منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 مروان سليمان وبحر الزجل صمت وسكوت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: مروان سليمان وبحر الزجل صمت وسكوت   الأحد أكتوبر 13, 2013 4:52 pm






مروان سليمان


إلى العزيز الشاعر سليمان طراد
سليمان لما الدهر بالماضي الْتوى *** حاورتك ومن ضعفك الشعر اكتوى
لكن صرت إحكي بعد غيبة سنين *** ياريت بعدك عا هذاك المستوى
مروان



ألشاعر سليمان طراد ..

اللاه با مروان...عا سنين الأمان..
كان البحر مرتاح بالو من الزمان
ولما عرفت بعدك بتكتوب فركشة
قررت اني اعتزل قبل الأوان

ألشاعر سليمان طراد ..
اخ اخ



عا المستوى ما بحب احكي بها الظروف
وعارف قلام النقد ما عادت تشوف
المعتاد متلي بالزجل يطعم كفوف
بيرجّعك لو حكيت...مقطوع اللسان

اللاه با مروان...عا سنين الأمان
كان البحر مرتاح بالو من الزمان
ولما عرفت بعدك بتكتوب فركشة
قررت اني اعتزل قبل الأوان

Marwan Alsolaiman ***
مَنها غريبة عليك تحكي بلا حدود
لما العقل يتخلّف بتقوى الزنود
للمتلك بصفصف معاني مفركشة
وللعاقل بدوّن على جبين الوجود



ألشاعر سليمان طراد .
فصل الشتي بالتلج دوّن عا الجبال..
ومتلو انت بالشعر عرضة للزوال
الشاعر إذا ما كان بفنونو جنون
بيصير متل خيال ما عندو خَيّال!!


Marwan Alsolaiman ***
ياريت زول وعالسما تطلع الروح
آخذ معي من قلوبكن كل الجروح
ولا ظل متلك بالشعر كثّر حكي
مش فاهم فنون الجنون من الجنوح



الشاعر سليمان طراد
متل الصنم خليك ما تكتّر حكي
سيف النبوّة بكون يوم المعركة
صمت الضمير .بيستر المالو ضمير
وصوت الحقيقة بيفضحو كلما حكي


Marwan Alsolaiman ***
صوت المدافع هدّم صروح المكان
صوت النشاز بيفقِد العود الحنان
عمخدة المحبوب ما أحلى السكوت
بوالهول أرشيف الحقيقة والزمان

ألشاعر سليمان طراد

كيف الصنم بتقول ارشيف ..؟ استحي
من وين قلّي انت بتجيب الوحي
سكتوا الشعوب تفرعنو ملوك العرب
حكيوا الشعوب الظلم بلش ينمحي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: مروان سليمان وبحر الزجل صمت وسكوت   الأحد ديسمبر 25, 2016 11:29 pm

سليمان إنت منك ناسخ كل الحوار
منقص منو الردات الأخيرة، إذا منها
موجودة عندك خوذ هاي هيي
-----
سليمان
متل الصنم خليك ما تكتّر حكي === سيف النبوّة بكون يوم المعركة
صمت الضمير .بيستر المالو ضمير === وصوت الحقيقة بيفضحو كلما حكي
مروان
لو كنت فعلاً شاعر وعندك خَيال === كنت عرفت وحيي من سْكوت الجمال
عا صوت حكّام العرب غابو الحقوق === عا صوت ثوّار العرب رجعو لِجْمال
سليمان
لو كنت متلي شاعر وقلبك حنون === ما بتقبل الأحساس يسكت عا الجنون
ولوما حكي لسان العدل بالمحكمه === مافي حساب ولا عقاب ولا سجون
مروان
ع العدل عَ بتحكي وتفتل شاربك === وإنت اللي عارف زغرتك ومْشاربك
لو مابِقِتْ إمّك عَ فعلك ساكتي === بيّك لحد اليوم بعدو زاربك
سليمان
إمي ما غطتت غلطتي مرة ارتاح === من هيك طلعوا كل اخواتي مناح
وكلما الحقيقة تقولها يقل الخطا === وممنوع نحكي غير مانطلب سماح
مروان
كل الحياة القادمة والماضيه === الأرواح فيها عالدفاتر ماضيه
بصراخها بتولد الروح من السما === وبسكوتها بترجع لربّها راضيه
---
وهون هرب هرب سليمان


هون كملنا ارتجالي




ألشاعر سليمان طراد
صوت الولاده من الألم والواع وييع
وصمت البلاغه معرفه شاعر ضليع
خلّيك فاتح كل باجوقك وقول
سليمان جايي يقص راسي عا السريع
هههههههههههه

Marwan Alsolaiman
لا تزوّر التاريخ يا سليمان روق
بعرف بإنو قلبك معبّى حروق
شمسك إنت غابت عن عيون البشر
شمسي الفتية بعدها بأول شروق

ألشاعر سليمان طراد
ما زال بالتلميح شعرك مكتفي
رح جاوبك بحروف فيها فلسفه
شمسك فتيّه بس افتح لجّتي
وتا تنام خلفي ..دك راسك واختفي

Marwan Alsolaiman
رح إختفي خلف الظواهر والبحور
متل القلب ما مختفي خلف الشعور
وتتصير فيك تشوفني وتحكي معي
مفروض تقراني أنا بين السطور


ألشاعر سليمان طراد
لا تقول متل القلب بتهين الصبا
قول رح بتغيب متل الكهربا
جربّت اقرا فيك لكن للأسف
ما قريت غير الجهل وشوية غبا



Marwan Alsolaiman
الله كتب فوق النجوم حكايتو
منشان نتعلم نفسر آيتو
نْ كنّو جهل ولّا غبا مش فارقة
كل مين بيشوف الدني بمرايتو

ألشاعر سليمان طراد
شو باك يا مروان ها المده حزين
وناسك شعر صفيّت بتوزع طحين
ههههه
اياك تزعل من حقيقة موقفي
بشوفك متل ما بشوف يوضاس اللعين

Marwan Alsolaiman
مبين بهالكلمات إنك مش فصيح
بتركض على يوضاس تنقلّك منيح ههههه
لو ما طلع يوضاس يفعل فعلتو
ماكنت رح تسمع بآلام المسيح

ألشاعر سليمان طراد
ما زال راضي تكون هودا ومستريح
رح اسألك عا شرط جاوبني منيح
ليش حتى تكون يوضاس الغبي
وما تكون توما تثبّت الدين الصحيح



Marwan Alsolaiman
كل مين عندو دور وعليه ائتمن
الأضداد بيغنّو سوى طول الزمن
هيك الحياة معمّرة بعرْف الإله

ألشاعر سليمان طراد
هي اول المرّات ..حكيك عن وعي
من هيك لازم تدفع ولا تدعي
مجبور اقبض روحك وانهي الحوار
ومجبور تدفع حق جهلنتك معي

Marwan Alsolaiman
حتى إذا بتغتال روحي الراعشة
بتظل شلال القوافي ناعشة
إرجع على الأوطان من خلف البحر
وافتح ببرحليون مكتب داعشي
ههههه


اوف اوف

ألشاعر سليمان طراد
مروان يا مروان ..خود وهات
تا سمّعك من خاطري آهات
الجرحه البقلبي طالعه من الروح
وهيهات اشفى من الجرح هيهات

هاجرت من لبنان عندي طموح
عمّر على جناح الزمن فيّلات
وبلّشت كد بغربتي تا روح
عيش بوطنّا وبوّس ترابات

ولما رحت مشوار آخد روح
من تراب برحليون حلمي مات
شفت الكرم والرزق مش مفلوح
والحقل داشر فالتي العنزات

قررت اني هون علي صروح
وابقى بها الغربه تا حقق زات
وما كنت عارف في شعب مدبوح
والحاكمين بشرقنا وليدات

من هيك لا تفزع اذا مسموح
ب سوريا ااعمل معك واجبات
وافتحلك مكاتب وفيها تسوح
مش داعشيه وجبهة النصره
مكاتب تديرا انت روسيات


Marwan Alsolaiman
شو باك ياسليمان بالمرّة
حابب من الأوطان تتبرّى ههههه
عا فنزويلا رحت شب زغير
وكنت بقزاز الباب تتمرّى ههههه

هاجرت أرض الهم والتعثير
وعملت صورة موفقة برّا
الله عطاك من العطايا كثير
وصارت ملانة بعبّك الجرّة هههه

هيكي وطننا اليوم جرحو كبير
صفّى رهينة بايع وشرّا
مع كل نزوة طايشة بتصير
تاريخنا القاسي بيتعرّا

من غربتك لو جيت عالتقدير
أحوالنا بهالشرق تتحرّى
بتشوف جوّا عقولنا تخدير
وكلما منصحى بترجع الكرّة

من البير لو بدك تشيل الزير
وشوي معنا هالزمن طرّى هههه
لا تفتح مْكاتب لحى وتكبير
إفتح بأشعارك تاريخ جديد
تيصير للأجيال يتقرّا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
مروان سليمان وبحر الزجل صمت وسكوت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: