منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 ملح وسكر بحر الزجل وسليم شلهوب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: ملح وسكر بحر الزجل وسليم شلهوب   الجمعة أغسطس 01, 2014 12:45 am

سليمان طراد:
عمو سليم البحر بيجبك
وينو الأبونا وين بو طوني يجي
قررت صالحهن بليلة مبهجي
عنا العوايد بالتحدي دارجي
يتصالحوا كل الخليقة بترتجي
يا حبوب قلبي صوب بو طوني كرجي
عمرو البحر ختيار اعزب ما هجي
كل اللي نزلوا بلّجتي ماتوا غرق
ووحدك بقي عا الشط يا عمو ونجي
***
سليم شلهوب :

الخوري اللي عبالي حياتي حرقصه
بدو يجيه نهار يركع عالحصى
وقالو البحر حامل بطاقه مرخصه
ومن لجتو رواح العباد منغّصه
لمّا عرفتو عا أمر ربو عصى
وحب يلعب دور حيّه عاقصه
حملت العصا وعالشط قاعد ناطرو
حتى ن. كبّر راس شقّو بالعصا
***

سليمان طراد:

لا تضل ناطر ..عا الرمل حامي كتير
بتحرق جنابك والحرق صدّق خطير
المجرم بينطر للشنق حكم الاخير
وانتي نطرت الموت ..اهرب يا فقير
قبلك هرب ماريوسف وخلّص زغير
ولوط قلو ربنا اهرب وسير
وانتي ضروري تهرب من قصايدي
حدك جهنم شاعلي وبأس المصير
***
سليم شلهوب :
لما لقيتك بحر ما بترحم حدا
صرخت فيك وقلت موّج عالهدى
وهربت منك غيم ساحب بالمدى
وجدولت حالي نهر من بين الودا
تا إمزج بملحك حلا قطر الندى
بلكي انا وياك منبطل عدا
تاري حنينك للملح علة وجود
ضاع الحلا بالملح ومليحي سدى

إذا ما بدك تحلى رح رصك وحطك عا لايحة خوري زحله هههههههه
***
سليمان طراد:
مظبوط بحري موت ومواجي سيوف
بتكسح ب جم الريح تا تقدر تشوف
حمّل جرار وفل... يا عمو وطوف
دروب الهريبي هيّني بكل الظروف
هربان منّي ليش؟ يا وجه العطوف
هروب البطاطا من دفا وج الستّوف
علّة وجودي حكمها ملح الوحي
وملح القصيدة بيطعمك خبز الحروف

عمو سليم بتتزكر ستوف القاطرجي هههههههههههه عا ايامك
***

سليم شلهوب:
شفتك بحر عن حقد قلبك لا تسل
خيط الحلا من طعم ملحاتك نسل
ورب الوحي شلهوب من عندو نرسل
حتى يحلّي نسل من نسلك نسل
بعتت الصبايا بموج ملحك تنغسل
تاري انت ملحك معود عالكسل
سال الشهد عا مواجك من شفافها
وبقيت مالح ما دقت طعم العسل

غشيم هالبحر الله يهديه هههههه

سليمان طراد:
لما الصواري مواج بحري فلّحوا
صارو يا بو طوني الصبايا يشلحوا
وما زال جايي البحر جهلك ينصحو
وناسي الحواري عا مواجي توحوحوا
جسم المرا متل الصفيحة ملمحو
وسمكة الحسك حسكاتها ما بيجرحو
وتا فيك تاكل لوز.. وتنقي سمك
فرخ السمك لا تاكلو تا تملّحو

ههههههههه

بتعرف يا بو طوني بو شربل مسرحو
عليه الصبايا بيسرحوا وبيمرحو
ولما تصفي تحت فيّة مشلحو
قرقور كرمالك الليلة بيدبحو

انتبه يا بو طوني من الحسك هههههههههههههههههههه عا النيري يا شباب
***

سليم شلهوب:

ما بين طعم الملح والملح الحلي
في فرق إنت بتجهلو لاكن جليّ
ملحك إنت بالموج عم يغلي غلي
وملحي عيون مكحّلي بلا مكحلي
وسمكتك إنت بحسكها مبتلي
وسمكتي حلوه مليحه مدللي
السمكه اللي بدا ملح خليها إلك
وسمكه اللي فيها ملح خليها إلي

يا بحر مهما يكون عندك مرجلي
ما فيك تعمل بو علي عا بو علي
لاكن إذا بتزورني بتعمل ولي
بسقيك دمات الوفا من منهلي
***
سليمان طراد:
يا بحر كلما الضو يفتح مبسمك
بتشوف بنت الجو عم تتقاسمك
شوف يا سليم البحر عمرو ما انهمك
بأكل السمك ..معتاد يشرب من دمك
دمعة عيونك مالحة ..وافتح فمك
تا تدوقها ..بركي الحبيبي بتفهمك
علقت بمرا .تا شحدت دمع عيونها
العلقة معي علقة الشبكة بالسمك

واوووف اووف

مجبور تفهم عا البحر تا يفهمك
بحر الزجل بسيوف موجو بيفرمك
ياما القوافي خبز اسمر زقّمك
ورش الملح عا جرح قلبك..بلسمك..!!

شوف يا سليم البحر عمرو ما انهمك
***

سليم شلهوب:

بعلق معك علقه بحلقك يا لبيب
بتعلق معي قرقور بين نياب ديب
شلهوب نكهة كلمتو بطعم الزبيب
وإنت عضمك مالح وطبعك غريب
والدمع ملّح خد محبوبي الكئيب
لاكن لا تنسى بسمتو عنبر وطيب
إسكر إنت يا بحر عا دمع العيون
وبسكر أنا من بسمة شفاف الحبيب

يا بحر لو عاينت ما بتقدر تصيب
جايي بنعيب البوم تهجي العندليب
جايي تواجه مارد الشعر المهيب
بسلاح طفله بعدها بسن الحليب
ون. كنت قاصد تجرح شعور الأديب
تأكّد بإنو اليوم ظنك رح يخيب
***
سليمان طراد:
قديّش بعدك جاهل بدمع الحريم
القطب بملحو المر جرح البصميم
قلل حلو بترتاح من سكّر أليم
وما في ولا طبخة بدون ملح بتستقيم
وشوف الفرق بيناتنا وضلك حكيم
فرق السما والأرض عن جاهل غشيم
دمع المرا بيخبّرك سر الدني
والحكم ملح الارض يا عمو سليم

يا شعر عرس القافية عا النت قيم
وخلي سليم يطق ..والله العظيم
وجبلو الخوري يمشحو حتى النعيم
يقدر يفوتو ..بواسطة بحر الكريم
انضليّت يا سلّوم عم تعمول راجيم
بلا ملح بدي آكلك تا تستقيم

اكيد يستقيم يا شباب مش يحبل ههههههههههههههههههه
***

سليم شلهوب:

يا نسل بحر الميّت الهاوي الركود
ضغطك علي عالملح ونشلو الزنود
نزّ الحلا من فوق بعناقيد سود
عيونك عليها مشوهره وقلبك حقود
وشفت الحلا بخدود من لون الورود
وبتريد ملح الدمع يحفر بالخدود
ومساقبه محروم إنت من الحلا
من هيك عندك حق تكفر بالوجود

منعيدها ومنزيدها. ههههههههه

فاشل إنت بالشعر ما بدك شهود
وشعري أنا محفور عا صخر الخلود
ومعقول تقتل مجد شعري يا حسود
لما الأرانب تحلم بقتل الأسود
مني نصيحه يا ملح عاقل قعود. هههههه
يا بدك بحرك بِ. صواريخ السكود

ما زبطت معك يا بحر. شلهوب ما بينهزم. ههههههه


سليمان طراد:
لما يا بو طوني ضافيري تقلّمو
محد الزجل للبحر الله سلّمو
بدكن حجج..من بحر فكري تعلّموا
ولا تعكّرو حوّي وعليي تفلّموا
رح فهّمو ورح علمّو ورح ألّمو
وين الملح بالأولية سلّمو
ما شفت طوني مهندس وناجح كتير
لوما شحدت الملح حتى تعلّمو

هههههههههه

سميي الهدهد بالبلاغة كلّمو
وأكبر حكيم.. .!!من الحكيم تعلّموا
رح اخبزو رح ملّحو رح طلّمو
وحتى ل عزرايل بدي سلّمو
***

سليم شلهوب:
هيك توقعت وهيك صار.

توقعتك على الملح تعمل إنقلاب
وتحمل حلا الغياب بعد الإغتراب
شوف زمزم شو حلو وكيف السراب
بيلمع متل ملحك بكاسات الشراب
ما كان إبني راح وشهادات جاب
لوما يشم بموطنو عطر التراب
وما لبست تياب الحلا غصون الشجر
لولا ما يسقي شلوشها دمع السحاب

هجّر حلم موتي بظن الفيك خاب
تا ما يضلو يضحكو عليك الشباب
من ملحك شربت القلق والإكتئاب
تا صار دمك مالح وعمرك عذاب
***
سليمان طراد:

غيمك بيسقي الشلّش..؟ من ايّا سطوح
شو نسيت بحري ..الخلّصك ب فلك نوج..؟
يا غيم كلما تعطش سنينك جروح
انزل عا بحري بلل شفافك وروح
ويا عطر فتّق جرحها ..وعا التم سوح
اشرب دموع المالحة من بحر روح
ولا تسمع لسلّوم عندو سكري
عا الأنسولين معيّشو بحر الملوح

ههههههههههه
وين الملح والكاس يا وجه السموح
ايا بطاطا بتنقلا بلا ملح..بوح
هههه
شو علّقك مع بحر موجو عا السفوح
خليك شكشك بالأبر حاجي جموح
هههههه
ابكي يا ليلى من الهوى ويا قيس لوح
صاير بو طوني لا شعور ولا طموح
***

سليم شلهوب:

قالت إلي شعرك حلو يا عبقري
بفرح إذا علّى بدمّي السكري
ولما بتليت بشعر بحر الهمشري
علّم جرم ملحو على خدي الطري
يا ما تعبت تا مونك من مصدري
وطعّم حروفك من كلامي الجوهري
عا منبري ضليت قدام الحلا
تمثال ملح وقاعد على منبري

فحصت دمك يا بحر عا مجهري
المشهد حرق قلبي وبدّل مظهري
صاير عاكتر الملح عرقو مهتري
وما عرفت كنو دم أبيض او غري. ههههه
وما بين داوي علتو أو إفتري
لا قدرت بيع مصيبتو ولا إشتري

ولا عرفت مين المجرم ومين البري
***
سليمان طراد:
يا ناس يا شعّار بو طوني معي
بلّش يهلوس عم يغني بلا وعي
السكّر علي معليش منو مطمعي
وزّع حلو أو وزع وراق النعي
ههههههه
شبّهتني بتمثال شاعر ألمعي
ملح الكرامة عرّق جبينو سعي
وما كون متلك مدعّي انك بطل
وشايل جريك بسكر وعم تدعّي

ههههههههههههههه
يا ملايكة الله على الموقع تعي
شوفي البحر ملّح جروح المدعي
ولك يا سليمي تغنّجي وتشخلعي
وشيلي حواجب بس لا تحكي معي
هههههههههههههههه

يا شباب ناعم ابو طوني ما بقا اقسا عليه حرام هههههههههه
***

سليم شلهوب:
السكرّ لزقتو فوق خدك هالنحيف
من الشعر شلتو طالع مهفهف نضيف
من كتر ما معقد من الجنس اللطيف
الحوره بنت حلوه قشعتا عالرصيف
يا غصن ناعم وشوشو همس الحفيف
ذكرت الحلا مفروض ملحاتك تعيف
يا ريت متلي بتلبس تياب الربيع
قبال الحلا وبتشلح تياب الخريف

اللي بيسمعك بيقول شو دمك خفيف
قبال الرجوله مغنّج وخصرك نحيف
جايي تا تهجي شمخة القصر المنيف
وإنت جب الحمص وعزمك ضعيف
وجسمك متل صاج العم يقمّر رغيف
كل ما بيتخلوع عم بيحصد زقيف

جواب عالسريع مش محرزه نفكر مع البحر
***

سليمان طراد :

موسم اللوز بضيعتك ..قلي وهات
بتملّحو تا تاكلو ....بسكر نبات..؟
ههههههه
ملح الشهادة .عز وصمود وثبات
ورقص الملاهي للشباب وللبنات
تشخلع وارقص يا سليم على الرفات
وحلّي ليالي الكيف تا ما نقول مات
ودشّر تعبّنا ملح طاهر عا الجبين
تا تعيشي غزّة وجرحها ينزف حياة

يا شعر بحر الشعر عندو واجبات
يهني وطنا ..وجيشنا عا التضحيات
ولما بحري تغطس توقا الممات
علّق بعنقك للنجا طوق النجاة
ومهما كنت مغروم بلويسا .و
Ivette
رح غرّقك وحياة سيّدة النجاة
هههههههههههههههههههه
***

سليم شلهوب :
يا راس محشي خيش بالملح انتلى
بشعرك المالح ما بتوصل للعلى
شهدي بقفير النحل بيقلك هلا
وملحك بيسوى قرش بسنين الغلا
شوف الحلا بالبدر ونجوم الفلا
منها ضمير الليل بالنور نْجلى
وتمثال مايكل أنجلو المجد عْتلى
بتحكي حلا طلعة جبينو للملا
والموناليزا الخالده بعين الزمان
قلي شو خلّد رسمها غير الحلا

غزه الغمرها الموت بغبار البلا
موقف حلو بيشيلها من وإلى
وحياة ليلى وفاطمه وهند وحلا
وحياة مرتي الماتت ومرتي هلا
رح إجبر البلملح في عندو صِله
يركع شي شهر ونص عا ركابو صلا
***
سليمان طراد:
اتعس مرا بالكون بدك للصحيح
تمثال جامد بالحلا تطلّع منيح
قلب المرا اطيب من التم ومريح
بيحمل هموم الكون وبحبو صريح
وتا رجّعك للدين والفادي الجريح
تزكّر شو قال ..منيح لا تعمل فصيح
انتو ملح ها الأرض روحوا وبشرّو
وهلق شو فيك تقول عن قول المسيح
هههههههههههههههههههه
سليم شلهوب


لما المسيح على الأرض جسمو ارتمى
تعمّد بنهر الأردن ومجدو سما مش ببحر البحر
وعالجلجله هوي وعم بينزف دما
قلن سقوني ميّ تا إروي الظما
سقيوه خلّ رفيق ملحك إنّما
العلّه البعقلك ما بتفهم بالوما
سكبت الوجع بالخل عا جروح المسيح
من قبل ما يسافر بروحو عالسما

يا بحر عندك ملح في عندو سِمه
لولا وقع عالعين وقعت بالعمى
رح دوبك تا الناس منك تنحمى
وكبّك بمجرى وزتك بآخر حِمى
وتاما تضل العالم لكفرك دمى

رح إفتح بحقك يا مجرم "مَحْكَمَه ". هههههههههههه. عالمحكمه الدوليه مباشرة

ألشاعر سليمان طراد
بالشعر كل ماكتبت بيجن البيان
بحمل الأرزه بالأعالي صولجان
المواج هني وتار ملح وعالكمان
بتعزف الريح ملاحم بزند الملان
ولماعرق بيك تعمّر بيت كان
طعم العرق مالح تعلم يافلان
مافي عماده بلا ملح ممكن تصير
ومافي زجل من دون بوشربل كمان

هلق بتقلي بتعمدو بسكر وقطر ههههههههههههه تزكر المعمودية

اووف اووف
يابحر ميت ياملح كل الزمان
فيك المسيح تعمد من المعمدان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: ملح وسكر بحر الزجل وسليم شلهوب   الخميس أغسطس 07, 2014 11:21 pm

سليم شلهوب

او شو رأيكن رح مرق هالرد عالسريع. تا ما نطرو للبحر

كيف بدي إقنعك بالتجربه
وإنت متل شباط غدر وشقلبي
من كتر ما ملحك بتفكيرك ربي
صار دمك مالح وعقلك صبي
ملّحت نهر الأردن العمّد نبي
وبتملّح بقفراننا الشهد العبي
كلك ملح عا ملح ما بقدر عليك
حتى النبي محمّد عجز يقنع غبي

بين البشر صوّرت حالك ملعبي
وما قدرت تعلى بالقدر والمرتبي
بحقن بدمك من حلا شعري الأبي
بتحقن بدمي إنت سم العقربه.

ما عم بقدر روضو لهالبحر.
شو بعمل يا شباب ؟

ألشاعر سليمان طراد
سلوم بدك زووم ملح ومن هداك
زوم الملح بيرجعك متل الملاك
هديتك ملح مع زيت تاتصوم وسماك
ترضى عليك نكرت إيدين الهداك
بتعرف أنا عالأرض زتيت الشباك
والمتلك بيهرب تاينجى من الهلاك
تمثال ملح بيعملك رب القصيد
ان فكرت لما تهج تطلّع وراك

نزكر مرت لوط يا سلوم ههههههههه

رب الزجل لما بيحصل اشتباك
ملّح بجرحك وادلكو وارجع فراك
يا معوّد على السكّر واكلة الكاك
ادفع حياتك للبحر وامضي التشاك

ههههههههههه

يا شباب العركة طويلي وحجج في كتير روقي عليي ههههههههههههه

Salim Chalhoub
رافع لصادوم وعامورا شعارها
وتمثالك بيرويلنا أخبارها
والمعركه من حين شعلت نارها
تمثال كفرك ضاع بين غبارها
وتاتمسخك بحر وتا تاخد تارها
الغيمه عا ملحك نزلت أمطارها
من هيك قصة ملحك وتمثالها
ما ضل إلا إنت من آثارها

ورود الحلا سر العطر بقمارها
لا ترش ملحك يا بحر عا زرارها
يا جاهل الخمره الأنا خمارها
شعري نبيد معتقو بجرارها
ما زال خبّت سرها بعيارها
ملحك بيعجز عن كشف أسرارها

غاب عنا هالبحر ورجع تمثال ملح
رجعت انا رديتو بحر. حرام هالبحر


ألشاعر سليمان طراد
ملح السما نفناف وشوية برد
يينرش فوق جبالنا بيمحي الجرد
الشاعر بيشرب غيم تفكريو ان شرد
وسكر نباتك بالغوا وحدو انفرد
عزمي حمي بالموقع وعزمك برد
واسمك مع الشيطان بالماضي ورد
تفاحة الفردوس طعما سكّري
لو تكون شجرة لوز آدم ما انطرد

اووف اووف

اعطيتو حجج بالدين بو طوني ما رد
وعانبع عين الخوف من ضعفو ورد
هههههههههههه هي جديدة هههههه جددوا
حزامك رخي بالموقع وحبلي زرد
تا صار لون عيونك بلون الزرد

يا بو طوني قلتلك ما برحم حدا بعتلي انطون اشتقتلو هههههههههههههه


Salim Chalhoub
يا بحر قولك آدم الجد القديم
لولا أكل ليمون كان عاف النعيم ؟!!!
شو خص جوز ولوز بجنه وجحيم
هيدي إرادة خالق الكون العظيم
كل الحلا بحكمة سليمان الحكيم
لمين طالع إنت يا سميّو عقيم
شفت البَرَد فالش بساطو عالجبل
وبتقول عنو ملح ! يا خيبة سليم

جبينك على خدّك بيقطر سين ميم
وحامل براسك عقل شيطان الرجيم
حاجي القيامه عالحلا بملحك تقيم
بسخّر ضميري لو قلت عنك فهيم

عم يعتب عليي البحر لأني تأخرت.
هيئتو بلّش يحن للحلا
نشالله خير يا شباب. أنا بعدني
مشغول باستقبال الضيوف
نشالله انا والبحر مننشغل بفرحة أولادكن يا حبايبنا
"الحلوين " نكايه بملحات البحر


ألشاعر سليمان طراد
أووف أووف أووف

غمّق معي.. وتزكّر منيح الختان
كيف الملح بيطهّر الجرح بأمان
ومنشان تقنع من بحر خبرة ملان
رح فهّمك.. عا شرط ما تفلّت لسان..!!
بالملح.. هيك انقال من ماضي الزمان
كان الخصي بيصير.. وبقسوي ..كمان
لوكنت جبت الملح ضدك ياسليم
ماكان عندك ابن اسمو انطوان

اووف اووف

يا فعل ماضي كنت من اخوات كان!!
لو جبت ملح وزيت كان الأمر هان
لكن ما فيي عليك اقسا بها المكان
موقع زجل بيصير بدو ترجمان
طهّر لسانك مع بحر ربح الرهان
ولا تضل تتخلوع متل إنجي وريان
هههههههههههههههههههه

يا شباب تعلموا كيف البحر بيقضي عا سلوم بالضربة القاضية ههههههههههههههه


Salim Chalhoub
من قمتك ما زال نازل إنحدار
وبلشت تحكيني بفار بإفتخار
رح إطعمك صبير حلو من الجوار
تا تعصمص ويعمل ببطنك إنفجار
أنطون ختنو الرب حكمه وإختبار
تا صار لامع بين شعار الكبار
وإنت تفكيرك بعمرك حاصرو
برش الملح عا ز... ولاد الزغار. ههههههههه

بتحكي بميوعه وإنت ظاهر بالحوار
جسمك متل هيفا وأليسا وشويكار
هيدا الحكي يا بحر عالشعار عار
ما بينحكى بمحضر رجال الوقار
لاكن بدل ما حضرتك مني تغار
روح مني طعّم وأصّل بدار


ألشاعر سليمان طراد
اووف اووف

استحي يا حنضل من السكريي
حلاوة طعمتك مني وفيي
إذا باب الحلا بوجي تسكّر
ملح دمعي من المطلع هويي
وحنيني كلما دمعي تفجر
دمعة نازلي ع فراق بييِ
مزاجي بحس بالغربة تعكّر
وعلى ميزان قلبي كفوف ديي!!
واذا شي نهار تعزمنا مفكر
على المعلاق والكبي النيي
ما بدنا تحط ع اللحمات سكر
بلا لسكّر!! ملوحاتي عطيي
أنا البحر ال بعمرو ما تنكر
الخبز من الملح عندو مزيي
واذا بصحبة وصدق انسان زكّر
صديقو بالوفا والأدمية
خبز وملح بيقلو تزكّر
في بيناتنا مش سمسميي
خبز وملح قيمة كل معشر
مش سكر لعينينا أذيي
أنت بتكون بالسكر موّقر
وعلى شفاف النحل اكلي شهيي
قفيرك ما انبنى ولا كان عمّر
لولا من عرق أهل الحميي
انا ملحي ل بحري ما تنكّر
لأني حامل من الطيب نيي
وانت بتدوب يا حبة السكّر
متل الكذب بعيون الصبيي
وطوني ابنك من الكل أشهر
شاعر بالعواطف قد ميه
ع أمو دموع من عينيه فرفر
بكي دموعو قصايد مخمليه
الملح بيحفظ الخبز المقمّر
ولزيتونك بيزيدو عبقريي
مقدس متل ماالقربان طهر
بلقمه كل جرم المجدليه
انا ملح الخميري بكل محضر
من رغيفي ضمير الشاعريي
تعا تا تذوق من خبزي المقمر
حرف ع صاج نار العبقريي
انت بالدم سكّر يا معتّر
حتى تعيش بدك صيدلية
الحكم ملح وانا حكمة العسكر
الفرض حالو بحرب جهنميي
واذا شي نهار شي معتوه فكر
يدق بجيشنا ويعمل خطيي
انت بتضيّفو سكّر مقطر
وانا بدوّر على ملح الرجولي
بعرق جندي ببدلة عسكرية

يلا ناطرين بو طوني


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: ملح وسكر بحر الزجل وسليم شلهوب   الجمعة أغسطس 08, 2014 8:48 pm


سليم شلهوب

أنا شهد العسل نكهة رضابي
ما بدي ملحك يعكّر شرابي
وما بدي لو عصرت دم الدوالي
وسكبتو نبيد عتّق بالخوابي
تسكب حالك المالح بحالي
لأنو بيننا. ما في قرابه
ولا تتباهى بعرق عالجسم عاله
هيدا سمّ حيّه فيك رابي
فْرِزو. تا ما يصير الضغط عالي
لأنو للمرض والموت جابي
العشب ما صار قمح ولا نخالي
لوما جدولاتي بإنسيابي
ن. سقيتو ملح بدّو بهيك حاله
بدار القمح ما يرجّع تْعابي
وتا إبني يكبر وشوفو قبالي
عزم وعافيه ونخوه وصلابه
سقتّو الواده من نهد حالي
حليب العاطفه بالإنجذابه
وإذا كنّك إلي صاحب مثالي
عسّل كلمتك فترة غيابي
وإذا بتكون كاتب بالأصاله
حسّن خطك بسطر الكتابه
وحتى صنفك شاعر خيالي
كل ما تعتلي منبر خطابي
"حلو". قلّك بلحظة إنفعالي
وتحصد زقفتي وتكسب ثوابي
أنا بدر. الحلا روتش كمالي
زحت عن ليلك ستار الكآبي
إذا بحجب عن عيونك هلالي
بليّل عمرك بعتم المهابه
عرفتك بحر مالح لا مبالي
عزمت الشمس تا تدفّي عْبابي
هربت منّك سحابه بالأعالي
شلحت حالي مطر من هالسحابه
وسرحت بآب إبرم بالحقالي
وتا إسقي الزهر مصّيت الضبابه
أنا شاعر غزل واسع مجالي
على الحلوين بستحلي الصبابه
وعيوني. صرفت مالي ورأسمالي
تا كحّل رمشها بنظرة حبابي
وبمعركة البطوله والبسالي
شوف الجيش سلطان الإهابه
لحلا الأرزه بيهدر دم غالي
تا تبقى شامخه فوق الروابي

وإنت يا بحر بحر الإرتجالي
وبميدان التحدّي سبع غابه
حتى تصير حالي عا مِثالي
وتا هجّر ملحك وخفّف عذابي
وتا ريّح بالك ويرتاح بالي
بدّي شلحك بدلة تيابك
وبإيدي لبسك بدلة تيابي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
ملح وسكر بحر الزجل وسليم شلهوب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: