منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 حبيب بو انطون وسليمان طراد ارتجاليات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: حبيب بو انطون وسليمان طراد ارتجاليات    الثلاثاء فبراير 03, 2015 10:53 pm

ألشاعر سليمان طراد
يعني يا رامي كل ما تزكر حبيب
بتموّت الشعّار لما بتزكرو
انتي ولد ...هوي المفرعن عندليب
فضل موسى زغيب لازم تشكروا

مش فضل الديك هههههههههههههه

Habib Bou Antoun
الله بذاتو قرر بلحظة قلق
يخلق جحيم بهالدني و يخلق نعيم
و ساعة ما رامي نعيم خالقنا خلق
الله شكر حالو خلق رامي نعيم

ألشاعر سليمان طراد
لما يا بو انطون الله جاب طين
وفكّر بآدم... يا أبن آدم ضمر ؟
ولو كنت عارف قال جايي مشاغبين
ما كنت جبت على الدني اتر البشر
هههههههههه

Habib Bou Antoun
بتقول عنا مشاغبين و يا صبي
حكيك تجني و إدعا ما بينرغب
و ما في حدا غيرك يا بحر الموهبي
حارق اخت دين المواقع بالشغب

ألشاعر سليمان طراد
رامي ما خلى صاحب ..وهلق روبييير
شو كان بدو ..ها الولد تا يعدّبو
تهجّم على بسّام .حرب ومش كتير
يعطيه دف الكوتشو تا يأدبو
ههههههههههههههه

ألشاعر سليمان طراد
مشاغب انا؟ من وين ها التهمي عقال
يا بواق بو انطون تا احكي اسكتي
كلما الشاعر شاغب بجو الخيال
بتزهر حقول الموهبي ولحّق شتي
ههههههههههههههه

Habib Bou Antoun
رامي الرعد بيخاف من طقيشتو
مش قمح بيعبي قوافي بخيشتو
بالأووف عالشاشه شو بدو بالدفوف
و الشمس دفو و القمر خشخيشتو

ألشاعر سليمان طراد
موسى تا نجّح أوف حضر مكنسي
وكنّس مواهب فارغة ويمكن قسي
ومن كتر ما رامي بيحلم بالدهب
من يومها لليوم اسا ما نسي
هههههههههههه

Habib Bou Antoun
بالأووف رامي شعر غيرو ما نهب
و معروف عنو كل ما الشوط التهب
لولا الحجر بيفتفتو بيقلب تراب
لولا التراب بيكمشو بيقلب دهب

ألشاعر سليمان طراد
طيّب شو بدو يترك ومدة يغيب
ويرتاح متلو متل غيرو يا حبيب
فضّل الديك وقال مفضل عا الزجل
ونزّل صور بيبوس بو شادي الحبيب
ههههههههههههههههههههههههه

Habib Bou Antoun
رامي تصور حد آلهة الوعي
و انت للي ماشي بدرب ملياني جور
تا تصير شاعر منوحي تصور معي
بلكي الصور بيطللعو منك صور
21 h · Me gusta · 2
ألشاعر سليمان طراد
غلطة غلطتها وبس في عندو خيار
يزرع بزلّا ويقعد يحوش خيار
ويترك المنبر للفطاحل بالزجل
هيدا ولد منزوع ..بيحب الشجّار
ههههههههههههه

ألشاعر سليمان طراد
حدك انا اتصور ؟ ومنك قريب؟
منّك سنة شياطين الله . بيهربوا
كل اللي حدّك شال صورة يا حبيب
بيتو اخترب ..شو نويت بيتي تخربو؟
هههههههههههههه
21 h · Me gusta · 3
ألشاعر سليمان طراد
ههههههههههه

Habib Bou Antoun
الله خلقني للشعر انظم بيوت
و بحبوب طهر المسبحه صلي بيوت
كلما انخرب بالعمر بيت بعمرو
ال بيتو انخرب بيكون مش خرج البيوت

ألشاعر سليمان طراد
ليش التجني ..وعيب تحكي ها الكلام
وعارف انت بالقلب عم يهدل حمام
بيت العيل ما بتخربو ولاد الأصول
وبيت الأصول بتخربو ولاد الحرام
هههه


Habib Bou Antoun
لما الكرامة بالبلاش بتنشرى
ما في وفا بكتاب اصل بينقرا
بيت الشعر بيعمرو شاعر شريف
و بيت الشرف بتدمرو شهوة مرا

ألشاعر سليمان طراد
الأنسان كلما غلط غلطة وما اعترف
بالمجتمع بيكون قاعد عا الطرف
وبيت المرا تا تدمّرو شهوة مرا
بيكون رب البيت ما عندو شرف
هههههههههههههههههههههه

Habib Bou Antoun
حوا إﻵهك بالخطية صبها
الشيطان حقرها بعد ما حبها
و من وين رب البيت بدها ترحمو
ما زال بالفردوس خانت ربها

ألشاعر سليمان طراد
ليش التجني عا المرا تأمل منيح
بمريم العدرا وهات قلي يا فصيح
لوما رحمها الرب قلي وبأدب
عاش برحمها كيف يسوع المسيح
هههههههههههههههههههه

Habib Bou Antoun
العدرا مرا بعكس الحواري ال عنسو
مش متل نسوان للي معها تجنسو
هيي مرا ما تدنست بعد الحبل
هني بلا ما يحبلو بيتدنسو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: حبيب بو انطون وسليمان طراد ارتجاليات    الثلاثاء فبراير 03, 2015 11:36 pm

ألشاعر سليمان طراد
وين الرحولة وعيب لا تهين العنس
معقول تطلع ..خالتك أو ...خالتي
قلب المرا لو حب طهر بلا دنس
وطهر الرجال وحوش غدر وفالتي

ألشاعر سليمان طراد
ليش اعتبرتوا الديك ..مفضل عا الزجل؟
وما بتزكرو بجملة زغيره ..كبارنا
رامي استحى ...تا داب بتيابو خجل
وقلتوا سوى من زغيب خدنا تارنا
هههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: حبيب بو انطون وسليمان طراد ارتجاليات    الإثنين فبراير 09, 2015 11:53 pm

ألشاعر سليمان طراد


ما يطلبه ( الجمهور )

ملاحم شعر في عندي جديدي
سياخي سطور ببيوت القصيدي
أبوفاعور هالكلمه حكيها
أنا للشعر ملحمتو الوحيدي
وإذا شي ملحمه بينباع فيها
لحم فاسد أنا وبشمع أحمر
عليها بالزجل بختم بإيدي

بحر الزجل
Habib Bou Antoun
يا خجلتنا من القمح و حصيدو
اذا طحين الكرامي صار كاسد
و يا خجلتنا من الأرز و نشيدو
اذا عالارز مد الايد حاسد
و يا خجلتنا من الشعر و قصيدو
اذا عا رفوف ملحمتك قشعنا
اللحمه فاسدة و الشعر فاسد

ألشاعر سليمان طراد
احترم يا مفتري لقمة عيالي
وبلا ما تكون حاقد حقد اعمى
واذا بتحب جاوب عا سؤالي
الوحيد الشعب فاسد.؟ أو الزعما
ليش على الفقير وعا الأهالي
بيمشي حكم تشميع الملاحم
واذا عم قولها عن حقد إعمى
هههههههههههههه

Habib Bou Antoun
يا اعمى العين يا شاعر مدمر
لعندي جيت عا زنودك مشمر
لا جرحك بالتحدي جرح لاحم
و لا مطابق شروطي بسيف جمر
ابو فاعور ما تعود يزاحم
بشمع احمر ختم و المجد عمر
و متل ما تطهرو كل الملاحم
زجل لبنان رح بيصير طاهر
اذا تمك ختمتو بشمع احمر
خخخخخخ

ألشاعر سليمان طراد
شو زاعجك ..؟ بتحب تطمّع
وتاكل دني وتغبها وتقول
ما شبعت ..ياطميّعنا تسمّع
فاعور متلي عن شعب مسؤول
لازم قزاز الحق يتلّمع
التاجر بحق وعدل فيها اصول
في طفل ماتت عيلتو ودمّع
وفي بنت بالمشفى بقت عا طول
ومش بس بدو الكفر يتشمّع
لازم بقلب الحبس عمر يضل
وما يضل من تجارنا ولا غول
ههههههههههههههههههه.

Habib Bou Antoun
من موطني لولا سألت ل هاجرو
التجار صارو بالفساد يآجرو
عنا الشعب بيتاحر ببيع اللحوم
و حكامنا بالشعب عم بيتاجرو

Habib Bou Antoun
المتلك انا بحجرة غرورو حاجرو
و راسك بقدوم التحدي فاجرو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: حبيب بو انطون وسليمان طراد ارتجاليات    الثلاثاء فبراير 10, 2015 12:16 am

حوار ارتجالي على موقع زجل بين الصديق المضروب سليمان طراد هههه وبين الصديق والحبيب حبيب ابو انطون:

سليمان طراد المفتن هه:
يلعن سماك ملحق ..وما بتستحي
تكتوب بموقع ملك فادي ..ومرتجل؟؟
بالمدرسة تعوّدت تظلم بالمحي
ومجدي قرارو .ما يمحي بالزجل
ههههههه
**
حبيب :
شاعر انا عملت المدا تكايتي
بدر السما تمرى عا نور مرايتي
و من كتر ما ممحي على المنبر رجال
مش بالقلم عم بكتب بمحايتي
**
سليمان:
تا تكتب الممحي عصفحات المدا
كيف الفراغ من الفراغ بينهدا
تكايتك بالشعر قصبة منجّرة
متل ال بيدفع صوت وبيقبض صدا
ههههههههههههههه
**
حبيب:
عا منبري بالشعر فارض وهرتي
و فوق المجرة عم تخيل مهرتي
بدفع كلام و صوت حقك مرتين
و بقبض صدا اسمي و وجودي و شهرتي
--
شاعر انا النور انبهر من بهرتي
نجوم الليالي بيحضروني بسهرتي
مقهور قلبي و انت علة قهرتي
و شوكك عم بيشرب عا حجة زهرتي
**
سليمان:
مش كل شاعر مهر عجرفتو امتطى
بيمشي ملك ع الدرب ثابت بالخطا
الشهرة مجد باطل وإسمك يا حبيب
فليفلة حرّه بيشلفط شلفطة
هههههههههه
**
حبيب:
يا طراد ع منبر انا مستقبلو
اسم المجد عمرو الي و عمري الو
و اسمي عا تمك متل قرن فليفلي
انشالله ما يطلع حر يطلعلك حلو
**
سليمان:
كلما يا بو انطون قلت الكاس راق
وبتروق قالو.. حبابنا حلوّ الرواق
لكن ع طعمة مطلعك بدنا نشوف
ان كان لو طعم..؟ رح اسأل ولاد الزقاق ..!!
ههههههههههههههه
**
حبيب:
طعمه شهيه و الصلابي بدعمتو
و ناعم بنعمه و عم بيشكر نعمتو
سآل لي دايق طعمتو بيجاوبك
ما بيعرفو الا لي دايق طعمتو
**
سليمان:
بلّشت تحكي شلف !! ما بتفرق معك...؟
مش عيب عا الذويّق شعرك يفتري.؟
وكلما على المنبر تغني مطلعك
بتصير طعمة كلمتك سم وهري
**
حبيب:
من عقصتي كل الافاعي تدممو
و بالسم عا نيابي الاعادي تحممو
سممت كل للي اعتدو و محتار فيك
بركيل متلك انت شو بيسممو ؟
**
سليمان:
سميّتني من كتر ما مترشق بيوت
فيها افاعي السم حقدك شالها
وحتى الحيّة السامي متلك تموت
لازم يا بو انطون تعقص حالها
هههههههههههههه
**
حبيب:
بلسان حيه بتم حيه عم يفوت
ما قبلت حالي اعقص بإيام خوت
ما انت بعتبرك متل حالي انا
و لولا عقصت حالي يا حالي رح تموت
**
سليمان:
متلك انا ؟ مجنون شفلك شي طبيب !!
معقول ما في شخص غيرك ما انتبه
المتلي نبي والعبد انتي يا حبيب
وبين النبي والعبد ما بيخلق شبه
**
حبيب:
انكنك نبي و الشر شبعتو لبيد
و لولا جبرت المي يتحول نبيد
مش بس وحدك عبد قدام ال إﻵه
قدام الله كلنا منطلع عبيد
**
سليمان:
يعني اتفقنا؟ هون ما في اشتباه
وما في عبد رح يشبه بعمرو الأله
لوما النبي عندو مراتب علية
ما كان الله بالنبوة اصطفاه
ههههههههههههههههههههههههه
**
حبيب:
الله خلق هالكون اول مرحلي
ملوك و خلافة و انبيا و عبد و ولي
ودا البلاغة بنهج سيدنا علي
و لما انتهى بالصلب دور الجلجلي
للدين ودالو رسول بتعرفو
و للشعر عا بدادون وداني الي
**
سليمان:
ما فيك تعرف يومك ولا ساعتك
ولولا الدني من شهرتك ما ساعتك
الله بعت للشعب رب يخلّضو
وانتي متل عزريل الله باعتك
--
كلما الحطب بتشقف بفرّاعتك
بيطق عا التشقيف كستك ساعتك
**
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
حبيب بو انطون وسليمان طراد ارتجاليات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: