منتدى برحليون للزجل أللبناني

ألشاعر سليمان طراد
 
الرئيسيةالرئيسية  البوابةالبوابة  س .و .جس .و .ج  بحـثبحـث  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» عطشوا المواقع يا بو أسامة
السبت مارس 24, 2018 3:47 am من طرف مهيب

» زينب والبحر
الخميس فبراير 22, 2018 1:01 am من طرف سليمان

» غزليات او..بحر الزجل
الخميس فبراير 22, 2018 12:55 am من طرف سليمان

» كفر وايمان عدنان سعيد وبحر الزجل
الخميس فبراير 22, 2018 12:34 am من طرف سليمان

» حوار الكيس شادي موسى وبحر الزجل
الإثنين ديسمبر 25, 2017 8:19 pm من طرف سليمان

» شردلات ميلاديه
الإثنين ديسمبر 25, 2017 8:12 pm من طرف سليمان

» طير الفنيق رامي نعيم وبحر الزجل
الإثنين ديسمبر 25, 2017 8:10 pm من طرف سليمان

» عواطف جياشه بحر الزجل
الإثنين ديسمبر 25, 2017 8:08 pm من طرف سليمان

» زينب والزجبل
الأحد سبتمبر 10, 2017 6:39 pm من طرف سليمان

» تمثال وانسان عدنان سعيد وبحر الزجل
الثلاثاء أغسطس 01, 2017 1:00 am من طرف سليمان

» خلاطشات شعريه
الأحد مايو 28, 2017 9:08 am من طرف سليمان

» بحر الزجل يمشكلها مع زينب جمادة
السبت مايو 27, 2017 11:27 pm من طرف سليمان

» حب عا الطبيعه غزل
الأحد مايو 21, 2017 11:34 pm من طرف سليمان

» سعيد بو الزور وبحر الزجل هجر وبقاء
الأربعاء مايو 17, 2017 1:09 am من طرف سليمان

» مستور ومكشوف علي جعفر وبحر الزجل
الخميس أبريل 27, 2017 12:38 am من طرف سليمان

» شردات
الجمعة أبريل 21, 2017 1:01 am من طرف سليمان

» زهيا حداد والبحر
الجمعة أبريل 21, 2017 12:57 am من طرف سليمان

» خمريات زجليه
الجمعة أبريل 21, 2017 12:19 am من طرف سليمان

» رثاء ابن الصديق جون عقل
الجمعة أبريل 21, 2017 12:11 am من طرف سليمان

» رامي نعيم يغلط بحق البحر
الجمعة أبريل 21, 2017 12:09 am من طرف سليمان

» جدار الصوت
الجمعة فبراير 24, 2017 3:18 pm من طرف غانم حمص

» بتخايلن
الجمعة فبراير 24, 2017 3:14 pm من طرف غانم حمص

» فكرت ارسم صورتِك بالبال
الجمعة فبراير 24, 2017 3:12 pm من طرف غانم حمص

» الكوكب الاخضر
الجمعة فبراير 24, 2017 3:11 pm من طرف غانم حمص

» الأسرى
الجمعة فبراير 24, 2017 3:07 pm من طرف غانم حمص

» بيروت،
الجمعة فبراير 24, 2017 2:58 pm من طرف غانم حمص

» موعد ا...
الجمعة فبراير 24, 2017 2:56 pm من طرف غانم حمص

» من غربتي ومن بقوة سنيني
الجمعة فبراير 24, 2017 2:55 pm من طرف غانم حمص

» مطرح ما كنا نلتقي
الجمعة فبراير 24, 2017 2:51 pm من طرف غانم حمص

» الفلاح والداليه
الجمعة فبراير 24, 2017 2:44 pm من طرف غانم حمص

تسجيل صفحاتك المفضلة في مواقع خارجية
قم بحفض و مشاطرة الرابط منتدى برحليون للزجل أللبناني على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 تحدي راس السنة-إبراهيم ياسين و فادي فياض

اذهب الى الأسفل 
كاتب الموضوعرسالة
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: تحدي راس السنة-إبراهيم ياسين و فادي فياض   السبت ديسمبر 26, 2009 2:20 pm

][خيالي طيلق لجامو و صهيلو----و على القرعون ألهمني رحيلو
و على "سد البحيرة" نزلت غنّي----خليل و رايح يقابل خليلو
لقيت السد تاكي فوق عنّي----و على خدّو حجارو عم يسيلو
:قلت شوباك يا سد التأنّي؟----قلّي و الوجع بيّن دليلو
تا صون بْحيرتي من كل جِنّي رحت خلّفت مارد إستميلو)
و بعد ما حملت منّو ألف منّي تركها و غير موجتها حليلو)1

حضنتو و مسحت دمع التمنّي----و قضيت الليل هم و هم شيلو...
و صرت عم خبرو حكايات عنّي----عسى لو يرجع يلاقي وكيلو
مرة الموت بذكر حسب ظنّي----إجا ليّي مشمّر عن زميلو)
و لأنو الموت ما بعدّو تجنّي----عملت حدو متل خيو و عديلو
و بإيدو المنجل بدلتو بحنّة----و تا إطفي رعبة لإسم و صليلو
بدلت إسمو و صفي "مرسال جنّة"----و لصوتو خْطبت زغلول وهديلو

و عطيت الليل من محصول بنّي----إعاشة لْقد جيلو و بعد جيلو
و بعد ما الشعر بالخبرة عجنّي----رحت عابيت شعري إستقيلو
و على العتبة لْزقت عجنات فنّي----و رفعت الهيكل تلاتين كيلو
وقت ما كان "جوبّيتير" كِنّة----عا قصْبة رايح ينشّر غسيلو

و قصدني بليس مرّة يمتحنّي----بفتيلو و مين أطول من فتيلو
و لإني هالة النور و لإني----متوّب صرت كوكب من رعيلو
طلعلو اليوم تالت قرن منّي----كتر ما انبح وسواس و عويلو
و قبل ما إلعنو هوّي لعنّي----و رجمني و عالسما رح بسبيلو)2

هون السد صار يبرم كأنّي----دوخت عقلو بكلامي و سلسبيلو...
و حضنّي و باسني بوسة تبنّي----و حواري زلغطو و الموج صفّق
عا رجعة مارد بمارد بديلو


و بعد ما غْطست و انطمّو يديّي----تحت موج البحيرة السرمدية
بدي عهدي عاكفّة عرش أخضر----ملبّس ألف صدفة مرمريّة

و لأنو "الأبيض" البحر المختير----بعمر شيبو إلو موعود فيّي
و لما بدمعةالغيرة تحسّر----انتحر يأسان عالروشة الأبية

و صرت مارد بحيرة بكل محضر----على جبيني تعاليم الوصية
ما في سمكة على سمكة بتكبر----و لا موجة على موجة عليّة
و إذا زورق جرح خدّي و كتّر----الصفح بدموع عيني فرمشيّة
و عشية مع قمر صيّاد إسهر----سكب بالنور سنّارة زكية
و تايسحبها عاطلّة فجر أشقر----بإيدي هزها بعد العشية

و "ليطاني" كان يتفرعن و يزئر----عالبحيرة و عالنهورا البقيّة
أنا اللي فتحتلو بالسد معبر-----طلع عاقل مربّى تحت ديّي
و من الغربة إذا أسطول عسكر----قصد مرّة البحيرة بسوء نيّة
بصير بكعبها مكّوك أحمر----و ببرم ألف برمة و خمسمية
تا أعمل عشر دوّامات أكتر----ما عملتهن عصاية موسويّة

و لأنو سطحها شفّاف كوثر----ما عم يستر عالكنوز الخفيّة
طلعت منها عاصهوة ريح أغبر----قطفت هونيك غيمة بنفسجية
و بعد ما كبستها و البرق صوّر----سما كانت بزرقتها نقيّة
رجعت بصورة الزرقا مزنّر----و عباية فْلشتها منّي هديّة

و صرت من بعدها للفن مصدر----أنا و بيي على ذات السجيّة
أنا شاعر عا تمّي محك جوهر----و هوي كان مخرج مسرحيّة
و بعد ما راح عالتلفاز يظهر----و صفي يخرج برامح عالمية
تركت بْحيرتي و طلغت إسهر----على ذت الطقوس المسرحية
و لأني الشاعر الأولى و أكبر----أمير و رب فن الشاعرية
صرت عم زاوج المسرح بمنبر----ب"عصفور" و "بحورية" صبيّة
و ب"منطاد" دعست عا ريح أصفر----و ب"الفنجان" حلّلت القضية
و صرت من بعد عرض و عرض أمهر----رواية و شعر إتقنهن سويّة
لكن بعد في واجب صغيّر----و لازم كمّل الواجب عليّي
برواية و شعر ما تميّزت أكتر----و لحتى زيدهن تالت مزيّة
عزمت فيّاض عالشوط المجمّر----و على ذات الطريق عزمت بيّي
بلكي ان شاف هالخصم المعتّر----كيف بخرّجو من بعد ساعة
بيمضي شهادة الإخراج فيّي


ابعتو الشحرور و الحج القماطي----يجي يدمج نشاطو مع نشاطي
و شو همّي لو طلع فيّاض غنّى----بلاطو اللي بلاطة من بلاطي

إذا جايي بصوتك تمتحنّا----و تصدح نغمة العالي عاواطي
بدو بعكس ما قلبك تمنّى----تجي خاطي الرجا و تروح خاطي
لإنو الصوت مالو حساب عَنّا----و حكمنا بالنقط للشعر لاطي
شْلحي سلاح النغم يا "ريم بنّى"----و تعا عبّي نقاطك من نقاطي

أنا قدري بصوتك ما تدنّى----ولاتزحزح رصيدي الإحطياطي
لإني بعرف الصوت المغنّى----قرابة باللفظ مع سوط ساطي
و إذا انت طلعت بالصوت جنّا----أنا الجلاد جيت عْلى بساطي
تافرجي كيف عنّا و غير عنّا----بيجو عاصواتك يردّو سواطي

يا فادي روق عاحالك استنّا----و قبل ماتقرّب سآال الشواطي
بشطّو كم بحر موجو تحنّى----إذا مرة كنت عالرمل خاطي
و إذا شعري انجبل عا كتاف بنّا----القمر بينخ قدامو مطاطي
أنا نمر القصيد الما اتنّا----انا للشعر ضابط انضباطي
ولا نجوم الليالي الفوق منّا----بيرقّو رتبتي و درجة قشاطي
انا اللي برفّع نجوم المعنّى----كل ماعلّق الرتبة الجديدة
عا كتفي بيطلعو من تحت باطي


و بحلقة "أوف" كل الناس قالو----ظلام الشعر عتّم عا هلالو
و انا بكّير ليش تركت رفّي----و انت بعدن رياشك ماانطالو

انا "ما سْقطت يا فادي بصفّي"----و لا انت طلعت من صفوة رجالو
انا عطيتك مكاني تا تكفّي----تاموسى زغيب يفتحلك مجالو
بدّي يتوجك بكرا بلفّة----بدي تصير نسر عْلى شمالو
بدي يقاسمك عاكل شفّة----بدي تكون أقرب من خيالو
تاإحمل وقتها دفّي بكفّي----و متى ما اتنين صوب اتنين مالو
عاكفّة نوقف و إنتو عاكفّة----و أنا خلّص على موسى لحالي
و انت يخلّصك دفّي لحالو
:

يا فادي بتشهد الناس الوفايا----انا إسمك بجلّو من الحنايا
بس بعكس إسمك عالهوية----افترقتو بالوقايع و العطايا
و حتى ترجعو تمشو سويّة----انت و يّاه عاذات المزايا
فتحت صدري معاهد عسكرية----عسى بالمعركة تفدي الرعايا
و بعد مدة بموقع أشبهيّة----حملت تاج العميد بهالسرايا
بعد ما عمادتك كانت عاديّي----تاطعّم روحك بفادي البرايا

انا قيصر عا تلّة منبرية----الجبل و التل قدامي ودايا
طْرقت عابواب كهف الشاعرية----الصدر و العجز وقفولي حفايا
العجز ما بتعرفو بيوتي العتية----لإنو الصدر صدري بالمطايا
و صعبة تفوح من صدري "رويّة"----إذا ما شهقتها من هالروايا

و عاراس العام عركتنا القوية----انا و فيّاض عا محك القوايا
مش الصدفية الي جمعتنا سويّة----و تا فهّمكن بتحليل القضايا
اذكرو من عام و بذات العشية----قبل ساعات من عمرو بقايا
اذكرو شاعر نزل هونيك ليّي----لئيم لنفس مكّار المزايا
قصفت روحو بطلقة مدفعية----بعد ما الجرد ستّفتو شظايا
و لإنو الرقم كا تاسع ضحية----بعد ألفين من قبلو خلايا
قلب عدّاد تقويم البرية----على لألفين و التسعة الشقايا
عرفت تاريخ السنين الأبية----بسيفي تربّط أربع زوايا
رجعت كمّل عالوراق البقية----بروزنامات رح يصفو عرايا
اضبطو ساعاتكن يا سهرجية----عانص الليل شبّان و صبايا
اعزمو الجيران و العيلة سوية---عا سهرة و جهزو طقم لهديا
و ما زالو اليوم دب الموت فيي----نطرو العشرة بعد ألفين رقبة
عشية يصير عدّاد الضحايا


عدل سابقا من قبل Ibrahim في الأحد ديسمبر 27, 2009 6:03 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: تحدي راس السنة-إبراهيم ياسين و فادي فياض   السبت ديسمبر 26, 2009 6:02 pm


يا ابراهيم يا شاعر تحدّي***كتبت بيوت للفيّاض حدّي

يا دلّك لو هدر فادي بقصيدو***ما بعرف وين رح تقدر تهدّي

انا حكيتو اليومي عا بريدو***ما كان يرد ألّا بعد مدّة

على برنامج الأوووف ..ورصيدو***سجّل حلقتو وحضّر العدة

لها الأسباب يا شعّار حيدو***الرحمة انفقدت بتأكيد جدّي

لأني شايفوو حامل بأيدو***جفوت الشعر وسيوف القصيدة

وانا تا موت بالموقع ما بدّي

هههههههههههههههههه

يا برهوم فادي ما رح يسكتلك عا ها القصيدة العرمرميية والقاسية
بس بطلب منك ترحم حالك ههههههههههه

وانتي يا فادي لا تفتكر ابراهيم طير بيتّاكل لحمو بعدان ما رح فيك تطالو لأنو مخيّم بالمنطاد
ههههههههههههههههههههههههههههههه
فوق بحيرة الكرعون
هههههههههههههههههههههههههههههه

يلا شباب بدنا الدم يوصل للركب

بحر الزجل
بو شربل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
mohamad kh
شاعر
avatar

ذكر
عدد الرسائل : 97
العمر : 30
العمل/الترفيه : قصار
المزاج : شعر الزجل وعزف على العود
تاريخ التسجيل : 16/04/2008

مُساهمةموضوع: رد: تحدي راس السنة-إبراهيم ياسين و فادي فياض   السبت ديسمبر 26, 2009 7:41 pm

الله واكبر... لك والله فشر الزغلول وفشر طليع وفشر موسى وفشر خليل روكز بزمانتو يطلع معو هالافتتاحية... لك والله وعشت...

الله محيي الشعر ل اجلك....


خييك الصغير وتلميذك ومؤيدك بكل خطوة بتخطيها... محمد خطيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.albourini.com/vb/index.php
حسن كوتراني
عضو برحليوني


ذكر
عدد الرسائل : 332
العمر : 53
العمل/الترفيه : operaio
المزاج : operaio
تاريخ التسجيل : 17/01/2009

مُساهمةموضوع: رد: تحدي راس السنة-إبراهيم ياسين و فادي فياض   السبت ديسمبر 26, 2009 9:11 pm

وَينــــكْ تصــُبْ
الخــــَمر يا ســـــــــاقي
وجبلــــــي حــــَدا يغنــــي
معــي فراقـــي
عـــَم لمــــلم حروفي
من الأنقـــاض
تا عمــَّر صروحي
على وراقي
عمري حبق أخـــضر
رِبي بحـــــواض
قلـــــــبي وشرب دموع
أشــــــــــواقي
با الله تسقوني
نــــــَهر فياض
ومن سلسبيل الشعر
بالقرعــــــــــــــون
تا تزهـــــر وراقي
شعر راقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الأحد ديسمبر 27, 2009 11:14 am


البسي تياب الفرح يا أبجديي --- وتعي بهالعيد تا نسهر سويي
الحرف منك ومنا شعور صافي --- وسوا يدوبوا قصايد مخمليي
انتي من عهد قدموس قافي --- وهبتينا هديي سرمديي
وتا نردّلك جميل المضافي --- موقع شعرنا حملنا هديي
نحنا بموقع الشعر الثقافي --- عيلي بالأدب مش بالهويي
ركض لينا الزجل هفيان حافي --- انغمر بالعاطفي وبالمعنويي
وكل ما طل فارس عالفيافي --- نردّوا مكفّن بثوب المنيي
بس المدهش وكل الظرافي --- عميد الموقع تهجّم عليي
اشهدي بسنة الجديدي يا قوافي--- انو الكان حدي بالإدارة
بموقعنا وقع أول ضحيي

دخلت عالموقع بليلي سعيدي --- تا روحي تحصد مواسم جديدي
وتا خلّي مناجل النظرات تجمع --- سنابل شعر بشهور الحصيدي
شفت أشعار متل التبر تلمع --- وشفت أشعار قيمتها زهيدي
وشفت شاعر بمجدي عم بيطمع --- مكبّر صفحتو و كاتب جريدي
وطلبني للتحدي وشو بيمنع --- يطعّم رجفتو بقوة حديدي
انا شاعر كريم النفس أمتع --- أنصارو بأفكارو الفريدي
اذا بعصر عناقيدي البتدمع --- جرار الفكر بتخلد نبيدي
انا بنيسان بالمرج المدلع --- دفق العطر شهقة من نهيدي
الهدايا من كنوزي العيد جمّع --- وأغاني العيد مقطع من نشيدي
وتا يوصل عالدني النور المشعشع --- الشمس عملتها ساعي بريدي
انا بحرب الشعر عملاق ولّع --- دني من فورة الدم بوريدي
وبساحات الوغى لو الحرب لعلع --- ابني عنتر وسالم حفيدي
تعوا يا طيور عن بيدر منوّع --- اشبعوا من مواسم فنوني العديدي
وإذا ما ريّش جناح البيرفع --- انا بزقمكن الحبة بإيدي
تعوا الكن فوايد صرت بدفع --- عندي وطنوا حساب القصيدي
مصرف مركزي فادي بيطلع --- بتفلّس بنوك الشاعريي
إذا من حسابها بسحب رصيدي

ويا بو منطاد ما تعلّي بسمايي --- انا صياد ماهر بالرمايي
منطادك إذا بالجو علاّ --- بيصير بمستوى سطح البنايي
انت هاوي بمنطادو تسلى --- وانا بالميغ مغرم من صبايي
خلقت طيار بالنجمات ملاّ --- سلالو والفضا بيطلب رضايي
يا براهيم هالمنطاد خلاّ --- شعرك يشبهوا من دون غايي
فاضي بس من براّ تحلاّ --- بشكل مزوزق بفن ودرايي
وما عم شوفو عا منبر شعر إلاّ --- بالون وجبت إبرة رفيعة
تا ردّوا لحجمو من البدايي

وعلى برنامج الأوف البجلّوا --- بعد ما شاشتو شعري خطبها
شرقت على شعب هالكون كلو --- متل شمس الدني ال الله وهبها
هالبرنامج اللي بمستهلو --- المواهب راح غربلها وعربها
الشاعر كلمتو هيي سجلو --- ضروري تكون مختمرة بأدبها
وانت ما كنت من يلّي تجلّوا --- وإذا موسى الثقة عنك حجبها
كفا تقلي بهالحالي يا دلّو --- زغيب ونفسك تهينو بعتبها
وقلت عطيتني محلك وظلو --- وتشجيعك إلي جروحي قطبها
كيف الأرنب بيعطي محلو --- لسبع الرجّف الغابي ورعبها
وكيف بدهن نحاساتك يحلّوا --- محل جواهر السامع طلبها
انت صابك متل شبّين طلّوا --- عا كرمة عاليي الزارع نصبها
ولما تناوطوا وإيدين علّوا --- ما قدروا لامسوا ترية دهبها
يأسوا وبعضهن واسوا وفلّوا --- وسبّوا الزارع وسبّوا العريشي
الما قدروا يقطفوا خصلة عنبها

وإذا دفّك عا منبر شعر خشخش --- مش معناتها الوجدان وشوش
خشة دفك بتفقد صداها --- إذا شعرك على القمة ما خرطش
في شاعر عاشق الروح ومناها --- وعا شجرة كلمتو الحسون عشش
وفي شاعر قال كلمة ومحتواها --- نعومة طبلة الدينين خرمش
كفا تسب النسور اللي بعلاها --- إذا جناح الشعر عندك ما ريّش
وإذا طلعنا على منبر وجاها --- ان ما غنّبت حدّك كل سامع
بيتمنى بإنو يصير أطرش

دلقي يا بحيرة القرعون دلقة --- عا سهل بقاعنا الحدك استلقى
انتي ملتقى الأحباب فيكي --- وهوي للعطا وللخير ملقى
انتي سدّك العالي حميكي --- وثبّت خطوتك من كل زلقة
وبراهيم حقّك ما وفيكي --- شعرو سد ما بيمنع الشلقة
انتي للبحر صرتي شريكي --- والمركب عا صدرك طفل ملقى
وهوي شعر صافي ما سقيكي --- لأنو منشّف من الشعر خلقة
وانا يا منابر الكلمة نبيكي --- وكلماتي بإدن الشمس حلقة
متلي مين إلهامو عطيكي --- وبحفلاتك شدا وغنى وألقى
يا براهيم يا لوزي فريكي --- يا طير عليك مستغبن الطلقة
ان كنت خاتم ذهب فادي سبيكي --- ان كنت مشهد انا رح كون حلقة
انتحر ليلك عا صوت صياح ديكي --- وإذا بتعلق على القطب الشمالي
أهونلك ما تعلق هيك علقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
سليمان
المدير العام
avatar

عدد الرسائل : 2708
تاريخ التسجيل : 13/03/2008

مُساهمةموضوع: رد: تحدي راس السنة-إبراهيم ياسين و فادي فياض   الأحد ديسمبر 27, 2009 11:47 am


يا فادي ليش تقّلت المعاني***وأبو المنطاد خليتو يعاني

على ابراهيم ما بفزع لأنو***شاعر رب ملكوت الغناني

واذا شوط التحدي خاب ظنّو***بموقع شعرنا عنّا ضماني

وكلما تنين عا المنبر يغنّوا***كأنو الغيم عم يشلح عياني

افتتح برهوم قلنا بان سنّو***لأنو كان كاشش بالقراني

وصدق.. سمعت فادي قال عنّو***متل شي سد قرعوني بمتاني

ويا شعّار المواقع هون هنّوا***صدا كلمات شعر العنفواني

وأبن ياسين بالموقع كأنو***سد محقون بقوافي جميلة

وبحيرة شعر بالموقع ملاني



حلوووووووووو يا فادي ولك يا زلمي شو في بيناتكون ابراهيم افتتاحية عرمرمية
وانتي رديت الكيل كيلين شو صاير فهمونا هههههههههههههههههههههههه

ابراهيم طلب خاص منك لا ترحم ولا تساير هههههههههه هدي يا فادي تا شوف

بحر الزجل\
بو شربل

من الشعراء رجاء لا تعليق من دون شعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://slayman14.almountadayat.com
7arf
مشرف
مشرف
avatar

عدد الرسائل : 519
تاريخ التسجيل : 15/03/2008

مُساهمةموضوع: رد: تحدي راس السنة-إبراهيم ياسين و فادي فياض   الأحد ديسمبر 27, 2009 1:04 pm



ياعيني ع التحدي واعتبارو = كلما بمنتدى الأخوي تـبــــــــاروا
بعنف انكان بيـعبـي مـــراقي = ونسور 2 بألإجواء طــــــــــاروا

واذا سلم الشعر كرهو رفاقي = ودلق شهد التحدي من جــــــرارو
حرب الشعــــر بيزيد التلاقي = ع مرجو النعص زايد اخضرارو

لمسنا بشعركـــن تفكير راقي = كواكب ماحــــــــــدا غيّر مسـارو
وطلب بيضل ياسليمان باقي = صفحـــــــــــة تفتـّـح نعلـّق عليـها
حتى الشعر ماننزع حوارو

=================
ياويلي عليكن ما احلاكن بتمنى تطقوا بعضكن ع الثقيل
ههههههههههههههههههههههه وكل عركة وكل عام
وكل عيد وانتوا بخير
وبتمنالكن التوفيق ومتابعينكن

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الأحد ديسمبر 27, 2009 5:59 pm

يا شعر اسكب حالك بجرن النهيد----ولو اطلبتني خلّي العمادة عالعميد

و فادي.. عدا ميلاد فادينا المجيد----ما فيك تستعطف رياحي بيوم عيد

بالإفتتاح سمعت شعرك و النشيد----و أول قصيد قشعت كان أوّل وريد

و تاني وريد بختمة الشوط العنيد----بعدو خمس ردات عن دربك بعيد

من هيك تا سيف المعنّى حاملو----كرمال إدبح "للقصيد من القصيد"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الإثنين ديسمبر 28, 2009 6:59 pm

حتى ما تدبح حلمك بجنب الكبار --- عيف الدبح للملحمي وحدّي سهار
قلب الأمومة بيدبحو مدرج مطار --- وجفت الأنانيي دبح حلم الكنار
وطلّع معي عالقدس عا تراب الوقار --- رصاص الغدر ياما دبح ضحك الزغار
شعرك القاسي سيف للإرهاب صار --- بزنود بو سياف آخرة النهار
وشعري ندرتو للإبا والعاطفي--- عا مكتبة محمود درويش ونزار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الإثنين ديسمبر 28, 2009 8:11 pm

مين اللّي قلّك هون عم إدبح قتيل؟----عم إدبح الصخرة تاوعّي السلسبيل

و متل البرق بالجو تا إروي الغليل----بدبح الغيمة تاالمطر منها يسيل

و محمود درويش و نزار المش قليل----دبحو شفافن تاالشعر نقّط تقيل

و معهن إجا روكز سبق جيلو بجيل----و راح و تركلي السيف مع كنوة خليل

حتى إجاني كبش محرز بالزجل----يمرق على شفرة ابراهيم الخليل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الثلاثاء ديسمبر 29, 2009 5:41 am

تا يضل فيك تطير يا طير الحمام --- جناح النسر ما تحملوا بتوقع قوام
وكبش الفدا رح كون مع كل العظام--- تا جيب لبلادي المجد والإحترام
ومحمود درويش ونزار بهالمقام --- وروكز بحبر قلام نادوا بالسلام
وانت يا مسلح بشفرات الحسام --- وملثّم وعا خصرك الإرهاب نام
جرحت السلام بشرقنا لكن انا --- قطّبت جرح الشرق بحروف القلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الثلاثاء ديسمبر 29, 2009 4:57 pm

مش كل دبح يعني خراب و كركبة----شوباك للإرهاب ماشي دبدبة

لوما اندبح نصين موج الشقلبة----كيف بسلامة قطّعو موسى النبي؟

و لوما اندبح خندق بصحرا اليعربي----ما انحقنت الدمّات بعد التجربة

ولوما أنا بحدّ القلم و الموهبة----إفتح نزيف الحبر جوّا المكتبة

و خد الورق أخدش بكسرة طيّبة----و يسيل جرح السطر كلمة معذّبة

كان المحّي قطّب وراقك كلّها----و عا منبرك ضلّيت شفّة مقطّبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الخميس ديسمبر 31, 2009 11:22 am

رح كون شفي مقطبي بأسوأ ظروف --- وبقطّب عيوني وشعرك ما بشوف
الخندق جرح بترابنا الغالي العطوف --- اغتال بحرب لبنان عشرات الألوف
ومش انت عم تنزف على الورقة حروف --- حد القلم مامور للفكر الشغوف
خليك عالموضوعنا وبالعمق طوف - بين القلام وبين شفرات السيوف
بتصغي السيوف بإيد فرسان الزمن ---- لما القلم يحكي بإيد الفيلسوف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الجمعة يناير 01, 2010 8:42 am

هلّق يا ابن فيّاض ضيّعت الورى----و رجعت عن موضوعنا فشخة لْورا

قلام و سُيوف و فيلسوف المقدرا----شو الفضل للتقطيب دخلك يا ترى؟

تأمّل بعقل الفيلسوف اللي اهترى----كم خندق بخندق لحفظ الذاكرة

و كل ما عابالو تطلّ فكرة معطّرة----تروح و تجي و تشقّ حفرة ضغيّرة

لكن دماغك تحت عدسة مكبّرة----مالس مقطّب متل شي إنّو انشرى

و ما كان مدرّب للرياضة عيّنوك----لوما دماغك عن الطابة مسطرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الجمعة يناير 01, 2010 10:38 am

عا منبري يا بو فكار متلّجي--- كتار اللي طلعوا وما حدا منهن نجي
ولو عارفك بتضيع منّك حربجي --- الموضوع ببعتلك بإيد البوسطجي
بروح الرياضيي وبإبرة منهجي --- جرح الأنانيي قطبت بالأمزجي
دماغي تا صار من العقول المنتجي --- قطّب خلايا الذاكرة بالانسجي
لكن دماغك بالإعاقة المحرجي ----من كتر ما حاوي خنادق مزعجي
بحكم المسافي من دماغك للشفاف --- بدها ربع ساعة الكلمة تا تجي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الجمعة يناير 01, 2010 4:51 pm

لوما الجراحة يا عديم الفهمنة----ما تعرّفو عالأنسجة بالهيّنة

و عن ربع ساعة كلمتي لا تهتّني----هودي تلات خمسات إلها معيّنة

خمسة تا شقّت منجم بلا مْعاينة----و خمسة تا لمّت تبر بترابو هني

وخمسة تاتوصل بالدراري مزيّنة----وتوقف و ترمي حالها بوجّ الدني

لكن انت ما فيك كلمة ملوّنة----تحفر بعقلك خلف درّة مبطّنة

ما فيك غير خيّاط تايستر عليك----نازل براسك درز من عمرك سنة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   السبت يناير 02, 2010 1:54 pm

ما في جراحة من الطبيب بتنطلب --- لوما بعد منها الجروح بتنقطب
بعّد معي بجو البلاغة والأدب --- ولا تضل ملهي بجمجمي وطابي ولعب
غصون العريشي تداخلوا ووين العجب --- يتقطبوا تا تلوّح حبوب العنب
ولوما الحروف تقطبوا بعد التعب ---كيف الشعر فوق السطور بينكتب
وسمرا الحلاها للنظر خمرة انسكب ---شعلوا القطب ببلوز عالصدر التهب
وحتى الدهب يسبح ما بين الضفتين --- بيتقطبوا حلقات سنسال الدهب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
Ibrahim
الشيخ
avatar

ذكر
عدد الرسائل : 81
العمر : 33
العمل/الترفيه : شعر و سهر
المزاج : متل الليرة
تاريخ التسجيل : 07/04/2008

مُساهمةموضوع: رد: تحدي راس السنة-إبراهيم ياسين و فادي فياض   الأحد يناير 03, 2010 5:53 pm

e]]تعي يا ساكنة عيونِك عابالي----عابالي ترجعي تحنّي عابالي
ادبحيلي شوق كتّفلي يديّي----ادبحيلي عتم بشّرني بزوالي


و خيالي ال من شهر محبوس فيّي----ما بدّو غير من لحظك كفالة
ارشقي لحظِك من الغمزة الطريّة----ادبحيني و اسكبي عليكي خيالي


دبحت المحبرة بالعبقرية----سقاني الحبر عاشفافي مقالة
و تاردّ الروح للإم التقيّة---دبحت الظرف تاتطال الرسالة
و بذكر في جبل بالجاهلية----فرّقنا جنوبي عن شمالي
و تاردّ جسور عيلتنا الوفيّة----دبحتو "سهل" و عطيتو مجالي


وعاجنب السد بالضيعة الأبية----كلما سمعت طلبتني حقالي
بجي و بروح سكّة مرمرية----عامهلي بجرح ومرتاح بالي
و كلما إقشع خزانة و صبيّة----بدوب بإيدها عزم الليالي
تا هيي تشقّ درفة مخملية----و لآلي تروح و تلبّس لآلي


و على ذكر الحروف الأبجدية----يا حرف مقطّب بجملة جهالي
لوما بين كلماتي النقيّة....----إدبح، كيف رح تقرا سؤالي؟
و كلام مقطّب بصفحة غنيّة----عاباب النثر ضلّو إتكالي
و بساعة ما انشطر بالشاعرية----نزف شطر القصيد الإرتجالي


و لا تنسى يا زميل بهالقضية----انا الباب الحميتك بالوكالة
و كرامة خاطر ضيوفك عشية----فتحت ضلوع صدري لا مبالي
أنا كتابك عادفة و مزهرية----كان مقطّب يميني عاشمالي
و كيف تعرّفو عيونك عليّي----لولا ما دْبحت نصّين حالي؟


أنا زورق دبح موجة قويّة----تا إنجد مركبك من مد عالي
انا حفّار بالصحرا العتيّة----دبحت البير تا إروي عيالي
أنا بالحب نحلة عاطفية----دبحني الورد عاخدود الغوالي
رجعت بكّير عالمرجة السخيّة----دبحتو و شربت طعم العدالة


و بساحات البطولة الحربجية----متى انطلقت غزالة عا غزالة
أنا السيف العم يشطّب منيّة----تاإرجع عاكتافي نصر غالي
و مازالو بتنقصك هيكي مزيّة----إنت خلّيك طلطل عالأهالي
و بإيدك إحمل القطبة الخفيّة----لإنك مع رجالي ما بتقدر
غير تمرّ و تقطّب رجالي
[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.balamand.edu.lb
هيفاء العنداري
البيكة
avatar

انثى
عدد الرسائل : 54
العمل/الترفيه : الشعر
المزاج : عال
تاريخ التسجيل : 22/03/2009

مُساهمةموضوع: رد: تحدي راس السنة-إبراهيم ياسين و فادي فياض   الإثنين يناير 04, 2010 12:26 pm

حلو شباب حلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?#/group.php?gid=2229476199
fadi fayad
البيك


ذكر
عدد الرسائل : 71
العمر : 40
العمل/الترفيه : teacher
المزاج : good
تاريخ التسجيل : 14/09/2008

مُساهمةموضوع: رد: تحدي راس السنة-إبراهيم ياسين و فادي فياض   الأربعاء يناير 06, 2010 1:24 pm

تعو يا سنين عمري توجوني --- عا خشبة منبري وتا تنصفوني
قطبوا النجمات بالتوب المقصب --- قبلما العرش توبو تلبسّوني
يا بن ياسين عا جمري تقلّب --- انت مش أشعر من البارزوني
انت شلال بتعيط وتتعب --- وانا البحر الوقاري من سكوني
قلت عن سكة الزرع المخصّب --- بتدبح هالتراب بلا ليوني
لوما الزرع بترابو تقطب --- بخيط الشلش ما بيعطيك موني
وقلت الشعر بالبيت المهذب --- اندبح نصين بقصايد مصوني
هودي متل غصنين وما بعتب --- إذا بيتفرقوا بشجرة فنوني
ما زال تقطبوا بجذع المأهب --- تا وراق المعاني ظللوني
بجوني وبحريصا السحر دبدب --- وما كنت بتقشعوا بمنظر جنوني
لوما هالتلفريك المحبب --- انقطب ما بين حريصا وبين جوني
وحتى النبع عالتلي ما ينضب --- جبت إبرة الريح بلا معوني
وقطبت الغيم لما الصيف سرب --- ومع الفلاح تا أوفي ديوني
وتا خلي موسمو أغزر وأطيب --- شفاف الأرض صاروا يشربوني
انا بالعود حتى الناس تطرب --- وتر بخشاب عودي قطبوني
عند ما ريشتي مني بتقرب --- بحرّككن بعد ما تحركوني
انا بنيسان بالمرج المشبشب --- شرشف أخضر بيستنظروني
وحتى العطر بالشرشف تذوّب --- زهر عا شرشفي بيطرزوني
انا خياط فيي الذوق معجب --- وخصور الصبايا بيعرفوني
بعرّي خصور كلما الصيف شوّب --- وعليهن بالشتي خيوطي حنوني
وانت يا دابح الطفل المعذب --- بغزة بإيد حقدك والرعوني
ودبحت الشيخ والخوري المهيّب --- بعراق العز تا تخيّب ظنوني
تعوا يا اهل هالشرق المعرّب --- اسمعوني ومن بعد ما تسمعوني
قطبوا حدود الدول تا تصير ملعب --- حضارتنا اللي هدّتها الصخوني
قطبوا اعلامها تا تصير مضرب --- متل للإتحاد وريحوني
قطبوا تاريخنا تا نصير نشرب --- نخب وحدة عروبتنا المصوني
وإذا بقينا رهينة سيف شطّب --- وبوج الأجنبي خضوع وليوني
بخاف النخل والأرز المطوب --- تمر العولمة بلمسة يديها
تحوّلهن لدفلة وزيزفوني

يعطيك العافية عميد وكل حوار وانت بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com
 
تحدي راس السنة-إبراهيم ياسين و فادي فياض
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى برحليون للزجل أللبناني :: الرئيسية :: ألزجل و أشعر المحكي :: المحاورات الزجلية-
انتقل الى: