منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 بحر الزجل وحبيب بو انطون وزينب حمادة كسر عضم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: بحر الزجل وحبيب بو انطون وزينب حمادة كسر عضم   الأحد فبراير 09, 2014 8:46 pm


ألشاعر سليمان طراد
بتعرف ببرحليون عندي سلطنه
من حدود الله لاحدود الشيطنه
قدم وراقك عند زينب قبل ما
تاكل يابو أنطون قتله مطنطني

اووف اووف

زينب ع بابي واقفه ومقطني
ومقطبه و مشيشي ومقطني

بتعرف ببرحليون عندي سلطنه
من حدود الله لاحدود الشيطنه
قدم وراقك عند زينب قبل ما
تاكل يابو أنطون قتله مطنطني

هههههه

Habib Bou Antoun
يا طراد برجك وهم عا راسك هوا
و إلا هوا الحلوين قلبك ما هوى
كل شي طعمتك قتل ما بتشبع ما زال
أكل القتل عندك متل أكل الهوا



بجر الزجل

بتوصل على ركابي اذا عزمك نوى
يرفع بشعرك قد أعلى مستوى
القزم للي متلك حد عملاق الزجل
عاقد مايضرب بيضرب بالهوا

وهي لزوزو

راسك يازينب فج بعدو مااستوى
لاالقطب حبّيتو ولا خط الإستوا

بحر الزجل

Habib Bou Antoun
الجلده عا راسك نعل من بعد الحساب
و حنوة ركابك ذل مش لابس تياب
ما وقفت تحت ركابك رجعت لورا
عديتهن طلعو معي اربع ركاب



قصيدة
بحر الزجل

ألشاعر سليمان طراد
زينب يازينب كبتلي ..و مطّي
وتكشّفي عالبحر وتغطّي
شعرك إذا من راسك تدلى
الموجات متل مقصّ عاشطّي

بدك تحطي رمل المقلّى
بالسمن ع خدودك تعي وحطي
بدك جمر تافيه تتسلى
ديكي في عندي مجمره نطي

إلا مع سليمان المجلى
مابتقدري من بعيد تتلطي
بالشعر قدي ماحدا علّى
ومش بس بوأنطون بيوطّي

يعني إذا بيكون بو ألله
كل مامرق عدفاتر الشعار
بينخ تايمرق تحت خطّي

اله الشعر
بحر الزجل

2
Habib Bou Antoun
يا طراد لا تقرب على الممنوع
غيرك انا صرت و انت غيري
يا كفر حدك ما حرقنا شموع
يا طارد الإيمان من ديري
شبعت ركابك تحت مني ركوع
و شفت شري ما شفت خيري
عليت راسك تحت مني طلوع
ما قدرت تمرق من تحت ...سيري



بحر الزجل
مازال ضرباتي عليك مربّعه
واجريك عاكرسي الفلق متربعه
من بعد كفّ حولت عينيك التنين
وصارو التنين بيظهرولك أربعه

ما زال تحتك من الخوف منبّعه
خود الغسيل اليوم زوزو مقبّعة

لا تلعبوا مع البحر


ألشاعر سليمان طراد
باشعّر وديلي سلاطينك
تا يضل معنا شامخ جبينك
وقلّو ل بو انطون نتفي يقص
من لسان بهورتو العم تهينك
يا ريت في اخلاق نتفي النص
تا الحبر يعرق من دواوينك
لازم يا بو انطون نتفي تبص
ل رب الزجل تا ربّنا يعينك
تغدّى فواكي ..وجيب قصبة ومص
يا بقعّدك بالشعر عا القصبة
يا واقفي رح شكّها ..بطينك

لا توّري معي انا رب التورية ههههههههههه
قلتلكن لا تلعبوا مع البحر

رايح عا الشغل اشتغلوا عا حالكن شوي


Habib Bou Antoun
عايف سمايي و عفت حالي و عايفك
و كفك صفعني و لا تفكر خايفك
مش بس أحول صرت عم شوفك تنين
بأربعه و عشرين ديني شايفك


ألشاعر سليمان طراد
اووف اووف

تلاميذ عندي طنعش قوم افتاح عين
واطلاع عاقانا زحف عالركبتين
هالأربع وعشرين دينين الجرار
مازال كل تلميذ ناتع جرتين

تعلموا الشعر ههههه

بحفلة بدادون لما زكرت زين
بيّنت حد الياس قد البو حنين

زوزو جيبي دوا احمر استيف الاطفئية خخخخ


Habib Bou Antoun
زينب حماده بالسيوف الماضيه
عا نعوتك بقلام كحله ماضيه
عا عرس قانا بالليالي الماضية
طالع تا عبي جرار منها راضيه
و من وين بدي شعر عبي بالجرار
ما زالها جرة كتافك فاضيه


بحر الزجل
يابوانطون رداتك كساره
لاغنطوس ولاتوما ولاكساره
ياريتو لسانك الأعوج مازفّر
ولاحرتق بطنجرة الخساره

إذا العدّاد بدماغك مصفّر
وبالكتابه شلحت توب الحضاره
على المنبر رح بتلبس محفّر
وتفرجي الرموش المستعاره

إنت صوتك مع الجوقات دفّر
ودفش إسمك تاتظهر بالصداره
وبلاصوتك إنت يابس معفّر
النار بتاكل غصون الشكاره

اختنق زمورك قبالي وصفّر
وبلع زلعومك طعوم المراره
وفلت فكك بهالدرب المحفْر
تصارو سنانك بقلب العفاره

أنا جرّة نبيد بشرق كفّر
الله وصار الله بالجكاره
يشرب تافضي قلبي وماوفّر
إله الشعر من قلبي عصاره

مزمزني جنوبي هالمصفّر
شربني الشوف غبّه بعين داره
انكرعت ومن شمالي هالمظفر
نقلت النصر عاوادي النصارى

إنت صوتك ع حبل الوهم سفّر
عيون الحاضرينك عالإماره
لكن شعرك من الشعر طفّر
الجمال بكل بيت وكل حاره

استحي لاتضل تحكي بالمشفّر
أنا رب التمسخر عن جدارة
لساني من ألف شفره مشفر
اذا بتحكي بأدب بحكي مأدّب
إذا بتغلط رح بطق المراره

بحر الزجل

امير الكلمة وسيد الشعراء وقاهر النساء


ألشاعر سليمان طراد
من التلفون خود

زينب أنا مابهينها بلعب الحروف
قلة أدب مش لايقه ببنت النبي
ان ماكنت شاطر بالقلام وبالسيوف
وقف ورايي ورد.. صوتك مش غبي
كل ماكتبت رده عم بتبكي الدفوف
وعم تستحي بإسمك رفوف المكتبه
وشعري أنا عصافير عم تطلع رفوف
من جبال الله عالجنوب مسربه
تقلك يابوأنطون صفينا الصفوف
في صف فيه بيوقف العقلو كبير
وفي صف للي بقرعتو عقل الصبي

بحر الزجل


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل وحبيب بو انطون وزينب حمادة كسر عضم   الأحد فبراير 09, 2014 9:02 pm


ألشاعر سليمان طراد
حبيب بو انطون شاعر الجديد

يا شاعر الما في حدا قدّك
ديّكت حد الديك بالسهرة
والشاعرات بيوقفوا حدك
بيتصوّرو تا ياخدو شهرة

شاعر زجل لبنان بنعدك
فيك القوافي تبر منصهرة
المنبر خليلك ما حدا ندك
البيحاربك بالحرف بتقصّو
البيغازلك بتموتو بزهرة

هههههههههههه
ولك لا بقا تتصور حد الشاعرات يا زلمي


Habib Bou Antoun
.
تصوّرت حد الشمس و تعلّيت
صارت خدود الشمس محرورة
تصوّرت حد الغيم و استرخيت
الغيمات صارو جوانح نسوره
تصوّرت حد جبيل و تمنيت
كتافي على عواميدها جسوره
تصورت حد المذبح و صليت
عِملت عا إسمي الرهبنه ديورة
و الشاعرة لزادت عا شعرك بيت
و صارت بدنيا الشعر أسطورة
تصوّرت معها و صورتي حطّيت
بالشعر مني طلّعت صورة


ألشاعر سليمان طراد
لا تكون شايف حالك تصوّرت
حد المصيبة ..وشاعرة محكي؟
وحد المقابر كلما دوّرت
بلاقي صور أموات ما بتحكي
انتي مصيبة تانية زوّرت
احكي الحقيقة حاجتك احكي
تصوّرت اه مظبوط وتهوّرت
لما الصورة طلعة ل برّا
طلع الخلق ما طلعت الضحكة
ههههههههههههههه


Habib Bou Antoun
.
يا أبخل من الملح فوق القوت
شبعنا بخل من كفك الكايِش
ما فيك برخام الوحي المنحوت
تغمّق معي و من خلقتك فايش
طلعنا من الصورة غزالي و حوت
تا نرجمك برصاص مش طايش
و عالقبر لو قرّرت جته تفوت
صورة ما بعملّك إذا بتموت
لا تموت أصلاً إنت مش عايش

ألشاعر سليمان طراد
فضيّت حبر قصايدي ياقوت
وصبيّت من عين الوحي رصاصة
وبوّست بالمبروم والمنحوت
وشديت مهر الشعر بحياصة
شفتك بصورة بتشبه الهلفوت
مع شاعرة بتحط مصّاصة
قررت اني آكلك بسكوت
واتفكون على النت بنجاصة
الشاعر يا بو اانطون ما بيموت
الا اذا بيشوف ها الصورة
شاعر تصوّر حد رقّاصة

هههههههه


ألشاعر سليمان طراد
قديّش حامل همّك وملهوف
خايف عليك تضيع بالمرّة
وتكسر الجرّة وتنكر المعروف
وما تعتّق الكلمات بالجرّة
تصّورت حد الخس والملفوف
من خيبتك مفروض تتبرا
الشاعر اذا بيبعزق المصروف
وبيصير عينو يضرب ل برا
رح نقشعو يا خطيتو منتوف
ويمكن مع الايام يتعرّا
من هيك لازم تهتدي وتشوف
كل البيغيّر صورتو عا الناس
بنهديه قرن فليفلة حرّه
ههههههههههههه
قعدوا عاقلين بدي نام


Habib Bou Antoun
.
مش راقصه و شفافها بتنباس
هيدي مرا بتهزأ بمضمونك
بترقص متل شمعه مع القداس
بترقص صلا عا جرن ميرونك
بترقص وتر عا ريشة الإحساس
بترقص حجر عا حبوب طاحونك
بترقص متل خمرة بقلب الكاس
بترقص نعس منهوك بعيونك
بترقص دمع زيبق على المقياس
بترقص شرف عا وراق مليونك
بترقص عطر بيطيّب الأنفاس
بترقص حقيقِة شك بظنونك
بترقص جرس عا كتاف قبة نحاس
بترقص إبا بجناز صهيونك
بترقص شهيدي بخندق المتراس
بترقص دليلي بعرس شمشونك
بترقص فخر عا جبهة الرياس
بترقص عدل عا قوس قانونك
بترقص بعيدك مسبحة الماس
بترقص دفا عا تلج كانونك
بترقص شبح عا نجمة الأخماس
بترقص متل حسون عا غصونك
بترقص طهر عا رخامة الأنجاس
بترقص متل نقطة على نونك
بترقص تمر بالخير عبّى كياس
بترقص شبع طايف على صحونك

و انت للي جلدك مش جلد حساس
جهنم ما إلها دور من دونك
صوّرتك بأجمل شكل و قياس
صوره تا فرجي الكل عا جنونك
و من بعد ما ظهّرتها للناس
نْطرت تطلع صورتك رجال
ما طلُعت ُطلعِت طالعة قرونك



بحر الزجل

يعني أخيرا معترف راقوص
بترقص عا دف وصوت دربّكي
وما طلعت ديك كبير طالع صوص
وبالراس ما عندك ولا دكة
يا شاعر القلعة الملان قروص
اوضاعك على النت بتبكي
بتروح حتى تحج يا مفعوص
وعم ترجع الحجاج من مكة
تصورت مع فانوس عم بينوص
وسكيّت بمجالي الف سكة
منخارك الملحوم والمقصوص
مشنفخ..!! معي ما بيرتفع تكّة
نزّلت بنت قبال جوز اصوص
ونسيت غير الدر يا حبو
ما بمرقوا بالشعر عا محكي

بحر الزجل

وزوزو ما شبعتي فتل ما بتتوبي


ألشاعر سليمان طراد
مبين يا بو انطون نسونجي..!!
وصاير تحب الرقص بالفرقه..؟
وناسي الارزه عاليي برنجي
و عندا قرون بتنطح الزرقا

بترقص عفاك بشخلعة وغنجي
وصاير مكعوك متل شي ورقة
ارقص متل ما بدك فرنجي
وعّلق تا تسلم خرزة الزرقا

وغازل فريدي وميل عا إنجي
سراق السعادة الفانية سرقة
بصابيع ديي متل شي سفنجي
رح اعصرك تا اعملك مرقة

وخليّك طاير متل شي ننجي
وخلّي بقلبك ها البحر حرقة
تصوّر مع الشيطان والزنجي
شو خصّني ..؟ان مهروق ها الهرقة..!!

انتي يا زينب كيف رح تنجي
من بحر قادر يشرقك شرقة
توقّي قبل ما ينيّمك بنجي
وتطلع بعينك ميّة الزرقة

شو مفكّره من المعركه بتنجي
ورح تغلبي هالديك ياقرقه
وتاإطبخك بكرا ع يالنجي
بلفّك ع ديّي لفّة الخرقه

جهّزت حالي ودوّرت رانجي
ومرقت صوب دياركن مرقة
قبت بوجي راسها صلنجي
ولعّت فيها جنون بو انطون
وتركتها عالنت محترقة

بحر الزجل


ألشاعر سليمان طراد
زينب يازينب كبتلي ..و مطّي
وتكشّفي عالبحر وتغطّي
شعرك إذا من راسك تدلى
الموجات متل مقصّ عاشطّي

بدك تحطي رمل المقلّى
بالسمن ع خدودك تعي وحطي
بدك جمر تافيه تتسلى
ديكي في عندي مجمره نطي

إلا مع سليمان المجلى
مابتقدري من بعيد تتلطي
بالشعر قدي ماحدا علّى
ومش بس بوأنطون بيوطّي

يعني إذا بيكون بو ألله
كل مامرق عدفاتر الشعار
بينخ تايمرق تحت خطّي

اله الشعر


Habib Bou Antoun
.
الشاعر بأوجاع الورق شاعر
و بمفاصلك عضم الجسد شاعر
تصور معي تا يرسم الصورة
تصور معي تا أرسمك شاعر


ألشاعر سليمان طراد
الشاعر مدا مفتوح عا المجهول
وقصايدو بواب السما سدّوا
مجنون انتي ..!!كيف عم بتقول...؟
بحر الزجل ..رح تقدر تحدّو..؟
تصّورت مع ستّات عرض وطول
ومن بعدها عا النت ما تهدّوا
هههه
ظهروا معك مظبوط فينا نقول
وتا يوصلو عالمجد والشهرة
بجريهن وديهن عم يشدّوا
هههههههههههههههههههههه







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: بحر الزجل وحبيب بو انطون وزينب حمادة كسر عضم   الجمعة ديسمبر 12, 2014 10:01 pm

سليمان طراد
.off
يا بو أنطون ندباتك فريده
فريده تلطم! وتندب سعيدي
قبل ما تصيح يا ديك المنابر
بــــونسوار يا عمّو سعيدي
مع القرقة سمعنا عم تخابر
وعندك بالزجل صرعه جديدي
قصيدي ميتي من عهد غابر
ألف رحمة على روح الفقيدي
بالصدفة لمحتك أمس عابر
وعم تهدّل زغاليل القصيدي
كنتو ديوك من حولو و قوابر!!
تا تعقّو! النخالي والسميدي
اذا شي نهار منعي وتا تجابر
بتطلب يدفعولك بالمجيدي
ولا ممكن يوم ترثي عا المقابر
بلا ما تقبض وهيدي الحقيقة
واذا بتندب بلاش بقص ايدي
ههههههههههههههههه

ألشاعر سليمان طراد
كيفك يا زينب فضفضي ت اسمعك
لا تفزعي قررت انّي دلّعك
انشالله تكوني بخير ولسانك دفي
تا ضل ارحم ضعفك وغني معك

Zainab Hmadi
قالو يا زوزو طراد سكر موقعو
تخرسن ع تمو الشعر ما عم نسمعو
وكرمال يرجع موقعو ل مجد الزجل
جايي زحف تا ترجعي تغني معو


ألشاعر سليمان طراد
كرمال مجد الشعر ..ما بقسا كتير
ولا بقص راسك ..بحترم عمرك كبير
ولا بحب بعد اليوم قلك تضربي
منّي ابو انطون تا قلل ضمير

Habib Bou Antoun
بالشعر لا تعمل عا حوا فيلسوف
بعرف با بحر الشعر قلبك مش عطوف
مني هديتك سيف تا تقص الصفوف
جرحت حالك بعدما جارو الظروف
و مازال حجمتك انا قبال الألوف
بينك و بيني الفرق يا سليمان شوف
بالسيف عم بتقص ايدك يا طراد
و بالندب عم قص المصاري بالسيوف

ألشاعر سليمان طراد
سليمان صاين موقعو ومن موقفو
أوفوه حقّو وكل ما طل وقفو
بزحاف مش عيبي يكمل جملتو
انشالله الزواحف متل زينب ينحفو


ألشاعر سليمان طراد
انشالله لسانك كل ما بتمك برم
بالسيخ من كعبو بضربة ينقرم
خليّك مع زينب كبير ومحترم
تا تصير قرم مهم اعلى من الهرم
قصيّت ايدي وقلت عنّك ما احترم
حالو ..خطيي جن بالندب انغرم
بتقبض مصاري عا قبور المييتين
تا بار تصرف بس تا تبين كرم




Zainab Hmadi
شفنا زواحف بالفضا صارت تطير
وطيور بقفاص الوجع عم تستجير
عندك زواحف خلف حشرة بيلهثو
وعندك زواحف خلقت بتنسج حرير


ألشاعر سليمان طراد
كل ماالحبيب بيزحف بيطلع نبات
من تحت منو والندي بيسقي الجهات
عندك حبيب معمّر بيوت القصيد
وعندك حبيب مهبّط بيوت الحياة
هههههههههههههه


Zainab Hmadi
يا طراد لا تفتح على الأوجاع باب
وتخلق أمل وظنون من رحم السراب
عندك حبيب كرامتك هد الدني
وعندك حبيب بينهشك متل الدياب


ألشاعر سليمان طراد
لاتزعلي نهش الحبيب بفيطرون
مش متل بوسه من الحبيب بدير جون
بعرف حبيب الديك حطو عالطبق
ونقّر عيونو وصار ماعندو عيون
هههههههههههههههههه


Zainab Hmadi
ع الزيت حاجي تصب يا سليمان نار
مني ما بعرف ليش جيت ترد تار
صاحو ديوك كتار فوق المزبلة
ونخو رقابن وقت ما طل الكنار


ألشاعر سليمان طراد
عالنار مابنفّخ أنا .. هيدا الهوى
فيكي حرق سلافك وليلك ضوا
المي عم تغلي .. أنا بنتف حبيب
وإنتي انتفي بالديك تاناكل سوا
ههههههههههههههههههههههه
8 de diciembre a la(s) 10:31 · Editado · Me gusta · 7

Zainab Hmadi
لا تشقلب الموضوع تعكس محورو
بإيد ال ذكي السكين ..ما بتعورو
بعرف حقيقة رب واحد للزجل
وكل ال بيغارو بالحقايق زورو


ألشاعر سليمان طراد
ياشايبه .. قبال البحر لاتشبّري
مابتقدري تفوتي عصفحة دفتري
السكين خرج القطش .. قوليلي بقى
شوعاملي بها هالحبيب المفتري
هههههههههههههه


Zainab Hmadi
سكينتي ال رح سنها بصدر العدا
للأمس ما في ولا عدو بوجهي بدا
لكن بعد هاليوم فرجتني الدني
عيبة عليي ن كنت رح إرحم حدا


ألشاعر سليمان طراد
بعرف بإنك مجرمه وطبعك غريب
اشنقتي يهوذا الصفصطائي بتينتو
وسكينتك لولا انسحبت عالحبيب
بالخصر بدها تنكسر سكينتو
ههههههههههههههههههههههه

Zainab Hmadi
ن ما فتنت بتصير القوافي توجعك
وللحظ ما عندك ضمير بيردعك
بجنة محبة وسلم خليني أنا
بطلت بدي روح ع جهنم معك

Habib Bou Antoun
دخلك يا الله لا تحمّلني ذنوب
ترِكني مع البخور فوق الجمر دوب
ما في خطيه بتِحترم توبِة مرا
و ما في في مرا بعد الخطية رح تتوب


ألشاعر سليمان طراد
قديّس صاير .ليش قلي شو جرى
تا صرت تطلب من ألهك مغفرة
يمكن ضميرك وبّخك عا العاملو
من هيك جايي تبوس ايدا للمرا
ههههههههههههههههه


Karam Abou Harb
زينب كلامك شعر عميقطر وحي
وانطون اسمك منبري وما بينمحي
ويا بحر حاجي هايج بموجك جماد
صخور التحدي رابظة منها استحي
9 de diciembre a la(s) 0:59 · Me gusta · 9


Habib Bou Antoun
بوس الايادي ضحك عا دقون العفاف
و عا تم شهدو بحمرة الشفة انخلط
البوسة غلط مرسوم عا بحر الشفاف
بتعرف يا بحر الشعر ما بحب الغلط


ألشاعر سليمان طراد
حلّك بقا بغلطات جهلك تستحي
وتبوس ايد الكان مصدر للوحي
ولا تخاف لو غلّطت مع بحر الشفاف
بيضل بحر الشعر شاطر بالمحي
هههههههههههههه


Habib Bou Antoun
يا قاصد و جايي بليلي مسودني
تمحي شفافي عن شفاف السوسني
عالباب في جزار مجرم ناطرك
بعد المحي بيمحيك عن وج الدني
12 h · Me gusta · 2

ألشاعر سليمان طراد
بيمحي ..؟ وبأي حق ..مش عامل غلط
بعلمي أنا..!! عن شط احلامو قلط
بحري بيصحح كل كلمة عا الرمال
تا يضل موجو يسحسح رقاب الزلط
12 h · Me gusta · 3

Habib Bou Antoun
يا بحر لا تعقب عليي بعقبتك
ارضك محل جايي تا ازرع نقبتك
ما كل عمرك عالرمل تكسر رقاب
و الله بعتلك مين يخلع رقبتك

ألشاعر سليمان طراد
مين دخلك مين ..؟ناسي يا ولد
ما اعتدت بصّر ما بقا عندي جلد
بعرف انا من الصعب احني رقبتي
معتاد كل ما انتخي كسّر بلد
ههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
بحر الزجل وحبيب بو انطون وزينب حمادة كسر عضم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: