منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 اشتراكيه ورأس ماليه حسن كوثراني وبحر الزجل سليمان طراد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: اشتراكيه ورأس ماليه حسن كوثراني وبحر الزجل سليمان طراد   الجمعة ديسمبر 09, 2016 12:45 am

[
center]Hassan Kawtharani
2 de diciembre a las 15:02
!
يا كاسترو سليمان لوّ إسمك قدح
سقفك العالي لا انطال ولا انقدح
لا تعاتبو. ما زال الله عـــازمك
تعرّم ع بلكون السما تمزمز قدح


ألشاعر سليمان طراد
يا اشتراكي العصر لا تنزّه فيدال.
فيدال شعبو هجرو وجوّع عيال. .
لا تكون ثوري ظالم تألّه زعيم.
لعندي تعا ما في تطرّف اعتدال



Hassan Kawtharani
!!
يا معتدل ب عين عقل الشعر زين
موازيني. وقسّم الجبنة! الــــرزين
من هون نتشة هون لطشة يا طراد
وكل السرقتو من يساري لليمين


ألشاعر سليمان طراد
عايش اكيده راس مالي وبالكفاح
بحصد فشل احيان اوبحصد نجاح
وانتي يا حسره اشتراكي بلا جناح
مهرهر عا كتر القهر محلولي العزق


ما زال الله وزع الثروه ورزق
ليش بدك تحرمو ال رزقو لزق
عايش بكوبا حضرتك فقر وعذاب
قلك لعندي قطاع تا صوتي انخزق


Hassan Kawtharani
!!من تمّك المخزوق عم يزرب كلام
بيشبه نشاز الصوت شوهت المقام
شَحْ وحرام بيعملو منك غني
شحّك معيب وثروتك مال الحرام


ألشاعر سليمان طراد
مالي حلالي وكنت تا جبتو اسد
وضل الوفا مرافق حياتي ومافسد
لكن انت يا اشتراكي علموك
تحكي بغيره مطعمه بنتفة حسد

مالي حلالي وكنت تا جبتو اسد
وضل الوفا مرافق حياتي ومافسد
لكن انت يا اشتراكي علموك
تحكي بغيره مطعمه بنتفة حسد
ههههه


Hassan Kawtharani
!!
أنت الأسد فريستو لما بلع
وشرعك الغاب وبالبلع عندك ولع
نحنا التساوي واجبات وبالحقوق
وأنتة ع سعر البورصة متل السِلع

ألشاعر سليمان طراد
ما قلت اني وحش صحح بالكلام
ما في اسد عا الضيم يا حسون نام
ليش التساوي بين سبع وارنبي
غراب الخرابه كيف بيساوي الحمام

ألشاعر سليمان طراد
انتواشتريتوا الموت عا طول السنين
يعيش الملك بقصور وانتوا حافيين
مشوارنا بفورد بو دعسي ابتدى
وانتوا بدعسه لحد هلق عايشين
Hassan Kawtharani
!!
سليمان طول الليل لما نعسّك
غفاك ع حلم السمك من دون حسك
يدعس على قبري الفقر مش مشكلي
ولا فورد وسليمانإ جرو تدعسك


ألشاعر سليمان طراد
وحياة خبز ا
لجوع يللي شقّرك
طيري أنا نتفه ونتفه نقّرك
الفقر مابيدعس حدا لكن إنت
مدعوس من إجر الزعيم الفقّرك

[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتراكيه ورأس ماليه حسن كوثراني وبحر الزجل سليمان طراد   الجمعة ديسمبر 09, 2016 12:54 am


Hassan Kawtharani
!!
سليمان يا سليمان من تمّك زرب
كلمة هرب. ما بتنصرف ما بتنعرب
يا ريت بتقرّش يا غول البورصة
سعر النفط من قيمتو سعر العرب


ألشاعر سليمان طراد
يابوعلي ها القد عندك مشكله
وقلة ادب شعرك عملتو مرجله
عندك علي وعندك محمد هو عرب
مش لايقه تشتم محمد او علي

Hassan Kawtharani
!!
سليمان بعمر الشعر بعدك خديج!
يا ريت تنما بميجنا بو الميج ميج
أكبر شرف عنّي شيوعي لو قلت
ولا كون متلك من أباطرة الخليج
ألشاعر سليمان طراد

ألشاعر سليمان طراد
من بعيد عم تشتم عبي بت بوعبي..
واية الكرسي بهالعبايي بتختبي
روسيا فقرت ت صارو بناتها.
تايشبعو يبيعو الكرامه ب بوظبي


Hassan Kawtharani
!!
أية الكرسي بالصميم وبا الفؤاد
إياك تتطاول على رب العباد
سامح وإعمل بتعاليم المسيح
اوّ ع إجر كرسي بتقعد يا طراد

ألشاعر سليمان طراد
بتكون علماني وقت مابتستفيد
وبتصير داعش وقت مايحمى الحديد
مبارح نكرت الرب يافيدال ليش
منشان آيــه فار دمك عن جديد


Hassan Kawtharani
Hassan Kawtharani
!!
يا سليمان يا شعرور هاوي
إذا قاصد حسن أو كنت ناوي
عليي.. قبل ما تعمل جريمي
بتوقع من القمة ع المهاوي

أنا بحكي الكلمي من صميمي
كلامي موقف وحرفي سماوي
وأنت حرفك وضيع بدون قيمة
لا شعر. ولا سلالسة. ولا طلاوي

أنت ترامب بتقلّو... نديمي
وأنا عاش بضميري جورج حاوي
التساوي مطمحي وعيشي كريمي
ونصيبي الفقر راضي بالتساوي
تركلي جهنم وصادر نعيمي......
ما بفقد عنفواني.... بالدعاوي

أنت يا طراد شاعر... بالوليمي
استهلاكي عم بترفع شكاوي
إذا بين ديك علقت شي بهيمي...
بتمدح. بالمقالي.... وبا المشاوي

العزيمي شدها وكول المشيمي
ولا ترحم لا طحال ولا كلاوي

إنت يا طراد علة مستديمي
وإذا كنت الأمركاني مخاوي
متلك شمّع خيوط الهزيمي
بـــ خليج الخنازير! الكاستراوي

أنا فقري بها الدنيا غنيمي
عن عينيك لو زحت الغشاوي
رسمالي انا الكلمي الحكيمي
ورسمالك الليره والرشاوي

رفعتك ع سما الشعر العضيمي
وبعدك عم بتعمل بالنكاوي
ما بتغير العادة حليمة..........
وعبث يجلس ع مكبس ذيل واوي
متل اميركا شغلو النميمي
أنت والمال لو عامل صداقة
أنت والحق عم تعمل عداوي
..........................................


ألشاعر سليمان طراد
ألشاعر سليمان طراد
اووف اووف

ياقديسين بس تمشو ورايــي
السما بتلمع متل وجّ المرايــي
وبيصيرالشعر ميله صبح أشقر
ميله عصر أسمر من نقايــي

أنا يابوعلي من التلج أطهر
وأبعد من سخافاتك مدايــي
سبقت الريح وقتلت الغضنفر
ولبست الغيم المهفهف عبايــي

وعلى المنبر خلقني الحظ أكبر
شاعر ماالتقى من مستوايــي
وبلايي الشمس مابتطلع ع منبر
ولا بينزل شتي الله بلايــي

وياحسون قلبك هالمسكر
نصيحه تفتحو و تسمع ندايــي
تتفهم ليش سيف الضو كسر
مخوخ الناشفه متل العصايــي

إنت خلقت حر ومش مقدر
تشوف الذل من حاكم ولايــي
هوّي بياكلك يابس وأخضر
وإنت بالكاد عم تاكل كفايــي

هوّي عم يعيش بقصر مرمر
وإنت ناطور عاباب البنايــي
هوي مدخلو سجاد أحمر
وإنت سجادتك شقفة ملايــي

هوي بقلب مرسيـــدس تمختر
وإنت للكر بتدير القنايــي
هوّي بيعشق بيرقص بيسكر
وإنت تاتسعدو رايح وجايــي

هوي بالدني بيعيش قيصر
بيعمل للفقر عندك دعايــي
وإنت بتعيش إيامك مقهر
بتسكت عالوسيله وعن الغايــي

وبتورت ولادك ألف دفتر
ديون وألف غصه بالنهايــي
وياحسون ياجاهل تحضر
ولاتعبد شخص أعمى من البدايــي

ضلك حر شامخ ضل أسمر
جبينك بالفضا مرفوع رايــي
انت المعمل وقلبك البيدر
وأكتر بالأرض عندك درايــي

الدوله إنت ياجندي بعسكر
كتب ع حدودنا كل الروايــي
ولاتقبل تنحني قدام أزعر
حاكم عالدني لافي لفايـــي

وعيش بهالدني سيد محرر
بيآمن بالكتابه وبالقرايـــي
وصلي كل ماهالليل همدر
بلا الله شونفعك ياضنايـــي

الله من الدني أكبر وأشعر
وأحلى وأطيب وكلو هدايـــي
محب وتاتشوفو بكل محضر
كيف بيفتح بواب العنايــي

إذا ابنك مرض تاصار أصفر
وصفى متل شي موال نايـــي
مابتطلب فيدال البيت يحضر
بتطلب ربنا وبتقول دخلك
ياربي لاتخيبلي رجايــــي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: عدنان سعيد وبحر الزجل احزاب   الأحد ديسمبر 18, 2016 11:54 pm

عدنان..مجرم..او ضحيه..؟

مبارح على التلفاز مشهد شدّني
وقلي تا احكي ها المدير واسألو
قولك الطفله ..الفجروها بالدني
المضروب بييا قلب دخلك ما الو

صبرو عليها كم سنة و راحو سدا
و اتكلّفو عليها بلبسا و الغدا
ما زال كانو يدفنوها بالتراب
ساعة ما تخلق ... ما بقا تعاتب حدا

وين موسى قال بوصايا العشر
اقتل نفس او دم تعتبرو شراب
جوع الدني اوقات بيخلي البشر
يحن يا عدنان ع جوع التراب

قتل النفس اكبر جريمي بعدّها
وما في جريمي قدها تا نعدّها
ال ودّا البنت من غير علما تا تموت
يمكن ديونو مستحقة يسدّها

ديون البيقتل ..عند هيرودس ديون
وديون الله من الأله بتنسمى
بجهنم الحمرا ..حسابو رح يكون
وحساب بنتو عند الله بالسما

خود السما وهونيك روح صفي الحساب
لكن انا بدي الدني و طيش الشباب
و ساعة ما اقتل عا تراب بلادنا
بسقي التراب و قول نيّال التراب

طيّب القومي ..هات بيكفي عناد
بيروح يفدي وما بيشعر بالندم
يعني اذا بيموت برات البلاد
بيكون خاين ؟رد ..لازم ينعدم؟

برّا و جوّا حاج بالعالي تطير
كل الشرق جوّا و كفا تدق النفير
القومي الو هالشرق جنّة صغيّرة
و عيبي بقا تحكي بلبنان الكبير

القومي السوري والكتائب شو جنوا
متلن متل احزابنا هدر وفساد
لولا بجبل لبنان كانوا يعتنوا
ما انباع ارز بلادنا بأبخث مزاد

انا بحمايتك يا مدير

من بعد موت النمر لما اجبنوا
الاحرار قلّي برب ربك شو بنوا
الا حزب محكوم من شلة ولاد
ههههه
القومي السوري والكتائب شو جنوا
متلن متل احزابنا هدر وفساد
لولا بجبل لبنان كانوا يعتنوا
ما انباع ارز بلادنا بأبخث مزاد

يا الله جون انت المسؤول

مين اللي قال انباع ارز العنفوان
بعدو بوطنّا ثابت و شامخ كمان
قرّب عا نهر الكلب و اقرا شو انكتب
ما ضل عنا كلاب فلّو من زمان

المحتل مين ما يكون داعش نصروي
مش متل يلّي بالدما ترابو روي
المهم توقف مع الحق تناصرو
وما تضل توقف كل مده مع قوي
هههههههههههههههههههههههه

لولا الاجانب بعتت بوابيرها
من قبل ما يستفتحو طوابيرها
مناكل الطعم منقسمو بيناتنا
و منعود نعملها على سنانيرها

انشالله الحرب بتكون غيمه ومارقه
وما تترك قلوب الأشقا حارقه
كل الدول فيها فساد وانما
لبنان بنعدو علامه فارقه

لما الشجره تكون خضرا ووارقه
بتصير عرضه للأيادي السارقه


انشالله الحرب بتكون غيمه ومارقه
وما تترك قلوب الأشقا حارقه
كل الدول فيها فساد وانما
لبنان بنعدو علامه فارقه

بلبنان لما ولادنا بيتخانقو
بيتصالحو وعا كل درب بيلتقو
انشالله جيران بلادنا بحرب الفنا
يعودو سوى يتباوسو و يتعانقو

يا عدنان كلما بشوف طفله
جريحه بحس احساسي هتفلي
وبصرخ يا عدل لا تغيب عنا
وبدمع بين قفله وبين قفله

دخيلك يا فنا لا تضل عنا
جفلك عن ربيع العمر جفله
لأنو ولادنا فلذات منا
ولا تقصف حلمهن عمري اقصفلي

انا وعدنان بالحكمه انعجنا
حماني وعا درج بيتي وقفلي
وحميتو وقلت تحيا يا وطنا
الوطن بيضل يجمع كل عيله
ولازم كل ليله نقوم حفله


عدنان من ارزل الشعراء على الاطلاق ما كان بدي اكتوب جبرني وجرني عا محلات ما بحب فوت فيها بس شو بعمل رزيل

اسمعني يا ابن لبنان بدّي
احكي كلمتين بدون حِدّي
نحنا من عهد ماضي اختلفنا
و مرقنا بحرب و بأيام شدي

و هلق ابن سوريا خلفنا
و مشي عا دروب ملياني تعدّي
لأنو الأجنبي يللي خلفنا
عا سوريا ابتدا جيشو يودّي

نحنا الأصل جبنا من سلفنا
و حمينا ثغورنا وقت التصدّي
و لأنو الاجنبي بغدرو بلفنا
ضروري نساعد السوري لأنو
جدّو كان يسهر حد جدّي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
اشتراكيه ورأس ماليه حسن كوثراني وبحر الزجل سليمان طراد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: