منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 فادي فياض وبحر الزجل نكش وطمر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: فادي فياض وبحر الزجل نكش وطمر   الأربعاء فبراير 25, 2015 11:45 pm

ألشاعر سليمان طراد

كلما شي اصبع موهبة هون انفكش
ما في ولا دكتور موقع يجبرو
وما كان بحر الموهبة الصفحة نكش
لوما اجى تا يطم فادي ويقبرو
هههههههههه



فادي فياض
اقبرني يا جوع الكرم خمرة بالجرار
ويا بحر صابك متل طفل بلا قرار
بتنكش خزانة بيك وحظك قليل
طلعو تياب البي عا قياسك كبار

لا بقا تنكش الخزانة بتاكل قتلة ..


ألشاعر سليمان طراد
لا تجيب سيرة رمز من اطهر رموز
تا بهيك حجه عا البحر تقدر تفوز
ومش بس قبرك بنكشو تا اقبرك
بنكش بصدر الأرض تا طلّع كنوز
هههههههههههههه|


فادي فياض
قبري قلوب الناس ما بتوصل الو
المتلك بيفرق منزلي عن منزلو
بتنكش بصدر الارض تا تفلح منيح
والثلم اعوج والسبب ما منجهلو




فادي فياض
عا طراد لا تتقل سلاحك يا لوا
وبالمعركة ما في لوا يقابل لوا
يلي بيحب النكش منو منستفيد
منسلمو المنكوش والسلة سوا


فادي فياض
وين اختفى سليمان ؟؟؟


ألشاعر سليمان طراد
جالس انا والطعج عندي بالكلام
وكبير متل الضو فارض احترام
وكلما بجو القافية ببحش صور
بتصير انت تطم جهلك بالظلام




فادي فياض
بتنكش صور متل الزهر منشمها
والزر بيطم العطر بيكمها
لكن اذا جايي تا تنكش مشكلي
بلمح البصر منطمك ومنطمها

قعود عاقل


ألشاعر سليمان طراد
الفتنة العنها حكيت ما بتشرّفك
بموقع زجل عا قيمتك بتعرّفك
بتطمّني منكوش بتراب الفتن
منشان انكشلك مجاري تصرّفك




فادي فياض
بيصرفوني شعر صافي عالمدا
وانت المجاري لسانك عليها اهتدا
بالناعمة طمرتا النفايات وانت
جايي المطمر تنكشو بترم الغدا

كتوب شعر وخلي مجاري خيالك سالكة




ألشاعر سليمان طراد
لا تضيّع الموضوع وامشي عا سوات
وبين النكش والطمر حجة شعر هات
أول حبيب ..بلا اذن عا القلب فات
اسأل شباب الطيبي ..!! اسآل البنات
لما انت جبيّت وعشقت الحياة
وحبّك الأول ضل ما في يوم مات
بتطّم حالك كيف ضيعت الحبيب
لما الحنين بتنكشو من الزكريات




فادي فياض
بين النكش والطمر عنقودك حلي
عا هيك ردة شعر صافي مرسملي
تا يعيش بالانسان حبو الاولي
طمر المشاكل صان جو العاءلي
مش كل نص نهار ينكش مشكلي
ويترك حبيبو بالمشاكل مبتلي
لما المرا بتنكشلها هموم الحياة
اهون لها ان عاشت بدونك ارملي



ألشاعر سليمان طراد
لوما المشاكل بالبيوت تولّعوا
ما كان في نسوان عم يتدلّعوا
وهمك اذا من الصدر ما بتطلّعو
بيعيش فيك وما حدا بيقلعو
ولما البشر صوب العدالة تطلّعوا
نكشوا دموع العاطفة وما اتطلّعوا
اطمر حقيقة بيحبس القاضي البريئ
وانكش دليل المحكمة بتطلّع
هههههههههههه




فادي فياض
سليمان لا تزرع القمح بارض بور
ولا تكون ترغلي مع رفوف النسور
القاضي النكش هاك الدليل بقوس نور
حكمو طمر فعل الجريمي والفجور
وبارض برحليون مدفن عالدهور
ترابو طمر جدك باكليل الزهور
خايف عا برحليون ساعة ما تجي
يقولو اجا سليمان نكاش القبور



ألشاعر سليمان طراد
بنكش قبور ؟ منين جايب ها الحكي!!
صفيّت يا فادي قبالي مضحكي..
نكشت الورد تا يعبق العطر الزكي
تكوشت شعرا وقلت يا بنت اضحكي
هههههه
الخندق نكشتو قبل خوض المعركي
واطمرت خاين متلك بحقي حكي
جهل الخوابي بيطمر الخمر العتيق
وسر الخمر ما بيكشفو غير الزكي




فادي فياض
رصاص القلم مطمور بخشابو اكيد
لكن يا حسرة عليه ما بتمد ايد هههه
وتحت الجلد مطمور شريان الوريد
لا تنكشو يا جاهل بتوقع شهيد
طمر النبيد بجرتو غلا النبيد
ومفروض دورك تفهمو تا تستفيد
ان ضليتك تنكوش مكاتيب الشباب
مش رح تضل بمنصبك ساعي بريد



ألشاعر سليمان طراد
فادي فياض
رصاص القلم مطمور بخشابو اكيد
لكن يا حسرة عليه ما بتمد ايد هههه
وتحت الجلد مطمور شريان الوريد
لا تنكشو يا جاهل بتوقع شهيد
طمر النبيد بجرتو غلا النبيد
ومفروض دورك تفهمو تا تستفيد
ان ضليتك تنكوش مكاتيب الشباب
مش رح تضل بمنصبك ساعي بريد



ألشاعر سليمان طراد
رصاص القلم بخشبتو ان قلت انطمر
كشفت راسو عرفت قلبو شو ضمر
مرّه بتشتم زيد تا يرضى عمر
ومرّه الوفا بتبيع تا تعبي الكــمر
القمح ال ببطن الأرض لوّ قلت انغمر
المفروض تنكشها اذا بدّك تمر
المتلك بيطمر عملتو بالناعمة
ونحنا بدينا نكش ع سطح القمر



فادي فياض
خيط الشمع مطمور بالشمع المهيب
لولا انطمر ما جاب نور ولا لهيب
وقلب البيدفن كل اسرار الحبيب
غير البينكشهن لغايات الغريب
واقصى القدس من روحنا الحرة قريب
نكشو اساساتو اليهود بلا رقيب
لا تكون يهودي وتنكش ارضنا
صلي وبقلبك اطمر هلال وصليب



ألشاعر سليمان طراد
لوما اليهود الشر كانوا بيضمروا
ايدين عيسى عا الخشب ما تمسمرو
وحتى الشواهق بالمدن ما تعمروا
اساساتها بالأرض لوما بيحفروا
وجسم المرا متل التراب بتغمرو
ان ما نكشتو منيح يمكن تخسرو
دشّر عليي نكوش بجسم المرا
وانتي يا فادي دك راسك واطمرو



فادي فياض
ما زال بحر الموهبة حدي انهرق
ويمكن على كتر الضحك ضهرو انبرق
بعرف بفن النكش ضفرك ما خرق
غير جسم عبدة ضايعة بين ورق (الليخة) هههه
مش بس وحدي لفني بحوا الغرق
تسعة شهور الطمر مولودو شرق
و وقت اللي قالو مين ناكش هالحقول
قلتلن سليمان بالحقلة مرق ....



ألشاعر سليمان طراد
تعلّموا الشعر يا ولاد
ولك أووف أووف

انا شاعر قصيدي غير خامي
بتشهدلي المواقع بالفخامي
كل ما من القلب نكوشت ردي
بيزهر شعر من رقة كلامي

أنا منكوش شـعري بالـتحدي
متل سعيد عقل بــإلتزامي
مش ع مظهري بتحكم ع يدّي
العم تشيل الدرر من بحر طامي

أنا الورد ال على تراب الموده
من مويّه عيون الشعر نامي
كلما الصبح ع جبيني يندي
بيصير الريح ينكشلي كمامي

يا فادي ليش نفسك مستبدي
كشفنا طمتّك هاوي الزعامي
ما بطمر موهبة شاعر وبدي
نكوّش كل مدي عا الأسامي

ونكشي عن محبة مش تعدي
تا إخلق ع المواقع إبتســامي
الخنادق شوف بجنوب التصدي
حفرها مقاوم بصف الأمامي

وبمطرح ما انكشت قبري ع قدي
بطمر كل حاقد..... إنهزامي
أنا ناكش أرض بيي وجدي
بزرع مرجلة وبحصد شهامي

أنا الحلم ال نكش وج المخدي
تا نام وشوف ربي ب منامي
وأنت خاطي طمرت جرم التعدي
وضميرك مات ما حس بندامي

لها الأسباب يا فادي ما بدّي
راسي أطمرو متل النـــعامي
نكشولي حد جـدّي القول جـدي
وبعد ما تطمرو جسمي بيبقا
الأسم والفعل ع صدر الرخامي

هلق فيكن تطمروه هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: فادي فياض وبحر الزجل نكش وطمر   الخميس مارس 05, 2015 12:58 am

فادي فياض

يا صنين الجبال السرمدية
انت بيضا بشرتك عالهويي
إذا ما بيطمرك تلجك الأنعم
الوطن بيصير صحرى بدون فيي
لا تنكش لوعة الماضي المألم
بحرب الجنيت عليك وعليي
انت نكوشت ماضينا المقسّم
انا بعكسك طمرت الطائفيي
بقي بترولنا مطمور معدم
عقود بأرض صحرى يعربيي
إجا الغربي بنكش آبار علّم
شعبنا عا مصالح ماديي
وحكم حكامنا وفينا تحكم
وقتل فينا القيم والمعنويي
يا ريتو ما نكش نفط ولا أعدم
عادات الحضارة المشرقية
تعو تا نشوف سوسو شو تعلم
بعد حصة حضارة فلسفيي
انا من حرص قلبي عليك ملزم
سددلك خطاك الشاعريي
لكن يا خسارة صرت اندم
عا كل مليح قدمتو بيديي
طمرتك شلش بترابك معتّم
نكشت بطن الأرض وطلعت حيي
طمرتك جرح بالشاش المعقم
بقيت إلتهاباتك قويي
طمرتك سر بالقلب المتيّم
طلعت اكبر فضيحة عالمية
طمرتك قمح بالحقل المثلم
نكشت الحقل يا خلد الأذيي
ودوا طمرتك بدمي طلعت علقم
ومرض بدو طبيب وفرمشيي
وبآخر بحثنا يا طراد إفهم
انت ناكش خصل شَعر القصيدي
وانا قلب القصيدي انطم فيي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
فادي فياض وبحر الزجل نكش وطمر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: