منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» قصايد بحر الزجل2
الخميس أغسطس 11, 2016 11:51 am من طرف سليمان

» قصايد بحر الزجل
السبت يوليو 23, 2016 8:01 pm من طرف سليمان

» شادي موسى وسليمان طراد نص وكل
الخميس يوليو 14, 2016 10:18 pm من طرف سليمان

» تلاتي وواحد حوار عدنان سعيد وبحر الزجل
الثلاثاء يونيو 14, 2016 11:53 pm من طرف سليمان

» بدر حجاوي وبحر الزجل تعدد الزوجات
الأربعاء أبريل 27, 2016 7:12 pm من طرف سليمان

» فادي فيباض والبحر شد ورخي
الأحد يناير 10, 2016 5:29 pm من طرف سليمان

» عدنان وسليمان نقد زجلي
السبت يناير 09, 2016 8:26 pm من طرف سليمان

» سليم شلهوب وبحر الزجل عين وقلب
السبت يناير 09, 2016 8:14 pm من طرف سليمان

» Richard Abi Khalil وبحر الزجل
الأحد يناير 03, 2016 4:57 pm من طرف سليمان

» امي 2
الجمعة ديسمبر 11, 2015 12:33 am من طرف غانم حمص

» ملكه
الجمعة ديسمبر 11, 2015 12:22 am من طرف غانم حمص

» شارد
الجمعة ديسمبر 11, 2015 12:19 am من طرف غانم حمص

» أغنيه
الجمعة ديسمبر 11, 2015 12:17 am من طرف غانم حمص

» شاعر إذا بعصُر خَيالي
الجمعة ديسمبر 11, 2015 12:15 am من طرف غانم حمص

»  شبابيك السما
الجمعة ديسمبر 11, 2015 12:13 am من طرف غانم حمص

» جبين السما
الجمعة ديسمبر 11, 2015 12:10 am من طرف غانم حمص

» شحروره 2
الجمعة ديسمبر 11, 2015 12:04 am من طرف غانم حمص

» جرح السفر
الجمعة ديسمبر 11, 2015 12:02 am من طرف غانم حمص

»  انتي
الخميس ديسمبر 10, 2015 11:59 pm من طرف غانم حمص

» مصروف السما
الخميس ديسمبر 10, 2015 11:52 pm من طرف غانم حمص

» ب عيدي
الخميس ديسمبر 10, 2015 11:44 pm من طرف غانم حمص

» ختياره
الخميس ديسمبر 10, 2015 11:42 pm من طرف غانم حمص

» بعد ما الشعر خمرتو برواقي
الخميس ديسمبر 10, 2015 11:40 pm من طرف غانم حمص

» فَشِِّة خِلق
الخميس ديسمبر 10, 2015 11:38 pm من طرف غانم حمص

» حتى صروح من المحبه
الخميس ديسمبر 10, 2015 11:36 pm من طرف غانم حمص

» خيام
الخميس ديسمبر 10, 2015 11:34 pm من طرف غانم حمص

» بيروت يا بيروت يا بيروت
الخميس ديسمبر 10, 2015 11:32 pm من طرف غانم حمص

» مبارح
الخميس ديسمبر 10, 2015 11:29 pm من طرف غانم حمص

» حضن الشعر
الخميس ديسمبر 10, 2015 11:16 pm من طرف غانم حمص

» توقيع كتاب عصام يوسف
الخميس ديسمبر 10, 2015 11:15 pm من طرف غانم حمص

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 صفحة الشاعر الدكتور اياد قحوش

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
7arf
مشرف
مشرف


عدد الرسائل : 519
تاريخ التسجيل : 15/03/2008

مُساهمةموضوع: رد: صفحة الشاعر الدكتور اياد قحوش   الأحد مارس 14, 2010 5:00 am


بليلة قمر وحساب ع الهلي
مارد نبوغي هل هالهلي
اتدروش حنيني صوب برحليون
تالحرف ضمن ربوعها يصلي

تخايلت راجع ع الوطن سلمون
وياحرف قلي وينها الطلي
كحّل رموش مواهبو بفنون
وأشبال جنبو الراس بتعلي

ووعيت من حلمي فتحت عيون
وحسيت حالي بدر ع التلي
ركعت وصرت واقف متل مجنون
تايعود حلمي الكان متحلي

ياريتني غفواتي بلا مخزون
وياريت ما اوعى بجنب خلي
كان ع القليلي بالحلم بيكون
شبه الحقيقة الشفتها بالنوم
هلالين صرنا وبدر متجلي
===========

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأحد مارس 14, 2010 10:07 am

هلالين صرت

ونجمة

لعندا

ذنب

وثعلب خيالك

ما قدر

طال

العنب

متل الواقف

ضل

بنص

الطريق

بيرجف قصب

قدام

ملكوت

الأدب


بحر الزجل

يا ابني اتعب عا شعرك اكتر ونحات ههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء مارس 16, 2010 9:13 am

--------------------------------------------------------------------------------

موجه
هديي للبحر
**
يابحر
موجه كنت بعبابك
مخنوق .. عم بتلفّني تيابك
مره .. تهوج العاصفه
عللي
ومرات تهدا .. وإبلع ترابك
ولمّا حنيني للأرض
قللي
إترك سماك و اهجر صحابك
وبلّشت إسبح .. إسبح
و صَللي
تاعيش عابحبوحة غيابك
ت تعبت
متل سلاح عصمللي
وسبّيت عللي جابني وجابك
و وصلْت عالشاطي
شفت تلّه
م قدرت إطلعها
وعن الروشه
كبّيت حالي .. و متّ ع بوابك


**
ونحنا من بعدك ياسليمان ياأستاذ
خيّك إياد
وشكرا عمحبتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء مارس 16, 2010 9:15 am

صليب الدرب



**
بقراك
بسمع صوت عم يرجع رجوع
بيفوت عا قبل الدني
و بيلفّ كوع
بيجيب جمعه
دموعها بمشهد غريب
بتنزل على خدود السّما
بتشعل شموع
*
شفتك تلج
نازل على جبال اللهيب
متل الصّيام
معمّدو بخّور جوع
ولابس دموع
الكون حدّك عندليب
عاقدّ ماعطشان .. عم يشرب دموع
بتمشي الطريق .. الآخرو درب الصليب
بتشلح خيالك
ضو بيضوّي الطريق
و غَر شكل
إنت خْيالك بيطلع طلوع


**
د. إياد قحْوش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   السبت مايو 29, 2010 11:08 pm



و عمتسأليني ليش عمأشرب عرق ??!!
كتب معلوماتية الهوى
الثلاثاء, 25 ماي/آيار 2010 18:43
هذه القصيدة للدكتور إياد قحوش من أجمل القصائد التي لها تأثير خاص في نفسي....إهداء للصديق آرام الجمّال الذي عرّفني على كتابات العظيم إياد قحوش
صوتك بَرَق ....
بالبال...
و همومي ضباب....
و سمعت منك شي ألف مية سؤال...
انسلو بشقوق الخوف متل المي..
و عمتسأليني ليش عمأشرب عرق؟


صوتك بَرَق
رح خبرك ...
رح خبرك...روقي
بشرب أنا تالنار بعروقي
تخمد متل مجد العرب ...و تموت....

رح خبرك ...روقي
سمعتي بحلم بيروت...
المن تحت المخدة انسرق...؟
بيروت يا بيروت...
يا باب حدّ البحر ...
و بيوت أحلى بيوت

صوتك بَرَق
و عمتسأليني ليش عمأشرب عرق؟

سمعتي بجمال الشام...
و شو بخبرك عالشام...
الشام هيبه
و نار بالطلعة
و كان ياماكان....
كانت متل قلعه...
و رعدت الأرض كتير ...و صار الغضب طوفان...
و انهدت القلعه....
و طيّر صلاح الدين من مركبو شوحه....
و لليوم مارجعت الشوحه
ولا طيف من بكرا مرق

صوتك بَرَق
و عمتسأليني ليش عمأشرب عرق؟

و بغداد مجروحه...
وعصفورة ل بال قدس مبحوحه
"وشابوش لملوك العرب..."

و عامين جن...و شال هالكف و ضرب...
خدود للي باعونا
تالنفط يطلع من عيون المجرمين..
عامين يشفي هالغليل و بالرمح...
عارقبة التنين..
يضرب ....عالجبين...
وعالقلب ...عالتم...تايذلو
تايفيق بالصخر الضمير...
ويفزّ ويقّلو ...انتى العدو...
انت المرض كلو

و عمتسأليني ليش عمأشرب عرق؟

بلادي قصيدة شعر...و الشعر انحرق..
وبحزن عمنادي
ياخطي يا بلادي...
ماضل منك غير رسمة عالورق....
هلق عرفتي ليش عمأشرب عرق؟
************************


وهيدا الرابط للأمانة

http://www.7aba.net/mag/index.php?option=com_content&view=article&id=386%3A2010-05-25-16-43-17&catid=38%3A2009-10-24-21-27-46&Itemid=90
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يونيو 01, 2010 7:20 pm

الدهليز


إياد قحْوش







الدهليز

قلعه .. بابها مفتوح

بتفوت من قلبو الدني .. وبتروح

ياما القمر

عاعتبتو استنّى

ت يديّنو من العمر شهقة روح

وياما ع حجرانو

الشّتي تحنّى

بغبرة مجد فوق الزمن مشلوح













الدهليز ضهر

ومنحني عنّا

صخره بيتْشَهْوَن عليها نوح















قبّه

الدّهر قدّامها غنّى

كرجة عتابا

من قلب مجروح















عِتْق التراب

بصحبتو تهنّى

ومرات بيروّج بعمرو يبوح














السايح «تمنّى يرجّعو منّا»

ت تضّل ع طرافو

السنين تسوح

وحتى القصب

بيضلّ يتمنّى

يغبّ الهوا الجايي

من الدهليز

تيضلّ صوتو للأبد مبحوح








* *




الدكتور إياد قحْوش



























مجلة السَايح الشعرية - تصدر عن موقع ضيعتنا مرمريتا











[size=21]
شربل روحانا
Charbel Rouhana - e3ada
[/si
ze]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
copilo
عضو مميز
عضو مميز


ذكر
عدد الرسائل : 265
العمر : 44
العمل/الترفيه : lawer
المزاج : very good
تاريخ التسجيل : 19/04/2008

مُساهمةموضوع: رد: صفحة الشاعر الدكتور اياد قحوش   الأربعاء يونيو 02, 2010 12:39 am

ممتاز ممتاز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأربعاء يونيو 09, 2010 11:29 pm

Kahwash Eiad **
اياد قحوش وعصام يوسف

تشربكت فيكي
وكل شربوكي
بتلفّني ع زرار مفكوكي ...
وهمسك
نزل عاخاطري طْرِنْبَه
وبلّش يضخّ هموم متروكي
شردت بسماكي الطايفه
أنبا
شارد بقبّة قصر مملوكي
وبالجو
لمّا احترقت اللنبه
عربشت عانجمة أبوكرسي
برمتك قمر سطّعش
عالسّوكي

Issam Youssef بيت الشعر لابس
تياب العيد
و بجيبتو
من العطر عيديه
جدّو الدّهر ... Ver más
عاطيه
عمر نبيد
و ستّو الدّني ..
شابيك حريّه
و بيّو
عِمِلّو قوس
و عواميد
عا طاقة المجد
السماويّه
و خبّت إلو أمّو
قمر بالإيد
تا تدوّقو
من الضو غنيّه
و جابت
إلو خزانة
ربيع
جديد
لاقى فيا شال
النهر مفلوت
و طاقيّة
القرميد مكويّه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأربعاء يونيو 09, 2010 11:33 pm

اياد قحوش

وينك ؟
متل لمحه بتمرق عالفرس
بتشدّ بلجام الحكي .. بيعمى الخرس
بتضرب بسيفك
عالفضا
...بتفرطعو
بيفلت .. سفينه تقطّعت منها المرس

عصام

Issam Youssef كنت عم لمّس عا حيطانك
بَلكي بْلاقي باب منّو فوت
صِدفه على طاولة نيسانك
لقيت كبّاية سهر و سكوت
و صوره لِها برواز منشانك ... Ver más
مسكّر على .. خيالك تا فيه يموت
خدت شَفّي .. وخوخ وجدانك
بكبّايةِ لْ عاطاولي مفتوت
و مْرقت بالبرواز عا حصانك
مَ لقيت حالي غير بالمَلكوت

Kahwash Eiad
..

ت تفوت
بفتحلك فعل ماضي ... Ver más
بيطلّ من بكرا .. ومش راضي
شافك أراضي
مالها نهايي
بلّش يجي ويروح عالفاضي
تشردق بأمرك
عارفو جايي
يقعد ع طاولة النحو قاضي
ونسيان إنّو
إسمك مرايي
بيفوت
تايمضي الظرف إسمو
بيطلع كأنّو خيالك الماضي

.Escribe un comentario....

Kahwash Eiad شوقي متل ريشه
وإذا بغطّو
بقلبي .. بيطوَل عالمدا خطّو
وينك ؟
على سمّاعتك صللى
...صوتي بحر
مابيلتقى شطّو
يا كنت عم بتلفن لأْلله
ياكان هوّي عم يتلفنلك
وماكان يفضى خطّك .. وخطّو

ألشاعر سليمان طراد علواه لولا بكون حدك بالغفا

تفلفش كتابك شفّتي وجه وقفا

فرّعلك الأحلام بركي بتدنقي ... Ver más ... Ver más

ويجلّد النفناف بفراش الدفاا

وينبّح صوت الآخ لما تشهقي

ويغفا ملاك الحب بسرير الوفا

زتك عا صدري ونام بركي بتعرقي

تايحس قلبك يا حياتي بالدفا

ويشلح تيابو الصوت فوقك...؟بالشفا
هههههههههههههههههه

بحر الزجل

.Issam Youssef وينك يَ بو شربل يَ نقّيش الحواس
عا نهر إزميلك مَيخضر اليَباس
إنت نقشت قوني على صدر الدني
و غيرك نقش شِفّه على صدر النحاس
شو هرّت بإيدك نجوم الولدني ... Ver más
بيجوز كانوا معلّمينك عالقواس
و لمّا وقع سهمك عـَ ضحكه ملوّني
قوس القدح وجّك دلق تَ يْصب كاس
شو ما ارسمت شو ما انحتت .. عـَ الدندني
بـِتْـدَبِّك الصوره عا مزمار الحماس
بتفتح شبابيك الثواني عالسِّني
بتفصّل خيالَك على قد السما ..
قدّيش يا نجّار شاطر بالقياس


.ألشاعر سليمان طراد هربان من هم الدني ومجبور
كمّش جمر بكفوف برداني
منشان شعّل بالقصيدة سطور
بلّشت طفّي بيوت شعلاني
قديّش الله حط فيي نور ... Ver más
بيضل عندي عتم جوّاني
ولما العطربنطلّعو من زهور
بيصير يشرب دمع فوق قبور
ويشهق وجع عا قلوب بتعاني

بحر الزجل
El 29
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   السبت يونيو 12, 2010 9:04 am

Kahwash Eiad

ويتابع الشاعر الرهيب ويتكلم مع تمثال العدرا


قْبَعتي الخطيّه
وضلّ
عالقبعه
" شقفه زغيره .. مكمّشه " بشبعا
وبعرف أنا ...
بخّورك بيرغي
عالضو طبعه .. وعالشتي طبعه
وتمثالك
بنصّ السما برغي
لولاه
بيهبّط علينا الجوّ
بتوقع علينا طوابقو
السبعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الإثنين يونيو 14, 2010 10:40 pm




الدكتور اياد قحوش



عين أعلى من الحاجب
**
نهار الشّتي
بصوت السما .. بحّه
من وهرتو ...
بتفكّرو دحّه
مرّه انجلق عالأرض
متل شفاف
انشرمت من العطسه ومن القحّه
ولما الصبح
من خلف سطحو شاف
قوس القدح حاجب لعين الشمس
علاّ الشمس
عالقوس .. تاتمحّى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يونيو 15, 2010 9:01 am




الدكتور قحوش

ذكرى من بكرا
**
متل الملح بالبحر
صفّينا
لمّا من الضجّه توفّينا ...
فتحنا طريق
تعلوَج .. من الريح
مشينا
ارتحنا شوي .. كفّينا
يارفيقة الدمعه
بآخر زيح
من عمرنا مطرح ماقفّينا
مليح البقي
كمشة تراب
مليح
ل ع تراب أطيب أرض لفّينا
مرقنا
وصفّينا صدى التلميح
وبتشمّنا الأحلام
كل ما بْإيد
ذكرى من الماضي انحفّينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يونيو 15, 2010 3:31 pm




الدكتور الرائع يتابع نحت التحف


زمن المسافه

لمّا ياجوز الهند
باكستان
بتغازلك .. بتغار بالبستان
مرتا
ومتل مريم بتدلق نهْر
من العطْر
تتغسّل أرز لبنان
وبيصير توت الشّام
شهقة زهْر
غرقان متل الأرض بالطوفان
بيبلع عصير الوقت
شهر بشهر
بتفكّرو الحوت البلع يونان
وتاينشلو
بيمدّ قرنو الدهر
بيطلع أبوالقرنين باليونان
وبيعلّقو متل الجبل
من ضهْر
تعبان .. وبقلبو قلب رمّان
بيطقّ عاإيطاليا
من القهْر
عالإجر
يللي تشّت من المي
وبتضلّ عم تسبح ورا الرّومان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   السبت يونيو 19, 2010 1:25 am

OcultarKahwash Eiad

: صيّاد قلوب
**
بتصلي الشمس غربال
عاشطّ الغياب
وبتصيّد مواج الغرابه من العباب
...... ت تلفّهن بالليل
برغيف القمر
صفنه
المخلّع شافها خلعت بواب
بالمملكه
وقّف .. ركد
راح وغمر
أعمى قشع صوتك
فلش عطر الشتي
النازل عم يسطّر بصفحات الضباب;s


Issam Youssef صياد نجوم
.......

بهاك الجرد
وقفوا جبال ...
تنين
و بيناتهن
مارق نهر
طيفي
و الريح فوقو
انشد عالميلين
بلّش
يحز الغيم
عا سيفي
و لمّا النهر
وصّل
عا قلب العين
لقيت القمر
عم يشرب !! .. عْويفي
و من كتر ما انشد
برموش العين
فكّرت
إنّو هالقمر
بَحْصه
و إيّاد
مَيْصَيّد بِنقّيفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يونيو 22, 2010 11:43 pm

Kahwash Eiad فيروز
**
فيروز
ضللي شخوطي بالبرق
عالليل ...
تتشوفي بسمانا الفرق
بالشرق
هالواقف ع حرف الموت
ومحروق قلبو
من التخلّف حرق
قديش قبلك ملّ حبل الصوت
وقديش بعدك لفّ
بالصّحرا
يروّض خيول بتركد بهالشرق

**
إياد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الجمعة يونيو 25, 2010 10:36 pm

ألشاعر سليمان طراد


مرّة عا شبّاكي كمشت
النور
شرشر
ظمط ...
من بين صابيعي ...
...
زرزقت
ريقي متل
توقيعي
وكسّرت قلبي
ضو عا البلور

بحر الزجل


Kahwash Eiad

الضو
**

الضو
صوت بيطلع من بعيد ...
بيصرف سنينو بالجهات ركيد
بيدقّ بالإشيا
وبقلب الميّ
بيتألّه
بيقلب المي نبيد
بتمشي معو الألوان
متل الخي
ل بيشوف خيّو الضو شو بيريد
ومن خرم إبره
ن فات منّو شوي
بيفلش بتاني ميل خيمة عيد
بيفوت بعيونك
بتصرخ خيّ
بيطلع
بتغفى عيونك من جديد
ولما بيتعب بالزمان
الفيّ
بياخد محلّو
وعند مابينام
بترعد العتمه عالزمان رعيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأحد يونيو 27, 2010 10:46 pm

ألشاعر سليمان طراد

قاعد ..ل حالي
بغرفتي
وحدي ...
اشرب ضجر
من جرّة ...
...الوحدة

واسرق من الأفكار
شردة فكر
بركي بضميري
بحط
شي وحدة

وبّنج الوحدي
بخوابي
السكر
وبلبوس ل حالي
الموهبة ...
وبحدي

تا يضل من طعم
الخيانة
زكر
يرافق حياتي
ويختلي
بلحدي

يا شوق فيلك
من حنيني
شكر
سامحتني
واسترت
عا لحدي

شحدلي
صبر...؟
ما اعتدت
عا الشحدة


Kahwash Eiad طبرة المسمار
**
سهران
.. لجمام السهر
متل انطمر ...
.. وجّ الصبح
جاط ل معبّى بالتمر
.. وصارت صدى .. ناعوستي
.. و قربو الجهات
والوقت راح بْلانهايي .. وانغمر
ودقّيت مسمار السهر بالليل
فات
كلّو وبقي
طبره زغيره بالسما
احمرّت عكتر الدقّ .. سمّوها القمر


ألشاعر سليمان طراد

شميّت صوت
الضو
بالعتمة
لمع
حللت ...
عيني
تروح
عا السرقة
وأرنبت
أحساسي
عا شبّاك
السمع
شفت الرعد
عم يقدح
الزرقة
والريح ظالم
كان في عندو
طمع
يشلّح تياب
الليل
بالبرقة
ووحدو الحيا
سهران
عا ديال
الفزع
ناطر تا يستر
عورتو بورقة

بحر الزجل
·
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الإثنين يونيو 28, 2010 8:39 am

Kahwash Eiad

شعرك إذا
بكلس الغياب بينطرش
وانبحّ عمرك
موج ع شطوط الطرش
بتصير بحر جليد
كل ما تهب ريح
.. بدها الذكرى
غيوم بيضا تنبرش
وبتدلف عيونك
من الماضي الجريح
حكايات
تاتبقى بمنامك دافيه
عاتخت موسيقا الحنين بتنفرش


ألشاعر سليمان طراد

صوتك اذا عافراش
نغمة
بتشلحو
بينفض على الأحساس
غبرة مشلحو ... ...
وبيرش
قمح
قصايدو
الله
بسهل الزمان
الروح كانت
تفلحو
لوما الجمال
الفيه متجلّى
كانت بضو الريح
بتشوفو
السما
وسر الأبد
موج الوحي
بيشلّحو

بحر الزجل
H

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الإثنين يوليو 12, 2010 10:42 pm



هيفا العنداري

اكتر من المرّات مش مرّه

وقفت قبالي الشمس تتمرّا
تا عرفت إنّي للقوافي شمس
والشمس ما خلقت لها ضرّه
بيغرف من جروحي حنين الامس
...وبتفيض دمعاتي بالمجرّه
وبغمّس الشوق بْحواسي الخمس
بعبّي باحساسي الف جرّه
وبالهمس ما بغنّي بغير الهمس
حتّى ما إخدش ذينة الشلاّل
ويطرطشوا حروف الحلا برّة

الدكتور قحوش


ياشاعره
ليلك إذا بيطوف
بيدفق من السودان .. نيل حروف
مَ بتعرفي
إنّو الهرم .. من مصر
جايي ت حتّى يشوف
كيف الشوف
لفّ البحر زنّار .. فوق الخصر
وهزّ القمر والشمس
جوز دفوف
..
ياشاعره
كل ماعصرتي العصر
ونقّط سهر نجمه
ع غيمة صوف
..
وكل ما بنظراتك
سبقتي العصر
وصار الوقت خلفك .. ورد مقطوف
بيفضى الفضا
وبيصير قوس النصر
القوس ل عن جبينك
حضن غرّه
أرزة جبل حضنت بني معروف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يوليو 13, 2010 8:25 am

ألشاعر سليمان طراد

زر الحلا كرباج
لعيوني
بيجلد وجع وبيلبس
القوني
وجم المخبّى عن عيون الروح ...
ما بتكشفو صابيع
مجنوني

هههههه

بحر الزجل

.Kahwash Eiad ‎

سبعه العجايب
بس حتى يخص
الله بعجيبه .. مجد لبناني ...
شاف البحر
طفله وعم بتمصّ
مصّاصة الضو البرتقاني
ولما فتح شمسيّتو للنص
كانت الأرزه
ورقمها تماني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء يوليو 20, 2010 1:16 am

إلهام شاهينك**
ياسامر خيالك
إذا بشدّو
وبقدر على قوس القدح
مدّو
بعلّق بسقفوالشمس
برّيمه
كل مابيخلص صبح
بتردّو
بيلعب ع حدّ الضوطمّيمه
وكل ما بيتخبّى
الطقس حدّو
بتنشّ من سطح السما
غيمه
بتزرب كأنها دموع ..
عاخدّو
بينصبلك
بصحرا الهوا خيمه
بتحط ركوه عالقمر
تيفورإ
لهامك .. وبتبلّش تعدّو"



نصر تموزك
**
ياشاعره ...
كل ماحرقتي بنار
روحك
ترابك تاضحك آدار
بيدور دوّار الشمس
دوره
بمركب قصيده عابحر دوّار
وبيصير شعرك
متل بلّوره
بتشرب الضو .. نبيد بالفخّار
ونافورة الكلمه
المتل حوره
بتطلع ع صنّين الأبد .. مشوار
بتمرق قدس
عامفرق الدوره
بدير القمر بتمرّ متل قمار
بتسهر بقهوة سهرتك
فوره
بفوّار أنطلياس
طقّت كحل
ع رميش بنت جبيل سرحت غار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأربعاء يوليو 21, 2010 2:01 am

الشاعر ل من عمر ببّو العين
الشاعر طفلكل ما بيشوف خيال
بيفكّرو من متحفو تمثال
بيكتب شعروبيختمو بقفله
متل الختَم عابيت جدّو ب غال
بيركد ورا الصدفه
وعاغفله
بيتشركل بيوقع ع راحة بال
بيشوف طفله .. بتسألو: شفلي
ليش حرف السينفيه جبال
بيقلها .. لك آخ ياطفله
منشان جبلك من " سماها " هْلال
الشاعر غزال بتقرصوالجفله
بينطّ بعباب الهواشلاّل
: إيد الوحي بتوشوشواقطفلي
شي زنبقه .. بيقطفلها موّال
وكيف بدها تصيرهالحفله
وكيف ممكن يدخلو الشعّار.
.وممنوع إلها يدخلو ل طفال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الثلاثاء سبتمبر 21, 2010 8:54 am

Eiad
بنتك العرجا
**
بتعرف الأرض بإيدها
شو شايله
تا مشيت على الحبل نتفه مايله
...بيجوز هيي شايله
خاتم عروس
خايل قمر
مطرح مَ هيي مخايله
وركدت متل طفلين
كتبو بالدروس
مش عايله تعلْوِج الريح
وعايله
والدّوه .. دعست عاوتر
بلش ينوس
تالرّيه ماشافت شوهيي قايله
و المنقله لفّت
نهر عانهر
كوس
دلتا مصر
عالبحر إيدو طايله
النهرين عاشطّ العرب
شافو المجوس
قالولهن نحنا اختلفنا بالدروب
لكن بعمر المي نحنا مجايله






مهراجا الزجل

**
قللي القمر
غيّرت مكياجي
...لبست الهلال بْدال الكماجه
منشان إطلع
مع سمير هلال
فوق المنابر .. لبّسو تاجي
ياهلال
يا سكره على أطلال
ناجي .. ومنها الكاس مش ناجي
ياتشردقة قهوه
بحبّة هال
انكبّت صبح أبيض ع حرّاجه
ياخيال تلّه
وانرسم خيّال
من شبحتو .. قال المدا حاجي
ياضو
وجّ الشمس حدّو خيال
من دروتو
عم شعّل سراجي
صوتك لمهراجا الشعر
تمثال
ياشعر من صوتي
لمهراجي
بتدلق دفا إفريقيا
الشلال
زخات تلج بقصرك العاجي
بتمحي الزمن
بتوقّف الزلزال
رفّه ع باب عيونك سكاجي
ياهلال
كل مابحرك بينقال
طلبة صلا
بتجاوبو مواجي
بتتغنّج عيونك
زهر بالبال
وبيشمّك من عيونك غناجي
ياهلال
لفّيتك لحن موّال
عاقلب عمري
وصار فيك القلب
يلفّ الدني بشريانك التاجي

الدكتور اياد قحوش


Eiad ‎**

ياشاعر ل سيفك
برق مسلول
والغيم مَ بيعرف شو بدّو يقول
...وتوب الأرض
بخطوطك مقصّب
بحّه عرض بتروح ..
بحّه طول
وكل ما مناخك عالدني عصّب
بتطلع خلاقك عالزمان
نزول
بيورانيوم من شعرك مخصّب
بيعمل حدشر معركه
أكبر
من المعركه ل بحدش من أيلولدروج الشتي
فتّحتهن تاشوف
Eiad ‎

خيطان طيّاره .. وقمر بَكره
...لقيت الوقت
متل العنب مقطوف
وعالسطح عم بتشمّسو الذكرى
..
ردّ العمر .. ياملبن البكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأربعاء أكتوبر 20, 2010 9:30 pm

أرض
------

...محمّلي
وعم تطلعي بالجو
بحارات كون مقلقز
وبكرا
رح تهتري عليكي تياب الضو
وترقّعي الأحلام بالذكرى
..
و ينشف الوقت .. وتخلص السّكره

الدكتور اياد قحوش

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
سليمان
المدير العام


عدد الرسائل : 2677
تاريخ التسجيل : 13/03/2008

مُساهمةموضوع: رد: صفحة الشاعر الدكتور اياد قحوش   الأربعاء أكتوبر 20, 2010 9:35 pm

نسر الأبد
--

طقَشْت الشمس
...والكون بالضو انغمر
والريح متلك .. مابتشبع ولدني
وبكرا عند
مَ يطجّ عالتلج القمر
بتعلّم خدودك على كفوف الدني
..
وفوق الشتي
بتعزف رياشك دندني

Kahwash Eiad
قجّة مصر
__

قالو البحر قجّه .. وهلق مصر
ماعاد إلها عالفقر حجّه
...
كيف السما
كل يوم عند العصر
بتحطّ ليرة شمس بالقجّه
..
وبعدو الهرم بالرمل بيهجّي؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
 
صفحة الشاعر الدكتور اياد قحوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: مروج ألزجل-
انتقل الى: