منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 وينك خيي حسن

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: وينك خيي حسن   الإثنين مارس 09, 2009 1:43 pm

انا صوتي بلحن العدل وصله = وشعوري لرهجة الأمجاد وصله

الفجر م بيفتح عيونو الحيارى = اذا م مضيتلو بالحرف وصلي

انا شاعر سكب شهد العباره = وبدمّي حنكة الإيمان خصله

بشعري عطّرت سحر العذارى = وعرّبت الحلا خصله وخصله

سيّد موهبه بيّ الأماره = وخمر الوحي شربو بس خص لي

انا غيمه بعيانات الإثاره = عن خطّ العطف ما رجع فصلي

بكون اللاوعي جودي حضاره = جنون بفطنة الألغاز فصلي

وي شعّار المبادي الاستناره = خدو منّي كنوز بفرض أصلي

خدو حنّيتي ونخوه بجداره = انا معمّد بجرن الوفا أصلي

بروض الذكا والحكمه بطهاره = الفرق كبير بن زنبقه وبصله

وعلى حسّون بحروب الجساره = بيوت مجمّره الأفكار بصلي

وبسيف الفلسفه وزند المهاره = غبره بنعنف رجال المعنّى

شموخي بحرقتك يا دهر نصله

* * *

ي فحمة مقلع الشعر المحندس = انا شمع البلاغه بالمعاني

خرابه معفنه دماغك مهندس = وانا مذهول الله عا جناني

قدر م الحقد بضلوعك تكدّس = وقدر ما يغمرك عطر الخيانه

بيردع جهلك جنوني المقدّس = ومن قلبي جنى سرّ الأمانه

* * *

وع برحليون للشعر وكمالو = قصدنا من حمى الفكر وخيالو

انا ومارد وزن من خير معدن = حسن موهوب والنكهه بخصالو

حسن للإبتكار الحر ألعن = من الخنذيذ ع الزرقه مجالو

لكن مع وحي شعري المشيطن = ويلو من لهب حدّي ونصالو

انا صمصام بالنقمه مسنن = هبوبي مرمط الريح بنضالو

وحروفي قنابل الشعر المبطن = نقاطي دم حبري وانفعالو

وبجوّ المعركه وخط المفرعن = صمودي مدوّخ البطش بجدالو

انا نسر المعاني بجنح أدمن = على صفع الغيوم بإرتجالو

انا قصّاف للأعمار جنن = مدى الأقدار من سطوة سؤالو

ولابن الكوثراني هـ المسلطن = انا بحييه ع قبول التحدّي

معي ولحظه م فكّر رحم حالو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الجمعة مارس 13, 2009 5:02 pm

حسن كوتراني كتب:
مبارح ع جناح الــــعــبقريي ... حملني الشعر ع كتاف المـنيي
ووصلني على الجني الوسيعة ... من باب وضـــمير الشـــاعريي
وقف خلي لر وكز بالـــطليعـة ... وسألني عن برائة وطيب نيي
التراث .الدف.أرزتنا البديعة ... وعبق تاريخ شعر العامـــــــيـي
قلت الموهبي بعدك وضيعة ... الجهل مَصدر أســسـها البنيويي
وأنا والشعر صفيت بقطيعة .. وعامر صار يتمرجل عــــليـــي
قللي ما بتحرز ها الشريعة .. تا يبقى اللبيت عامر حبْ عامر
متل ما قيــــــس حَـــــبْ العامريي
**********
عامر ببحر مجهول قـــاعو ... خاضو بمركب مخزّق شِـــراعو
واللي بيعرف مواجي عتيقة ... عرمل الشط لا يبني قـــــلاعو
قبل ما تشهر سيوف الرقيقة ... يا عامر لذة الشعر بـــســـمــاعــو
فحمي كيف صَوّرت العقيقة ... وناكر بدر بـــاهـــركن شعاعــو
أنتِ وكل شعار السليــقة ... باروني وصداقة لا تـــــــــراعـــو
حسن بحر وبحر شعرو حقيقة .. اللي صاعين ناوي يرّد صاعو
يجي يغطس بهااللجي الغميقة .. حتى من مناهل شعر كـــــوثر
يشـــــرب قد ما دماغو بيســــاعو
***************
أنا والشعر وجروحي الغميقة ... بعيني جمر وبقلبي حريقة
واحات الثقافي الــــعامــــيي ... يبسّت بعد ما كانت حديقة
وشفت في كم نبتي موسميي ... على كعب السندياني العتيقة
قبل ما يشمتو الحساد فيـــي ... وصمتي يكتّف جناحي الطليقة
على الميدان إنزل يا سميي ... وحَكم بينا رأى الــخليقة
ما جاوبني مشاكل عائليي .. ما بتسمح ها الضرف القيقة
قلت عامر بسليني شويي ... حقيقة وما قلت غير الحقيقة
وهيكي بالتحدي صار فيي .. متل اللي ترك هيفاء وهـــبي

تا يآخد نانسي عجرم عشيقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   السبت مارس 14, 2009 7:02 am

بالمبتدى يا بطش قاصد هدّدك = ما فيك تهرب من مجالي بقيّدك

ويا شعر عاد بكل زهوه مولدك = بعطرو مبحبح والنسيم يمجّدك

يا بو علي توعّت قضيّة موعدك = وعا كل ميل اليوم جايي زهّدك

لو كنت عتم بنوّرك من مطلعي = لو كنت نور بردتين برمّدك

* * *

لمّا بجروح الدهر رمحي يعمّدك = ايّاك تسحب سيخ بتآذي يدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   السبت مارس 14, 2009 4:30 pm


مِـــتلي يا برحلــيون مِـــشعال شعلي .. ليلــلكْ إذا عَـــــتّمْ عيوني مَِشــــعلي
ويا إبـــن عـامر نحتكْ وشِعرك طَلي .. وما زال نـاوي عاالبطش والمرجلي
يعني انسرجت الريح مُهرة مــأصلي .. أو مُـــعّجزت منبر علــــينا مُنــزلي
ما فيك تحجب نور شمس الموهبي .. ولا فيك تعمل بو علي عا بو عـلي
********
لا تنفّخ علا رماد شاعر عــــاملي .. بتعمي يا إبني عيونك بنار البلي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   السبت مارس 14, 2009 8:10 pm

روّق ي ابن جنوبنا الحرّ الأبي = وع الفضل لا تشهر شفار الطيّبه

كنّا عيونك ليزريّه مذهّبه = وخلقان شي ماهو طبيعي وأجنبي

شاعر قصيدي بليل إلهامي ربي = وللموهبه سارج جروح التجربه

ويا بور صحرا الموهبه ربّك شكور = عا نعمة العتمه بحبر الموهبه

* * *

يا عاملي خلّيك ماشي دبدبه = شو فهّمك بسرار ثوره لاهبه

نحنا بجليل مقاومتنا اليعربي = حرقنا ل م حرقو نفط مملكة العبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الأحد مارس 15, 2009 10:15 am

حتى الجنوبي والشمالي يصدقوك..بدّك شهادي منهن بحسن السلوك
لاكن إذا بتشمخ علا اللي كرموك..عن كل كلمي قلت بدّهن يجلدوك
عيونك إذا نور الأمل ما قشعوك..بقبر جهلك والعتم بيدشروك
خليك لاطي بعتم حبر القافيي..النور وصباح النور بدهن يفضحوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الأحد مارس 15, 2009 5:24 pm

حيث بنضالي ما بكابر يا زميل = وروح التواضع مشّحت قلبي الأصيل

ان كان الشهاده حجّتك يا هـ العليل = معناتها العزّ بجهادك مستحيل

عيون الفكر بالمكتبه شقّو السبيل = وكل شي عتم من منطق الحمل الثقيل

ويا وقعتك من بعد م يفلّ الصباح = تقاتل بعتم الليل ومجالو طويل

* * *

كبار الادب والفلسفه السيف الصقيل = سلّوه من خلف العمى وجال الدليل

خير العتم بحسابهن ما هو قليل = وشو فيك ي مكهرب ودايخ عم تميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الإثنين مارس 16, 2009 9:20 am

تراب الجليل ال ما حدا مِنا نسبك ..ما زال بِنور العيون منفتديك
شو ها الفضلْ يا فيوز تيواني ركيك .. ما زال عم بتبشّرو بعتم السميك
نور اللة كوثر الجنة هــديك .. وليلك طويل وبعتم جهلك نسيك
من نور إيمانك تا ربّك تقشعو ..كلما يطلْ الفجر صَلّي ع نبيك



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الثلاثاء مارس 17, 2009 4:04 pm

مش بس كل م يطل فجر على الدني = رح اركع وصلّي ع روحو المؤمنه

عا عتم عصريّه ومغربها الهني = بغلّ بوجد ايمان م بعمرو حني

وانت لأجل نور الدعايه بتعتني = انّك عم تصلّي ي ربّي شوفني

لو ما خلق دخلو عتوم الشيطنه = من قدرتو يجرّب شعوب الكاينه

ما كان عا درب الهدايه ونورها = ايمانك يجلّيك للدين الغني

* * *

عتم الحجر غامر أريج السوسنه = بمكّه وخلد يا صاحبي لا ما فني

ودخّان بخّور القداسه والجني = عبقة عتم من نور الله محصّنه

ان ضلّيت تتطاول ع عرش السلطنه = بشعري بدوّخ فيك كلّ الأزمنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الثلاثاء مارس 17, 2009 7:58 pm

ترّجم يا إبن طراد شو ها العنعني .. بلّش علي عمران يحكي أرمني
خلّي الحجار بعاد عن دُرّي الغني .. حلجي ينشّزْ والوتار مـــدوزَني
ما كِنت عالمحراب ساجد منحني .. لوما الفجر يوعا ع صوت الميدَني
قلّي بأيا وقت بتقيم الــــــصــــلا .. بعتم وضلام الليل أو نُور الــــســَني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الأربعاء مارس 18, 2009 2:02 pm

شو صايبك يا كوثراني بهـ المجال = وم بتفهم الآيات بكتاب الجمال

بلبّ العتم بتشوف نور الاعتدال = ولوما عتوم اليأس ما بزغت آمال

ليلي صلا مش حلم آخرتو الزوال = وبالفجر موصول وبنقلات الكمال

وانت الهربت من العتم يا آدمي = ت تسيهر النزوه على وهج الدلال

* * *

يمكن فرض صلّيت يا ابن الحلال = وجنّ الفجر من غشك وقلّك محال

ولو م العتم بعروق هـ الازجال جال = ما كان لون العطر ع الأوحال حال

كرمال نسمه وزنبقه يسرّح غزال = ويرعى الغزل الهام بشعور وخصال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الأربعاء مارس 18, 2009 5:17 pm

كتاب ألله يا علي ما بفـــتحو .. إلا إذا الآيات نور بينضــحو
وعين البَصْر بالنور حتى تلمحو .. بتكون عينين البصيرة مطمحو
بهرّب من العتمي تا صدري إشرحو .. وحتى غُرورك يبن عامر إكبحو
بدّهن حساسين المنابر يهربو .. لما خفافيش الضلام بــيــسرحو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الخميس مارس 19, 2009 3:41 pm

تركني أنا خفّاش جول ومربحي = اطفي النور بعين كافر ملتحي

مرجع ضمير الحق من ليلي صحي = وجذوة محاسبة التفاهه مطمحي

محمّد عند م استقبل الدين ومحي = غار الجهل بشعاع لا ما يستحي

وتا اخمد النار بقريش وجهلها = عتمو استفرس متل تنظيم الوحي

* * *

ي حبوب بكروم القوافي لوّحي = كرمال ي حساسين تبقي تصدحي

بنورك حرقت فراش للإلفه وحي = بعتمي غمرتو بفي قلبي وجانحي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الجمعة مارس 20, 2009 2:53 pm

ي بن الجليل تعّقلَن وضلّك جَــــليل .. لا تقرص جنوبي بيقصف عا الجَلــليل
مبارح بعتم الملجأ تركتك ذلـــيــــل .. صَفّيت تشكي عَتمة اللــــــــيل الطـــويل
حــيث السوادْ الأعضم بشعب الدخيل .. ت يندمج بنور شــــرقي مُــــستَحــــيل
من عتم فِكــركْ جهل بو جهل الدليل .. من نور جبرائيل هادينا الــــــسبـــيل
وبكلْ حجة عم يصَللو بكــــــعبتك .. عا نور وجهك يا براهيم الخـــلــــيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: وينك خيي حسن   الجمعة مارس 20, 2009 7:02 pm

وبكلْ حجة عم يصَللو بكــــــعبتك .. عا نور وجهك يا براهيم الخـــلــــيل

حلووووو يا حسن اعزرني يا علي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الأحد مارس 22, 2009 10:00 am

ولو يا بوشربل معلوم حلوه

واعذروني ع التأخير انشغلت هـ اليومين

ي قاصد تردع هجوم الجليلي = انتبه من روح ابداعي الجليله

وجنوبي انت لكن يا خساره = مش متلي وانا بيّ الفضيله

انا بايمان بسكر ع الغزاره = بدمّي تشقع وتسقي جليلي

ووقفت بوج مجرم عن جداره = م قدّر قلب خيّو يا خليلي

وت أرضي تنوّر وتشهر قمارا = جروحي زرعت والحبر بسبيلي

وت خلاّ الناس ع الحجّه غيارى = رضي عتم الحزن نور الخليلي

بفدا وايمان بالعهد التوارى = قبل ابنو ضحيّه بلا بديله

ولانّو التاج عا عرش الأماره = طلب منّا عطر سحر الخميله

انا فروض المهاره بكل عباره = وانت صيحات مفروغه ذليله

انا للشعر ورموز الحضاره = بعتمي بحث عقده مستحيله

وانت حسّون هيئه مستعاره = وشرارة روح هوجاء وعليله

ونبينا الطاردوه من الجساره = الاعادي بقصد موتو ع القليله

توارى بمأمن عتوم المغاره = لانّو النور كاشف يا زميلي

وجفونك من شمس نبض الحراره = حمو عينيك يا شيخ القبيله

عندما اطبقو التعتيم غاره = على الآلام شنّ بهـ المتيله

انا عتم العبايه للطهاره = القامه حفظتها سمينه ونحيله

سترت النور بعيوب الإثاره = بفضلي فضايحك قضيت هزيله

انت بالنور عا قمح الكواره = كوّش يا غني بإيد البخيله

وانا بالعتم من تحت العماره = بفقري قانع وراضي بقليلي

تراب الأرض بالقدس المناره = عتم اغلى من الجنّه الجميله

بشعاع الحرب قصفونا وحيارى = تركو جروحنا بجتّه كليله

وكنّا قبل بالعتمه عصاره = من الآمال بقلوب الأصيله

مجاهد بالعتم جدّ وتبارى = مع الأقدار للقيمه التقيله

وبعزّ النور خاين عن جكاره = شهر حقدو نزع طهر السليله

لهيك ارتاح يا بقوة شراره = انت خلّيك عا شرع الاذيّه

وشرعي عصفة مناقب نبيله

شكرا كتير اخي ابو علي كوثراني

وتحيّاتي للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: وينك خيي حسن   الأحد مارس 22, 2009 10:29 am

انا عتم العبايه للطهاره = القامه حفظتها سمينه ونحيله




يا عين يا علي شي حلووو كتير شفت يا علي وقت بتكتب بدون غموض بيطلع شي مميز والله حلوة وانا شخصيا عجبتني كنتير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الأحد مارس 22, 2009 11:40 am

بلاد الأرزْ يـــا ربّي حميــها ... صون ترابــها وأحرس ذويـــها
وهّبها من السماوات الآعالي ... طَيف ونور فاديها ونـــــبيـــــــها

يا صوت الّحق يا نور العدالي ... يا إم النور صلـــــواتك نزيهـــــة
بلادي ان غاب نورك ربع خالي ... شموع الندر دخلك شعشعيها

ما بين المُعارض والــمُوالي ... طواحين الحرب أكلت بَنيــــها
قبل ما تغرق بعتم الليالي ... ببسمة نور مِنكْ بشّــــــــريــــــها

وإنت يا بن الجليل كتير غالي .. بتعرفني يا عامر باالبديـــــها
انجلا ع نور فكري الأرتِجالي .. وشاعر وَزن للكلمي عِطـــيها

النبي يا عامر بنور الجلالي ... مديني منوّرة إسمو بِـــنيها
كيف العتم حولتو رِسـالي ... سوى الجاهل الكلمي م حكيها

يا توماس أديسون عامر قبالي .. بعد ما شمعة فكارو طفيها
حتى يبان نورو من خلالي .. مشعشع تا الدرب حدي مِشيها

شفت حلوي قبالي عم تلالي .. شقرا دخل خالقها العطـــــيها

كأنا لابسي من النور هالي ... الفستان العليها مــــشـتهيها
يا عتم القبر يا كفر الجهالي ... العدرا حقّها بكلمي وفـــيــها
تا يبقى مقام الدين عـــالي ... إم النور سمّــــوها يا عامر
لأنو نـــــــــــور ألــــله عـــــاش فــــــيــــــها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: وينك خيي حسن   الأحد مارس 22, 2009 11:43 am

يا سلاااااااااااااااااااام حلووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الأحد مارس 22, 2009 12:02 pm

تسلم خيي سليمان وعلي قال أشيا حلوي مع أني ضلمتو شوي كان لازم آخد الجانب الأصعب وبالشعر مافي صعب وسهل
إذا بتعّلق عالموضوع بيصير ينتبه أكتر برجعلكن بالليل هلق بمناسبة مار يوسف في حفلة عنا لازم أتركن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hany nassif
بو علي
avatar

ذكر
عدد الرسائل : 340
العمر : 34
العمل/الترفيه : sound engineer
المزاج : مية بالمية
تاريخ التسجيل : 09/11/2008

مُساهمةموضوع: رد: وينك خيي حسن   الأحد مارس 22, 2009 2:55 pm

ابداع يا استاذ حسن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.lcparty.org
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الثلاثاء مارس 24, 2009 9:28 am

هلا بيك اخي سليمان

وشكرا كتير ع التشجيع الرائع

وشكرا عن جديد اخي حسن

يعطيكو الف عافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الثلاثاء مارس 24, 2009 9:57 am

علي عامر كتب:
هلا بيك اخي سليمان

وشكرا كتير ع التشجيع الرائع

وشكرا عن جديد اخي حسن

يعطيكو الف عافيه

ولا يهّمك لا شُكرْ على واجب شدّ, الهّمي وجهزو شي مبارات بين شعراء المنتدى لان صار لازم نطور شوي هاد ا رأيي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: وينك خيي حسن   الأربعاء مارس 25, 2009 8:44 am

وهلّق ت ننقل عا رحاب المستحيل

وبعرف ي ابن جنوبنا باعك طويل

حتّى من الإلهام وعطور الكلام

تسرق حلا الإيّام شي كتير وقليل

* * *

القرّادي ملزمة الكار = بروح الشعر الوقّاده

لا تقرّب ع مجال النار = وخصوصي بالقرّادي

* * *

جبلي نحاس يكيد الماس = وبالضيعه النسمه مضرّه

تا جبلك رقّه واحساس = من الشوكات المصفرّه

وجبلي بشهوة بو النوّاس = رجوليّه وعفّه حرّه

تا جبلك شرّ الوسواس = ايمان وطهر عباده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
حسن كوتراني
عضو برحليوني


ذكر
عدد الرسائل : 332
العمر : 52
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: وينك خيي حسن   الجمعة مارس 27, 2009 7:47 pm


رمــــادي اللوّنْ المتمادي ... بيشبه غيـــمات بلادي
عامر.لا تنفّخ عاالنــار ... بتعمي عيونك برمادي
************

جبلّي من اللبيت الخربان .. مدماك معلّي الطابـــق
بجيب من اللبيت العمران .. السقف العا راسك طابق
جبلي من خلْ الـــــرمان .. الطّعم ل الشهد مـــــطابق
بجيب من بلاد الطليان .. سباغتتي بزيت عـــمادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وينك خيي حسن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: