي
سليمان عمرو لا تِكي ولا بيتَّكي
عا كتف غَيرو ولا شكي ولا بيشتكي
لولا ضحك بتشعشع بوجو السما
ولولاغضب بلّش يا
شاد
ي بالبكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    الإثنين فبراير 18, 2013 12:01 am

شادي موسى

غصني السحر تاج الليالي الحالكي
صابيع نور الشمس فوقو بتتكي
بيبكي ندي يسقي طيور التكتكي
بيبكي زهر ع كمام روحو مشكشكي
بيبكي عطر بخور من دمعو الزكي
يقددس هياكل منبر الشعر الزكي
وساعةت م رح يسمع حكي من الفزلكي
بيبكي صمغ احساس بدموع البكي
وجمعت دمع الصمغ ت بهالملتقى
لززق شفاف الصفصفة وكتر الحكي..

ألشاعر سليمان طراد
ياجبهة النصره تعا ...و جيب البزيم
وشبّك بحفلات الصلا شفاف الحريم
ولزّق شفاف الصبح تاتبقى عديم
ولزّق شفاف النهر بقلام الهـشيــــــم
ولزق شفاف الكاس وشفاف النديم
وتم الورد و النحل و الصوت الرخيم
وخليك حامل صمغ جهلك بالدني
وبشّر بعصرك عصر شيطان الرجيم.

شادي موسى =====

جبهةت النصرة..بيشبهك برهانها
مش باللزق .. قطع وقبع عنوانها
راس المعري تقططع بميدانها
وقبعت الأيقونات عن جدرانها
ولوما الشعوب اللزقت بأوطانها
بشامنا وأرزة جبل لبنانها
كانت الأرزة من العلم رح تنقبع
وتشوف يالبنان " نخلة " مكانها..
=====
اوووف..
انت وبدر..كفة بوزن ميزانها
وكفي رح يكفي القبع بسنانها
ونحنا لزقنا بأرضنا وصوانها
ودبنا نصر من نهنهةت أحزانها

أووف أووف
تكبّر وسبّ النخل قدام الشوام
وهين العبي ببغداد وتفرنج قوام
وبكرا إذا بتجوع من شح القلام
وحدو النخل بيشبعك خمسين عام

النخله لاتشتمها بمكه شوف نام
تحت النخل أهل النبي بقلب الخيام
وبالقدس حملو سعفها وضربو سلام
للجاي يهدي القدس بليالي الصيام
ونخله نشيد الأرز شاعر مجد قام
يعمر غناني من أساطير الكلام
ولاتسبّ عالنخله إذا بصحرا الحروب
ضيّعت غير النخل ماعندك سلام

===
شادي موسى
مابسب "نخلة" ولابسب تمار عود
بسب ال شووه رمزها برايات سود
بسب العبي وملوكها الخانو العهود
يلي رقص بالسيف مع بوش الحقود
بسب ال مع بيريز صافح بالزنود
والعممر بأرضو سفارة لليهود
ولولا النبي لشبه الجزيرة رح يعود
ويشوف فيها شو جرى كفر وجحود
بيشيل مكة والنخيل وكعبتو
وبالشام يزرعهن على تراب الخلود
=====

وينو جوابك عاللزق؟ضاعو الردود
شههد عقول الموهبة وكتتر شهود
وعيبة تقول " شوام " وتعممر حدود
نحنا عرب ذات الوفا وذات الصمود..
====

بالطائفيه مابتربح بالقصيد
وبالعنصريه بتخسر ان فاقو العبيد
يعني اليهودي.. عالبيادر بالحصيد
إنسان متلو متلك ومتلي أكيد..!!
والإسرائيلي الهاجم بسيف الحديد
غير اليهودي تعلم الدين الجديد
ولاتدين دين اترك الله يحاسبك
ويحاسب الإنسان شو عندو رصيد

بعرف مسيحي خاين ..ومسلم عنيد
وسوري قتل سوري و فتح جرح الوريد
وبعرف ابن مريم يهودي ومن نبيد
دمو سقى فعل الفد
ا و
صفى شهيد

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    الخميس فبراير 21, 2013 11:49 pm

=======
شادي موسى

سألتو عن ملوك العبي الفعلن قبيح !
جاوب أخونا عاليهودي بالمليح !!
ضلك على درب التآخي والمديح
خاوي اليهودي وزيح عن دربي الصحيح
لك هيدا اليهودي التحت منو رسمت زيح
اسرائيلي مصهين بمنطق صريح
يعني اليهودي شر نار بشيح ريح
عادا النبي ونززل مسيح علا الضريح
لا الصهيونية كانت بعهد النبي
ولا الصهيونية كانت بعهد المسيح !!
=====

وينو جوابك عالملوك؟ ياديك صيح؟
بلعتو متل رد اللزق..! بدك دبيح
زورب عن ردودي وجواباتي وزيح
بحرك جنب طوفان أشعاري شحيح


ألشاعر سليمان طراد .
الأجرام مالو دين دينو السبسبي
حاجي تسبسب يا ضعيف الموهبة
البيعمم الأجرام عا بلاد العبي
كرمال حكّام النفط والشقلبي
وبيشمل الشعب البهودي اللي ربي
بيناتنا بأجرام شارون الغبي
متل البحجّة جبهة النصرة بيصير
يقول المصايب كلها بدين النبي

***
فهم المحبة ان كان عن قلبك خبي
رح بسطّو واعطيك زبدة تجربة
كل البشر اخوي بنت يما صبي
بيكفي تفّرق مكتبة عن مكتبة

عمّق يا شادي اكتر


====
شادي موسى

جبهة النصرة العييدت ع حدادنا
الإسلام منها تبرأ بأعيادنا
وشارون وحدو ال دبح أجدادنا؟
وباقي اليهود بيفرحو بأمجادنا؟
وتاتقنع وتقنع معك نقادنا
بجملة افتخر فيها اليهود ياطرادنا
قالو لبيلاطس؛
"انت اصلب يسوع
ودمو علينا وعاولاد ولادنا "..
====

زيد البكي..وانزع سمع رووادنا
و نخ ارتكي..بعينك ع جمر رمادنا
ب ضفر الحكي.. مابتخرق ب بولادنا
الحبر الزكي..دمات استشهادنا

=====

عمق فلسفة أكتر

سليمان

اوف اوفف
مياس ابنك طفل أحلى من الورود
نشالله تشوفو عالمسارح عم يجود
لكن تانفرض هيك مره بهالجرود
تفركش وصفى مريض واصفرو الخدود
ودورت بالشام وطبيبك قال خود
ابنك لإستاذي اليهودي للي ودود
وماكان غيرو بيقدر بكل الوجود
يلاقي لهالعله العم تعلّك حدود
بتترك إنت مياس يدبل عالسرير
يما بتقبل تنقذو بحكمة يهود
............
معقول ياشادي إنت قلبك حقود
وبتحاسب الأطفال عاغلطة جدود


شادي موسى
أوووف..
=====

موضوعنا.."تمنطق " بمصداقيتو

مش ع " الفرض " بتعممر ب علليتو !!
وتاجاوبك بالمنطق وشرعيتو
ويلطا الفرض عندك تحت شمسيتو
آدم خطي..وخالف ل ربو وصيتو
وحملت خطيةت جدنا ..ذريتو
والله بعت ابنو بطهر قدسيتو
لغسل الخطية ..وبسألك عن نيتو ؛
ضححى بإبنو ليش؟ومن المبتدا
يحممل نسل آدم شرور خطيتو؟

=====

طراد رغم الزعبرة بشخصيتو
بيتقنع ببدلات انسانيتو
لوما رح بيدفع الحج فديتو
رح رجعو معبا بقل
ب ط
اقيتو
..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    الخميس فبراير 21, 2013 11:51 pm



سليمان طراد
مازال عندك حقد عا كبر الجبال
ضد اليهود بشكل عام بها المجال
وبتحب تفنيهن انت عا كل حال
وما بتفرق ان كانوا صبايا او رجال
رح اسألك قلي وجاوب عا السؤال
لولا شفت طفلين عا دروب الدلال
وكانو يهود بيدفعك حقدك تشيل
موسك وتدبحهن تا تربح بالقتال
.....................
ميّاس ضحى فيك بيّك وقت قال
بس الدوا المن إيد طائفتو حلال
كذّاب شوف الكنبيوتر فيه حال
وهوّي احتراع ومن بلاد الأحتلال

عمق يا شادي والا بقسا ههههههههههه

..


ألشاعر سليمان طراد · 2

شادي موسى
بجبلو حجج واقع لجرحو يضممدو
بيسل سيف "الافتراض " الغمدو
حروفك على رد الجواب ترمدو
وعامفرق الفيه الهريبة تجمدو
ومازالن بحب اليهود تحمدو
جاوب يابركان الجوابي خمدو
ليش اعمدت شربل على دين المسيح؟
خليه يهودي ولاكنت تعمدو!
=====
الدرجات..مهما عالطلوع تعمدو
مابيلحقو عواميد هيكل عمدو
مهما بصندوق الهريبة تصمدو
وضجو..على احساسنا بيتهمدو
=====

جاوب عالموضوع0

ألشاعر سليمان طراد ..
الناس صارو زغر عقلك عارفين..
وبالطائفيه والحقد قلبك دفين
لكن أنا قلبي جبل بكروم تين
معبى محبه وعامر ببيتو الحنين
في فرق بين للي فتح قلبو الأمين
وحب المنيح بهالدني ومن أي دين
وبين للي متلك حب دينو واكتفى
هيدا تعصب مش فطانه يافطين
................
شربل تعمد بس ما ندرتو يهين
الطفل البتاني دين ويكسر جبين
عم علمو يحب الحياة وكل حين
بقلو الدين معامله
طول
السنين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    الجمعة فبراير 22, 2013 9:37 pm



شادي موسى
أووووف ..تضرب خخخخ
====
بلبنان لما الحرب زوبع ياعنيد
وقطع تآخيكن بنيران وحديد
ليش ما بمحبتك مديت إيد
لليهودي ..؟ وللسفك دم الوريد؟
كنت ضل بموطنك رغم النهيد
ولاتهشل وتصبح بهالغربة شريد!!
كسرةت الخبز بأرضك بشح الحصيد
بتسوى الدنة والمهجر وعيشو الرغيد
ومازالك بحب اليهودي عم تعيد
عود عالبنان فيك بيستفيد
"مردخاي" بتشبهو بطاقيتك
تانعملك "حاخام" لبنان الوحيد..
=====

كررت بالأفكار... ماتشطح بعيد
ياطراد بالتكرار... تفكيرك طريد!
الناس بالأشعار...والشوط المديد
عرفت اللف ودار...والخالق جديد
===2

ألشاعر سليمان طراد ..

الظالم إذا بيكون مسلم بخلعو
وإن كان نصراني بصليبو بقطعو
وماهمني دينو و لا لونو وموضعو
البيهمني بالحق قادر اصرعو
شارون متلك عنصري ومابسمعو
لما دخل شعب البطوله قلّعو
ومش عنصريه شعبنا تعامل معو
ولابطائفيه رد جيشو و ضعضعو
قبلو دفش لبنان تركي وفزعو
وحارب فرنسي وعن الأرزه رجعو
مش طائفيه وعنصريه حربنا
هيدي حرب ضد للي فينا بيطمعو
.................
الدين لاألله الوطن لاترضّعو
من الطائفيه بتخسرو وبتضيعو
ولاتكون تكفيري الزمن تانرفعو
بدنا علم مش مذ
هبي
ه تزعزعو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    السبت فبراير 23, 2013 6:30 pm

شادي موسى أووووف..تضرب خخخخ
=====
انبح شعري من سكب أول خطاب
تافههمو مين العدا شروق وغياب!
بيرجع يقلي ؛عنصري برد الجواب
ويقول شرعلن بالمحبة البواب
ومن منطق اللامنطق بشعرو المعاب
انتو شهدو كيف اقتنع ياهالشباب
صرلو 8 ردات بيحب العدا
وهلق فطن يعمل عليهن انقلاب خخخخخ
======

شمع المحبة فيك... بالإقناع داب
وحبك فضي وفريك...هرهر عالتراب
رح خببطك ياسميك...عالأربع جناب
وتعود متل الديك...ريشك بالسحا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    السبت فبراير 23, 2013 6:31 pm

الملحمة الانسانية هههههههه

يامسبحة إمي ياورديّه . .. خدود القمر بالليل ورديه
بصليلك تضوّي بسما لبنان . . إسلام ودروز ومسيحيه
تضوّي محبه عاشرق جوعان .. وعاأرض بالويلات مجويي
تعبي الدني زهر وندي وريحان ... وكروم من حفلات شعريي
هالكون ياشادي متل بستان .. بتشوف فيه زهور بريي
بيتمايلو الألوان عالألوان .. بنيّات عزابي بسهريي
يعني الخلقنا بهالدني فنان .. روتش اللوحه بإيد سحريي
وخلى الزمان ينوع البلدان .. تاتضل فينا الأرض مضويي
الإنسان هوي خي للإنسان .. شوف الدني من سطح علّيه
بتشوف إنو كل هالأديان ... فيها رساله حب مطويي
وبكل مله في حدا خلقان ... مجرم خيولو دوم محديي
بالصين عند الروس باليابان .. وبمصر وبدوله يهوديه
بالهند بسطنبول باليونان .. بإفريقيا ببلاد زنجيه
وعند النصارى وعبْدة الأوثان .. والسيخ والإسلام ياخيي
في ناس متل جنينة الرمان . . بتضحكلك بتعطيك عيديه
وفي ناس خلقو عالقتل خوتان . .. وبدهن عيون الحق مطفيه
تمهل انت يافلان يافليتان ... لا تعيش عاأحقاد مخفيه
الحقد عاباب القلب سجان ... بيعيشك عمر العبوديه
المجرم إذا بيكون مين ماكان .. رفيقي عدوي قرايبي بيّي
مسلم مسيحي موسوي مورمان ... سوري عراقي بهند صينيه
بيضل مجرم عامدى الأزمان...سآل السما بتجاوبك هيي
بعرسال عملو سلاحهن ديوان ... وكتبو شعر متلك بشبريه
ونزلو ضرب بجنودنا الفرسان . .. وبالدين صبو مي مغليه
وشوف المسيح للي انصلب منشان ... تزهر بدال الحقد حنّيّه
ماقال بدي تقتلو الرومان ... ولا قال شيلو سيوف محنيّه
كان عاعود الخشب عطشان ... وقال كلمة حب سحريي
وقلو لبيّو من قلب تعبان ... لاتحسب عليهن هالخطيّه
وبعطيك من تاريخنا عربان .. عاشو يهود بأرض شرقيه
شوف السموأل كان للوجدان .. شاعر مهم وكلمتو لقيّه
وبعطيك ليلى مراد بالألحان .. غنت لمصر بروح مصريه
وتافهمك شوف النبي العدنان ... تزوج صفيه بنت حوريه
من دين موسى و قلبها مليان ... بحب النبي آمال روحيه
لا تحط هودي مع أباإيبان ... وشامير وصواريخ حربيه
وفي مسلمين ومن أرض كنعان ... وعندك نصارى بأرض سوريي
خانو الأرض والعرض والإيمان ... وباعو الشرق بفلوس غربيي..
بغزه الشعب حارب متل شجعان ... لبنان بالشقفه الجنوبيه
تحدى الملوك و ماوقف فزعان ... و رد العدو بزنود ثوريه
وهالحرب حرب الحق عالخذلان ... حرب الجرح عرماح مبريه
مش حرب حجاج وحرب رهبان ... ولاحرب سنيه ولاشيعيه
بتعطي العدو حجه إذا ببيسان ... بتقول إنو الحرب دينيه
الحرب ضد ملوك من دخان ... ضد للي خلى القدس منسيّه
ضد القعد عاكرستو عدان . .. وعبى جيابو بألف وبميّه
يامحيدلي وينك وياعدوان ... ياخالد الأزرق ياعينيي
انتو زهر بكرا بشهر نيسان ... انتو ياثورة شعب فكريه
مابتقبلو تاتطلع البنيان ... وعالطائفيه تكون مبنيه
ياكل علماني بسما الأوطان... الأديان خلقت للصلا هدية
بس الوطن للكل للشعلان ... قلبو بحب بلاد محميّه
لاتتركو شادي مع الغربان ... يحكو على ديانه وعذريّه
لاتتركو الجاهل ولا الجهلان ... يخلو الحرب خوري وخوريه
وشيخ وإمام وقاعدي وإخوان ... و شيخ العقل و شيوخ درزيه
هالحرب ثوره والشعب بركان ... وياويل ويلو مزغزغ النيّه
بعرسال عملو سلاحهن ديوان ... وكتبو شعر متلك بشبريه
ونزلو ضرب بجنودنا الفرسان . .. وبالدين صبو مي مغليه ..
للحق نحنا نار وسليمان ... بقصايدو صواريخ ذريه
ضد الظلم والبطش والعدوان ... من كل دين وكل قوميه
لكن إنت كيف فيك يافهمان ... تتغزل بورده وبجوريه
وبتقتل الأطفال والنسوان ... عالتذكره برصاص روسية
اسمعني ياشادي ودوق هالقربان... وخود النصيحه متل خرجيه
تعصّب لقول الحق يافنان ... والحق للإنسان غنيّه
حكامنا عملو الشرق دكان ... وباعو القضيه بسعر الوقيه
نحنا الشعب عحدودنا صوان ... بواريد ضد الظلم مصليه
ومامنسكت لصدام أو دايان .. ولامنسكت لأحكام سوقيه
وتنرجع الأهواز والجولان ... وكيليكيا من زنود تركيه
وتنحرر فلسطين بالميدان ... المفروض نرفع بس صوت الحق
ومفروض نعطي الشعب حرية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: شادي موسى سليمان طراد موضوع العنصرية والأنسانية    الإثنين فبراير 25, 2013 11:51 pm

=========

زوبعي ياعطور ألواني
وترنّخي بألوان ألحاني
وعلّي ..وصبّي روحك بكاسات
كريستالها مرايات أحزاني

ياطراد ّ شفناك ب 9 ردات
بتقول عني " عنصري" وجاني
وياما عطيتك فكر بالأبيات
مش ضد ديت النسلم الباني
ضد ال حمل دينو لأجل غايات
خلّت سوريا نار شعلاني
المشْيو على أحمر السجادات
وسجّادنا من دمنا القاني
ضد ال عم بيحلم بحوريات
وفجّر طفالة بطيش صبياني
كيف انسانستك مرات
بتحبهن وتنسى ياتحناني
هيهات ع ترابن ألف هيهات
تقشع عليها دير نصراني!!

كنا بسوريا قبل هالفورات
حزب واحد فكر علماني
لامنحكي بدين وديانات
ولانميّز ديانة عن ديانة
وكنا بأمان وكانت السهرات
خبز الشعر والروح شبعانة
واليوم صرنا بمنطق الثورات
قمحات بالنيران علقانة
وأطفال عم تدرس على الشمعات
وأطفال عالطرقات بردانة
بفزع وطنّا ينهفي بهفوات
فيها مرق تاريخ لبناني
تعد طوايف عدّدو سيادات
سنّي وشيعي وناس جوعانة
ودرزي ومسيحي تقسمو زْعامات
مابين روم وبين موراني
وحزب تابع نفط وريالات
وحزب ناهج نهج ايراني
والشعب ضايع فرق عملات
وجيبةت زعيمو بمال عمرانة!!
هي حرية وحضاريات؟
ولك هيدي جهل وعقول جهلانة

ياطراد مشكلتك بضوئيات
لمبات فقسةت زر فلتانة خخخخ
وتا انقلك من لمعةت اللمبات
عاروح شعري ونور ربّاني
وتترك الضو مفقّس بعتمات
وتنتقل عا كون نوراني
بفهّمك شو " العنصرية" البات
فيها خيالي بعمق وجداني

الشمس اللي شرقت عالدنة ساعات
عنصرية بوهج جوّاني
مابتقبل تنكسف لحظات
إلا وماتظهر نورها الهاني
وحتى المطر محبوس بالغيمات
عنصري وبينزل عيانة
ودمك عطي قلبك نبض خفقات
عنصري وكل دم شرياني
عازمرتو لو غير زمرة فات
بتموت وبتصبح جسم فاني
والدهب معروف باللمعات
وفي إلو عيارات رنّانة
ان دخْلو النحاس بتنقص عيارات
وبيرخص بوزنات ميزاني
والنبيد ال من دمع كرمات
عنصري بجرار مليانة
لولا خلطتو بتنزع النكهات
وبيصير خل بلون رمّاني
وال ماس يلي في إلو رهجات
عنصري بتركيب جوّاني
وزرقةت حجر فيروز تمويجات
وحجار ياقوتي ومرجاني
عنصريةت روحهن ومضات
بألوان روح الطيف خلقانة
وسآل أيا غصن بالأرزات
وصنوبرة وسروة وسنديانة
بتقبل تطعّمها طعم شجرات
نجاص .. يما فول سوداني
عنصريتي متلهن بالذات
عادفتري..وعامنبر غناني
برْفض شعر غيري بشعري يبات
ويغلّ بين حروف قصداني...

وتا اقنعك ياكبير حاخامت خخخ
انو اليهودي فكر شيطاني
والعنصرية في لها وقفات
بتأسيس انجيلي وقرآني
لما النبي خاض الحرب غزوات
عاخيبرر وكان النصر جاني
ويسوع وقت الكتّر الجلدات
ع الحوّلو الهيكل ل دكّانة
من عنصريةت حبّهن لل " ذات "
الألهية ال مالها تاني

كنت حجة من الواقع هات
منشان احبابك ومنشاني
ولاتضيّع وقتنا بشردات
عن منطق الإقناع عميانة
وتحكي بمحبةت طول هالأوقات
الحبّوك ياهيكل سليماني
منقنع معك كنا بخمس كلمات
لوباليهود ذكرت شي انسان
فاد الدنة بشي فع
ل ا
نسان
ي!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
شادي موسى سليمان طراد موضوع العنصرية والأنسانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: