منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 تمثال وانسان عدنان سعيد وبحر الزجل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: تمثال وانسان عدنان سعيد وبحر الزجل   الثلاثاء أغسطس 01, 2017 1:00 am

[center]: انا
لما الخوالي قصفتها بالراجمات
شو قولكن؟  عدنان تحت القصف مات
ما مات..!  قالولي ..عرفت بعض البنات
حروفو عسل وقصايدو سكر نبات
وينك مخبى .طل جايي وبثبات
تا، اعزمك عا مقلعي، قبل الممات
نقي حجر منشان انحتلك انا
تمثال يا عدنان عا قيد الحياة
عدنان
انحتني بحالك ، بالطبيعة و بالقمار
بشجرة عتيقة ، بغصنها ، بصوت الكنار
بجسم الصبية ، بعطرها ، بإكليل غار
بجوع الطفالا ، بالفقر ، بالاحتضار
نحتني بصوت الام عا سرير الصغار
تقلو يا ابني سهار و بقلبي قهار
انحتني بخيالك للوفا دمعة وفا
تماثيل ما بدي ولا بدي حجار
انا
معقول، ما، بدك..؟  حجار تشيلها
ونفسيتك.. ها المجد ما، بيعنيلها؟
تماثيل مار شربل ورفقا احنيلها
وموسى  وطليع تسمر مقابيلها
مني، نصيحه رجاع نفسك ميلها
وخلي المواهب ينحتوا ازاميلها
تا تصير يا عدنان من صف الكبار
شوف الكبار ...؟مشبدي تماثيلها
عدنان
لوما عما الإيمان بالصخر المتين
مار شربل و رفقا ما صارو مقدسين
و موسى وطليع تخلّدو بتمثال طين
نكاية ببعضن و بجماعة مشككين
تماثيل عنا و كلّفو الدر الثمين
من صحابهن أغلى و صارو خالدين
و بين صاحب التمثال و التمثال قول
مين اللي خلّد مين عا مر السنين

: انا
حكمه اسمعها بالقدس او بالحرم
من قبل ماإدنك الطرشه تنشرم

الشاعر وقت ماالناس فيه بتنغرم
بتشوف وجو عن شكر الله برم
التمثال غير الشاعر الصابو ورم
بيضل عاقل بالعيون ومحترم
تمثال عشتار الألوهه ماانحرم
واهدن لها تمثال مجد بت كرم
وفرعون عاش وكان قالب خلقتو
ماكان اسمو ضل لولا من الهرم

عدنان
عيونك على روما انا كانت ساهره
بتشوف تمثال البطل و العاهره
وعا معمّر و صدام عملو مظاهرة
تماثيلهم هدّو بثورة زاهره

و فرعون هالمجرم احتل القاهرة
و مع طهر موسى عاش عيشي قاهرة
عمّر هرم بكفوف خلقت ماهرة
و موسى رحل من دون صورة ظاهره
هون الفرق بيّن بصورة باهره
بين الحجر و الناس مافي مصاهره
فرعون الا حجار منّو ما بقي
و موسى ترك النا النبوة الطاهرة

انا
لاتسب ع حجار الدني الكون انفجر
من قلب حجره وصار في مي وسجر
عندك حجر من ماس لبسوه الغجر
وصوت الرقص من مصر وصل عالمجر
والارض حجره مقدسه ومابتنهجر
وتمثال باقي غصب عن كفر الضجر
ويعني الحجر تمثال من نحت السما
وموسى كتب كل الوصايا عالحجر

: عدنان
شو قال موسى قول يا شب الفصيح
لا تسرقو ولا تعملو الفعل القبيح
وما كان عالحجرة كتب رأيو الصريح
لو في اذاعة بوقتها و هاتف يصيح
هههههههههههه
وتا فهّمك شو انت يا صخر الضريح
" مطبخ فنا " و الدود عم يطبخ منيح
و" للرجم انت " و عقل يسوع الرجيح
للمجدلية صانها بفعلو الصحيح

و هلّق انت يا صخر بالكون الفسيح
منّي الحقيقة سماع حتى تستريح
لا دين كان ولا قيامة و لا فدا
لولا الحجر ضلّو على قبر المسيح
انا
موسى كتب لوح الوصايا وشبرحو
وبطرس الصخره وما حدا، بيزحزحو
وحتى الدواعش ما يعودوا يدبحو ا
لازم الجيش يكون قاسي بننصحو
بعلم البلاغه اسآل وبعلم النحو
بقبة الصخره الرد بدك تلمحو
شوف الحجر من بعد ما زاحو الملاك
تمثال للفادي انحط بمطرحو
عدنان
شو باك بالتمثال بعدك يا صبي
معلق كأنك شلت درة من الخبي
زهقتني ونزعت احلا تجربي
ابعتلي بدالك بدر رب الموهبي

الانسان صورة عن الاهو يا غبي
عيبي تهينو مع صخور مشقلبي

و  ما زالك معنّد بليلة متعبي
رح اسألك جاوب تا تعلا مرتبي

تماثيل قلي ليش عملو للمسيح
و تمثال ما عملو لسيّدنا النبي ؟
: انا
خبر بوشادي وقول عني للنقيب
بدي إلي تمثال عاضهر القضيب
الكعبه حجر بتفج راسك ياغريب
وتمثال فادينا حجر شعشع لهيب
لكن انت ضايع وماعندك حبيب
وماقبلت فيهون انبيا وأمرك عجيب
وتايصير بالفردوس في عندك نصيب
نقي ديانه وقول صاحبها قريب
يابوس الكعبه واركع للنبي
يابوس الفادي واركع للصليب

عدنان
: مع احترامي لكعبة الدين المنير
و صخرة القدس و طهر يسوع الشهير
الصخرة الما فيها تحس .. ارض بلا غدير
و لوما ذكا الانسان ما فاح العبير

والحطّم الاصنام بالظرف العسير
حتى يصفي متلهن صعبة كتير

يعني انت يا بحر قدي مش خبير
الانسان هوي العاطفة و هوي الضمير
هوّي مرا بتدوب عالشفة عصير
و بتنصب مراجيح بالحب الخطير
و قديش حلوة تصير صخرة عالسرير
تخايل بليلة عرسها شو رح  يصير ؟؟
ههههههههههههههه
خرجك انت هيكي مرا و هيكي مصير
ويا شايف النسوان صخرة فوق شير
ما فيك متلي تشوفها زهر و ندي
و لا شفاف و مرايات و مواسم حرير

انا
اووف اووف
التمثال لولا كــان من صوان
بتشوف قلبو عاطفه وتحنـــان
الطير الهرب من نــار مرتيـــني
تخبى بحضن تمثـــال ياعدنــان

يمكن يجي انسان يأذيـــني
يفسّر ع ذوقو شو حكي فليتان
ويمكن حجر بيتي يخبيني
ويقول رح احميك ياسليمان

بحب المرا وبضل عشريني
بحبي ل سحر شفافها الفتان
وبهدي إيديها حجار للزينه
يــاقوت او ألمـــاس أو مرجـــان

وشوف النبي الذوقو بيعنيني
ونقّى حجار بأجمل الألوان
حب العقيق وهيــك تخميني
عملو ختم تايختم الديوان

التمثال مش اصنام لاقيني
عامتحف اللوفر بفنو الكــان
إبداع اغريقي ولاتيــني
مع فن مصري وفن للرومــان

لاتكون داعش شعر وتجيني
بمهدة التكفير عالبنيان
وتافهمك من وقتك اعطيني
ساعه وصلي بحب للرحمان

الإيــمان نبعو بس يسقيني
بسكر بخمر الروح والوجدان
وتافهمك ياروح مسكينه
ياقلب ناشف ياغصن دبلان

التمثال رمز مخصّصو ديــني
تايذكرك كل ماقسي النســيان
مـــــــا بعبد التمثال وسنيـــني
للرب وحدو بتكتب القصدان

التمثال شعر بشعر داويني
كل ماانتزع بالكاينه الدوزان
تماثيلنا بتصير دزينه
عاهيكل كنيسه المتل ديوان

ومارشربل بلبنان شعنينه
قديسنا الصفى ع كل لسان
مابعبدو لــــكن بيقويني
تاحب كل الورد بالبستان

وكل مابيصبّحني وبيمسّيني
بتمثال متل جنينة الرمان
النعمه بتنزل تاتلاقيــني
عاساحة بكركي وعلى الديمان

وتاتشوف شو الاصنام حاكيني
بلغّة العقل وشـــوف يافهمان
يللي انتحر منشان بـــكيني
وفجّر مدن بالشرق هالتعبان

والمشتهي بوسة سكربيــني
وبيموت تايحضى بعشر نسوان
لاتفكرو القديس حرديــني
هيدا وحش عم يعبد الأوثان

الاوثان هنّي دماغ تشريني
وقلب البيعيش بحبس من قضبان
مافي صنم شكلو بيغريني
الا اذا بقلبي سكن شيطان

انحتني حجر شالو الفلسطيني
ت يرد وحش بصورة الانسان
انحتني حجر بالأرض خليني
مخده لطفل بسوريا بردان

انحتني حجر وافتــاح قنيني
وقول الحجر اوفى من العربان
لاحملت باروده ولاسكيني
ولادبحت شعب بحجة الأديان

انحتلي شراييني بشراييــني
تتصير شبكه ولقوط الغربان
انحتني جبل عالبحر عليّـــني
تمثال ضوّا الكون يافنــان

لبنان تـــاج مدهّب جبيني
واكبر شرف في غربتي اني
صفّي إلك تمثــــــــــال يــــــالبنـــــان

عدنان

: يا حضرة التمثال والله عال
سبحان مين بيغيّر الأحوال
مش ناقصك غير تربط جداديل
و تترقوَص  على نغمة الموّال

ان كنّك صخر للصخر جبنا ازميل
و بالمطرقة بتشوف مجدك زال
ان كنّك جبل ؟ في اصبع تروبيل
بيتفجّر و بيقول ياللا  نزال
ان كنّك حجار بْ فيلة الزنكيل
مندمرك و منسكن العرزال
ان كنّك درر عالصدر عم بتميل
بْـدون الصدر شو قيمة السلسال

حاجي بقا يا بحر قال و قيل
رح خبّرك قرآننا شو قال
لو كنت حجرة نار من سجّيل
و عا أبرها نْـزِلت و قتل بالحال
ولو كنت بالكعبة حجر تبجيل
باسك الحج و صوب منك مال
طه و علي بتأويل و بتنزيل
للروح هنّي المال و الرسمال

وتا رجّعك شي شوي للإنجيل
و عيسى المسيح و صفوة الاعمال
لا ترجموها قال يا مهابيل
بوّابة التوبة بلا اقفال
و وجك عا مار شربل شوية ميل
عا صومعه منها الطهر ما زال
بتسمع صلا و نغمات و تراتيل
و بترجع معافى و براحة بال
مش حضرة التمثال وزنو تقيل
هيدا التقل من خيرة الافعال

و عا سوريا لا تبعت مراسيل
ما همها ان كانو الحجار تقال
بإنسانها غنّـا الفِـدا مواويل
و الدم من ابطالها لو سال
بيركعلها بالحرب عزرائيل
و فيها ما رح يستوطنو الأنذال

و انتي يا قدس الصخرتك إكليل
اللي استشهدو فيكي ما كانو قلال
بكرا عدو بلادنا منشيل
ساعة ما عنا يكبرو الاطفال
ومن الفرات لحد وادي النيل
بتتحرري و بتزول اسرائيل

و يا طراد هلق حاج قال و قيل
تروّا عليي يا بحر و عقال
بأرض العروبي و من بعد تحليل
شو قيمة تماثيلنا ما زال
لملوكنا عم نعمل تماثيل
و كل ما شي حاكم بالشرق بيزول
من خلف منو بيكسرو التمثال
[/center
]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
تمثال وانسان عدنان سعيد وبحر الزجل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: مروج ألزجل-
انتقل الى: