منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 شادي موسى وسليمان طراد نص وكل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: شادي موسى وسليمان طراد نص وكل   الخميس يوليو 14, 2016 9:57 pm

لحوار يلي صار بيني وبين الشاعر سليمان طراد...
انا رح انسخ رداتي
وخينا علي جعفر رح يتبنى نسخ ردات سليمان حتى الحوار مايضيع بالتعليقات منتمنى التعليق تحت الردة وبس ياجماعة...
.....................................
مبارك يابدر الشعشعت ليل العياد
وتاتشيل عنك كل لوم وانتقاد
مابتنحسب مسؤول بخْوابي الزجل
إلا ماتتجاوز علي وتزعب طراد
..................................

الشاعر سليمان طراد
يا خجلت التاريخ..هيدا قصاصنا
شادي ابن موسى رجع عا قفاصنا
وشو قال جايي يزعب ملوك الزجل
وكلو سوا ما بيوصل على نصاصنا


الشاعر شادي موسى
رفيقك بدر فيك الغـدَر بعد الهنا
ومزبوط مش رح بوصل ل نصك انا
مازال كلك نص ونصيص الزجل
وشموخ راسي ما اعتاد الإنحنا

الشاعر سليمان طراد
بعدك متل ما بعرفك شاعر تعيس
بتشلح الكلمه قبل ما حجمك تقيس
وعارف وقح بتضل تشنك بالفلا
وقدّام الله ما بتحني يا اب
الشاعر شادي موسى
لاتجيب ذكر ابليس رح بتزعلو
هيدا رفيقك مجبلك من مجبلو
ومازال انك نص لاتعمل الاه
ومعروف انو الرب كامل ياحلو ....................................

الشاعر سليمان طراد
زودة
لما ابو مياس عا الزرقا شنك
الرقبه كسرها بوقعتو وفك الحنك
لا تشوف حالك دفك بسعر التنك
العالم عليك بتاسف على فلوسها

الردة
لما الخوابي تصيدت طاووسها
صابيع اجريي دعست عا روسها
نص العباده شعوذات طقوسها
تا تصير مؤمن طالع بقاموسها
وتا تشوف فلسفتي الوفا بناموسها
وعنك يا جتي مدقره بنفوسها
نصك الفوق بيتركك ايدي تشوف
ونصي التحت عم يرفعك تاتبوسها


عدل سابقا من قبل سليمان في الخميس يوليو 14, 2016 10:24 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: شادي موسى وسليمان طراد نص وكل   الخميس يوليو 14, 2016 10:06 pm


الشاعر شادي موسى
دف الدهب لعيون حسّادي فقع
اللي قماش منبرهن تعود عالبقع
ولولا بإيدك دف منبرنا وقع
بيتقصدر وبتغص اقلام الرصاص

يانِص تحت التحت مامنك خواص
مابترفع الكامل وكلك انتقاص
كلك عابعضك نص من عملةت رصاص
فيك قامر بدر تايربح خلاص
ومازال حدي وقعت عامقص القصاص
وكل نص بمقص الكمال عليك حاص
نصك بنصو وكل نص بنصنصو
تاردك لجيبةت بدر كمشةت نصاص
الشاعر سليمان طراد
ما زال ضو الموهبه ما بيبهرك
دف التنك لا تظن قادر يشهرك
لنص البحر رح وصلك تا اقهرك
وخليك كل الليل جتي معفني

لما التواضع شدني تا انحني
حسيت نص العمر ضايع يا دني
بتصير شاعر كلك وحرفك سني
لما الفقير يصير يعطف عا الغني
كل العمر ضيعت جهل وولدني
تا تعيش نص نهار يا شادي هني
كانون متلك مقبره لكل الشهور
وفصل الربيع بيبتدي بنص السنه

الشاعر شادي موسى
بفلش خيالي تياب...عاقياس الوحي
محيّك عانول هداب .... ريش جوانحي
شلال لون انساب .... بالجو الصحي
بينده ياضو اشراب .... ياعتمه السلام

فصل الربيع وغير فصل علا الدوام
كلّهن كل السنه سحبةت غرام
البايع ضميرو ..بيشهد بنص الكلام
بيقول نص البسمله ونص السلام
وتانقول عمرك حاشر الخمسين عام
وعزريل قاطعلك على "ميترو " الختام
بتموت ناقص نص عمرك ياصبي
يما تاتقضي كل عمرك عالتمام ؟!


الشاعر سليمان طراد
تأكد يا شادي عا البحر ما في أحد
واللي بيجرّب طحنة غرورو شحد
بنص السعر رح بيعك بسوق الاحد
تا تصير تعرف كيف بيحكّوا القلام
ه
لما يا شادي توصل لنص الختام
فرمل حديثك تا تشد الاهتمام
فلسطين راحت كلها وما في سلام
وحتى السلام بشرقنا كلو كلام
ان شفتك بحفله كلها تصفصف كلام
من نصها رح فل ما عليي ملام
كل اللي حملو متلك دفوف التنك
رح حط صولد عليهن وبيعن قوام


الشاعر شادي موسى
حلّق ياشادي و جود .... فكرة قطفتها
آخر العنقود .... شمس رشفتها
حبة وحبة عقود ..... شعر رصفتها
بعين الحسود وخود ....من وحيك وجيب !

وينو جوابك عالعمر بعد المشيب؟
يانص دكه طلعت مابتعرف تصيب !!
الجمهور من نص الحفل لما يغيب
بيكون نص الشعر صف بلا رقيب
والحق عالشعار ببعيد وقريب
شرواك انت بنص عقل ومش غريب!
ومابين نص وكل جاوب لاتخيب
بتريد يصبح " نص " لبنان الحبيب؟
الجذع انقسم نصين قيمة ما إلو
تلاحم وصفى " كل " تاتسمى صليب ..
الشاعر سليمان طراد
بعرف ولاءك للحزب ..عندك ميول..!!
ومن كل قلبك عارف وخايف تقول
بس الحقيقه قولها وهيك الأصول
لا تلتجي لنصيّتي قبل الأوان

تا تدوق خمر العمر من كاس الزمان
ميّز ما بين الفارغ وبين الملان
القمح الصليبي بينفصل يا فهلوان
ونص البيادر قمح مش كلو زوان
ما في حزب بيجيب كل البرلمان
الا بسوريا ليش قلي يا فلان
كلن علينا تامرو باسم الوطن
والا عا نص الشعب لا تحط الرهان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: شادي موسى وسليمان طراد نص وكل   الخميس يوليو 14, 2016 10:11 pm


الشاعر سليمان طراد
بعرف ولاءك للحزب ..عندك ميول..!!
ومن كل قلبك عارف وخايف تقول
بس الحقيقه قولها وهيك الأصول
لا تلتجي لنصيّتي قبل الأوان

تا تدوق خمر العمر من كاس الزمان
ميّز ما بين الفارغ وبين الملان
القمح الصليبي بينفصل يا فهلوان
ونص البيادر قمح مش كلو زوان
ما في حزب بيجيب كل البرلمان
الا بسوريا ليش قلي يا فلان
كلن علينا تامرو باسم الوطن
والا عا نص الشعب لا تحط الرهان

الشاعر شادي موسى
من مقلعي بجد السعي وبسكب شعور
ومن اضلعي اعصرت الوعي شلخات نور
وعامطلعي اصرخت اركعي ياهالبحور
نصك معي بورقةت نعي سليمان بان

سوريانا كلّها حدود الامان
هيدي بلاد الشام شمخةت عنفوان
لو حكيت عنها بحقد يانص اللسان
" الزوبعة " بتطيّرك غبرةت زمان
لبنان شو اللي ضعّفو وحطّو بهوان
إلا النص الفيه حاكم يافلان؟
لولا انحك بامتحان بظرف خان
عاكل شعبو لازم يحط الرهان
والجيش كلو يخوض كل المعركة
مش خاين بيهرب بنص الامتحان...

الشاعر سليمان طراد
بتعرف اذا بتخوني بمطلق مكان
من نص بيتك بسحبك متل الجبان
قلب الوطن بالنص عايش بامان
نصو شعب ومقاومه عا حلها

ارزه وطنا بالقلوب مالهة
والا بحلم الرب ما بتوصلها
انجرحت سوريا بس شو منعملها
كل الدول ما زال عم تحتلها
وعيونك العميا اللي حقدك علها
لا تخاف جايي عا الحقيقه دلها
بعتنالكن نص الحزب عا سوريا
.تا تهزموا جيوش الغريبه كلها
الشاعر شادي موسى
مازال صاير تبعت ومافي دليل ..
وعندك شنب نصو انحلط نصو طويل
خايف تصدق حالك وتعمل وكيل
وتفتي لبنات الفكر بجهاد النكاح خخخخخخخ

نص الحزب عنّا ؟ اضحكي يا " إنشراح "
هودي "جزء" ..كل جزء " كل " بكل ساح !
يلي بعتهن مُعتَقد ... تا الراح راح
وإيمان " كلي " بنصر بالآفاق لاح ..
لبيسمعك ... بيقول : " قلت بصوت صاح "
لبّيك نصر الله على درب الكفاح هههههههه
وتاتشوف كيف الكل بالسر المباح
عاطي الدنة نور وحياة بكل ناح
لوما عليك الشمس تشرق كلها
كنت انقبرت بعتمتك نص الصباح خخخخخ
الشاعر سليمان طراد
بالنص بدي وقفك حتى الصباح
ومن كل شجره شيل شي اربع لواح
واشرب عا قبرك خمر...نصيه قداح
والعن الساعه الشفتك وهني العباد

مين اللي قلك بالشعر ما في جهاد
ومش قاعده محمود يدعم او جهاد
كل الزكرتو بردتي منواستفاد
ولا تضل تعطي ردود يا محلا الولاد
ولما سوريا بالحرب صارت. رماد
بقيت دمشق تقاوم وحاجي عناد
انما سيطرو ا عا العاصمه ما بيربحوا
وكل العواصم شوفها .. بنص البلاد
الشاعر شادي موسى
كل الارض بعطيك تاتشيل الهموم
وبحمّلك سكةت فلاحة للكروم
بغديك وبمشيك تاترسم ثلوم
بتمشي وبنص الثلم بتسك الركاب
خخخخخخخ

تونس..دمشق .. القاهرة... قبال الشباب
عملتهن بالنص ؟!... برهن بالحساب !!
وأمر الجهاد الفيه فكرك رَد جاب
شو دخّلو بموضوعنا ومن أي باب؟
ووينو جوابك عالشمس ؟ عاصبح داب..
لابقيت تهرب ..فيك كل الظن خاب
شفناك ساعةت رمل وقزازك تياب
نص فاضي ونص متعبي تراب
ومن هيك كلما عاجواب منسألك
من نصك اللي فوق بترد الجواب !!
الشاعر سليمان طراد
ان وصاك بيك تقسم الثروه سال
.عمك بدر بيساعدك بها المجال
التوزيع نص بنص يا ابن الحلال
ولا نص سنتي عن عدل ربك تحيد
.

تونس دمشق القاهره بمصر الصعيد
قلب الوطن بتشوفهن حد الوريد
كلّك عا نصي بيطلع وبيبوس ايد
معلّم سبك بالضو عا المنبر عنيد
كرعلك يا شادي بعد نصية نبيد
ولا تزيد بالمشروب بتوطح اكيد
ونصيّتي.. ما زال مصدر للوحي
فضلي عليك بكل كلمي بالقصيد

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: شادي موسى وسليمان طراد نص وكل   الخميس يوليو 14, 2016 10:14 pm


الشاعر شادي موسى
قلت القلب بالنص ! شو هالمهزله؟
حد الوريد ! ... م الحد " جنب " بيختلي !..
. المعتاد يشرب نص كاس ويبتلي
غير البيغب الكاس كلو وينجلي
تأمل مثَل قالو مسيح الجلجله
بدفع الزكاة بهيكل الرب العلي
في ارملة دفعت الفلس المنطلي
وواحد دفع نص المعو بهالمرحله
عاهيكلي نص المعك لاتدفعو
تعلم وادفع كل فلس الارمله


الشاعر سليمان طراد
ناعم حرير القز لما بنغزلو
وبالنص يا شادي بيبرم مغزلو
ولما عيونك بالعيون تغزلوا
البوبو بنص العين قلك استريح

لا تفتكرني شاعر بحب المديح
الا اذا من نص قلبك عم تصيح
فلوس الارامل غاليه وحكيك صريح
بتسوى كنوز الكون كلو عن صحيح
ويوضاس لما باع ربو يا فصيح
حقو وصلو كامل وعدن منيح
وحتى المراحل تكتمل عا الجلجله
بنص كفو انشك~ مسمار المسيح

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: شادي موسى وسليمان طراد نص وكل   الخميس يوليو 14, 2016 10:18 pm

شادي موسى
اوووووف
.................
ياجمهور الشعر روّق شوية
ولا تعتب ع خصمي بهالعطية
مَ خصمي " نص " مابيعطيك اكتر
أنا البعطيك " كل " الشاعرية

إلو جمعة عم بيبرم ع محور
وخلط بين النصف والمركزية
النصف كتلة ومقاس ورقم حرر
مش مركز مساحة ومحورية!

وحِكي عن كف يسوع التمسمر
وبدي اسألو عالأفضلية
الجسم كلو ال تأذّى والتمرمر
يما الكف وحدو بهالأذية ؟

انا لولا معي النص المعتر
كنت انفخت فيه الفلسفية
وبقْسُم يوم كامل بالمقدر
النص نهار والنص العشية
وبقسم كوكب الارض المدور
بخط الاستوا ببرمةت يديي
وكنت من نص نص البدر بظهر
هلال العيد بالطلة السنية
وكنت نصين شفرةت سيف حيدر
الصَرخت لافتى إلا عليي
وكنت نصين بوابة بتعمر
تفتح للملوك وللرعية
وكنت نصين بالتم المحمر
الصارو شفاف للبوسة الندية
وكنت نصين بالعين البتسهر
جفن وجفن للغمزة الشقية
وكنت بسبلةت القمح ال ع بيدر
النص الفوق بحبوبي الغنية
وكنت من كاس واقع ماتغيّر
النص اللي انتلا تطلع شوفيي
وكنت نصين بالقلب التسخر
يخلي الجسم بالصحة القوية
نص بياخد الدم المعوكر
ونص يضخ دماتو الزكية

يابو شربل يانص المابتكبر
وانا كل العمر بالاريحية
انت نص السطر عا كل منبر
وانا كل القصيدة الملحمية
انت نص الشريط الماتصور
وانا للفكر كل المسرحية
انت نص الكلام الماتسطر
وانا بالعلم كل الابجدية
انت نص الحكي الطالع مزور
وانا كل الحقيقة الواقعية

ومازالك نص ...مجهول بلا مصدر
تا اكشف للبشر سر البلية
ام الشعر حبلت فيك تُشكر
ووقت شافت حَبَلها بالخطية
قبل مايكمل الحمل المسوغر
وقبل جرم الولادة القيصرية
بنص الحمل طرحت ماتيسر
ولا عِرفت مؤنث او مذكر
تا هيك بقيت نص بلا هوية خخخخخخخخخخ




ألشاعر سليمان طراد
ألشاعر سليمان طراد
يا جايي وكلّك معبّى ضغيني
فتّح قلبك ونصّو اعطيني
اذا بتكون كامل ...متل الله
العفو من الرب..يا الله اهديني

انا النص بمزان العدل خلى
الحقيقه تشع ما تبقا دفيني
وانت كل المصايب خاف الله
ما عندك نص عطفي او حنيني

يا شادي عند ما ربك تولىّ
خلق ها الكون والجنّه التميني
جبل طيني خليقة الكون ملا
إنس . وجن.من روحو التميني

وقسم آدم وحوّا وقال يلا
صرتو واحد وحيّي لعيني
عطت تفّاحة الأغراء كلا
تا تركت جنّة الخالق حزينه

البدر الله بنص الجو خلّى
تافيك تشوف وجّو من المدينه
البركه بمعجن الخبز المحلّى
خميره فاخره بنص العجيني

واذا شي نهار بيقولو تجلّى
وقصيده كامله كاتب بديني
بنقشع نصّها مسروق والله
ونص اللي اكتمل من غير طيني

إنتي مصيبتك متل الغوريلا
بتاكل نص موزي يا شبيني
عليي هاجم ولابس فانيلا
إستر عورتك بوراق تيني

انت مش نص زلمي انت إلا
حسود وعايش بحقدك رهيني
عا منبر أووف موسى قال كلا
تاخد دف ..من بركه يميني

وبتاني أووف كل اللي تعلّى
عا منبر كلمه الشعر الرزيني
ما كانو نص شاعر صوت علّى
بحفله بيت مري وحفل المدينه

واذا انسان عا ثروه تولّى
تا يقسم بالعدل والعدل زيني
نص بنص بشرع المولّى
بيقسّم تركه البي الأميني

وانا الله رزقني وما تخلّى
عنّي بغربتي حتى عطيني
نص العمر عشتو بفنزولا
ونص اللي بقي بركة سنيني

لها الاسباب يا شادي تحلّى
بقصيدي منقّحه يا صحن صيني
انت كلّك عا بعضك عمر ولّى
ولما تصير شاعر قد نصي
بحطك تاج كلك عا جبيني

اندفس بقا هههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
شادي موسى وسليمان طراد نص وكل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: