منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 اقوى حوارات بتاريخ الزجل بحر الزجل وحسّان البسطاطي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:22 pm


ت
إفتتاحية الشاعر حسان بسطاطي

يا ليل مواهبي كشّف حرامك
تا ألمح وجك و أسرق قوامك
احكيلي وانت واعي وانت غافي
تا أعرف شو عم تشوف بمنامك
تعا عملك زيارا ع ضفافي
مدامي غبها وعتق مدامك
ما بيهمني عمق المسافي
لي وسعت بين جامي وبين جامك
أنا بسقيك شعري خمر صافي
من لونو النقي بيخجل رخامك
و رح بعطيك من عمري قوافي
على آياتها بيركع إمامك
عصرت الحرف و عملتو سلافي
تعا طععم بصبح الشعر خامك
انا بمشي الندي ع الورد حافي
ت صابيع الندي تبووس خزامك
***
يا أبن طراد يعطيك العوافي
دوزن شعرك ونقح كلامك
غرورك ألو عندو علاج شافي
ع وهج محبتي تبخر قوامك
و بحرب الشعر لو بفتح شفافي
بكلمي بيبس شفاف الطبيعا
و بكلمي زغيرا بنهي دوامك
****
يا برحليون يا زهر المطالع
يا ليل مصقع و يا نهار والع
لبست صخرك اﻷبيض متل قوني
تصارو يفتحو ب صدري مقالع
يا برحليون شو صخورك حنوني
الدهر ياما عليها ضراس قالع
عليها النسر مر يجيب موني
رجع متل ل كأنو الموس بالع
****
كهوف معتقا بترشح معوني
التقو فيها النوازل بالطوالع
ع مدخل جبة بشري تركوني
لي فيها ريش جنح الشمس شالع
يا برحليون يا متحف جنوني
مجد اﻷرض من خصرك و نازل
و سحر السما من أرزك وطالع
***

استحي يا شاعر الضو بقصيدك
قلبك وقف و نشف وريدك
قدامك دهب عتقي مأصل
حاجي بحضرتو يقرقع حديدك
أنت شاعر عن الكلمي تنصل
مجدك ختير و حممض نبيدك
****
و أنا شاعر ل سقف الشعر وصل
و تا توصل إلي بيعرق بريدك
توب اﻷرز ع قياسي مفصل
تفضل ع جيابو مد إيدك
أدب جبران بكرومي تخصل
إزا تحاور جديدك مع عتيقي
رح بيلمع عتيقي ع جديدك
****
أنا وحق لزرع بالعين ضووك
أنا بالشعر جوي غير جووك
أنت ع الموقدي في ليل بارد
متل الطفل هالليلي محووك
أنا بالفلسفي بحر الموارد
بتهذيبي محيت نهار سووك
وإذا كنت البحر رح كون مارد
دعساتي رح بتكوي مواجك
و زئيري خرسن لهالعتم نووك
*****
أنا سليمان ما بواخز طرادو
ﻷنو شاعر مهاجر بلادو
قبل منو ميشيل طراد غررد
ب بسكتنتا ل دفاها فؤادو
من شعرو تلج صنين وررد
و خلا الصخر يتأنسن جمادو
إجا سليمان جمر الشعر بررد
و مووت جمر ت يعيش رمادو
تبنى الضو و بنورو تفررد
ﻷنو العتم ما حقق مرادو
و لو إنو حسام الليل جررد
كان الليل نور و نور زادو
و ﻷنو في حياتو ما تمرد
بقي مقوقع ع فكرو وإعتقادو
تصار معقد ميتم مشرد
بيفزع بالعتم يطلع ل برا
إذا ما تضبضب بدروة ولادو
***

أنا عليي المدى اﻷزرق توححم
و على لي استشعرو قبلي ترححم
صرعت الله بأنو الضو ملكك
و بأنو البدر ياما فيم لححم
بمحيط العتم لو بيمر فلكك
و ع شط بحور ظلماتي تقححم
إذا بيمر تياري بسلكك
ت تحملني ما عندك إستطاعا
بدك ترجع مشحور مفححم
****

أنا بالشعر جوي غير جووك
و إذا كنت البحر رح كون نووك
ع كرمي لا بقى تمر بغيابي
يا بو شربل أنا كرمي مشووك
بعتم الدهر عتقت الخوابي
و يا ما البحص أخصامي ملووك
سقيت العطر من زهرة شبابي
أنا لوما عكستك ع ضبابي
بحر شعرك ب تتبخر مواجو
و من عقل العتم بيجن ضووك

ألشاعر سليمان طراد
اوووف اووف

ياشعر الضو ياإنجيل تاني
منقّى من البحصه والزواني
قبلك كانت الكلمه عقيمه
بعدك صارت الكلمه ديانه

فتحنا مدرسه وصارت عظيمه
مقاعدها قرامي سنديانه
جرسها كاس ..!! بالرنّه الرخيمه
إذا ..بيرن بتجنّ القناني

دفاترها متل ضيعه قديمه
ع شاطي صور بتحبّ الغناني
دبحها الجهل من صحرا غشيمه
وشرد بالمي دم الأرجواني

يابسطاطي إذا عطيناك قيمه
ورفعنا فيك لاتخون الأمانه
نحنا منعرفك شعرك شتيمه
وحجمك عنكبوته بالقراني

لاتطاول على الناس الحكيمه
للي عطيت هيبة المنبر حصانه
إنت عامسرحك عيطة وهزيمه
وأنا سكوتي معبّى بالمعاني

إنت مافيك تدخل عانعيمي
وأنا مابصير متلك بالجبانه
ياويلك عند مايشعل جحيمي
وبلش اضربك بالخيزرانه

وياويلك من قسا العلقه الوخيمه
عند مايدعوس ضلاعك حصاني
انتبه يازغير ...!! كسرك مش غنيمه
ربحك مش قصر عالقصر باني

وبهالعركه الي عملولي وليمه
ت فرجي بطش سيفي المرجلاني
عرفو اليوم إنك مش غريمي
لاعندك عقل حتى شوف مينك
ولاعندك زند يلقى عنفواني

اوووف اوووف

عشت عا ضهر غيرك .. طق غيري
انكشفت ومابقيلك توب عيري
كسرت الشعر كسر بدون جبره
زرعنا قمح وحصدنا شعيري
اذا بخبط بزندي كون غبرا
بيعلا .. كيف لوعلّي زئيري
لاتحكي بمنبري في هيك نبره
ولا ترفع إصبعك في هيك ديري
اذا شبرتك.. بتطلع نص شبره
وإذا حرقتك مارح تلقى سعيري
وأسير للي هرب بحراش عبرا
هوي فل من حرب التحدي
وإنت بالحرب رح جيبك أسيري

اووف اووف

أنا ع طرابلس قاطع تذاكر
ت روح وبوّس خدود العساكر
العم يضحّو ع جبهات البطوله
وعم يصدو للي حق الشعب ناكر
ويابسطاطي يافاضي من الرجوله
على الفاضي بشعرك لا تجاكر
ع باب الحبس رح حط القفولي
ت تكتب بالحبس شعرك الخايب
وت يغنيه عنك فضل شاكر

اووف اووف
إنت يابوشعر مصبوغ نصو
لاتجرح إصبع وترجع تمصو
إذا راسك شلح زيتون هوي
أنا الزيتون بالحجره برصّو
واذا كفك علي وبلش يهوّي
أنا بالباب بدي الكف عصو
وإذا من طول شعرك فيك قوي
بعد ماقص شعرك متل غنمه
بدي لسانك المطعوج قصو

ولك أووف

يابسطاطي إنت عندك فطاحل
شعر.. لاتكون بالردات قاحل
ابن قحوش جبل للعبقريي
العصامي بحر والزاهر الساحل
جناين كلّهن ب الشاعريي
وإنت ربيت عالشعرا مناحل
هني زنود عالمنبر قويي
ووحدك إنت ياحسان كاحل
مهما يفلحو صبح وعشيه
بتبقى انت صحرا بالتحدي
لأنو رملك من الأصل ماحل

اوزف اووف

وأناشاعر اذا بتعرق خدودي
الصبح بيفيق تيبوّس ورودي
الزجل من طلتي بيقيم عيدو
الصبايا بيضربولي بالفرودي

سقيت الفكر ت يزهر جديدو
سوّرت المطالع بالأسودي
حررت المعنى من عبيدو
ووجود الشعر صفا من وجودي

إذا بدخل ع موقع من رصيدو
بزيد..!! وأهل هالموقع شهودي
بفوت معرّم واسمي بقصيدو
بيخوفكن بعركاتي بصمودي
بضحكاتي بزندي المن حديدو
الأرض بترج وبترسم حدودي
إذا صاحب الموقع مد إيدو
إنت بتمد مع إيدك لسانك
تااقطعهن أنا بخنجر ردودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:31 pm


القرادي :

حسان:
سليمان لجن جنونو
ل متكنى بضو عيونو
تا كسر جنحين الضوو
ع شرفة برحليونو
***
يا سليمان بجاه براد
حاجي بأنوارك مفتون
الشمس ل ليغطيها جراد
شقفة نواسي بتكون
زعال غضاب فقاع حراد
رح شعل حرفي غليون
تا خلي سليمان طراد
يدوخ بدخنة غليونو

سليمان:

سليمان ان جن جنونو
بيطلع نار من عيونو
وبيكتف حسان العتم
على بلاطة برحليونو
.....

شاعر عامل الله جار
وفاتح عاسطحو شباك
وعم نتسلى ليل نهار
وعم نتأمل بالأفلاك
وغليوني جهنم شعار
والشعرا فيها تنباك
وحسان الفايت عالنار
بشكّو بسياخ جفونو

تشتك تشتك

اووف اووف

الحرية انقمعت وال صار
الموقع تا تعبّى اشواك
ظلمتو جعفر حتى طار
يا فادي الظالم شو باك

شاعر عامل الله جار
وفاتح عاسطحو شباك
وعم نتسلى ليل نهار
وعم نتأمل بالأفلاك
وغليوني جهنم شعار
والشعرا فيها تنباك
وحسان الفايت عالنار
بشكّو بسياخ جفونو

حسان:

يا معتر جاك الطوفان
لا تنطر غصن الزيتون
بخلي النار تمد لسان
من روما عا برحليون
و برجع برماح اﻷجفان
بشك سليمان و نيرون
و شعل روما بسليمان
و أشوي عليها نيرونو

سليمان:

عصرتك ولقيتك عيران
كسرتك وطلعت بلا نخاع
ليّنتك حيثك حجران
مسحتك شفتك أرض مشاع
كيف طلعت من النيران
يامحروق الدين اسماع
ابليس وعقلك جيران
قرونك عاشكل قرونو

رح زيد
على القبة يا حسان
عيب تراشق بالمقلاع
الليلي رح تطلع . بالفان
ناوي لفلف فيك كواع

حسان:

ما في نار بلا دخان
ويا مجد الرب ترنّم
الزارع إحساس بصوان
غير اللي قلبو تصنّم
بشوّيك وجسمك بردان
ولا تحسّب هيدي جهنّم
هيدا يا معتر حسان
محممى بالشعر فرونو




ألشاعر سليمان طراد
أووف أووف

تروّى عليي بعدك خي
بيكفي تخرج عن طورك
الجنحو كون بيفرد في
رح بيغطي عاحورك
ياريت بتترقى شوي
وبتحكي بس بدورك
حتى البيعمّد بالمي
وجايي ت يعمد بالشعر
هوي يحطك فليونو



Hassan ALbstaty
يا جايي تتعمد هون
بعد سنينك ما شابو
حتى تعربش بدك عون
ع الجرن لضووا كتابو
قرص الشمس لضوا الكون
لوقف الله عرابو
عمدناه ب بحر اللون
و فينا تقدس ميرونو




ألشاعر سليمان طراد
أووف أووف

شفناك بغابات الجرد
بري وعايش عالتشليح
ماضربناك بكعب الفرد
ولاحطينا بوجك زيح
عمّدناك بنهر الورد
ونشّفناك بشرشف ريح
وبعدو شكلك متل القرد
الجايي يفرجينا فنونو


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:39 pm



ألشاعر سليمان طراد
أووف

اوووف

حسان بتبلعط ببيت العنكبوت
كيف رح تهدي وقت ما هدّ البيوت
رح خيرك مازال مش قادر تفوت
بعركه فلت.. للريح عم تطبع كروت
شكيت رمحي بصدرك المنحوت حوت
نقي قبل ما تغرق ببحر السكوت
ياموت وبصدرك رمح بحر الزجل
ياشيل رمحي وبعد ماينشال موت



Hassan ALbstaty
شو هالشعر حرب وفروسيه ورماح
وفارس لفارس يدرزو دم وجراح
والعنكبوت اللي ذكرتو بانشراح
مش مستوايي برحلتي ع الانفتاح
وهالشاعر تمرّد على كل الرياح
يسكب نبيد الشاعرية بلا قداح
بيوطأ الموت بموت تينجّي الدني
ويزرع بعتمك يا عتم شمس الصبا


سليمان طراد

عبّو الكواكب دم ت يصيرو نجوم
وفضو البحوره وصلت تافضي الغيوم
شاعر أنا هدومي الصنوبر بالكروم
بطلع ع خيطان الشتي بنشر هدوم
ومازال آكل شوك ضعفك للجعوم
وعاراسك مطربق جبال من الهموم
إنتي وطيب ماقمت بواجبك
إنتي وميت كيف رح تقدر تقوم




Hassan ALbstaty
يا طراد شو معتّر وشو ضعيف الجواب
رجّع لذاكرتي عصور الاضطراب
شو فهّمك بالفلسفة ودور التراب
من هون بيشلّح وبيلبّس تياب
يعني القمح لو مات بيطعمي الصحاب
ودودة القز بموتها في انقلاب
ويا موت لو غزّيت فيّي ألف ناب
وسكّرت باب العمر بفتح ألف باب
مووت الغيمي خيرها بيمحي السراب
مووت الكرمي نبيدها بنج العذاب
موّت الزهرة عطر بتلاقي الحباب
موت الريشه حبرها بيخلق كتاب
دورة حياة الكون بتقلّك أكيد
ما في فنا إلا بجناحك يا غراب


يحر الزجل سليمان طراد
أوووف أوووف

الأبيات لازم أربعه ورح تنصدم
من ردتي وتقرمط كفوفك ندم
طول ردودك .. صير سطعشر قدم
بتضل بقصور الزجل متل الخدم

.......

لااللانهايي بالحجار بتنردم
ولافي فراغ بصوت فاضي بينهدم
مش للعدم دورة حياة القلتها
إنت العدم بتروح وبترجع عدم

قلتلكن علقتي مرة ههههههههه




Hassan ALbstaty
يا ضو نفنف ع بحيرات البجع
و كلما بتصرخ آخ بتقلك وجع
مطرح ما وعيو اﻵلها و الله هجع
فررغ الغيم و روح عمر منتجع.
لوما العدم صفا وجودك مرتجع
بالفلسفي بحاكيك بتجاوب سجع
لوما العدم باﻷصل ماكان الوجود
حتى الوجود بلا عدم كان انفجع




ألشاعر سليمان طراد
أووف أووف

بالأربعه بجاوب .. وبعرف عالقلق
بتطّول ردودك تاماتاكل فلق
ردودك متل شعرك سخافه بتندلق
بدك شي عزقه مملصه تصفي حلق

...

شو إنت؟ ماشي .. بوجك الكون انغلق
وبقيت عتم على العتم حيطو شلق
الموت داعس فوقك وإجر الحياة
رفست بضهرك قصد تاماتنخلق




Hassan ALbstaty
يا شعر لا تنشف جفون الدامعة
" وين الشعر و ين البيوت اللامعة " ؟؟؟
طراد لعلى التكرار نفسو زامعة
بالذوق كلماتو حروفو قامعة
عود برداتو اﻷدن الطامعة
تسمع ملاحم متلها مش سامعة
يعني على كتر الرفس بقصايدو
رح تعرفو دارس بأيا جامعة




ألشاعر سليمان طراد
أووف أووف

رمحي بعد مابصدرك الطبل انغرس
وصفيت ميّت آكلك دوود الخرس
جبتك ع برحليون مربوط بمرس
حتى بالمدقة عضامك تنهرس
....
شاعر أنا وللمجد عم دق الجرس
وبجامعات المرجله شعري اندرس
المافيه يبقى عافرس حرب الزمان
مليون رفسه بيرفسو كعب الفرس

شباب عملو معروف حيصوا للكلمة الحلوة





Hassan ALbstaty
رفسني حرف بكتاب بطلعلك قصيد
رفسني نغم بالشعر بطلعلك نشيد
رفسني تلج بالنار بطلعلك وقيد
رفسني ألم با ﻵه بطلعلك نهيد
رفسني برصاص الجبن بطلعلك شهيد
رفسني بكعب الجهل بطلعلك لبيد
رفسني بجحيم الكفر بطلعلك صلا
رفسني عنب بالجرن بطلعلك نبيد




ألشاعر سليمان طراد
أووف أوووف

عالرفس عايش وجك الرفسه نطر
جبينك تعشى رفستي ومنها فطر
النفس الذليله بتشحد تعيش بخطر
ومن دون رفس بيقتلك سم البطر

.....

رفستك بصحرا رمل مابيعرف مطر
رفستك حجر عارفستي الراس انشطر
رفستك جبان بأرض لبنان الكبير
علّم البوط العسكري بضهرك قطر

راقبو الجغرافيا شباب وادرسو تاريخ هههههه




Hassan ALbstaty
لما خيالي يضمني بتسريبتو
بيشوف أسرى الشاعر بتخشيبتو
ولوما المجد ناسي بشي مطرح سيبتو
كان عربش لعندي بشموخو وطيبتو
***
ولمّا سليمان ابتلى بمصيبتو
تلّا الرفس تشريقتو وتغريبتو
من هيك رح كفّي لحالي هالحوار
وجرجر طراد وأربطو بزريبتو




ألشاعر سليمان طراد
أوف أووف

خفف بقيمة شعرك وخلي الحياد
يعرف بإنك أزغر من الإعتقاد
زربني حياة بتطلع غصوني ولاد
زربني إله بعيش بعيون العباد
بشوف الزريبه بلاد وبحبس البلاد
بعيش بهنا ومابآمن بزيف (الجهاد )
بحبس الزريبه الأسود خيولي بياض
مش متل وجك أبيض وقلبك سواد

تعلموا الشعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:41 pm



Hassan ALbstaty
يا طراد من همك أنا رح هممك
و حالك عند ماتزت حالك لممك
زربتك و بيطرتك و بدي كممك
حتى إذا ريقك بلعتو يسممك
كنت افتكرتك شاعر و عم عممك
تاريك حياالله و ضعفك عممك
لما بحمم بركان شعري بحممك
لا تفتكر بالعطر برجع حممك
بتكبر بتصغر بحصرك و بأممك
و سرجك البالي بكل ردي بضممك
و بحللك .. و بحرمك .. وبدممك
و منشان سلي الناس برجع رممك
لكن على خط النهايي يا طراد
إلا عبير الموت مش رح شممك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:42 pm



ألشاعر سليمان طراد
تحدي
إذا حسان فيه يلتزم بختام واحد وبالعشرين بيت

بدنا شعر شباب

أووف أووف

أووف أوفف

انا جبران ياسلمى كرامي
خلقت بالشعر ثوره من الكرامه

القمر والشمس في صحنك المرمر
انزربو حبتين من القضامه

وبهالعركه شهرت سيفي ع منبر
زجل لبنان و دبحت الأسامي

وصفي للي واصل بعبسة غضنفر
يكنّس رمل عن عتبة خيامي

يابسطاطي انكشفت وصرت أزغر
بقلب المي من راس النعامه

للي كانو يكتبولك ألف دفتر
بلاهن صرت عم تبكي ندامه

نحنا بقيمتك بالشعر أخبر
فاضي من الرجوله والهضامه

نفخت حالك هوا تاالراس طنبر
وفقع مني بنخزة سهم حامي

شكيب خطي هالشاعر .. معتر
فقير وإنت من كتر الشهامه

بقدّوحة عرق بتهّف بيدر
شعر وبترفض نقلك حرامي

وبشعر الأوف لما ظهرت عنتر
كنت المسخره بصف الأمامي

ماكان الدرع عاصدرك تصدر
لومامن شعر شاعر "عصامي"

وت قلك ليش فيي الرفس سوكر
انتصاري وفيه آخد احترامي

الجنين بيرفس الباب المسكر
ت يخلق بالدني ويصير قامه

المي بترفس الصخر المحجر
ت تطلع نبع أنقى من الحمامه

إنت تنّين عالشاطي تمرمر
برفسة خضر قديس السلامه

وصليب للي شرب من دم أحمر
رفس إبليسك وفكرو الظلامي

ويوسف بك كرم لما تجبر
رفس تركي حرقنا للقرامي

وثناء محيدلي بألله أكبر
رفست كل خاين انهزامي
وبالقيامه بهاليوم المظفر
أنا بعرّم بدخلة بيت الله
وإنت بتنرفس يوم القيامه

الله يرحمو

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اقوى حوارات بتاريخ الزجل بحر الزجل وحسّان البسطاطي   السبت نوفمبر 01, 2014 6:43 pm



Hassan ALbstaty
يا ابن طراد افلاسك شهرتو
ع بوابة البسطاطي وشهرتو

ولأنك رح تموت من الحسيدي
فرس حقدك على المنبر نهرتو
أنا شاعر قصيدي عن عقيدي
أنا الله بإحساسي بهرتو

متل خمار للفكرة الجديدي
سكبها قبل ما يكفي سهرتو
انا جلاد منبر مش بإيدي ..
اللي جرب يفتري عليي قهرتو

وشكيب الخاطف الدنيا شريدي
انا اللي خلقت للعالم وهرتو
وعصام رفيق من مدة مديدي
يا ما خفيت حالي تا ظهرتو

وما في شاعر بهالأرض العنيدي
إلا بلمسة شعوري مهرتو
أنا سر المباراة العتيدي
كتمتو بقلب طيب ما جهرتو

واذا بحكي رح بعبي جريدي
عن طراد اللي بسكوتي انتهرتو
أنا أعتق من ولاد المكيدي
وهوّي طفل سرقولو زهرتو
بعد ما برزت ع المنبر عديدي
ولا سيف الألوهية شهرتو ...

أنا خمار للشعر النبيدي
بكركة هالسما ساحب زهرتو
لظلم و اللهجر الشعب اﻷزيدي
بنار قصايدي الحمرا عهرتو
سقيت النهر من دمعة قصيدي
و تيسقي الزهر من حبري نهرتو

اللي رح يرفس النعمه من عبيدي
البطر .. مش بطش سيفي ع المنابر
اللي رح يرميه عن صهوة مهرتو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
اقوى حوارات بتاريخ الزجل بحر الزجل وحسّان البسطاطي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: