منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 نهلا الخوري وبحر الزجل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: نهلا الخوري وبحر الزجل   الأحد مارس 10, 2013 5:33 pm



Nahla Khoury
الشعر يا سليمان من دمعي قطر
ولا يوم طيفك انت عا بالي خطر
نهله خطيره كتيييييير يا بحر الزجل
انتبه لمّا يدق زمور الخطر


ألشاعر سليمان طراد
لوما الربيع يجن بحري ما هدر
ولوما السما قديّس متلي ما ندر
ولما القدر فيي يا نهلا يجمعك
ما كنت مرة بآمن بحكم القدر



Nahla Khoury
مع مين ما غنّيت ..تا تغنّي معي
بتحلم سنين وما بتلمس اصبعي
حكم القدر خلّاك طيّب بالزجل
ونهلا الخوري بتتركك من دون وعي



ألشاعر سليمان طراد
يا ريت فيكي تتركيني بلا وعي
بركي بغرام الروح مرة بتقنعي
البيحب يسكر ..لازم يتقل كتير
البيحب يسبح لازم يغمّق معي
هههههههه


Nahla Khoury
لسانك طويل وعم تشفّر بالكلام
يا بتحترمني يا بحر يا روح نام
ايّاك تتزاكا عا نهلا بالحكي
نهلا بتفرض بالمواقع احترام
هههههههههههههههه


ألشاعر سليمان طراد ا
عزمتك عا بجري ليش خفتي من المواج
وبعدو البحر .بالشعر ما عكّر مزاج
عم اعزمك عا البحر حتى تغطسي
مش عازمك يا ست نهلا عا الزواج
ههههههههههههه

Nahla Khoury
لا تقلل الأخلاق في عندك ولاد
منّي انا بالغطس مش رح تستفاد
شفلك شي جنيّة ورق تقبل معك
ان ما لقيتها فتاح بفنزويلا مزاد
ههههههههههههههههههههههه


ألشاعر سليمان طراد
فتّشت عنها كتير تا قلبي احترق
وما قدرت انساها يا نهلا بالعرق
هه
قررت اني شوفها بموقع زجل
ورسمتها عا النت جنيّة ورق
هههههههههههه


Nahla Khoury
جنيّتك يلّي إنت ملهوفها
خلّيك راكض خلف صوت حروفها
ولو قطعت سبع بحور ... نهله يا صبي
إلّا بأحلامك ما فيك تشوفها
ههههههههههههههههههههه

· 1

Hikmat Chedid Helou .

نهلا متل موسى النبي عليه السلام
جابت عصايي قد ضهرك عالتمام
لولا مواجك هاجت بشعر الزجل
رح تقسمك قسمين يا بحر الظلام
H

ألشاعر سليمان طراد
رد عا شديد
بحر الزجل ها المعركة بردة حسم
وبكّى السمك ..من بعدها عاد ابتسم
وضهر البيحمل ربّنا فوق المواج
ما بينكسر..!! ما بينبرق..!! ما بينقسم
ههههههههههههههههههه2

ألشاعر سليمان طراد
يعني اعترفتي بالحلم بقدر بشوف
كل العا بالي وما بتمنعني ظروف
من هيّك اوعى يوم عا بالي تجي
نخبّي بقصيدة ولا تطلّي بالحروف
ههههههههههه\


Nahla Khoury فكّرت عندك ذوق يا بحر الثقه
حكيك مرا لا معلّقه ولا مطلّقه
ونهله الأميره إنت لمّا تشوفها
بدها تعلّق رقبتك بالمشنقه
ههههههههههههههههههههههههه


ألشاعر سليمان طراد
انتي أميرة حبر لكن عا الورق
لا بتحكمي ولا بتقدري تقودي فرق
وحتى اذا بيتوّجوكي بالخيال
بيضل قلبك يعشق ببحري الغرق
ههههههههههههههههههه


Nahla Khoury
قلبي بمركب ضو هاجر من زمان
وبعدو لهلق ما وصل شاطي الامان
ضلّك حلام ..بملتقى جنيّتك
نهلا ما فيك تشوفها بحيثك جبان
هههههههههههههههههههههه


Nahla Khoury
سليمان يا حكمت ما في عندو حِكم
إعدام معنا صار لازم ينحكم
رح شيل حرف التاء من حكمت وقول
بيناتنا خلّيك يا حكمت حكم


ألشاعر سليمان طراد
استجبنت لمّا شفتك بموقف خطير
وما تركتك تحطّي الملامي عا المصير
حننت قلبي وقلت لازم خلّصك
وبتعرفيني شاعر وقلبي كبير
ههههههههه

Nahla Khoury
قديّش بتكذّب علينا يا لطيف
وبتقول انّك شاعر العصر الظريف
لا تقول قلبك وسع بحرك يا صبي
قول انّو قلبك قبالي ضعيف
هههههههههههههههههههههههه

ألشاعر سليمان طراد
مظبوط قلبي كتير قدّامك رقيق
بيشفق عليكي بينشلك من كل ضيق
وانتي بيرجف قلبك من قصايدي
كلما دعس احساسها فوق الطريق
هههههههههههههههه


Nahla Khoury
سليمان صرلك عمر بتجدّ السعي
مجنون حكيك صار عن قلّة وعي
فتّش عا مين يخلّصك يا بحرنا
وخلّص بريشك قبل ما تعلق معي


ألشاعر سليمان طراد
تخلّصت منّك صح والصدر انفرج
تا شفت دمعك نهر عا خدودك كرج
وضليّت بابي مسكّرو وقالوا البشر
يا بحر عيب عليك ..!! نهلا عا الدرج
هههههههههههههههههه

Nahla Khoury
حتى المرا ما تشعر بيوم الحريق
وتصد ايدين الغدر عن ضمّها
افضل عليها تكون شوكه عالطريق
ولا
تكون ورده الكلّ
بدّ
و يشمّها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: نهلا الخوري وبحر الزجل   الأحد مارس 10, 2013 5:35 pm


ألشاعر سليمان طراد
من بعد جولة بالشعر يا مغرمي
رح فهّمك وين الحقيقة تكرمي
ههه
ما زال وردك دبل...ريحة ما ألو
لا تواخذيني ..ما بحب العجرمي
هههههههههههه

Nahla Khoury
يجبّك برص مين قال ..نهلا حبّتك
دموعك نهر عا خدود بلّل قبتك
ان ضليّت تتحدّى الورد بالمسكبة
عا النت بدي بالتحدي ثبّتك

عدلو يا حكمت ويا بدر ثبّتو

ألشاعر سليمان طراد
ثابت انا عا موقفي وما بحب دور
وعارف شو بدي منك وزات الشعور
عندك تجاهي ..؟ حاج حلمك تنكري
حلمك يا نهلا تسبحي ببحر البحور
هههه
ههه
هههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: نهلا الخوري وبحر الزجل   الأربعاء فبراير 12, 2014 12:45 am



ألشاعر سليمان طراد

مطلوب راس نهلا الخوري

لا تجرّبيني بتعرفي جنوني
رح افرمك مطرح ما بتكوني
كنتي تموني عا البحر واليوم
بالكاد عا حالك عم تموني

قاهر النساء
هعههههههههههههه


Nahla Khoury
نهلا سما الابداع بتضوي
وما بتنأخد بالشعر بالقوة
وتا فيك تدخل قلبها مجبور
تدفع حياتك كلها خوّي
هههههههه

ألشاعر سليمان طراد
الشوكة يا نهلا بتنأخذ بمقشّها
العشّاق حتى ما بحلاها تغشّها
وكل الطيور السافرت فوق الغيوم
غير البحر مش رح تلاقي عشّها

Nahla Khoury
يا بحر جايي مجرم وعنا شهود
وعندك نوايا سيئّة وباللون سود
الشوكة بتحمي مروج مملكة الزجل
والحصرم منفقيه بعيون الحسود

ألشاعر سليمان طراد
عندي نوايا بلون صنّين ..وكفا
تحكوا بحقّي عيب.. صرتوا بلا وفا
بوجّ البحر بتبيني متل الحمل
ولما يغيب بتطعنيني بالقفا

قاهر النساء

Nahla Khoury
الغدّار انت البعتنا وما في خجل
وشفطت اعضاؤو تا تنجح بالعجل
لو كان عندك يا بحر ذرّة وفا
ما كنت مرّة غدرت بموقع زجل

ألشاعر سليمان طراد
مين الغدر ..؟ كذبّة كبيرة ما مرق
عليي بزماني عيب شرباني عرق
انتي الوحيدة بتعرفي السر الكبير
عا اسم مين عملت جنيّة ورق
ههههههههههههههههههه

لا تلعبي مع البحر


Nahla Khoury
غدّار كلمة زغيّرة ..عليك وغبي
ما فهمت كيف الشعر عالي المرتبة
اسست انتي صح جنيّة ورق
ومين اللي قلك هيك تعمل يا صبي

ألشاعر سليمان طراد
يا ظالمة ..ريحك شو شاطر بالمحي
عم تضحكي يا خاينة عيب استحي
اسست موقع شعر جنيّة ورق
حتى يعيش الحب ويعيش الوحي

هههههههههه
لا تلعبي معي قلتلك


طوّلت بالي عليك فلّتّ الحكي
ونسيت نهلا وردة الشعر الزكي
واسست موقع ..ليش؟ في موقع زجل
تا تشفط الأعضاء ..؟لا تعمل زكي

لا تتزاكا عليي يا بحر انا كاشفتك

ألشاعر سليمان طراد
لا تجرّبي تستعطفي الجمع الغفير
وتألفي الأخبار عن بحر الكبير
الموقع فرط لما يا نهلا بتعرفي
بدر الدحى بجنيّتي تعيّن مدير

Nahla Khoury
نصّاب او منصاب بالداء الخطير
مين اللي قلّك تعملو عندك مدير
ما كان عنا بدر قيمة وفلسفة
حركشت انت بالزجل حتى يطير

ألشاعر سليمان طراد
مين قال عنّي هيك بهوى الحركشي
شو زغير هوّي شاف مصّاصة وغشي
لو بدر كان ارتاح بموقع زجل
ما كان دشّر هون ول عندي مشي
ههههههههههه

قاهر االنساء

تصبحوا عا خير بس حبيت كسر راس نهلا وخبركن القصة بالشعر بلا لت حكي وهي الحقيقة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
نهلا الخوري وبحر الزجل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: