منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 بحر الزجل يمشكلها مع زينب جمادة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: بحر الزجل يمشكلها مع زينب جمادة   الأربعاء يناير 08, 2014 9:26 pm


Zainab Hmadi
معليش..
لولا ما قدرت حاكيك
ما بتشبع الأشواق من كلمة
ومش هم..
مش ممنوع فكر فيك
ولا في سجن للبال عا علمي
بلبس عيوني الليل تا لاقيك
وبشد زنار الغفا وتتضل
ببكل زرار النوم عا حلمي
...
ودخلك ..بعد ما سكرت
صب نبيد
بخاف الغفا ما يطول مشوارو
وبخاف..
عا غفلة تجي من بعيد
شي إيد صبح تفكفك زرارو
ويعلق ع صابيع الفجر تنهيد
ويدلق ندي خيالك على القرميد
ون داق طيفك يرجع من جديد
يترك الشمس تفك زنارو

ألشاعر سليمان طراد لا تجرّبي تحكيه ما بيرد
بيتكبّر عليكي
بيعشق مرا ما بيعشق البيرد
بابو على شبّاك عينيكي
وبيقول ما عليكي
جايي انا عا السطر من كل بد
تا شوف عينيكي
كذّاب ..اوعى تصدقي ..كذّاب
عم يضحك عليكي

بحر النصائح

Zainab Hmadi
ما فيه يتكبر ...على الالهام
...ال ساكن شفافي وغمزة عيوني
...ولا فيه ما يغرق مع الاحلام.
..لم عالسطور بيقشع جنوني
..كذاب اي كذاب ما بينلام.
..ببكذب ن قلي نسيتك وما فيه
...يكتب شعر عالنت من دوني

ألشاعر سليمان طراد
بيتكبر عليكي..ما بتحسّي..؟؟
بيتزكرك ..كلما انوجع..بيصيح
قلبي دبحني قرّبي ودسّي
شوفي .الوجع مفتوح جرحي منيح
وصابيع اطرى من عرق خسّي
بتنشك حتى تصدّقي انتي
بعتي الوفا ..ببلاش ما حزنتي
وكلما ديوك خيانتك بتصيح
بنعرف انكرتي ..القلب...لا تقسّي
قديش فيكي تحملي تجريح
بجر الزجل ما بيفزع من الريح

Zainab Hmadi
معليش لو بيعيش ع. دموعي
...وهجرو صلب قلبي ع خشبة حب
...بحسد الجرح ال ساكن ضلوعي.
..كلما من شفافو وجع بيغب
...وبيضل يسكب جوع. عا جوعي...
كلما خيالو بكاس روحي صب
...سليمان لا تقلي خلص اوعي..
.عبدتو. ديانة عملت جسمو رب ..
..وما زال ساكن فوق ياسوعي...
.عليي دموعو بيسكب وبيكب

...هيك السما جروح الارض بتحب..

ألشاعر سليمان طراد ايمتين كنتي تفهمي..؟؟ تا تفهمي
عا البحر ...؟ ما في نبيد الا من دمي
الحبّك يا زينب بعتقد انو عمي
من هيك صرتي بالموانع تنعمي
لا تفكّري فيكي خيالي تغرمي
وانتي ببحري يا صبية مغرمي
ولا تجرّبي تتسلحي بدمع النسا
رح نبّهك بدك يا زينب تندمي
هههههههههههههههههه

Zainab Hmadi
سليمان ما بتشبع من حروفي خبيط.
...دمك تقيل وبالكذب. صاير نشيط...
بحبك انا ? معقول شو عقلك بسيط .
..شعرك دبش. ولسانك عليي سليط..
. ال بيحبني سقراط مش متلك عبيط
بتموت فيي ودمك ودمي خليط
محروق قلبك ع المرا والشاعرة
بكل المواقع طالعة ريحة شويط

ألشاعر سليمان طراد
يا ظالمي النسوان بالطبع الغبي
روحي بغير محل يا زوزو العبي
ما بعشقك عا النت حاجي تتعبي
طعمة شفافك متل سم العقربي
ههههه
بتتغزّلي بالبحر تا تتغلّبي
عا قلب شاعر صار بالموقع نبي
وتا توصلي بالحب عا شاطي الأمان
بدك مسافة ضو صوبي تقربي

Zainab Hmadi
من يوم ما سليمان عالموقع هجم...
باسلوب شعر رخيص عن فكرو نجم..
.فكري الغبي ال بتقول عنو ما انسجم...
مع شعر. ما بيليق الا للبجم .
..يعني طبيعي خيل فكري ينلجم .
.من بعد ما قدام ضعفك ينعجم
اكبر خطية انت عا كوكب زجل
وتا ينضف الكوكب ضروري تنرجم

ههههه

ألشاعر سليمان طراد
لا ترجميني..غير بحروف الحكي
بحري خطي ...؟ يا ظالمي عم تشتكي
مهما قبالي زرار ورد تفكفكي
ما بتقدري تغري البحر باللوفكي
عليي جبل صنين بالماضي تكي
وبحر الكريبي عملت عرش المملكة
وتكّايتي صدور الحواري ..وحرقتك
ما بنام فوق رمالك المتحركي
هههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الأحد فبراير 02, 2014 11:36 pm

Escribe un
comentario...

Zainab Hmadi
مع اني مش طايقيتك
ريتك تضرب شو بكرهك
......
يا بحر جبتلك معي خرزي
زرقا ...وحميت حروفك ب حرزي
مسكت السما وشلحتها الفستان
وتا وسعو عملت المدى ترزي(بالسوري)
وكريت كبكوب الشمس خيطان
والموج منها خيط الدرزي
ع الشط..صار الرمل مانيكان
ولايق الو الفستان والبرزة
..
شايف إنت قديش عندك شان؟؟
وعالنت فيك قلوب منغرزة
لا يهمك من فلان او علان
العملو منابر هالزجل غرزة(بالمصري)هههه
وحدك بمجهودك صرت سلطان
لا لبست تاج ال قبلك ولا صرت
عامل إله الشعر.. والأرزة

ألشاعر سليمان طراد
يا حبر جامد غيّر القمزة
ولا تنط فوق السطر بالهمزة
علّق حروفك عا مرايا البال
ولا تضيع بين الخصر والغمزة

يا بو قلب متل الفحم ما زال
ما بتزعلي من المطلع الرمزي
ليش تا حردتي من عطر خيّال
وعم تبدلي الافراح بالطمزة

بقيتي شهر تبكي على الأطلال
وبعتي البحر مع عاطف وحمزة
ومرسال وديتي بضهر مرسال
حكيتي بضهري ووصلت اللمزة

وبلّش حنينك ينتحر عا ديال
روح القصيدة ودهشتك كمزة
يا لابسي وجّ الشعر شروال
عيب الأرانب تدهن الضافير
و تقول جايي فزّع الحمزة

ملاحطة
- كمزة : ما أخذ بأطراف الأصابع
الطمزة الزعل
اللمزة الاستغابة

بقا تركوا البحر رايق احسنلكن


Zainab Hmadi
جايي متل عنتر ابن شداد
يا رب دخلك جيرنا عالصبح
مدحناك ونسبنا إلك امجاد
وقابلتنا ب ذم وقساوي وقبح
ركبنا بقافلتك ع غير بلاد
وخلف القوافل مين داير نبح
حفظنا الصداقة وبعتنا بأحقاد
قلبك تجارة خالية من الربح
يا قلب ألئم من قلب موساد
ما كان لازم امدحك يا بحر
انت ما بدك مدح ...بدك دبح


Zainab Hmadi
ما تذكرت يا بحر يا فاني
اني لغيري عايرة لساني
ما ببعت مراسيل مع علتان
ولا بشتكي ع رفيق لفلانة
من قبل ما تتهم كذب انسان
جيب الدليل وواجه الجاني
صرلك بتعرف مبدأي من زمان
عايش ضميري وحي وجداني
وعندي محبة وداخلي بركان
توقى يا ارض البور بركاني
ومع صاحبي عالموت شو ما كان
بقطب جروحي بخيط تحناني
القصة ما عادت حاسد وفتان
القصة ما بيني وبينك من اليوم
قلوب بوجع وجروح ملياني


ألشاعر سليمان طراد
يا بحر ..قلّب بالمواج فواج
وحمّر بطاطا جسمها وقلّي
وخلّي الشمس تعملّها برونزاج
غمرها برمل الشط لا تقلّي
سودا متل ها الليل ما بتحتاج
ساعة قلي ..تا تغيّر الحلّه
يا بحر طيّرها عا ضهر مواج
بركي بسما الأبداع بتعلّي
يا بحر دخلك فايض الأنتاج
وزّع عليها عايشي بقلّه
وطعمي عديم النفس والمحتاج
بالجوع شاعر نت ما تخلّي
يا بحر ضلّك خفف الفولتاج
زينب حمادة روق عا الهلّي
يا هاجمي ..بحري !! ما عندو غناج
ولا بيحمل الوردات بالسلّة
ولا تفكّري بيدبح ل ضيفو دجاج
ان مش عاجبك ..لا تبشطّي.!! فلّي
سليمان يا زينب بيلبس تاج
من كل دين وطايفة وملّه
ما بيغدر بأنسان متلك ..حاج
قلبو تلج وعواطفو فلّه
من هيك يا زينب معي كرباج
منشان فضّي الهيكل من لصوص
وارجع بمعبد كلمتي صلّي

تركوني رايق يا جماعة احسن

Zainab Hmadi
طارق قصيدة طولها امتار
ونص الحكي عن طبخك وكرشك
لا بالطبخ نافع ولا بأشعار
وخربان طالع طحنك وجرشك
شوفير عامل هون للشعار
وخربان ديركسيونك ومرشك
جيتك انا عا موقع الشطار
تا اقبعك يا بحر من شرشك
ن كنك سمك جيتك متل جزار
الليلة عليي دبحك وبرشك
ن كنك شجر رح كون هون النار
واحرق بشعري غابك وحرشك
يا طراد لا تكبر ع شيخ الكار
ال دق مساميرو بنعشك وفرشك
من اليوم هالموقع بأسمي صار
عليك الحرب اعلنت يا غدار
ورح نزلك بالغصب عن عرشك


ألشاعر سليمان طراد
شو ها الحكي..؟ الموقع بأسمك صار
لا تقّربي عا النار ...؟ احسنلك
بحري مرايا طالعة من النار
ما البحر عمرو ما اطمّنلك...!!

يا عاملي حالك قمر نوّار
حسابك معي والبحر دوّنلك
كل الحكي بضهري مع الشعار
رح دفّعك حقو ..؟ولا تنبسطي
ان صفوان دربك هون أمنّلك


ألشاعر سليمان طراد
بلون الأرز يا ظالمة عرقي
بتشعّ فيي الموهبة احترقي
ولا تقّربي عا جوّنا المحبوب
عنّا الهوا يا ضايعة شرقي

شوقي قبل ما يبعت المكتوب
تعلّم تا توعي من القتل يرقي
بخرقة الجينز الكان بالمقلوب
عا جسمك المنحوت بمهدّي
ما بتقدري للبحر تخترقي


يا مفكّرة عن جد حبيّتك
وبالورد والمنتور لاقيتك
قلبك الأسود ..داب عا تلجي
وعا البتنجي عم يحترق زيتك

رح علّمك عا النت عا الحلجة
ورح وصّل المكتوب ل بيتك
خايف معي ؟ من الخوف تنفلجي
من هيك قلبي كبير يا زنّوب
لوما وفايي كنت كبيّتك

بحر الارتجالي قعدو عاقلين

ألشاعر سليمان طراد
كبّرت عقلي وقلت يا سليمان
زينب ضحيّة ..وما بتسترجي
تحكي بحقّك..عارفي شيطان
وعا النت عامل متل قمّرجي
بيضل رغم مشاغلو ربحان
وانّو ملك عا النت بيفرجي
من هيك يا زينب مني سآلان
ما الورد حتى يعيش بالمرجة
بدونهر احساس مش بركان
يعزف موسيقا بدوزن الكرجة
من هيك لا تعتب على النسوان
ان طلعوا عا سلّم مجد يا سليمان
بيتشنكحوا عا آول الدرجة

ألشاعر سليمان طراد
يا اسير الصمت يا متيّم
بحر الزجل فوق الفضا مخيّم
بالبنج حتّى يا اسبر الصمت
صدّق اذا بينشك ما تنيّم

طوّلت بالي وعن الزيّنب صمت
من بعد ما قلب الوحي تهيّم
خيول القوافي تا تعيش لجمت
وقوّمتها من مطرج الأموات
الموتى قدير من القبر قيّم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الأحد فبراير 02, 2014 11:39 pm

Zainab Hmadi
لا تختبر صبري كفاك تحوص
ذراعي ما رح تلويه بالقوة
قبال القمر نجم السما بينوص
وعالنت شعري بس بيضوي
سيدك انا رح سييرك مرصوص
ما القص ما رح تاكلو الدوي
عليي لا تعمل ديك بعدك صوص
هالبيت بيتي والشعر جوي
معذور انت ب هالشهر مخصوص
ما بينسمع صوتك بغير شباط
قاعد ع باب الدار بتنوي

ألشاعر سليمان طراد
قضبان توت محضّر مخضّر
متفكون على النت ومخضّر
وتا اطعمك قتلة بقضيب التوت
جايب معي القضبان ومحضّر


ألشاعر سليمان طراد
زينب عا سلم من ورق بتخاف
وعا دراج مجد الشعر ما بتطلع
بواب المجد بدها عراض كتاف
وبدها قصيدة تجن بالمطلع

من هيك يا شاعر بلا استخفاف
لا تقول زوزو بتطلع بنولع
زينب جمادة بدها اسعاف
من كتر ما فيها ورم بو كعيب
من الباب يمكن ما بقا تطلع

رب الارتجالي

ألشاعر سليمان طراد
رايح خلصنا سكّر محلي
وعن روح زوزو صدقّوا صلّي
من هيك ما بدي بقا انسم
بدك تضلي تبهدلي وضلّي

وبدك تفلّي ما بنعتل هم
بشطف وراكي بعد ما تفلّي
بالشعر ما برحم يا زوزو عم
لا تحركشي بمواج متل النار
عن ضهر موج قصايدي حلّي


Zainab Hmadi
سليمان مش ناوي الليلة يروق
الا ما ياكل بالشعر فلقة
ياما على سحري ركض مدلوق
وما كان عارف علقتي علقة
تشهون ع توبي ال بلقصد مخزوق
بصباص عينو عالحلا بلقة
وجايي الليلة يرد غربو شروق
وما فيه نفخة شاعرة يلقى
بحبال فكري برجعو مشنوق
ومسلوق عا ناري الف سلقة
ورح رجعو من المعركة ملووق
جهزت فرد الاربعطتش ليه
وعا نص راسو منيشنة الطلقة


ألشاعر سليمان طراد
بعد الغدا عبيّت كاسي وجيت
تا شوف كيف الست منقهرة
الا وقصيدة بالهجاء قريت
مشكوك فيها الشوك مش زهرة

عاتبت حالي وقلت شو ها الصيت
بمربض حمايي فلتت المهرة
ما زال عم بتشعّلي الكبريت
ببنزين حتى تحرقي السهرة
لا تسابقي الروزريز بالديزويت
وتقوصي عليي بفرد كبسون
تا تربحي يا خايبة شهرة

اخ منكن تركوني ارتاح


ألشاعر سليمان طراد
يا ست زينب ليش مقهورة
من بحر شارب اضخم نهورة
لا تعرضي الصورة بلا برواز
الشاعر ببروز كلمتو بصورة

الشاعر مدا وقصايدو بتجتاز
ابعد مسافة ضو مسحورة
والشاعرة لوحة ندي و قزاز
ما بتنشرب عالورد مكسورة

الشاعر قصيدة ضو ما بتعتاز
شهرة بكلمة...بتاء مقصورا
الشاعر بيعمل بالوحي انجاز
ومن كتر ما بيشغل دماغ الضو
بيعمل براس الجو دنكورة

قعدوا عاقلين


ألشاعر سليمان طراد
روحي يا بنت الناس وانضبي
ولا تغلّطي مع بحر ما بيرحم
وحقدك الأعمى لا بقا تخبّي
مبيّن بقلبك بعد ما تفحّم

ادعي عليي عيّطي وسبّي
فرد البإيدي بعد ما تشحّم
عيشي السعادة تعلّمي حبّي
ولا تكبّري راسك معي بيندق
عليي انا الشيطان متوحم

بحر الزجل لا تلعبوا معو


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الأربعاء فبراير 05, 2014 9:41 pm


سلوم لا تطلع بزينب ورب
حاجي قبالي قاعد مكشر
بقلك شرق بترد تحكي غرب
عقلك خشب محفوف ومنشر
ما فلحت الا بالاكل والشرب
ونص الاكل ما بتاكلو مقشر
يا بحر مشيتك انا عالدرب
من تقل دمك نففخ وعشر
وكرمال ما تطعميك زينب ضرب
فوق الاكل.. خليك عنها بعيد
وفيها لا عاد تضل تتحشر

Zainab Hmadi
وقت ال قبالي تطل يا سليمان
افضل الك تلبس ع وجك درع
زينب ما رح بتخاف من سلطان
ولا همها عرف وديانة وشرع
بنضب شهقة عطر بالريحان
بنضب خمرة بكاس داير كرع
وانت من دار الامل فلتان
من بعد ما عرفوك عندك صرع
وقال شو عليك موحم الشيطان!!
مش ذاكرة لم كنت حامل فيه
توحمت ع شياطين متلك قرع


ألشاعر سليمان طراد
يا ناطرة ..السارفيس عا الكونيش
بتجينزك المخزوق ..وبربطة
لا تمرقي عا حاجز التفتيش
وتبرطلي الشاوبش بالعبطة

علقتي معي وما ضل منك ريش
وطيّرتك على النت من لبطة
لو داير عليكي كنت نبريش
ما بتنضفي من الدم عا الخبطة

بتتفلسفي عليي وانا درويش
وبتشلّحيني من الفرن ربطة
رح اسألك حتى الحقيقة تعيش..!!
قولك... انكنتي حامل بشيطان ...!!
مع مين ...غير البحر مرتبطه
ههههههههههه


ألشاعر سليمان طراد
عم تسأليني ليش تا كشّرت
كشّرت متل السبع عا اللبوة
وضليّت احلبها وحريما انشرت
وزربتها بجنزير بالقبوي

ولما لقيتك رافعة التيشرت
حصاني كبي عا مفاصلو كبوي
غيرت هندامي .. لبست الشرت
وجريّتك من السهل عا الربوي

عطيتك ل داعش وقت ما بنشرت
وقبضت حقّك كاش باللبوة
ونزلت عا بيروت ما تحشّرت
لكن عشية سمعت عا الاخبار
انوّ لاقوكي رايحة بعبوي

يا عمي لا تدقي فيي بفرمك بصل وخيار وبعملك سلاطة دقي بالقدك يا مضروبي وجعتيلي قلبي خخخخخخخخخخخخخخخ
4 de febrero a la(s) 11:27 ·
*

Zainab Hmadi
ال بضلوعها حملت شيطان الضر
تا من ل متلك حالها تحمي
ما في ضرورة ترتبط بالسر
ولا بتحمل من القرب واللحمة
وقلي انت حامل دماغ الكر هههه
مين ال خزق كولونك اللحمي؟
ووقت ال حبل قلبك بحقد وشر
مين غررك ت حملت ..باللحمة (بيشتروك بصحن كبة)
ما بتنحرج زينب ولا بتخر
بالشعر ما في بقلبها رحمة
ومتل الجمل ما زال لحمك مر
وبتنشرى بدهنة او بشحمة
والسم ع شفافك شتي بيشر
فتنة وخراب وخلقتك فحمة
وتا ما تضل الكون كلو تضر
وتيضل منك هالشعر محمي
جيتك انا السيف العنيد الحر
تا اقبع من الشعر هالوحمة



يا بحر لوما عصرت قلبك عصر
وخرطش يخت فكري على سطحك
ما كنت بعدك عايش ل هالعصر
ولا شطحت بعصور الشعر شطحك
قبالي ما رح تطلع لعند الخصر
ولو زاد فيك جنونك وبطحك
وقت اللي بدي بكبك من القصر
ولو قد ما تلبط ع كعب العرش
مش رح يفيدك لبطك ونطحك


ألشاعر سليمان طراد
يا ناطرة عا المفرق الرزقة
لا تنطريني..تعطّل الموتو
رايح فرامي وطارت العزقة
ومتلك صرت عم انطر الأوتو

ها البنطلون الخازقي خزقة
رقاقيع متل جبينك el rroto
هههه
رح امزقك يا خاينة مزقة
وآخد الك بقصايدي foto
ووجّك لأنو بيقطع الرزقة
بخسر معك عن جد يا زينوب
حتى انربحت السحب باللوتو
ههههههههههههههه

بحر الارتجال


ألشاعر سليمان طراد
عم تتهميني باللبط والنطح..؟
مش عارفي موجي الصخر ناطح
وقصايدي بتشطح مسافة شطح
وعندي خيال محلّق وشاطح

رح ابطحك وحياة الله بطح
ما البحر قبلك اشقيا باطح
لا تطلعي موجي وصل عا السطح
تا يسطحك ويشمّسك مظبوط
مطرح ما تين مشمس وساطح

رب القوافي بحر الزجل


ألشاعر سليمان طراد
مع احترامي الكل من علّق
وخبّى بقلبو وبس ما تخلّق
بحر الزجل مزيّح نمبر ون
اعلى جبال بها الدني تسلّق
المحروق قلبو ومحترق بالبن
عا محل فينا بعد ما علّق
زينب حمادة الشعر فيها جن
وشوق القصيدة تركتو مقلّق
وكلما حدا بالشعر يحكي عن
زينوب بدو يرفع القبوع
للشاعرة ..ومني اسمعو هلّق

...
يتبع
دار الغزل


ألشاعر سليمان طراد
بعرف عليكي كتير بيغاروا
كلما النار تشعّلي فيهن
شوفي البحر مفلوت زنّار
شدّي طلوع ولا تحاكيهن

لا تزعّليهن بعرف احتاروا
بقلوب سودا هيك خلّيهن
عقلاتهن من روسهن طاروا
لما البحر بلّش غزل عا النت
يلّا اكتبيلي وبلّشي انسيهن

بحر الغزل


ألشاعر سليمان طراد
يا مفكّرين البحر ما بيحب
وخلقان متل الصخر ما بيبكي
لا تغلّطوا بحقي ما بعرف سب
ولا عرفت كيف بتنصلى شبكة

بحلم بوردة طالعة من العب
تلقط مع المنتور عا الدبكة
بحلم بسهرة صاخبة بالحب
بحلم بعروة مضيّعة الحبكة

بحلم بقلبي النار عم بتشب
بندم عا حالي جبت ها اللبكة
بقعد ل وحدي بالقضامي غب
وروس العبد بخلع انا وسهران
والبانجوس وعلبة الدبّكة
هههههههههههههههههههه

بتتزكروا علبة الدبكة هههههههههه


Zainab Hmadi
سلوم قلبي مل من لحروب
اكتب غزل عا موقعك بلكي
بتصير من كل البشر محبوب
وما تعود ع لسان الحقد علكة
العم يفهمو الأشعار بالمقلوب
ما بيعرفو ..حريتي ملكي
عا قد ما حملت عمري ذنوب
قطشت مع خط السما سلكي
بيني وبينك اتصال قلوب
منحكي محبة بخط لاسلكي
لا بد هاللي ساء ظنو يتوب
ويتعلم على النت بعد اليوم
يتجرأ ويحكي على الملكة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 6:51 pm

يا ها الصبية الواقفي ..تمشّي
صوب الشعر ..والناس لا تغشّي
وشكّي ببحر قصايدي شواهين
.تعبّوا من الأنغام والتلحين
وشيلي الحسر من عينك بسكيّن
وغضّي الطرف لم تقشعي قشّه

مين خبّرك انّو الورق ..أحساس
والحبر ضو وريشتك مازوخ
لا تصدّقي ما في حدا من الناس
بيشرب عرق .توما..وما بدو يدوخ

وما في كعب الّا وما شرب صموخ

بحر الزجل

ألشاعر سليمان طراد
قطّبلها الفستان منها مشكلي
بتربح الجنة ويمكن تصفي ولي
لا تحبلها ولا بجبلها حتى انا
بنعمل بساح التل لمّي يا علي

الله يهيدها ههههه

Ali H Jaafar
سليمان يا زوزو احالة ينحرج
عا قد ما تقسيه بي لاقي الفرج
و كيف بدك تحرجي يللي سنين
صرلو بي ركّع رقبتك تحت الدرج

Zainab Hmadi
خزقت فستان الجسد تا قمصوا
...روح الإله وعيش حروفي خلود
..وشو همني ال بجهنمي بيتحمصو ..
.المهم ما في غير سحري بالوجود

ألشاعر سليمان طراد
نهج البلاغة صرت عم اتصفحو
وبشكر علي .قلبو لسلّو بيفتحو
ما تغيّري المخزوق يا زينب بقا
عا جهنم الحمرا ...وماتوا اللي استحو

اعوذو باللهمن الشيطان الرجيم

Ali H Jaafar
الله لو بتشوف يا خيي الصور
جسمها طريق و خالية منها الجور
كرمال موسمنا السياحي بهالطريق
بعمل اللمي ولو شحدنا من النور
Ayer a las 0:22 · Ya no me gusta · 2
ألشاعر سليمان طراد
ههههههههههههههه

Zainab Hmadi
نهج البلاغة ل ال سكن دار الرحاب.
.وانجق انت بتطال غبرات السحاب
...يا ما انزرك حدي يا علوش اسألو
..مين اللي غيري وصلو ل الانسحاب

ألشاعر سليمان طراد
لازم كمان نروح نستجدي التتر
تا نضل نضرب كل مدة عا الوتر
مش هم نشحدلا السترة يا علي
المهم انو البنت معنا تنستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 6:56 pm

ألشاعر سليمان طراد
لما كتبتي ...وخيل الهامك سرح
حدك كنت عم ادعمك تا تنجحي
ولما طبعتي كتاب ..طرت من الفرح
ولما قريتو ...صرت فيكي بستحي
ولولا عليكي شخص يا زوزو اقترح
تعيدي الطبع لازم يا روحي تفرحي
بوقف انا عا المطبعة بقلب انجرح
وبعلّمك بالشعر عا فن المحي
كل اللي قالولك ..كتابك للمرح
عم يضحكوا عليكي وانا من زغرتي
ما بحب يا زينوب اضحك عا للحي

علي موهوبة البنت طول بالك

Zainab Hmadi
عيوني قلم عا دفترك بيسافرو
وقبرك على وراقي بإيدك حافرو
وشعري ل قلبك يا حياتي قافرو
كم ذنب بالسابق ل زينب غافرو
وما زال بكتابي الحروف تنافرو
وجهودك عليي يا سيدي تضافرو
الشاطر ..ع دربو ما بيزحط مرتين
إلا إذا بيكون مبري حافرو
4
Zainab Hmadi
الموقع حروفك ضب جوا مخافرو.
..فيهن لا صدق ولا ثقة بيتوافرو .
..لا بينعرف منو لا رجزو ووافرو
..ولا جالسو ولا مالسو ولا نافرو
...هههه وهي مع زودة من الموهوبة
4 ألشاعر سليمان طراد
كنتي على بالي يا زينب خاطره
وحبيت أعصر ها القلب بالخاطره
وعا باب قلبي ها التحية العاطره
شلت الألف من حافرك يا ناطره
بالحفر والتنزيل رب الموهبي
بيحفر اسامي تخلّدو يا شاطره

يا زوزو بعدك ضعيفي

Zainab Hmadi
يا نمس يا ما حبوب فكرك عاصرة
وقابلتني بسكين جوا الخاصرة
طالع ع بالي وقول مني قاصرة
تعديت سن الرشد ماني قاصرة
بقاشوش شعري لملم وراقك اذا
بتفت أعصابي ت تلعب باصرة
3ألشاعر سليمان طراد
نحنا البصيره سلاحنا بالمعمعة
ومن جمرنا يا ما كتاف ملطعة
ع الخاصره والباصره روح وتعا
صايره متل العجوز مكرتعة
ومنشان سليّكي ما بلعب باصره
وحق الإلاه بلعبَّك بالأربعة

بعدها ضعيفي يا علي لا تنزعها بالتبيض شد عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 6:59 pm

2

Zainab Hmadi
عالأربعة بتمشي ع حيطان الوعي
عربش بعد ت تطال رفعة موقعي
رح لعبك ليخا يا شاعر مدعي
واعصر خمر فكري ع سفرة مرفعي
وبنت سمرا بنزل على ساحتك
تا حرمك تلعب بعد مرة معي


ألشاعر سليمان طراد
تا تطلعي عا ساحتي عودي نزلي
وان ما قدرتي ..!!تكبّشي تا توصلي
كرهت الخمر تا صرت أقرا عن علي
نهج البلاغة وقلت يا ليلى انخلي
المعتاد يقرا كتاب توبو ما بلي
لا تجربي تغريه بديار البلي
سمرا وشقرا ما بتعنيلي بقا
وتا تصدّقيني...بتسألي خيي علي
هههههههههه
تبت.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 7:10 pm

لا بطلع ولا بنزل على ساحتك .
.ببقى ع قلبك بس اقلق راحتك .
.بتضيق حدي يا عيوني مساحتك .
..بصحرا فكارك جيت اسقي واحتك .
.لوما عيوني السود ما بتكتب غزل
..ل سيجار قصدانك انا قداحتك
10
ألشاعر سليمان طراد
تا توصلي عا ساحتي بتتفرجي
عا جنّة الرحمان ..يا بتتكرجي
عا جهنم الحمرا ...الخطية درّجي
وشعرك الأسود عا كتافك درّجي
ولولا على نهج البلاغة تعرّجي
خيل الصلا يا كافرة بتسرجي
جيبي عا بيتك مكنسة ..وفيري جلي
نهج البلاغة قال لا تتبرجّي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 7:35 pm

زينب

من بعد ما حرفي اذن سلو فرك
وخلفو قناني دم عالموقع ترك
كلما بردة جامدة عم ينزرك
بيدخل الأديان جوا المعترك
ال بشعرها نصبت على المنبر فخوخ
أذكى ما انو بيوم توقع بالشرك
17
ألشاعر سليمان طراد
لوما تكوني شر..عنك بالغني
هيكي أمامي قال عنّك بالدني
يا شر كلما بتمرق عليي سنة
بقول لازم توب مدري شو بني
الا بتجيني كافرة وملوّني
شفاتيرها بحمرا بعمر الأزمني
برجع بطبّق زاجة الفكرة وانا
ما بحب ازني .عشت نفسي مؤمني

ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 7:49 pm


رداتنا بالشعر ما بيتجانسو
لو كنت مؤمن بالشرع ما بتلمسو
الإيمان طاهر بالقلب.. ما بنجسو
ولا بلوثو ولا برخصو ولا ببخسو
وكرمال اتقدس على منبر زجل
ديني قبل شعري ضروري قدسو
14
Zainab Hmadi
يا طرد فهمتك قبل عشرين عام ..
لا تجلجق الاديان بحروفك حرام ..
.وانتو اشهدو يا متابعين ويا كرام .
.مين ال حكي شعر وما صفصف بالكلام .
.الشاعر وقت ما يكون ضدو شاعرة .
.ضروري بأخلاقو يراعي الالتزام

9ألشاعر سليمان طراد
الله عليكي صرت حبك عن صحيح
عم ترجعي للدين ..وافهمتي منيح
ما زال يا زينب حياتك متل ريح
ساعة عواصف من هجا ساعة مديح
متلك انا للدين راجع ما بزيح
عن نهج عيسى ..تحت سكين الدبيح
من هيك لازم يا بنت تتحجبي
قررت اعمل راهب بدير المسيح
ههههههههههههههههه
7ألشاعر سليمان طراد
لا تربحي عطف البيقروا وتضربي
وتتسلّحي بالشعر ..حتى تهربي
من بحر موجو ضو لازم تقربي
ومن نبع فلسفة البلاغة تشربي
نهج البلاغة شربتها يا عقربي
وانجيل عيسى تحت المخدة ربي
شو طلبت الا توبتك من ربّنا
هيدا البيحبّك ..عيب ريتك تضربي
ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أبريل 18, 2014 7:57 pm


بحجب شفافي عن معاصي الافترا
..بحرم عيوني تقول شو صار وجرى
.. ال قالو من العنوان مكتوبي انقرا..
ما بيعرفو بأعماق روحي الساحرة.
..وقت اللي بدي حط عا شعري حجاب..
ضروري بقداسة هالغطا تكون المرا
7
ألشاعر سليمان طراد
متل القصيدة البنت لون هدابها
ما بينشلح كلما فتحنا كتابها
والبنت يا زينب شرفها حجابها
وبينا وبين الشر دوم مجابها
عندك مراما بتنعرف اسبابها
بتقعد بقلب البيت تقفل بابها
وعندك مرامتل القصيدة بها الدني
بيعتق ورقها وما بترمي تيابها

تعلمي عا الشعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة مايو 02, 2014 1:20 am


Zainab Hmadi
البحر اللي شابو سوالفو وصارو زبد
ع صخور فكري كل يوم بينلبد
وعا قد ماني مشيبة راس الزمان
وراقي عصرت وعملت صبغة للأبد
29
ألشاعر سليمان طراد
ستّي قبل ما تموت متلك صابغة
لكن ما شدّت متلك الجسم بأبر
المرحوم جدي كان متلي نابغة
عرف المرا بتهرب من سنين الكبر

Zainab Hmadi
عا قد ما جاوي الشعر بالمرمغة.
.سليمان فكرو صار بدو مصبغة..
وعا قد ما عود جنابو عال خبيط..
لمن عرفني جيت عا دقنو رغى
أ


لشاعر سليمان طراد
مين قال عنّك ..مين قولي مين
هلق تا علّق رقبتو بمرسي
جن وفقد عقلو الغبي تخمين
تا فكّرك بالشعر مكترسي
انتي فتاة ..الأربعة وستين
القالت انا متهورة وشرسي
ودمي تقيل وشلش راسي تخين
ومطعوج من سيف البحر ترسي
.
ومربّطة بالشعر عا الكرسة

بتستغيبيني وعارفي ..مجروح
من بنت كنت بيوتها صفّي
واعطيتها بالشعر اطيب روح
ودوّقتها تا تحترم كفّي
صارت تفلّت بالحكي وتنوح
وتقول انو صارت بصفّي
يا بنت بحر الشعر لما يروح
بتتكرسحي وما بتقدري تكفّي
لا ننكريني الغدر مش مسموح
وتا تربحيني وتربحي حبي
مفروض فيك تندري العفّة

هزّي الحبق...تا تقدري تشمي
وكلما تشمّي من الحبق سمّي
وقولي مواج البحر فيها سر
بتوصّل الأحساس من دمي
روحي بجورة جهلك انطمي

بركي ما شفتيهن

1 ألشاعر سليمان طراد
مرتاح كنت ..وخلقتك محروم
وعايف سمايي وراجع ل حالي
الا بيجي المنحوت والمبروم
يشغل حنيني ويسكن ببالي
يا زينب الشاعر اذا ملزوم
يبيّض طناجر ..حالتو حالة
والشّاعر البيكون عندو هموم
بيحسّ أوعى تفكروا آلي
وهيدا انا قاعد بعد نجوم
وناطر يجيني من السما شاعر
من بعد ردة يصمد قبالي
5

ألشاعر سليمان طراد
يتتعلّمي عا الشعر من حبّو
وبتعرفيني ها الصبي بحبّو
وبحس انّك ميّتي غيرة
من بحر قولي..!! بتعبدي ربّو
لا تقربي عا الموج يا زغيرة
غلّي ببحر الشعر وبعبّو
تا من الفرح يا خايبي تطيرة
وتتعرّفي كيف البشر حبّوا
انتي مرا عا النت شريرة
كل الخطايا بشعرك انصبّوا
ما تزعجيلي يوم تفكيري
نهر الشعر والضو والابداع
عندي يا زوزو تأكدي مصبّو
4

ألشاعر سليمان طراد
مشغول مش عم حك نافوخي
وما بحب مرّة ينمسح جوخي
بحب الصراحة متل عين الديك
لا تمسحيّ للبحر بتدوخي
بعد التعب صفيّت اطلنتيك
وعا المجد مرّة طلقت صاروخي
ركبت البدر بالجو متل بويك
وبلّشت شفّط بالقمر تاصار
ينزل قصايد من سما شموخي
40
ألشاعر سليمان طراد
يا ها الصبية الناطرة غمرة
ومرافقة عا النت ها الزمرة
البيطيّبولك بالشعر يا عين
..بيطيبّولك بس عا الحمرة
لا تقنعيني كاتبي بيتين
خلّت مرايا البال مختمرة
وكتابك المطبوع كلو دين
راحت حقوق الطبع يا سمرا
انشالله بعد ما تكبري سنتين
ابقا بقلبك متل شي جمرة
وما تصيبني منك انا شي عين
انشالله يا زوزو بيدعسك كميون
ما يكون عندو من ورا نمرة

تا ما يكمشوه ههههه

ألشاعر سليمان طراد
لا تزعلي من الحق بحكي الحق
انتي قصيدة ناقصة الختمة
بتتصرصعي من الضو كلما انشق
قلبك فحم وعواطفك عتمة
صدرك تطربّق من كتر ما اندق
تا ارحمك بالشعر من شتمي
شبعنا يا ها النسوان منكن نق
لا بتعرفوا بالشعر والقصدان
وعم تطلبوني اختوم بختمي



ألشاعر سليمان طراد
خيي علي ..رح فل بترجاك
صار الشعر احساس ناس سماك
انتي عليّ الشعر يا علّوش
يرحم البطن الها الاسم سمّاك
زينب عا شبر موي ما بتفوش
رح ياكلوها بلجّتي الأسماك
خدها معك ..عا الجل ما في وحوش
بمضي الك يا رفيق عمري تشاك
زينب بتعرف تنكش بمنكوش
وتجهّز الفحمة على التنباك
وبالشعر لكن يا علي فافوش
ما سمعت مني تحرّك وشو باك
خدها معك بالشعر عم بتطوش
ما بتحمل من الموهبة زخّي
ولا بتفتح عا السما شبّاك
،،
ولا تقول جوخك تم تمسيحو
جوخك انت من عين ام الضو
ضاع المدا لم شاف تفسيحو
بفكرك عند م اجتاح كل الجو

ما في وساعة بدونك بتحلو


ألشاعر سليمان طراد
الشاعر يا طوني بنفش بريشو
تا طيور قلبو يقدرو يعيشو
والشاعرات اليوم بالفستان
عم ينحتو زافو وكشاكيشو
بتعرف انا لما تركت لبنان
ما اشتقت الا ل دراويشو
للصيد للحقلي وللدكان
لحنا ومرقص مرشد وميشو
وما اشتقت للمتعصب الفلتان
الداير على النسوان نربيشو
من هيك لازم تعرف سليمان
ما في ولا شاعر نت بها الكون
الا ما ناتف رقبتو وريشو



ألشاعر سليمان طراد
عم تسأليني ليش ما هويتك
وما قبلت اتذّوق فتافيتك
لا تسأليني بتسألي زينوب
وعن ها القضية تزكّري حكيتك
لا ترفعي راسك ان جايي هبوب
ان قررت اني رد بالقصدان
رح تقشعيني بلا وعي محيتك

لا تلعبوا ما رب رب الشعر روحي تدربي كم سنة ورجعي يا بنت بحر الزجل معهد هههههههه
5
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الأحد يونيو 08, 2014 12:35 am

ألشاعر سليمان طراد


مجد المرا

في ست..كلما البحر موجو ماج
بتخاف يخطف روحها موجي
وبتقول لا تسبب الي الأزعاج
بكرى بيزعل يا بحر زوجي

رح نلتقي هونيك بالعوجة

وبتقول ..انت سميك دم تقيل
ما بحبّك ولا بحب اتصور
وجّك..افرقني حاملي قنديل
حد الشمس رح روح اتصّور

ومين الشمس...يا شاعر تصّور
ههههههههههه

شاعر المنبر ..لابس عوينات
بتضّل تدحش حالها حدّو
بتكتوب شعر اربع خمس كلمات
ومعقول..؟ تكتوب متل ما بدّو

وبتقول..صارت بالشعر قدّو..!!

معقول ..مش معقول هيك يصير
نجمة..النت وآخ من نجمة
بيضل حجما حد نجمي زغير
وما في ولا نجمة من حجم نجمي

بحر الزجل قديّش قلبو كبير
حجمو سما ووسع الفضا حجمي

يا ها الصبيّة كسّري مرايات
من بال ما في روح وابتسمي
غلّي بموجي وقطّفي حكايات
عليها صدى الأهات منرسمي

ومهما حلمتي بالمجد حدّو
رح ترجفي عا النت من اسمي

هيدا وهم لا تصدّقي الأمجاد
وحدو البحر ..بيقطّف كوازك
ولو ضل عايش خلف الف بلاد
حجارو بتقدر تكسر قزازك

بتخلص حياتك عا رمل حامي

ولو كان بعدو ما خلص كازك

بكير عندي شغل حلو عن سمايي بقا وعن الشعر اعتزلت بس قلت بتغزل


ألشاعر سليمان طراد
صبّحت ربّي وجهّزت بغلي
تا روح متل الناس عا شغلي
لقيت المرا عا النت فتحت بوق
معقول دما سميك و..وبيغلي؟
ههه
عا الصبح مشكل..!!يا بشر شغله
ههههههه
ولك
ضلّي اندحشي حد مجدك ..عيب
تحكي معي وما ينحني راسك
حتى معي لو رد موسى زغيب
ما تفكري بيضل متماسك

ما بتخدعيني لو كتبتي حرف
وحدو تسونامي بيعرف قياسك
ههه
ولييي
بعرف انا عم تاكلك غيرة
ما البحر بطّل يعشق خواتك
واكبر مصيبة تفكري كبيره
معقول ...ّ؟قصدك تفتحي سيري

بركي المرا بتفيق جوّاتك
هههههههههههه
يا جحاري

انتي صنم ..لابس الغبرة تياب
ومبروم أو منحوت مش معروف
كتفك مبيّن ..متل شي وتّاب
وشعرك مقّصف ..بعتقد عم شوف..!!
شفاتيرك بتنصح بلا اسباب
يمكن إبر ..
معقول ..ههههههه
يا شتلة الملفوف..
ههه
ومنخارك الأفطس..انا عم شوف
مفرفك ..بإيدي مطعوج ومقروف

يتبع

ألشاعر سليمان طراد
ههههه

بالكاد بوزك شايفو مفتوح
عم تنسخي الأبيات عا الورقة
وشوكك قدر ما ينسقى تا يفوح
بدو عجيبة ميّة الزرقا

بشوفك مراية بال محترقة

يا ها المرا المش شايفي رجّال
واقف معبّى بدلتو وسيرو
مشدود متل السيف عا الخيّال
وما بتعرفي شرو ولا خيرو
واللي بيحس سيوف وهمو تقال
يطلب النجدة وبترك الغيرو
خخخخخ

لا تلعبي مع بحر سيفو كبير
قايم ...!!بهم الشعر عا كتافو
ولا تعقدي حواجب ولا شفاتير
منّك تعب محروق سلّافو

يا ها النسا من ربّكن خافوا

هههه

وبعدان يا فستانها الأصفر
الواقف عا المرية تا تتمختر
صاير ديالك عا الارض مشحوط
شي متر او مترين مش اكتر

مشقول شفتو من ورا بإيدين

مبيّن على بطّاطتها اقصر

يا ها الصبيّة ..دشّري الحاسوب
وروحي عا بيتّك عيب يا ورشي
ونامي ..مع مرايات فيها ذنوب
بركي الخطية ..بتغمر ..الفرشي

لا تلعبي مع بحر سيفو كبير
بيقدر بيفتح شي الف ورشي

يا ولاد لا تلعبوا مع البحر حلوا عني بدي اشتغل باي عندي بكرى شغل

Zainab Hmadi
يا اقرع الماشي على الطميش
وعالنت جبت قصايد مسمة
ما انت بعيوني سكنت ..معليش
وقصايدي عا اسمك بسمي
يا بحر يا مجعلك شفت قديش
تقمصتك ومشيتك ب دمي
ع مرايتي قدرت هلق ليش؟
كلما بوجي تطلعت عم شوف
حالي يا حالي كتير كركمة

قالو الي الاصحاب ما بيجوز
حاور حدا عالنت ..مش خرجي
يا مشدق ببوزك ع إم الزوز
يا ببغا عم تكرج الكرجة
ب رصاص بدي رجعك مدروز
صارت ظروفك يا بحر حرجي
بحبس الخجل رح اتركك محجوز
وببقى اميرة ب قلعتي وبرجي
عليك ب ضمير الشاعرية بفوز
استرجي بعد تتفصحن استرجي
ما عاد رح اسكت ت إخلع بوز
كل ال بيفكر عا طرافي يدوس
عالنت بدي اعملو فرجة
يتبع

Zainab Hmadi
ههههه عا نار حبك صرت عم زيد الغوى.
.وكلما بتهجيني بزيد المستوى
..يا ريت لو بيصير قلبك موقدة .
.وكل يوم بضلوعك يا سوسو بنشوى

ألشاعر سليمان طراد
ضلعي الشمال ..اللي انسرق قلبي حرق
وعمرو ما شافك ست ..حلوة تا طرق
من هيك جايي آخد الضلع الشمال
ورجّع ضلع من عهد آدمنا انسرق
77


عا المحد لا تتشوهري ..وتتطاولي
ومع بحر ما بيرتاح حاجي تحاولي
العا الطاولة بيتجمّعوا تا يسكرو
غير البيبقوا تا يلّموا الطاولة
ههههههههههههههه

ألشاعر سليمان طراد
ما تجرّبيني بتعرفيني ما بهاب
لون السما بيصير فستق عا الغياب
ب دو بياس dopies فيكي تسبحي بعواطفي
وممنوع فيي تسبحي ان فوقك تياب
7

لسانك مقص وكل كلماتك قماش
وجرحك موزّم صار آخد متر شاش
وشخصيّتك فستان ..زافو شادّو...
تا تفهميني...تعلّمي مني ببلاش

ألشاعر سليمان طراد
بيكبّرولك راسك وما بتعرفي
انّو اله الشعر ..نصو معرفة
ومن كتر منّك جاهلة وعندك غرور
ما بتفهمي لو شرقّوكي بمغرفي
ههههههه
ألشاعر سليمان طراد
بتتصوّري بفستان اصفر يا سلام
شو مفكّرى رح تورتي صائب سلام
هههههه
بالحرب ما بتتعلمي حمل السيوف
وبالسلم ما بتتعلمي فلة الحمام
هههههههههههه

ألشاعر سليمان طراد
ما بقشعك عا النت الا مبحّره
تا تشجّري خيالتك المتصحرّة
ما في مجال تخضرّي حروش اليباس
عليكي مرق دهر الصبا يا مشحّرة
7
شو علّقك بلسان شاعر ما انهزم
وكسّر بزنّدو غصون موهبتك رزم
وحريّتو بيعيش بالغربة طليق
وما يوم بيقدم تحية للجزم
ههههههههههه
7 ألشاعر سليمان طراد
وبتعشقيني ..ليش بتحبي استحي
البيحبّني لازم ما يضحك عا اللحي
ومحبوبتي الكلمة الجميلة بالزجل
وانتي عديمي لا جمال ولا وحي
ههههههههههه
7 ألشاعر سليمان طراد
يا ناطرة كلمة غزل مني تجي
لا تنطريها البحر شاطر بالهجي
ما في مرا ولا ابن امو بيغلبو
روحي على كرفوح غيرو تغنجي
هههههههههههههه
ألشاعر سليمان طراد
خضرت زنودي كتر ما كلتي خبيط
سابح مبارح من محيط على محيط
عندي بمدرسة القصيدة مهرجان
قصيّت راسك بدل ما قص الشريط
هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الجمعة أغسطس 01, 2014 12:37 am

Zainab Hmadi
Ayer a las 17:23

المحتال حتى تضل كذبو قافرو
ولو قد ما الكذبات فيك يسافرو
مرة على المسمار اضرب عالخفيف
ومرة ازركو وقوي الضرب عا حافرو
Me gustaMe gusta ·


ألشاعر سليمان طراد
يعني اعترفتي بغلطتك يا خايبي
انّك غشيمي ..مغرمة أو دايبي
اعترفي بأنّك جادّي عا غيبتي
هلّق عرفنا ليش كنتي غايبي

ههههههههههههه
رحعت الخطية ريتك تضربي ما بتتعلمي




Zainab Hmadi
سلوم دخلك يا بحر ما اشعرك
مين عبرك ؟ جايي بكفوفي تنعرك
ما كنت رح تنسب إلك هالكلمتين
لوما المسلة تحت باطك تنعرك



ألشاعر سليمان طراد
بعدك متل ما بعرفك ..ما بتفهمي
انو الزجل خلقان وبيجري بدمي
عم حف فيكي واحرقك يا خايبي
بركي بعد ها العمر رح تتقدمي

روحي نامي ما الك جلادتك عندي سلوم سكر وملح عم حك راسي هههههههههههههه

Zainab Hmadi
لوما خطية كون عا هيئة مرا
كل القصايد والشعر ما بينقرا
لا ببالك بيخطر وحي وحب وغرام
ولا بتخطر الفكرة ببال المحبرة

ألشاعر سليمان طراد
أيّا مرا بترتاح من هم الرجّال
هيدي مرا بتكون تحفة من الجمال
وانتي ما فيكي تنعمي بعيش الحلو
الا ما حبّك بالحرام وبالحلال
هههههههههههههههههه

Zainab Hmadi
وبعدك متل ما بعرفك كائن فضا
مخلوق من قرن ال قبل هتلر مضى
مش رح بنام اليوم ع فراش الملوك
الابعد ما عا غرورك ينقضى

Zainab Hmadi
دبحك حلال وجبت ساطور الغرام
بسوق الشعر رح بيع لحمك بال ..غرام
انت حرام تكون شاعرمنبري
وجودك على منبر زجل اكبر حرام

ألشاعر سليمان طراد
لا تنزعي الموضوع وتزيدي البيوت
تا تبيّني بالأرتجالي عشتروت
بدي انا تا تجاوبيني ها السؤال
شو بتاخدي من بعد ما جسمك يموت
هههههههههه

ألشاعر سليمان طراد
لا تقرّبي عا مجد بحري بتندمي
قلبي حجر يا ظالمي ودمي حمي
ما زالك اشتقتي يا زينب للسيّاخ
روحي افتحيلك يا حياتي ملحمي
ههههههههه

Zainab Hmadi
من بعد ما تراب الفنا عليي يجود
ومن دار جسمي الروح للخالق تعود
بتبقى حروفي بعد موتي عالاكيد
تتوج اسم زينب على عرش الخلود


ألشاعر سليمان طراد
شموني وعلي شعّار قلبك حارقين
وما بيعشقوكي بيكرهوكي وفاهمين
النسّوان لزقة ما بيمشوا بلا عصا
من هيك ما تزوّج علي الله يعين
ههههههههههههه
لا تقومي السبب تعقد من خيببتك ههههههههههه

Zainab Hmadi
ومن بعد ما بنارو الرب يحمصك
ومن بعد ما الشر بقميصو ..قمصك
لا بالسما شيطان متلك رح يعود
ولا عالارض مخلوق رح يتقمصك

ألشاعر سليمان طراد
خلود الفنا اقرب عليكي من السراب
لا للبعاد بتصلحي ولا للقراب
قبلك تخلّد هتلر بدار الفنا
ومتل النسر ما مات بيموت الغراب
ههههههههههههههههه
ريتك تضربي شو مغرورة

Zainab Hmadi
يرحم تراب الوالدة المترحمة
مش عارفة عا شو فيك موحمي
حتى وقت ما بشوف وجك يا طراد
بيخطر على بالي الدبح والملحمة

ألشاعر سليمان طراد
بيتقصوني مين..!!؟؟؟...عقلك شو خفيف
ما البحر مش سآلان عن النهر الخفيف
عندك تقل لكن بدمّك بالزجل
بس المصيبي مساقبي عقلك خفيف
ههههههههه

ألشاعر سليمان طراد
السيخ اللي دبحك ليش فيه بتدبحي
لا تفكري بالدم فيكي تربحي
ان مرة هجمتي عا بحر متلي خطير
الا بدمك يا بنت ما بتسبحي
هههههههه

Zainab Hmadi
قبلناك شاعر عا عماك وعلتك
مين ال على مواقع قديرة فلتك
عالدالية لا تمد ايدك يا طراد
غير فاضية مش رح بترجع سلتك

ألشاعر سليمان طراد
لا تلعبي مع بحر عمرو ما انهزم
كسر مخوخ تجمعوا ضدو رزم
من هيك يا زينب تغطي حاجتك
انتي اعتدتي تلمّعي صحون وجزم
ههههههههههه

ألشاعر سليمان طراد
من أول المرات قلتلك ولي
لا بتستحي ولا بتقنعي ولا بتخجلي
روحي انضبي ولا بقا تزيدي الغرورو
ما بتصلحي بالبيت الا للجلي
هههههههههههه

Zainab Hmadi
دمي تقيل وعا تقل عقلي طغى
من يوم مابدماغك العقل التغى
اضطريت اتبرع بعقلي لحضرتك
وتا لون عروقك قصدت المصبغة

ألشاعر سليمان طراد
يا ها الصبيّة الطايرة مني اقنعي
ولا تكبّري راسك قبالي بتوقعي
مهما تحني وتشحدي الشهرة خلص
عا جهنم بلا واسطة بجيبك معي
ههههههههههههههههه

ألشاعر سليمان طراد
بعرف انا الشعرّات انك صابغة
وعم تعمليلي بالتحدي نابغة
وصنديحتك عا الناس ما بتبيّني
بعدا لهلق من كفوفي دابغة

Zainab Hmadi
فيك الحيا والذوق تخمين انعدم
ما بتخلق الأرواح من رحم العدم
زينب اميرة بالشعر متل الحياة
والمتلك على بوابها صفو خدم

ألشاعر سليمان طراد
بتتزكري التاريخ ستك جوزفين
عا فراش نبليون نامت مع أمين
وملكة الصين وعاصمة افريقيا
خانت ملكها مع خدم متلي أمين
هخهههههههههههههههههه

Zainab Hmadi
ع جهنم ال فيها نيرانك راقدة
ولزنود زوزو هالمواقد فاقدة
بطلع معك .كل ما جهنم تنطفي
بعضامك النيران ابقى واقدة

الشاعر طوني بو شموني
بتتزكري التاريخ ستك جوزفين
عا فراش نبليون نامت مع أمين
وملكة الصين وعاصمة افريقيا
خانت ملكها مع خدم متلي أمين
هخهههههههههههههههههه

الله يخرب بيتك

الشاعر طوني بو شموني
،،
يمكن يا بحر يكون صح بكل حين
الخادم مع الملكة ختم جرحو الحزين
بس ل ملوك علا العرش بقيو ملوك
وخدام بقيو ه الخدم يا ه الامين
ههههههههههعهه

بقبل معك كل اللي بالردة انحكى
خادم بسحرو وحكمتو الملكة حكى
لكن انت يا حسرتك شاعر زغير
لا سحر عندك يا طراد ولا ذكا

Ali H Jaafar
مهما يا زينب عالبحر تتغندري
الا على دفقة زبد ما بتقدري
ولا تندهيني بكرهك رغم الدلع
وما بعشقك الا اذا بتتشودري

ألشاعر سليمان طراد
ياميته مابتعرفي وين عالقه
علقه بكعب الشعر انتي عالقه
من ريحة البارود من بارودتك
بعرف بإنك فوق راسك طالقه
ههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   الأحد أغسطس 31, 2014 1:41 am

ألشاعر سليمان طراد
28 de agosto a la(s) 23:22

ارتحنا منها خي

في بنت كانت متل زهرة فايحة
راحت..ما بعرف ويّن وداها الزمان
معقول صوب البحر هيي ورايحه
فطست ...!!وبحر الحب ما عندو أمان

Zainab Hmadi
فليت وقشعتك على بوابي
عم تشحد وجودي من غيابي
من دلفتي ن ارتحت يا سلوم
بتعود تعلق تحت مزرابي

ألشاعر سليمان طراد
علقان فيكي ومين ما بيهوا القصير
الما بيعشقك بيكون يا زينب ضرير
ضلي اكتبي ما بينفعك غير الزجل
وعضّي عا جرحك..وارجعي الله كبير


Zainab Hmadi
رجعت وبقي قلبي على ذات السبيل
علقان فيك ومعدنك طيب اصيل
لا تقول عضي بالشعر جسم الجروح
تركت الوظيفة لناكر ل فضلي الجميل


ألشاعر سليمان طراد
مني اسمعي..لا تجربي حل الهروب
كل اللي بقّع توب قلبّك نظفّي
ما زال كنتي موظفي بحرق القلوب
ل ستين عمرك لا بقا تتوظفي

Zainab Hmadi
نضفت قلبي ولبست توب الحداد
وبطلت احكي مع طفالى ومع ولاد
وكل مين مرق بالذاكرة صفى اسير
وكل شي احترق بالموقدة صفى رماد

ألشاعر سليمان طراد
لا تفكّري بالراح ..شوفي الرج يكون
عليكي الصعب من بعد مدة رح يهون
رماد المحبة بينتهي كلما احترق
وما تفزعي الا من رماد العيون

Zainab Hmadi
ما بفكر بعمر انطوى وعمر اندثر
ولا من اناني رماد بعيوني نثر
بقلبي بشر خانو الأمانة والحنين
وجوا القلب ما عاد في إلهن اثر


ألشاعر سليمان طراد
طيّب هربتي ليش..؟ احكي عن صحيح
ما بيهرب من الخوف يلّي فوق ريح
بعرف انا رغم القسا لا تكابري
عقلك تهجّر ضايعة وقلبك جريح

Zainab Hmadi
ما بهرب وفيي الشهامة مصورة
اخت الرجال و بالوقت ذاتو مرا
بزت الندل من خلف ضهري وبتركو
وما تعودت اتطلع بيوم لورا


ألشاعر سليمان طراد
لا تنكري المعروف ..وتهيني الزمان
انتي غلطتّي ..بحقّك وحقو كمان
لو تعرفي من زمان غدر الأزمنة
كنتي احترستي منيح ما اعطيتي الأمان

Zainab Hmadi
سليمان حاجي تفتح جروحي بقى
طهر الصديق بينفضح يوم الشقا
تعلمت من بعد التجارب بالحياة
لمطلق شخص ما عاد رح اعطي ثقة


ألشاعر سليمان طراد
بالضرب لو لسانك على شتمو حمي
ومتل الفرس صرتي قبالو تحمحمي
ضرّيبة سكاكين شو بيطلعلها
قدام ساطور الدبح بالملحمه
هههههههههه

Zainab Hmadi
تحت دعساتي المخوخ برصها
وكل الحكايا عرفتها من نصها
حرة خلقت عندي كرامة وعنفوان
ال بيمد ايدو بالعلن رح قصها

ألشاعر سليمان طراد
لا تزعلي حبيّت ..وضحّ فكرتي
وكمّل بنصية زماني سكرتي
وخايف عليكي تنتهي بعد الزواج
وتصير ايامك يا زينب عكرتي

زينب
تركت الرجال وبعد موتي وصيتي
لغير الشعر ما بتنعطى حنيتي
بعت القلب والروح وجنون المرا
وكل الدني تا اشتري حريتي

ألشاعر سليمان طراد
حريّتك أوهام ...زتيّها وتعي
ما في سعادة بها الدني لا تدعي
مهما تقولي عايشة بحريتك
ما بتاخدي حريتك الا معي

Zainab Hmadi
حريتي صوت اختنق ما لو صدا
لا بتنعطى ولا بتطلع ولا بتنهدا
تركني وحيدة عايشة بحب وفرح
ما بريد بعد اليوم يملكني حدا

ألشاعر سليمان طراد
مين اللي قلّك جيت استملك جسد
بيهرب من الغزلان ..وعيون الحسد
لما الحمل بيصير ثعلب يملكو..!!
بطّل على الغزلان يستقوي الأسد
هههههههههههههه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل يمشكلها مع زينب جمادة   السبت مايو 27, 2017 11:27 pm


ألشاعر سليمان طراد
شو خصك..وحاجي البحر تتملّقي
وتا توصلي للمجد لا تتسلقي
لازم تطيري متل ما طار الحجل
وتا تخلصّي من لسان بركان الزجل
ضبي لسانك عيب هون تعلّقي


Zainab Hmadi
مخربش حكي فكرك كتبت معلّقة
وجايي تعاتبني لاأني معلّقة
يا رب يفقع فيك بركان الزجل
وشوفك شقف عا كل حيط معلّقة

ألشاعر سليمان طراد
بعرف حقودي وقلبك الأسود حجر
وعندك سوابق كتر ما بتشكي الضجر
يا بتسكتي ..يا بشلّحك توب الوحي
شوفي العواصف كيف عملت بالشجر
هههههه
Zainab Hmadi
الله عطانا عقل فيه مناصفة
نصو علم نصو اداب وفلسفة
لكن انت يا حسرة عيوني عليك
اخر فيوز بعقلك مبارح طفي

ألشاعر سليمان طراد
لا تاكلي عقلي بكلمه مرحبا
وتمنينيني مقدمه شعرك هبا
مني اسمعي وتعلمي يا جاهلي
الشاعر ما بدو فيوز بدو كهربا
هههههههه
قلتلك روحي العبي

Zainab Hmadi
لا تفتكر انك نصبتلي شباك
وخليتني حس بخجل او ارتباك
ال متلك بخيل وقلبك على جيبتك
بيبقى بلا عقل وما بيدفع اشتراك

ألشاعر سليمان طراد
مين اللي بدو يعلّقك؟ يا ها الترى
لو كان بدّي..! باكلك متل الدرا
بدفع حياتي كلها لا تفزعي
قديّش بدو يكون حقك يا مرا


Zainab Hmadi
ال متلك على ضفري انا ما بتؤتمن
وكلك ع بعضك ما الك اي تمن
عمرك ما بيكفّي تياب واحذية
تا انشرى بدك زمن فوق الزمن


ألشاعر سليمان طراد
ما زال عم تتطاولي بغيبتي
ومش عارفي انو المرا لعيبتي
رح ضل قادر اشتريكي، بها الزمن
ما زال مليانه يا زينب جيبتي
هههههه

Zainab Hmadi
لا تفتكر رديت ردة قاضية
ولا تفتكر عنك انا متغاضية
زينب مرا ما غرها ب دنيا الرجال
جياب الملانة والعقول الفاضية


ألشاعر سليمان طراد
زينب حماده ماحدا بيغرها؟
وبنت الزكيه الما بتفضح سرها
انتي يا زينب متل تنوره وانا
بعرف بايا ميل حطو زرها
هههههههههه
Zainab Hmadi
يا طراد مني الشعر بس،استنبطو
ال خفاف متلك وج ما رح ينعطو
وزر ال لي متلك انت في عندي دواه
وحدي انا بفكو ووحدي بربطو

ألشاعر سليمان طراد
شو ها الجواب..! وكيف رديتي بعبط
خبريني الزر..؟ كيف بينربط
منيح الما قلتي بحفلة ببدادون هيك
لو سمعك الشحرور عا دماغو خبط

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
بحر الزجل يمشكلها مع زينب جمادة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: