منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 سليم شلهوب وبحر الزجل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: سليم شلهوب وبحر الزجل   السبت نوفمبر 02, 2013 8:41 am

[color=#3333cc]

عبدة وشقرا
ألشاعر سليمان طراد
ابنك يا بو طوني كفاك تغنجو
إلا.. بجازه الجرح ما بتبنجّو
وما زال ها الديوس ما ملاقي حدا
شو رأيك من الصين اني زوّجو
..هههه

Salim Chalhoub
شو بدك من الصين وفرافيرها
عينك عا كوماسي برمها وديرها
رح زوجو عبده بلون المشحره
بتشفط تلات رجال بشفاتيرها

ألشاعر سليمان طراد
عبده وعبد ولإيد عم بتشد إيد
بدعي بطول العمر والعَيش الرغيد
بتشبه العبده اللي حكي عنها المتل
ما عجبها؟ غَير شفتورة سعيد ههه

Salim Chalhoub
مش كل شجره بغصنها محل الجنا
ولا كل عبده الرل حارمها الهنا
لو جابها طوني وصارت كنتي
ويكون في عندا وفا بقبل انا

ألشاعر سليمان طراد
ذوقك سليم منعرفك شاعر جليل
لو ما الوفا ما تشردق بكاسو الخليل
يمكن الكينا تكون منو كنتك
وتحمَّل الكـّني إذا صبرك طويل
ههههههههههههههههه

..

Salim Chalhoub
العبده جريمه نضل ندمي جروحها
باللون ما بتبني الفضيله صروحها
بيضا وسواد الحقد ساكن قلبها
وسودا وبياض التلج جانح روحها

ألشاعر سليمان
طراد ما زال ها العبدة مداري ظروفها
ودفشت طوني ..وقلت بيضا كفوفها
منّي نصيحة قبل ما طوني يجي
طفّي الضو وانت اوعى تشوفها
هههههههههههههه
بيغب عا قلبك ههههه
Salim Chalhoub

عا بنت سودا الليل منها منجلي
فيك تعمل بو علي وما تبتلي
لاكن اذا شع الحلا من خدودها
وكانت عنيده فيك تعمل بو علي؟

ألشاعر سليمان طراد
ها الشوكة ل طوني قطفها ببوشهاbouche
يوم التهاني ما قدرت تحوشها
هلق عرفنا ليش ما استقبلتها..!!
طلعت عنيدة ..؟وعقلها بطربوشها

الله يساعدك يا بو طوني ههههههه

Salim Chalhoub
الله يا سليمان شو مهضوم
بمضي معك من عمق فكري والفؤاد
المرأه العنيده عقلها كتلة جماد
لاكن العبده القلب طوني ختارها
الا بحلم الحب ما بتهوى العناد مممم

ألشاعر سليمان طراد
شو فيك تعمل ..غلّط وفيها ابتلى
ولا عاد ينفع لا عبادة ولا صلا
لو كان متلك أو متل بحر الزجل
ما كان الا بيغرق ببحر الحلا
هههههههههههههه

Salim Chalhoub
سمعت حلوه بان عا وجا القلق
قالت جمالي الرب متلو ما خلق
هوي اللي خلاني شريده ضايعه
وهوي اللي باب الطهر في وجهي غلق

ألشاعر سليمان طراد
يا أبو طوني دينتك لا تديرها
النسوان بو شربول بعدو زيرها
تأمل بريس ..وشوف حكّام العرب
قولك انغرموا بحلا شفاتيرها
ههههههههههههههههههههههه

Salim Chalhoub
لو شفت حلوه بكتشف عنوانها
وبعرف اذا رخيصه وعالي شانها
عندك مراباخلاقها كل الحلا
وعندك مرا عقلاتها بفستانها

ألشاعر سليمان طراد
لازم يا بو طوني العبدة يسيبها
متل التريلّا الشكل يحرق ديبها
- ياما نصحتو يروح صوبي وما اقتنع
معوّد على باريس وكراكيبها
هههه
Salim Chalhoub تا نعود للموضوع

بعيون حكام العروبه بينقرا
بيع وشرا عرض وطلب جسم المرا
فيهن الحلوه يشتروها بالدهب
بس الاصيله بالدهب ما بتنشرى

ألشاعر سليمان طراد
لما المرا بتكون حلوة بتنعرب
مع ميّة العكرة اكيد بتنشرب
لكن بها الايام ما بصدّق مرا
بتقدر تقاوم مال حكّام العرب
ههههههههههههههههههههه

Salim Chalhoub ههههههههههه
راس المرا بين العمايم والعبي
بيحمل عقل سقراط او عقل الصبي
الحلوه صباها بينشرى بمال العرب
لاكن العبده زامطه من التجربه

ألشاعر سليمان طراد
ما كنت اعرف ليش تا أمرك عصا
وتعلّق بعبدة عنيدة وراقصة
الحاكم يا بو طوني ان شي مرّة حبها
ما بيشتريها قبل ما يجيب العصا
هههههههههههههههههههههه

Salim Chalhoub
مين قلك البيضا الجميله محرره
ما هي عبده بتنقبض وبتنشرى
الحلوه بداخلها عبد بدو عصا
تلعب على الجنبين قدام وورا

ألشاعر سليمان طراد
شوف المرا متل القصيدة بتنقرا
بتغطّها متل الشمس بالمحبرة
وتا تصير متل الضو شقرا وتعجبك
كتبتها بنيّة صافية بتطلع مرا

Salim Chalhoub
مش كل مرأة عشقتها و حبيتها
ولا كل مرأه زوم كينا سقيتها
شو نفع ريشه لونها أشقر حلو
إن ما بحبر المعرفه غطيتها
يعني ما فيك تستغني عن المحبره العبده ههههههه

ألشاعر سليمان طراد
لوما كنت استاذ ما عليك العتب
وبتعرف بصف المراتب والرتب
الورقة مرا بيضا وعبدة المحبرة
وقلّي ..!!عا أيّا ..جسم شعر بينكتب.؟
هههههههههههه
طلاع منها تا شوف ههههههههههه

Salim Chalhoub
الصفحة البيضا الشع من جسما السنى
من دون لوني بتعجز تنال المنى
لوما من جروحي تحبّر جسمها
بتضل شجرة حور ما بتعطي جنى

ألشاعر سليمان طراد
خبّرتنا وما قنعتنا ب خبريّتك
والشمس صورة وضو عن حريّتك
ودمك حبر اسود؟ وجرحك محبرة!!
لا تكون يا سلّوم سودا نيّتك؟؟
هههههههههههههه
طلاع منها

Salim Chalhoub
دمك الماشي بِ عروق مجمّرة
أحمر.. و إسمو مسجل على التذكرة
ما حكيت عن دمك و دمي بالعروق
سلامة قلب فهمك قصدت المحبرة

Salim Chalhoub
عاذكر الدم الاسود
معقول دمي يصير أسود بفهمك
عا اكل تمر الهند وفروخ السمك
لاكن اذا دمك بيمصل عالبياض
في وقتها منقول الله يرحمك

ألشاعر سليمان طراد
صفحة حباتي تلج بمفاهيمها
بتعكس نوايا القلب الله يديمها
وتا تصير متلي بحر بيضا نيّتك
نقطة السودا عن سجلك قيمها

طلاع منها

Salim Chalhoub صباح الخير حبيبي سليمان والله ما في اهضم منك وانا حبيتك كتير
بس بالحرب ما في رحمه

صفحتك بيضا متل تلجاتها
وفيها أنا نقطة سواد بذاتها
نقطة السودا بسرها معنى عميق
لاكن انت ما عرفت شو معناتها

ألشاعر سليمان طراد
ما عرفت شو معناتها ...!! فكرك ضمر
نسيت الوحي عا بحر افكاري انهمر
نقطة السودا بنيّتك عملت صراع
عركة عبيد بليل محجوب القمر
هههههههههههههههههههه
ما في رحمةن

ألشاعر سليمان طراد
طوني اقتنع لكن ابو انطونها
فيها انغرم ..بشفافها وبعيونها
يقلي يا بو شربول بعشق ها المرا
وما عاد فيي عيش ساعة بدونها
هههههههههههه
يا عمي ارجعلا يا انطون هههههه

Salim Chalhoub
حبيت بيضا من سلالة آلها
فيها سحر من خالها لخلخالها
ولما ختبرتا قلت شو نفع الحلا
يا ريتني حبيت عبده بدالها

ألشاعر سليمان طراد
عندك مرا نيّالها بتشخيرتك
بتفيّق عليها الضيعة وجيرتك
قرشك الأبيض شوف شو قال المتل
لأيّام سودا بس حسّك ليرتك

طلاع منهن صار كتار

Salim Chalhoub
الله يساعد كل رجال بتلى
بعيون حلوه وللحلا رنم صلا
عيف الجمال وروح فتش عالوفا
وين الوفا بيكون بيكون الحلا

ألشاعر سليمان طراد
بأيا جرار قصايدك بتخضها
تا تصير فحمة ولون اسود غضّها
طعمي الواوي وشبّعو بيبقا وفي
ان ما فتحت ايدك لل الكلب بيعضّها
خخخخخخخخ
طلاع منها

Salim Chalhoub
بخض الجرار بعتمة الفكر الغني
وبصيغ رداتي دهب من معدني
شفت القناعه كنز ب ببو العيون
وعينك البيضا ما بتشبعها الدني

Salim Chalhoub تا نفترض بالعمر في عندك رفيق
ناطر عاجنبك توجدو في يوم ضيق
نطور يوم الأسود وحكو مليح
في وقتها بتعرف إذا كنو صديق

ألشاعر سليمان طراد
لا يغشك الإنسان لو شفتو وفي
من بعد ما جيابك تركها منتفي
الأيام سودا بقّعت بقلوبنا
تركت أثرها والجرح ما بيختفي

يلا

ألشاعر سليمان طراد
ها الكون حفلة دايرة ونحنا ضيوف
ورح جاوبك عا حجتك يا فيلسوف
اعمى البصيرة اسودت بوجو الدني.
واعمى البصرمن نيتّو بيقدر يشوف

Salim Chalhoub
ايام سودا ومرج دبلت روضتو
ستنجد بغيمة عتم حتى تقوتو
والغيم حن على الورد ودى الشتي
وحتى العبير يفوح زكزك حبقتو

Salim Chalhoub
عفوا. هلق شفت الرد التاني
خدلك هالجواب

اياك تهجي عين عميتها الظروف
وتمدح عقل بالراس ما بيعرف يشوف
من عتم بشار وعتم طاها حسين
بيوت القصيده تدهبت فيها
الحروف
[
/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
سليم شلهوب وبحر الزجل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: