منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 سليم شلهوب وبحر الزجل عين وقلب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: سليم شلهوب وبحر الزجل عين وقلب   السبت يناير 09, 2016 8:14 pm

بحر الزجل

سلّوم ..بدي رأييك بلا مسخره
كيف فيك بها الزمن ترضي المرا
جسم المرا المكتوب عا وراق الجمال
بالعين او بالقلب لازم ينقرا


Salim Chalhoub
لما المرا بيصير سالك سيرها
والريش ينبت عا جوانح طيرها
نْ ما فاتت عْلى القلب من رمش العيون
روح فتّش يا بحر عا غيرها

سماع الكلمه
ألشاعر سليمان طراد
البتفوت يا سلّوم عا القلب الحنون
بتعمي القلب ..والحب تلاتينو جنون
مجنون يلي حب شيطان المرا
والعاقل البيعيش شيطنة العيون
ههه

Salim Chalhoub
شو حاوجك تقعد على جنب العيون. عيون المي
وتفقع عطش يا صاحب القلب الحنون
رحلك عا شط البحر صيفيّة نهار
وإقرا العيون وقول شو كتْبو العيون.

عامل قيس الملوح اليوم. ههههههه


ألشاعر سليمان طراد
سبّح العين بعين مملكه الجمال
بتصير لهفه قلبك بكبر الجبال
جرب القلب تغطسو ببحر الهوى
بيصير قلبك يسبح ببحر الرمال
ههههه


Salim Chalhoub
حتى إذا الأحباب مصدر للعذاب
قولي شو نفعك يا دني بدون الحباب
ومتل السراب العين يمكن تخدعك
وما فيك تعصر ميّ من لمع السراب



ألشاعر سليمان طراد
ألشاعر سليمان طراد
لما المرا بيتخمّرو عناقيدها
بتصير تنطرتشرب من نبيدها
ان ما دقتها بعيون فلسفه الحياه

Salim Chalhoub
الحب منو نور في عينك لمع
والجفن لوما القلب يدمع ما دمع
الأعمى في عندو عيون ما فيها نظر
ومين قال أنو ما بيعشق عالسمع


ألشاعر سليمان طراد
بيي انحنى لعيون امي وما علي
بعمل الو تمثال لو راجع إلي
جبلي مرا بترضى..متل امي انا
تدعس عا قلبا تا تصون العائلي

اعقل يا سلوم.

Salim Chalhoub
إمك وبيك قبل ما كانو التقو
ما تشاركو لوما قلوبن يعشقو
وتنشقو زهور المحبه والغرام
وأنتو خلقتو من بعد ما تنشقو. ههههههه
راد
ألشاعر سليمان طراد
المرحوم بيي صار بديار البقا
عاش السعاده عند ما بإمي التقى
وانتي بجحيم عواطفك عايش ملاك
البتحبها من سنين قلبك حارقه
ههههههههههههه



Salim Chalhoub
شو الحب إلا نار عم تكوي الفؤاد
وعتّق جروح وفتّق جروح الجداد
حبيتها وما بحب جمري ينطفي
شو قيمة الجمره إذا صارت رماد

خلي نارك ملوهجه يا سليمان. ههههههههه

ألشاعر سليمان طراد
.
بتحبّها وبتكرهك عيب اختشي
ما القلب معمي والعيون مطمشي
مفروض تملي عينها تا تعشقك
ما فيك كل العمر تعشق بقبشي
ههههههههههههههههههههه


Salim Chalhoub
الحبيتها وحدو الطمع يا حينها
نسّل خيوط الحب بيني وبينها
وما كان مات بقلبها الحب الكبير
لوما الطمع عالمال يفتح عينها

فنجرت عيونا يا سليمان

وكثار هيك

ألشاعر سليمان طراد
الحبيّتها ومجنون فيها من القديم
عرفت ما فيها تحبك ووالله العظيم
قلب المرا المليان فاضي من الحنان
ما في مرا بتحب جاحظ يا سليم
Salim Chalhoub
لما المرا الحبيتها بتصدق معك
من واجبك عنها ما تقطع منبعك
بس لْبعينا غول من حقد وطمع
نْ ما بلعت جيابك بعينا بتبلعك

قلتلك طميعه ما فيك تشبعها

ألشاعر سليمان طراد
ما في قصيده بتصدق بمعنى البيوت
كيف المرا رح تبلعك ما انت حوت
حاطط بقلبك كل حقد على المرا
خايف انا من الحقد يا عمو تموت


Salim Chalhoub
يا ريت فيي إحقد وإكبح عنان
حبي تا كنت ارتحت منها من زمان
قالو الكريم بتملكو بس اللئيم
بدو عصا للجَلد ما بدو حنان

لئيمه يا بحر

ألشاعر سليمان طراد
طيّب ما زال عيونها مش شايفي
تركها.. المرا من حقد قلبك خايفي
خلي بقلبك رحمه الرب القدير
صارت دموع العين موجي وطايفي

رحمها يرحم اهلك هههههههه

Salim Chalhoub
اللي عايشه بعالم غرور وأبّها
لا تحلم تفور المحبه بعبها
لما المرا بتكون عينا من قزاز
بعود عنها ولو كنت بتحبها


ألشاعر سليمان طراد
ألشاعر سليمان طراد
ما زال فاهم طبعها وخايف تكون
غلطان معها ليش قلي ها الجنون
لما تنضّف قلبك وما تسبها
برأيي المرا بتصير تفهم بالعيون
ههههههههههههههههه

Salim Chalhoub
شفت الحجر عطشان عم يشكي الضجر
سقيتو بإيدي المي من حبو انفجر
بس اللي عينو مشبّعه حقد وحسد
سقيتو دموعي وضلّ قلبو من حجر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
سليم شلهوب وبحر الزجل عين وقلب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: