منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

» لولا الامل
الجمعة فبراير 24, 2017 2:42 pm من طرف غانم حمص

» شاعر إذا بعصُر خَيالي
الجمعة فبراير 24, 2017 2:39 pm من طرف غانم حمص

» كلما يا شاعر هوا....بيهب من لبنان
الجمعة فبراير 24, 2017 2:35 pm من طرف غانم حمص

» ب عيدي
الجمعة فبراير 24, 2017 2:32 pm من طرف غانم حمص

» شادي موسى وبحر الزجل موضوع انتحاري وشهيد
الإثنين يناير 02, 2017 11:14 pm من طرف سليمان

» مروان سليمان وبحر الزجل صمت وسكوت
الأحد ديسمبر 25, 2016 11:29 pm من طرف سليمان

» جون اللقيس وفادي فياض وبحر الزجل عركه ارتجاليه
الأحد ديسمبر 25, 2016 10:35 pm من طرف سليمان

» اشتراكيه ورأس ماليه حسن كوثراني وبحر الزجل سليمان طراد
الأحد ديسمبر 18, 2016 11:54 pm من طرف سليمان

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 اشتقتلكن بربي ! ورجعت ناحر فيكن هههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: اشتقتلكن بربي ! ورجعت ناحر فيكن هههههههههههه   الجمعة أكتوبر 16, 2009 12:49 am


فلحتك يافـــــضا بسكةّ فنوني = تاموّل كل أهل الشعـــر موني
بحروفي زرعتك ليوم القيامي = وإلي لبستني ع المجـــد قوني

وليكن يارفاق بطبع ســـــامي = صرت مشتاق تلمـحكن عيوني
اشتقت للكل من دون الأسامي = من خصومي وأحبّة ناصروني

اشتقت للطق مش شايف ندامي = بمخوخ كبار متلي بـارزوني
ابعثولي اللي طبخ ألفين قامي = وسَلـَموَن القوافـي سلّــــموني

أنا عرفتو بحر بالشعر ظامي = جنونــو طاوع ورافــق جنوني
وفادي الما حنى للخصم هامي = بصدرو الواسع وكلـو مروني

وللحسون شوقي وإحتـــرامي = واذا ناسي حدا لاتواخــــذوني
ولهيفا الجابلي الشعر بهضامي = وأديبـــي مثقففي والشـعر بدو
زجلنا بموقعو تايضل حامي
=======


وبو شربل شفت تهموك الشبيبي = بحرف القافية ورب الكتيبـــي
قليلي عليك بمواقع زجلـــــــنا = خمس أسماء تحمل يا حبيبـــي

نحنا حروف منزيّن جملــــــنا = وما فينا نكون بالموقع عجـيبـي
بتهمةّ زور مامرة قبـــــــــــلنا = التهمك حرف أطوارو غريـبي

واذا شي اسم عنجد انتحـلــــنا = محيط الأطلسي وبحر الكريبـي
ولأنو ماحدا خيّب أملــــــــــنا = رجعت حكمات تادفـّع ضريبي

نحنا من البدايي هـــــــون قلنا = حتى نخفف شــــوية المصيبـة
مع البو بليق ما بيكرج حجلنا = لأنو حرف ملكـــوت المعانــي
وابو شربول أبياتو رهيبي
======

وياحــاكي كذب نيعك ميــن فجـو = وصوتك خوف منو النـت ضجو
ياعيب الشوم تخرس في حضورو = وكلمة ونص ماتحـــــكي بوجو

راجع حرف تايصعد ع طــورو = وعلى محجو المتل حكمات حجو
واذا مابتعرف تداري امــــــورو = ياديب الشعر رح تعـــلق يادجو

نحنا ملوك ها النت ونســـــورو = وموقع شعرنا بيبـقـــــــى محجو
استحي وللشعر تاتنشق عطورو = حروف الحرف أمثــــالك تهجوا

ولأنو المرتجل راجع سرورو = انحنوا للحرف وامجادو ترجـــوا
بمجالو بوشقــو كل البيدوروا = وما فيــهن بالزجـــــــل يعلو لأنو
جلابيط الشعر من قبل هجوا
===========

طلعي ع الغيم يا ريح العتيي = وعلى الفيس بـــوك وديّلي تحيي
وقولي للإدارة شــــو اشتقنا = ع إنترنيت نحــكــــــي بطيب نيي

العمر غدار بالغربة حرقنـا = وعجوز الحيزبي ان رجعت صبيي
بلهب أفريقيا شوبات ذقنـــــا = ياويلي ع بلاد الإفريقــــــــــــيي

نحنا شعب بالغربة عتـــــقنا = وانا من جهتي ما عــــــــاد فيــي
عليي ربّحِت بساحة سبــــقنا = بزجلنا ما حـدا بيــربح علـــــيــي

ويافــــادي طل بحياتك اعتقنا = ولا تـــــــــودي طفالى عنتريــي
معك مشتاق في ساحة سبقنا = على البنزين ندعس فوق ميـــــــي

وياطباخين بالموقع اشتـــــقنا = لطبخ مواقع الكلمة الزكيـــــــــي
عظام نفتفت ونشرب مرقـــنا = وبساحات الوغى نحمي الحميـــي

اقنعوا المشتاق تاياكل فلقنــــا = وتهم غيري بإسم منسوب ليـــــي
رجعنا ننام جمـعة بس فقنـــا = وشــــــفنا الموقع ملفّي طفــــــالى
وعلى الاقزام ما بتشفق يديي
===============

الماذاق بعدو حروب الالامي = تأمين بدو يكون إلزامــــــــــــي
ودفتر عمومي مرتجل بيقـول = رخصـة بدل توت مارك قدامـي

عندي النقابي فاتحة ع طول = وإلا لألله مــــــــــا انحنا قامــي
البيفوت ع هالمدرسة بمريول = بيصرخ ياحرف الشعر والشعار
جوعان دخلك فطّر صيامي
======

انا مش عبد افريقي حقيقي***ولا بقدر بالزجل ما بل ريقي
القوة بحب مابحب الجبــــاني = وبثاني اندلس فاتح مضيقــــــي

بعمري ماعرفت مرة الخياني = إلا بموقعي وضدي فريقـــــــي
ولأني حامل رسالي امــــاني = سألو سليمان بالموقع صديقي

ولأنك ياابن ناصيف هـــــاني = صديق بموقع الكلمــة حقــــيقي
ع جنبي قوم تانوضع إدانـــي = فيها نقص رقبات الطــــويـــلي
الطريقك عارضو يما طريقي
==========

وياعمـار اللي الماعم تقدر تعلّي = راجع حرف ليك بحرف عــــلة
انـغببت كلفتني إقعـــــــد محلك = وقلي ليش مابتقعد محلــــــــــي

افتكرتك صاحب مواهب ع حلك = ومتل مــــــابملك بتقدر تمـلـي
مـديـــــــــر عملت تتكبر ياذلك = الجرة دموع من عينيك مـلـــي

تـعـــا ع الحـرب مشتقلك تاقلّك = المراكز كلها بعيني ممـــــلـــي
إتـبـــــع حرف ع القـافي بيدلك = ويا انتي يا انا بموقع زجـــــلنـا
الغلط بيناتنا ماضل حلـي
=====

وتعــوا يا سائلين بشوق عني = أنا بي أمـــــــركن وقت التمني
طلبوني بكل ساعة بتوجدوني = عملت إلكن عبد مرهـــون فني

اذا بمحفل قسم منكن عطوني = الحفلـي بشوفها ع الارض جني
ورضــــوان القوافي ع فنوني = الوحي بيـشنـّـــكـل لعندي بمينو
كرامةّ عينكن لو جيت غني
======

ولأنو قررت صير عميد الركن ياويلي عليكن ههههههههههههههه

وهلق على افريقيا شو بقــول = الفيـها جمـال الليل والبسمـــــــــي
وشفاف فيهـا والحلا معسـول = ومشــتاق قلبي يطل للنسمـــــــــي

ماشفت غير عبدة معي ع طول = والعتم عمشق كبّش بجســـمــــي
قربت ليها فكفك المريــــــــول = قالت مابدي تفكفكو رسمـــــــــي

شلختو بايدي وقلت مش معقول = لاقي ع صـــــدرا حافري اسمـي
وبيناتنا من الشوق للمعمـــــول = في فضول عندي إفحصو ع طول
تا ذوق كـنها طعمتو دسمي

=====

وصارت معي بأفريقيا حكــــاية = بأول وصـــــــولي بعلق الغايي
عبدي لقيت مشفتري طراطيم = تعلـقـــــــــــــــت فيها متل لهايي

قِلاّ في عندي شغل قالت قـيم = بأيّا شغــــــــل حرف الحلو جايي
أهلا وسهلا فيك ألله يديـــــــم = العاطيـــــــــك خلقة متل المرايي

وقديش عملوا بموطنك تعتـيـم = أكـــــــــثر بوجّي بشوف عتمايي
لكن عند ما بالقلب بتقــــــــيم = بتحكي بأصلك من بعد ماتشــوف
وبالفعل عن ماشفتها كفايي
====
أوّل لقانا وطلعت معها = رندح قوافي بغنج دلعـــــــها
ساعات ولعـــــــهـا ع نار الشوق = وساعات فيي ولوع ولعـــــها

وقديش ســـــــودي بس فيها ذوق = بالكاد وسط الليل إقشعــــــها
وتاتلفها العتمــــــات تفرض طوق = وضحكةّ سنانا البيض تلمعـها

وعيوتها مزاريب كرجوا فوق = لما اشتلقت رح بودعــــــــها
ومن ويت قالت رح بلاقي جوق = مجـــمع لوحدو فكار قد الحرف
ونفسي غزل بالشعر يشبعها
======
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hany nassif
بو علي
avatar

ذكر
عدد الرسائل : 340
العمر : 34
العمل/الترفيه : sound engineer
المزاج : مية بالمية
تاريخ التسجيل : 09/11/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 16, 2009 3:32 am

اسمالله يا حرف عليك شو موفي
العالم بكفي و حرفك بكفي

طولت يا حروف عالاحباب
بيكفي يا حرف غياب بكفي

تفضل معي عالنت دق بواب
في ناس لازم دمهن نصفي

الحكى غلط عنك يا سبع الغاب
يا بتزعو بالارض يا حروف
يا بزرعك يا حرف بكفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.lcparty.org
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 16, 2009 12:33 pm

رجع عا المنتدى حرف القصيدة***وبلّش بالهجا يحمّي الحديدي
وما بعرف ليش بيفلّت لسانو***على أرباب موقعنا العنيدي

الزجل يا حرف غالي صولجانو***وما فيك تطعّمو بقطعة زهيدي
اذا عمّار رح يسرج حصانو***بتطلع متل غبرة خلف منّو
وانتي بتشهد مواقع عديدي

***************

تعا يا ليل غطّي عا سوادو***رجع حرّوف من رحلة جهادو
وفتح بالمنتدى نار التحدي***وواقف رح يضل بأعتقادو
هههههههههههههههههههههههههههههههههه
انا ما كان بالتأهيل بدّي***راسك كسّرو وكسّر عنادو
بس جبرتني بأبيات حدي***تفيّق جمر فيه شوق زادو

انا بحر القصيدة ومين قدّي***الغرقوا بلجتّي ما يوم عادوا
انا جزري الحياة الموت مدّي***انا تاريخ قدموس وبلايي
ما قدرو الناس بالعلم استفادوا

************
واذا بيشبّهوني فيك بكبر***لأنك شاعر الكلمة الموقّر
وانا ما نكرت حتّى الشك فيي***يصير بموقع المشهور منكر
هههههههههههههه
انا يا حرف ما عملتك مطيي***ولا حبّيت اذكر مين فكّر
حملت اسمك بروحي بطيب نيي***وصرت اكتوب لحتى النت يسكر

لقيّت الشك فيي صار نيي***وانا ما بحب ألا طق عنتر
انا بحب البلاغة الشاعريي***وما بقبل طلّع الواشي عا منبر

واذا قصّرت لا تعتب عليي***ما عندي حظ باللوز المقشر
انا معتاد عا سباع المنيي***ما فيني اااكل كواز الشمندر
اذا ما انرش فوق الصحن سكّر


هلا بربك اشتقنا هير عا السريع راجع بعد الضهر عهههههه*************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 16, 2009 6:32 pm


حرف الى هاني
بكفك زرعني عن قلب صـــــافي = بتحصد بذارك مد بالكــــافـي
وبعطيك منجل من حروفي صرف = بسدق المحبة ووهجها الدافي

وين اللي مابين النحو والصرف = الناوي توعّي و عـ يون الغافـي
حسابن نصفي الدم يجرف جرف = مخوخ البيكون فيوزها طـــافي

إومي ياهاني بإصبـــــعك للحرف = حتى يصفي الدم والعـــــافـــي
وكل العليي قلقـــــــلوا بهالظرف = ونذروا نذر في غيبتي حافــــي

روس البلا وجدان بدها قــــــرف = واللي ضميرو بعدل مش وافي
بيغرف حشيشي بالتعاطي غـــرف = يضلوا بعاد أحسنــلون لأنـــو
محشش قلبنا نغني قوافـــــــي
===========

حرف الى سلمون
اسم عشك يانسرك الفن قمبــر = طلع منو بوشربل نسر قنـــــبر
صفيرو بعزف بريشات عودي = وبنقداتو قراعي خصام طمــبر

طلعت ع النت عانقتو بخلودي = بعواصف صار منها الجو أغبر
اشتقت بارز بساحاتي اسودي = وراسك طالبو تطلع قبـــــــــالـي
مابدي تبعثولي ولاد منبر
====
نادي صاحبك بالشعر نـــــــــادي = رجع حرف القصــــايد والنوادي
غيرك ماحدا من الشعر بـــــــــدي = اذا بطلع على صهــــوةّ جــوادي

ومن الفيس بوك فادي كان ضدي = وصرنا صحاب من بعد الاعادي
وبعدو صاحبك عمـــــــــار حـــدي = مقصــــــــــــر كل ما بغني قبالو
بيهرب يختبي في تيم وادي
====

سمعت لغمك برعد الشعر فسّك = حسبت لعبةّ كلل ماجبت طسك
وحرف مدفع منـــــقـّف كل كلي = منها برقتك سحســــوح طسك

مابزغر فيك يا أهـــــــلا محلي = اذا جايب عطر فــــايـح ممسك
وإذا بالبهورة بتطــــــــــل طلي = بصلعةّ صاحبك عجّــــل تمسك

وعليها زحط وزيـــــــــد التبلي = لأنو العا السبع أشبــــال وسك
سعرو ماعدت ياشريـــك غلّي = وانت لو صاحبك نـــاوي تعدّو
تاحرّم يطلع على النت حسّك
======
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 16, 2009 7:40 pm

مراحب والف الحمدلله ع سلامتك خيي حرف

بس ما تآخذني عندك مشكله بقفلة اوّل قصيده

وهي بالقافيه

انت عاملا على نفس قافية الصدور مش الاعجاز

واكيد بالغلط مش مقصوده

هي من لهفك للتحدّي والطق يا خيي

ولا كيف خيي بو شربل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
hany nassif
بو علي
avatar

ذكر
عدد الرسائل : 340
العمر : 34
العمل/الترفيه : sound engineer
المزاج : مية بالمية
تاريخ التسجيل : 09/11/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   السبت أكتوبر 17, 2009 3:27 am

شو بدك يا علي لو حرف كسّر
اكيدي مش بقصدو يا معتر

الغضنفر يا علي بالغاب بعدو
كتر ما شاب متسمى غضنفر

و حرف القافية لو طال بعدو
بعدو نسر عا خشابك يا منبر

تعا يا حرف حرفك طاب وعدو
للتاريخ تا نسجل عا دفتر

حتى نرجع المرسح لسعدو
انا و ياك نهجم عالبقية
تانقضي عا المختير و المهرهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.lcparty.org
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 4:12 am

طلعي ع الجو ياريحي العتيدي = لمجدك ماوصل مجد التلـــيـدي
سطح الارض بعد الجو شقـــي = اذا قزقز على سقعةّ جليــــــــدي

وطلّي ع الحبايب بعد شــــقي = وع هاني الماترك تمرق طريدي
لأنو بشوف طقو متل طقـــي = باعلان المبوب بالجريـــــــــــدي

القوافي بزر لو عدنا نفقــــــي = وروس ندحرج بعلقة جديــــــدي
غير هاني ع جنبي مابنــــقي = العلاقة بيننا زيادي وطـــــــيـدي

وانا لولا ختمت عن قصد حقي = ونصبت فخوخ للإعدا بإيـــدي
لأنو مشلهبي بيوتي بدقــــــــــي = قمت كسرتها وضنيت قــــرعة
بلا حكمي وبضنوها شديـــــدي
============
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:09 am

طوني شلهوب قال

يا هلا بحرف اشتقنالك

شو القصة راجع مفيرس هيقتك من إفريقيا هههه

ليش عم تتصارع إنت والوزن هيك ؟؟؟
بعدان معقول ما ذكرتني بالقصيدة ؟؟؟ بعدك زعلان إني قضيت عليك بموضوع صخر ونهر ؟؟؟ ههههه

لاتفكروني عبد إفريـقــــــــي = والسم عم بيشط من ريقي
القوة بحب مابحب الجبــــاني = وبثاني اندلس فاتح مضيقــــــي

هون الأوزان سليمة بس في وزنين ، وزن أوّل بيت غير وزن باقي القصيدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:10 am



حرف

شو رح اذكرك وزغيب قلـــــي
الوزن تنين بتشوفــــــو ياذلــــي
صوتك ضفدع منسمع نقيــقـــو
ورحت ع الاوف أوفاتك مذلـــــي

الحرف مابيطعن بشعرو رفيقــو
ولأنك مافهمت شعر التســلـي
لشعرك عدت نشف قصد ريقـو
على فخـوخ الزكا بجـــو التجلي

انتي وحكمت من الوهم فيقوا
بحر الحرف لاتزقوا بسلــــــــي
ولأني الضعف فيكنق مابطيقو
تركتو ينخزك من تحت باطــــك
لاني شايفك حاطط مسلــــي
===============
ياويلي عليكن هههههههه علقتو
وشو القصة ؟ !!!!!!!!!!!!!!!!!!
ورجعنا لحيّر ميّر بس هالمرة
سحب قصاب
وررررررررررررررررررررررررررمي
عليهم
يلا رح طبشكن مافي يا امي ارحميني هالمرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:11 am

وهلق لسليمان هههههههههههههههه



اسم عشك يانسرك الفن قمبر = طلع منو بوشربل نسر قنـــــبر
صفيرو بعزف بريشات عــــودي = وبنقداتو قراعي خصام طمـــبر

طلعت ع النت عانقتو بخلــودي = بعـــــواصف صار منها الجو أغبر
اشتقت بارز بساحاتي اسودي = وراسك طالبو تطلع قبــــــــالـي
مابدي تبعثولي ولاد منبر
====

نادي صاحبك بالشعر نــــــــادي = رجع حرف القصــــايد والنـــوادي
غيرك ماحدا من الشعر بــــــدي = اذا بطلع على صهـــوةّ جــوادي

ومن الفيس بوك فادي كان ضدي = وصرنا صحــاب من بعد الاعادي
وبعدو صاحبك عمــــــار حـــــدي = مقصــــــــــر كل ما بغني قبالو
بيهرب يختبي في تيم وادي
====

سمعت لغمك برعد الشعر فسّك = حسبت لعبةّ كلل ماجبت طسك
وحرف مدفع منـــــقـّـــف كل كلي = منها برقتك سحســــوح طسك

مابزغر فيك يا أهـــــــلا محلــــي = اذا جايب عطــر فــــايح ممسك
وإذا بالبهورة بتطـــــــــل طلـــــي = بصلعةّ صاحــبك عجّـــل تمسك

وعليها زحط وزيــــــــد التبــــــلي = لأنو العا السبع أشبــــال وسك
سعرو ماعدت ياشريــك غلــــــّي = وانت لـــو صاحبك نـــاوي تعدّو
تاحرّم يطلع على النت حسّك
======
ياويلي عليك شو كان بدك بهالشغلي
هههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:11 am



طوني شلهوب


بصوتي فاق كفر المجدليـّة

وبشعري داب طهر المريميـّة

ولأنـّي متل عيسى عالمنابر

ضروري يلتقوا فيـّي سويـّـة





صوتي فاق خاطي وعاش كافر

ولأنـّو كلمتي بقيت نقيـّـة

ضمير الشـّعر وقلام المحابر

صارو يقدّسو فعل الخطيـّة





كانت طلـّـتي طلـّـة أكابر

سآل الشبّ وسآل الصبيـّـة

وحيث بترفض بصوتك تجاهر

عرفنا نغمتك منها شجيـّـة

وحيث خفيت رسمك عالمظاهر

عرفنا طلـّتك منها بهيـّـة

ضروري بمجدها العالم تفاخر

وتفرض حالها بنبرة قويـّة

وضروري تطمّ حالا بالمقابر

إذا بتبقى بحالا مستحيـّة




رصيدك كان إنـّـو تضلّ حاضر

بكمّ ردة وقصيدة من عشيـّة

ويا ريتك كنت لا حاضر لا ظاهر

بمظهر ضعف بعيون البريـّة

مرة الوزن عم تكسر يا شاعر

ومرّة كلمتك منها غنيـّة

إنت بالشـّعر كذبة ووهم عابر

فيك بيستحي مجد المنابر

وأنا بيشوف حالو المجد فيـّي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:14 am



طوني شلهوب

هههه
مقبولة منـّك بس صراحة ما رح أعرف ردّ عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:16 am



فادي فيّاض

هههههههه ولك شو دابكي منيح

يا حرف سماع مني هالعبارة
لأنك للزجل بعدك منارة
سافرت وعم تهدد الموقع
وبأول رجعتك شنيت غارة
ههههههههههه
الشعر يا حرف حتى يصير يقنع
بدو شاعر فكارو عذارى
وانت مأثر بإبن المقفع
وعندك متل ما عندو غزارة
صديقي انت وجبيني بترفع
وقبل ما الحرف مع فادي تبارى
متل أعداء كنا بظرف موجع
وصرنا قلوب عالكلمة غيارى
على أفريقيا عا بلاد اوسع
رحت بقصد شغلك والتجارة
بقلك زورها تا المال تجمع
وعا شعرك قردها لو فات مرة
ما بدي تزورها بعمرك زيارة

حبيت أعمل هالمداخلة الشعريي تا قول انو يا ريت بتبقى المبارزة الشعريي بالفكرة الملياني والصورة الناعمة ونبعد عن عبارات التجريح والهجوم الشخصي المباشر
بعرف حالي بمون على صديقي حرف بهالموضوع رغم اني بحواري معو ببرحليون مرق عبارات أقسى بكتير من اللي مرقوا ومن وبعد هالمباراة صرنا أصحاب هيدا اسلوب حرف :ما إلك صاحب إلا من بعد مباراة وقصايد هجا
يا ويلي عليك يا حرف ههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:18 am



حكمة شديد


هاهاهاها

الواحد شو بدو يقول؟؟؟؟؟

بهدلي وتعتير... هاهاهاها

شوفو هالمستوى وهالمطق الأعوج والهابط واتنو حكمو
"
وياحــاكي كذب نيعك ميـــن فجـو = وصوتك خوف منو النـت ضجو
ياعيب الشوم تخرس في حضورو = وكلمة ونص ماتحــــــكي بوجو

"


الإناء ينضح بما فيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:26 am

حرف كتب : هالقصيدة ورح إرجع نزَلها بتصرف


أهلا بفــادي الي نطـق ايـــــــات
وفيّق شعور الشعر بالأمـــــــوات
أجمــل عبارة رندح ومفـــــــروض
بموقــع زجلنا نغــــــــرس الارزات

وطوني انمزحنا بالوزن وعـــــروض
وبطلتك ع الأوف والشاشــــــــات
لما الحرف بيطل يعطي فـــــروض
بتطلع صديق الحرف بالسـاحـــات


ولبيّك يابنك العطانا قـــــــــــروض
فادي انت بتمون ع الدمـــــــــــات
بتجريح مابدينا بعد مرفــــــــــوض
لكن ع سيرة قــرد وزيــــــــــارات


معرض محبي بقلبنا معـــــــروض
اللبوات فيـــــه وزينةّ الستـــــــات
ولو قرد خلسي منقشعو ممروض
بيكون فالت قرد افريقي
وفايت على الموقع من الغابات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:28 am



حرف


مش هيك كان القصد يافــــــادي
تمحي لحرف الما بدل عـــــــادي
البدّل عوايـــــد بالمثل معــــروف
خسر السعادي منعرف زيــــادي

العصفور مابيعلى بمجال رفـــوف
مهما بصفير نســــــور بيـــنـادي
ياريت بترد الإلي محـــــــــــذوف
ونفلش طريـــق الشعر سجادي

ولو صار لون اللي هرب مخطوف
قلو حرف مابيقبل يعــــــــــادي
طرطور لو لابس مقنع صــــــوف
ع الطود مابتشمـــــخ ولا وادي

ولو عد اســمي واحد من حروف
البيشوف حرف بفكـــــــر ولاّدي
معليش يمكن تايصير يشـــــوف
في وقتها بيقشع حرف قدموس
وشاعر وهبت الروح لبــــــلادي
==================
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام
avatar

عدد الرسائل : 2699
تاريخ التسجيل : 13/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 18, 2009 11:29 am

جنرال المواقع

بو شربل
دفاعا عن الصديق العزيز طوني شلهوب عميد الغزل
هههههههههههههههههههههههه


يا حرف سماع منّي ولا تغنّي
اذا ما كنت بالموقع مغنّي

صرت كتيير بالموضوع تجرح
عميد الوزن بقوافي مسنّي

انا بعرف بأنو جيت تمزح
وصديقك بالزجل بحكي لأنّي

منها مرجلة عا النت تدبح
عميد ان كان عندو الصوت أنّي

اشترك بأووف مع موسى تمرجح
ومتل دبّور صوتو زن زنّي
ههههههههههههههههه
حرام عليك عنّو تقول شرشح
بحلقة زفت..!!!تاريخو الفنّي

انا طوني صديقي بحب أنصح
تروك المنبر وأوعى اتّتني
هههههههه
واذا بتحب يا أنطون تنجح
تعا لعندي عا معهد للموسيقى
تا تاخد طبقة النوتات منّي
هههههههههههههههههه

قائد أوركاسترا النت اللبناني الأصيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأحد أكتوبر 25, 2009 7:29 am



أنطون بعرف منّك حقودي
ولو حواجبك عا النت معقودة
ع الأوف مابتطلع حروف الدم
بدها غابات سباع وإســـــودي

وحتى العطر بالقافـــية ينـشــم
بعبي ورد بمشــــاط بــارودي
وطوني رفيــــقي مابيهكل هـم
بيعرف حرف للمزح إنشودي

وع معهدك لولا قـصد ياعـــم
يعزف علـى نوطات محدودي
بيقطـع الدوكا والوتــــر والبـم
ان شافك نشاز مدافع وبيــفل
تايعـود ويدندن على عــودي

==========

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الأربعاء أكتوبر 28, 2009 3:38 pm

hany nassif كتب:
شو بدك يا علي لو حرف كسّر
اكيدي مش بقصدو يا معتر

الغضنفر يا علي بالغاب بعدو
كتر ما شاب متسمى غضنفر

و حرف القافية لو طال بعدو
بعدو نسر عا خشابك يا منبر

تعا يا حرف حرفك طاب وعدو
للتاريخ تا نسجل عا دفتر

حتى نرجع المرسح لسعدو
انا و ياك نهجم عالبقية
تانقضي عا المختير و المهرهر

ي هاني الضايع بدرب القوافي
وعم تدافع عن ولاد السخافه

ي نيّالك على عقلك الازور
بدال الفكر محشي بالكنافه

انا ما قلتلك هـ الحرف كسّر
قلت خربط بقافية اللطافه

واذا تهوّر كسر راسو وفنجر
انا شو خصّني بمحل الفيافي

واذا الشاعر غرورو نهار بشهر
م لازم تمدحمو بشرع المبادي
م بين المجد وشكالو مسافه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الخميس أكتوبر 29, 2009 2:31 pm

انتي مين قلك حرف مشتقلك هههههههههههههههه خلص مرة بطق الواحد بس.

والشباب شعار و لاني مشتقلن رجعت ناحر فيهن بس انتي لامشتقلك ولا بدي طقك

ولا انتي شاعر

لا تتدخل بما بلا يعنيك افضل ماتسمع شيء مابيرضيك
وجربتك مرة وكسرتلك راسك ومين جرب المجرب كان عقلو متلك
زحط عن راس ايد حرف بقا
وعلى فكرة لاحقني عرفت مين حرف وع اسم بييك شو فزعان منك انا
قلتلك بمنتدى الزجل عند عمار قول ولا تخاف ومابعرف شو ناطر
قبلك تهموني عمار وسليمان وامطانيوس ومش مشكل مين ماكنت
وآخر همي واذا بتعرف حرام عليك ماتحكي والخ الخ الخ .......
=====================

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الخميس أكتوبر 29, 2009 8:47 pm

اوّل شي برافو شو هـ الادب منين جايبو

وثاني شي اذا شاعر ولاّ مش شاعر مش ناطر شهادتك

وثالثا يا هـ الحرف ما رح احكي وانت حر تصدّق او لا

محبّتي واحترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
hikmat chedid helou
مشرف
مشرف


ذكر
عدد الرسائل : 114
العمر : 50
العمل/الترفيه : Professor of Computer Engineering
المزاج : shu yi3ny?
تاريخ التسجيل : 14/03/2009

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 30, 2009 12:30 pm

له له له يا شباب. عا مهلكن. جيب الإطفائية يا سليمان.

يا عمار عن يتحداك ويقلك قول. إذا بتعرف قول....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي عامر
عضو مميز
عضو مميز


ذكر
عدد الرسائل : 218
العمر : 33
العمل/الترفيه : المطالعه
المزاج : ناقم
تاريخ التسجيل : 02/07/2008

مُساهمةموضوع: رد: اشتقتلكن بربي ! ورجعت ناحر فيكن هههههههههههه   الجمعة أكتوبر 30, 2009 2:26 pm

خيي حكمت القضيّه بسيطه بس اذا بدّك شو الافتتاحيّه اللي كتبتا لحرف بمنتدى عمّار

صحيح كانت قاسيه بس ضمن حدود الادب منشان هيك هو زعل ولانّو ما وفا بوعدو

والشغله طوّلت وانا من محبّتي الو حبّيت اكتب معو كمان جوله بس بشكل مرتّب

بس ماشي الحال ما في داعي يكشف حالو

وشو يعني حرف مشحّط قبال محيط اللغه

مع محبّتي واحترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://paperstan.editboard.com/
 
اشتقتلكن بربي ! ورجعت ناحر فيكن هههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: